აკრძალულია რომელიმე ფოტოს ან ტექსტის შეუთანხმებლად სხვაგან გამოქვეყნება!!!

16.12.2009. ნინი ბადურაშვილი “სოლოსთვის” მოიცლის

მას შემდეგ, რაც ქართულ რეალობაში გაჩნდა რუსეთ-საქართველოს ომი, შარშანდელი აგვისტოს მოვლენები ქართველი მუსიკოსების ერთგვარ მუზადაც იქცა. სცენაზე გამოჩნდა “სტეფანეს და სამი გოგოს” (სტეფანე მღებრიშვილი, თაკო გაჩეჩილაძე, ნინი ბადურაშვილი, ქრისტინა იმედაძე) საკმაოდ სკანდალური პროექტი, რომელიც შარშან რუსეთში გამართულ “ევროვიზიაზე” პოლიტიკური მოსაზრებების გამო არ დაუშვეს, თუმცა “ვივო ნოვა პუტინ”-მა თავისი საქმე ისედაც გააკეთა, რადგან პოლიტიკურმა მესიჯმა მთელი ევროპა მოიარა, თუმცა. . . მაგალითად ერთ-ერთი ყველაზე პროდუქტიული მომღერალი (დანარჩენ გოგონებთან შედარებით) როგორც სოლო-მომღერალი, - აბსოლუტურად დაიკარგა. “სამი გოგოს” პროექტმა მსმენელს დაავიწყა ნინის სიმღერები, რაც შესაბამისად შეუმჩნეველი არ დარჩენილა და ნინის დედამ მსახიობმა ეკა კახიანმაც ეს ადვილად იგრძნო. პრესასთან საუბრისას ის აცხადებს, რომ ნინი უნდა მოემზადოს სოლო-კონცერტის გასამართავად და ეს საკმაოდ სერიოზული ნაბიჯია, თუ მისი სოლო-გამოსვლა ფილარმონიაში არ მოხერხდა (სხვა თუ არაფერი, მისი დაქირავებაც კი, კოლოსალური თანხა 15.000 ლარი ღირს), მაშინ მუსიკისა და დრამის თეატრი “პლეხანოვზე” ამისთვის აშკარად მისაღები ადგილია, რადგან ცოცხალ ბენდთან ერთად ჩაატარებულ სოლო-კონცერტს თავისი ხიბლი ექნება (თუმცა უკვე ცნობილია, რომ ახალი წლის შემდეგ “სტეფანეს და სამი გოგოს” ჯგუფი მათი ახალი 12 სიმღერიანი ალბომის მხარდასაჭერად და სარეკლამოდ მიემგზავრებიან ევროპაში). ნინი ბადურაშვილის და დათო გომართელის ჯაზურმა დუეტმა მსმენელში დიდი მოწონება დაიმსახურა და სავარაუდოა, რომ ნინის ახალ სიმღერებს მსმენელი მოთმინებით დაელოდება და მიიღებს.

15.12.2009. ნიკა გელაშვილი ნიუ–იორკშიDJ გახდა

როგორც იცით ქართველი მუსიკოსი და პროდიუსერი ნიკა გელაშვილი ამერიკის შეერთებულ შტატებში მოღვაწეობს. მუსიკის, საპროდიუსერო საქმის და რადიო "გელანის" გარდა ნიკა ეხლა უკვე DJ გახდა. 21 ნოემბერს ნიუ–იორკის ერთ–ერთ საუკეთესო კლუბში WEBSTER HALL მისი დებიუტიც შედგა. "3 წელია რაც პროდიუსერად და პრომოუტერად ვმუშაობ ნიუ–იორკის სხვადასხვა ღამის კლუბებში, ვმუშოაბ ისეთ ცნობილ დიჯეებთან როგორიცა: MIKE CHACH, DJ TENGO, CHARLES LIMA და სხვები... რამოდენიმე თვის უკან გადავწყვიტე მე თვითონ დამეწყო დაკვრა. სტილი HOUSE მუსიკა, ელექტრო და პროგრესიული, ხანდახან "მინიმალსაც" ვუკრავ. კლუბი სადაც პირველად დაუკარი ეს WEBSTER HALL იყო. შეგახსენებთ ეს ღამის კლუბი 19 საუკუნიდან მუშაობას და ნიუ–იორკში ყველაზე დიდ და საუკეთესო კლუბად ითვლება. როგორც უკვე იცით რამოდენიმე დღის უკან ტელე–იმედზე, გადაცემა "ჟურნალისტის დღიურში" გავიდა რეპორტაჟი ჩვენი საქმიანობის შესახებ. ამის შემდეგ ძალიან ბევრი წერილები მივიღეთ საქართველოდან. გადავწვიტეთ საქართველოში ჩამოსვლა და შოუების ჩატარება... ამ ეტპაზე მიმდინარეობს მოლაპარაკებები. მინდა დიდი მადლობა გადაუხადო ყველას თანადგომისთვის... ნიკას Dჟ ოფიციალური უკვე გახსნილია და შეგიძლიათ ეწვიოთ: WWW.DJNIKA.COM

12.12.2009. “რაც ყველაზე ძალიან გიყვარს-2”

ქართულ კინო-ინდუსტრიაში, რომ რაღაც პოზიტიური ხდება, ამას ყველა შეამჩნევდა. კინო-თეატრებში ერთიმეორის მიყოლებით, უამრავი ახალი ქართული ფილმი გამოდის, კეთდება ახალი ქართული სერიალები და რაც ყველაზე სასიამოვნოდ გასაკვირია - ეს ყველაფერი, გემოვნებასთან მწყრალადაც აღარაა. ფილმებს და სერიალებს ქართველი მაყურებელი მოუთმენლად ელის, უცქერს და აფასებს. 25 დეკემბერს კი, კინო-თეატრებში, კომედიური ჟანრის ქართული მხატვრული ფილმის “რაც ყველაზე ძალიან გიყვარს” მეორე სერია გამოდის . ფილმის პირველმა ნაწილმა წინა წელს, მაყურებელთა დასწრების აბსოლუტურად ყველა რეკორდი მოხსნა და ალბათ ფილმის რეჟისორი და მსახიობები სხვას არც არაფერს მოელოდნენ, რადგან საქართველოში კომედიის, იუმორის და შესაბამისად სიცილის დიდი დეფიციტია, ამიტომ გასაკვირიც არ უნდა ყოფილიყო ეს რეკორდი, ისე როგორც არასოდეს იქნება გასაკვირი ასევე ჯანსაღი იუმორით გაჟღენთილი მუსიკალური პროექტის “იუმორინას” წარმატება. ახალ ფილმში, ტელე-კომპანია “რუსთავი 2”-ის სერიალის “ჩვენი ოფისის” მსახიობები, კვლავ უამრავ იდიოტურ სიტუაცაიში ეხვევიან, ძირითადი სიუჟეტი კი, რომელზეც ფილმია აგებული ისაა, რომ მთავარი მომქმედი გმირებიდან ორ ქალბატონს, ახალდაბადებული შვილები ერთმანეთში აერევათ და მთელი ფილმის მანძილზე იმის გარკვევაში არიან, რომელი რომლისაა. “რაც ყველაზე ძალიან გვიყვარს 2” - 25 დეკემბერს წარსდგება პრემიერით, ხოლო რატი რამიშვილის რეჟისორობით გადაღებული ფილმის კოლექტივი, იმედოვნებს რომ მეორე სერია პირველის რეკორდს გააუმჯობესებს.

08.12.2009. 12 დეკემბერს მე-10 “მეგას” დაჯილდოების ცერემონიალი იმართება

მიუხედავად იმისა, რომ თანამედროვე ქართული შოუ-ბიზნესი კომატოზურ მდგომარეობაში იმყოფება და აპარატზე მიერთებული ძლივსღა სუნთქავს, 1999 წელს დაარსებულ საქართველოს მუსიკალური დაჯილდოების “მეგას” ცერემონიალს, რომელიც რაც არ უნდა გასაოცარი იყოს, აგერ უკვე ათი წელიწადია ტარდება თბილისში, - მაინც იმართება. იყო დრო, საქართველოში შვიდი სხვადასხვა დასახელების მუსიკალური დაჯილდოების ცერემონიალი არსებობდა, მაგრამ როგორც ჩანს დროს მათგან მხოლოდ ერთმა – “მეგამ” გაუძლო. ჩვენთან საუბარში მისი დამაარსებელი ჟურნალისტი ბესო ჩუბინიძე აცხადებს - მთავარი იმ საქმის სიყვარულია რასაც აკეთებ და მხოლოდ ამის მერე ყველაფერი დანარჩენი, საქართველოში 10 მომღერალიც რომ დარჩეს, მათი და კიდევ 10 ახალის სტიმულის ასამაღლებლად “მეგა” ყოველთვის ჩატარდება. როგორც გავიგეთ წელს ცერემონიალი მოზარდ მაყურებელთა თეატრში გაიმართება და არა ტრადიციულად ფილარმონიაში, ტრადიციული წითელი ხალიჩებისა და ფეშენებელური სამანქანო ექსკორტების თანხლებით, რაც თავისთავად ეკონომიური კრიზის ბრალია, თანაც “მეგას” არასოდეს სახელმწიფო ხელშეწყობა არ ქონია - მათ სხვა უფრო ფეშენ-აქციები აქვთ დასაფინანსებელი და ქართული შოუ-ბიზნესის დესანტი ხელისუფლებაში ნინა წკრიალაშვილის, ნეკა სებისკვერაძის და ნუგზარ ერგემლიძის სახით ჩვენს შემთხვევაში უსარგებლო აღმოჩნდა, - აცხადებს ბესო ჩუბინიძე. შინაარსობრივად კი, კვლავ არაფერი შეცვლილა “მეგაზე”, ისევ იქნება პოზიტიური ნომინაციები, და რათქმაუნდა ე.წ. “ჟოლოს მეგა”-ს დარიგდება, საინტერესოა რომ წელს პირველად გამოვლინდება “წლის ყველაზე სასირცხვილო ჰიტის” შემსრულებელი, არადა რამდენი იქნება ამ ნომინაციის პრედენტენტი, ჩვენი თანამედროვე ჰიტების გადამკიდე :) საინტერესოა კიდევ ერთი ფაქტი – წელს მე-10 “მეგაზე” ათი წლის განმავლობაში არსებულ ასე თუ ისე შემორჩენილ და ჰიტებად ქცეულ სიმღერებსაც გამოავლენენ და დააჯილდოებენ. მოკლედ, 12 დეკემბერს “მეგაზე” ტრადიციული სკანდალების მომსწრენი გავხდებით.

07.12.2009. ზალიკო ბერგერის აქსესუარების ჩვენება კლუბ “გურუში”

ორიოდ დღის უკან, დიზაინერმა ზალიკო ბერგერმა კლუბ “გურუში” თავისი ახალი აქსესუარებსი ჩვენება მოაწყო და ამაში სააგენტო “ადიტის” და დამოუკიდებელი მოდელები დაიხმარა. (სხვათაშორის ჩვენებაში მონაწილეობას ღებულობდა “მის-ვარსკვლავები-4”-ს ტიტულის მფლობელი თაკო ჯღარკავაც). დაახლოებით ორსაათიანი (!) ლოდინის შემდეგ, გაბეზრებული და ერთმანეთთან ჭორაობაში უკვე ენადაღლილი სტუმრები, დაშლას აპირებდნენ და ჩვენებაც მაშინ დაიწყო :) (ეს ალბათ იმისთვის გაკეთდა, რომ კლუბის ბარს აქტიურად ემუშავა გამაგრილებელ სასმელებზე და კოქტეილებზე). ჩვენებას ზალიკოს ბიძაშვილი - მომღერალი ზურა ხაჩიძე მეუღლესთან ხათუნა ჟორდანიასთან ერთად ესწრებოდა), იქვე იყვნენ ქართული ესტრადის სხვა მომღერლებიც, ზოგიერთმა ჩვენების დამთავრების შემდეგ რამდენიმე სიმღერაც შეასრულა.

04.12.2009. კიდევ ერთი ახალი სახე - სოფო თევზაძე რუსეთიდან

რაც პირველ რიგში სასიამოვნოა ამ ცნობაში, ისაა რომ რუსეთიდან საქართველოში გადმობარგდა (სრული ამ სიტყვის მნიშვნელობით) 24 წლის, ახალგაზრდა, ძალიან ლამაზი ქართველი გოგონა, მომღერალი - სოფო თევზაძე, რომელიც მამით ქართველი და დედით რუსია, მიუხედავად იმისა, რომ სოფო ქართულად ჯერ თამამად ვერ საუბრობს, ფაქტია, რომ - მონდომებულია და გამოსდის, ნელ-ნელა :) რამდენიმე დღის უკან, სოფომ საქართველოში დახურული ტიპის საღამოზე ახალი კლიპის პრეზენტაცია გამართა, რომელიც გიგა კუხიანიძის სტუდიაში დამზადდა, ამ უკანასკნელმა აიღო საკუთარ თავზე ულამაზესი ქალბატონის პროდუსერობა და შესაბამისად მასზეა დამოკიდებული სოფოს ქართულ შოუ-ბიზნესში დამკვიდრებაც. პრეზენტაცია რესტორან “მეიდანში” გაიმართა, რომლის წამყვანობაც ჟურნალისტმა ლიზა ვადაჭკორიამ შეითავსა და რომელიც მომღერლის პიარზე აქტიურად ზრუნავდა დამსწრე ჟურნალისტებთან. საღამოს ქართული ესტრადის მომღერლებიც ესწრებოდნენ - გიგა კუხიანიძის მეუღლე ნინო ძოწენიძე, ძმა - კახა კუხიანიძე, მეგობრები - თამთა ჭელიძე, ვერიკო ტურაშვილი, ჯაბა ქარსელაძე, რატი დურგლიშვილი და სხვები. ტრადიციული მილოცვების შემდეგ “მეიდანში” ასევე ქართული ტრადიციული ქეიფი გაიმართა. რაც შეეხება კონკრეტულად სოფო თევზაძის კლიპს რუსულ სიმღერაზე - “შენ უცხო ხარ” - მოკლედ შეიძლება ითქვას, რომ გიგა კუხიანიძისეული კლიპია, კომპიუტერულ გრაფიკაში დატვირთული, სასიამოვნო საყურებელი, რაშიც თავისთავად მთავარი გმირი - სასიამოვნო გოგონა სოფო თევზაძეა “დამნაშავე”. “ვარსკვლავები” ვარსკვლავად ეტაპობრივ დამკვიდრებას უსურვებს სოფოს და მას სწორი გზით სიარულს უსურვებს ქართული შოუ-ბიზნესის ლაბირინთებში.

03.12.2009. 40 წლის ლალი მაროშკინამ თბილისურად მოილხინა

ექსცენტრიული ქალბატონი, ჟურნალისტი და ახლა უკვე მწერალ-დოკუმენტალისტიც - ლალი მაროშკინა 40 წლის გახდა და ყოველგვარი ყოყმანის გარეშე საკუთარი დაბადების დღე ტრადიციულად დიდი მხიარულობის, ტაშ-ფანდურისა და მეგობრული “სხადნიაკის” ფონზე გადაიხადა, სადაც უამრავი ცნობილი სახე იმყოფებოდა, - ოპოზიციური ტელე-კომპანია “კავკასიის” ხელმძღვანელები ცოლ-ქმარი დათო აქუბარდია და ნინო ჯანგირაშვილი, მსახიობი გივი სიხარულიძე (რომელიც ლალის დაბადების დღების სუფრის მუდმივი თამადაა ხოლმე), მუსიკოსი რომა რცხილაძე, ბოლო დროს სკანდალრი ტელე-წამყვანი მარინა სალუქვაძე, ანი გიუნტერი, მარიამ ჯოლოგუა და სხვები. ლალი მაროშკინას დაბადების დღეზე მისი ექს-მეუღლეც იმყოფებოდა, რომელიც მეგობრული მიდგომით აშკარად გამოირჩეოდა თავისი ექს-მეუღლისადმი. ისიც უნდა ავღნიშნოთ, რომ ჟურნალისტმა ჩამოაყალიბა ახალი კრეატიული კომპანია “მაროშკინა და პარტნიორები” (რა უცნაური სახელია) და პირველ ღონისძიებას 31 დეკემბრის ღამეს შესთავაზებს თბილისელებს “თბილისის ზღვაზე” ახალგახსნილ რესტორანში. “ვარსკვლავები” დიდხანს სიცოცხლეს და მუდმივ ენერგიულობას უსურვებს ლალის.

02.12.2009. ლიკა ყაზბეგის დისშვილი “მსოფლიოს დედოფლობისთვის” იბრძოლებს

3 დეკემბერს ბერლინში იმართება სილამაზის კონკურსი “მსოფლიოს დედოფალი” (რა სასიამოვნო და ხმამაღალი განაცხადია) - რომელზეც ამჯერად უმშვენიერესი გოგონა 18 წლის თათია ჯაშიაშვილი მიიღებს მონაწილეობას და როგორც ჩვენთვის ცნობილი გახდა, ის ქართული სამოდელო ბიზნესის ერთ-ერთი ყველაზე ძველი სახის - ლიკა ყაზბეგის ალალი დის შვილია. თათია პოპულარული დეიდის წყალობით რამდენიმე ჩვენებაზეც გამოსულა წარმატებულად, რაშიც უპირველეს ყოვლისა ხელს მისი გარეგნობა, მომხიბვლელობა და სექსუალურობა უწყობს, თანაც თათია გერმანიაში ცხოვრობს და პროფესიონალი ბალერინაა. სხვათაშორის წლების წინ, აღნიშნულ კონკურსზე ლიკა ყაზბეგის სამოდელო სააგენტოს მოდელმა ნათია ნებიერიძემ (ერთდროს პოპულარული გოგონათა ჯგუფ “სეთის” წევრი) “მის-ელეგანტურობის” ტიტული მოიპოვა.

27.11.2009. რეპერმა ლექს-სენმა წიგნი გამოუშვა

ერთ დროს თბილისში ქართველი რეპერების სერიოზული ბუმი იყო, კვირა არ გავიდოდა რომელიმე მათგანს ახალი კლიპი არ “შემოეგდო” მუსიკალურ ბაზარზე, რათქმაუნდა ტრადიციულად ბევრი ლამაზი გოგოთი, მაგარი მანქანებით, ბილწსიტყვაობით, არცთუ მთლად რეპული ტექსტებით, მაგრამ მაინც ამ ყველაფერს თავისი მსმენელი ყავდა, თანაც - არც ისე ცოტა. მერე გამოჩნდა ლექს-სენი და ქართული რეპის სამყაროში დიდი აურზაური გამოიწვია, საკუთარი დამოუკიდებელი კლანი ჩამოაყალიბა და დანარჩენ რეპერებსაც თამამად გაეჯიბრა, მაშინ ჯერ კიდევ მუსიკალურ პროდუსერ მამუკა ღლონტთან ერთად (რომელიც დღეს, ლამის დამოუკიდებელი პოლიტიკოსის სტატუსით სარგებლობს) და ლექს-სენი საქართველოს მუსიკალური დაჯილდოების “მეგას” ცერემონიალზე პოპულარობის გამო “წლის საუკეთესო რეპერის” სტატუსის მატარებელიც გახდა. ამჟამად კი, რეპერმა ვიდეოსტუდია გააკეთა, ჯგუფი ჩამოაყალიბა და ცოტა უცნაური სახელი “მე და ჩემი პროდუსერი” უწოდა, კლიპის გადაღებაც დასასრულს უახლოვდება და საინტერესოა რა გამოვა საბოლოო ჯამში. პარალელურად ლექს-სენმა (ლექსო ქავთარაძე) პირველი პოეტური კრებულიც გამოუშვა და წიგნად შეკრა თავისი ლექსები, სათაურად კი “მგელი პოეტი - 18 ივლისი” უწოდა (ეს, მისი დაბადების დღეა). რეპერი ახლახანს დაბრუნდა უკრაინიდან, სადაც კარგად დაპიარებული და გათვლილი პროექტი იქაურ ჯგუფებთან ერთად პოლიტიკურად გამწვავებული სიტუაციის გამო ჩაეშალა, თუმცა ის არ კარგავს იმედს და მომავლსაც პოზიტიურად უყურებს.

15.11.2009. “ქუჩის ბიჭები” დიდი რუსეთისკენ ილტვიან

ქართულ პრესაში გავრცელდა ინფორმაცია, რომ ქეთა თოფურიამ, საქართველოში ერთ დროს უპოპულარესი ჯგუფის “ქუჩის ბიჭები”-ს წევრებს მოსკოვში სამუშაოდ გადასვლა შესთავაზა და და თითქოს მათი რეალურად იქ გადაყვანისთვისაც ემზადებაო , რაც როგორც მინიმუმი არასწორი ინფორმაციაა. მიუხედავად იმისა, რომ ქეთა და ჯგუფის წევრები მართლა ძალიან დიდი ხნის მეგობრები არიან, ამ შემთხვევაში თავად ბიჭები ფიქრობენ (!) თავიანთი მუსიკალური პოტენციალი მოსკოვში გამოიყენონ და ყველაფერი თავიდან დაიწყონ, თუნდაც ბარებსა და კლუბებში სიმღერით, რადგან არცერთ მათგანს იმის ილუზია არ აქვს, რომ მოსკოვი ისევე ადვილად მიიღებს მათ, როგორც თბილისმა უმასპინძლა თავის დროზე! სხვა თუ არაფერი, ისინი ქართველები არიან და მოსკოვში კი, ცალი ფეხის, ცალი თითი მაინც, რომ შეყო შოუ-ბიზნესის სამზარეულოში, დიდძალი ფულია საჭირო. თუმცა ზურა ხაჩიძე აცხადებს, რომ - ჯგუფის წევრები რეალურად ფიქრობენ ამ ნაბიჯის გადადგმაზე, რადგან მათ უბრალოდ საქართველოში მუსიკალური გასაქანი აღარ აქვთ.

14.11.2009. ოქიტაშვილი წავიდა, ბერიძე მოვიდა

ყველსთვის მოულოდნელად ქართული შოუ-ბიზნესის სამთავრობო ხაზის მთავარი მამოძრავებელი ძალა, უამრავი პროექტის, შესაბამისად უამრავი სკანდალის ობიექტი, ექსცენტრიული პიროვნება - დათო ოქიტაშვილი თანამდებობიდან რამდენიმე დღის წინ საკუთარი (!) ნებით გადადგა და ამის ოფიციალურ მიზეზად, მან ფილარმონიაში გამართული “რივერდანსის” სკანდალური კონცერტი დაასახელა (გავრცელებული ინფორმაციის თანახმად “რივერდანსის” ნაცვლად იქ “სხვა ვიღაცეები” ცეკვავდნენ), თუმცა ნაკლებად სავარაუდოა, რომ მერიის კულტურის სამსახურის ღონისძიებათა მოწყობის დეპარტამენტის უფროსს არ სცოდნოდა ვინ ჩამოყავდა და ვინ არა, რადგან მას ამაში არც გამოცდილება აკლდა და არც მდიდარი წარსული. ოქიტაშვილის ადგილი კი, რამდენიმე დღეში ასევე სკანდალურად ცნობილმა მარინა ბერიძემ დაიკავა (რომელიც ასევე ცნობილია თავისი ხანდახან ზედმეტი ექსცენტრიულობის გამო), ქალბატონი მარინა წლების წინ სწორედ იმ კომპანიის ხელმძღვანელი იყო, რომელმაც ქართული თანამედროვე შოუ-ბიზნესის დანგრევა დაიწყო (ჩვენი შეხედულებით) და რომელიც ცხონებულმა ბადრი პატარკაციშვილმა “არტ-იმედად” მონათლა, ამჯერად კი მარინა ბერიძე ერთ-ერთი სახელმწიფო არხის (!) “რუსთავი-2”-ს მუსიკალური ხელმძღვანელია, ისიც გასათვალისწინებელია, რომ დათო ოქიტაშვილს, ბოლო წლებში ხშირად დებდნენ ხოლმე ბრალს “ოპოზიციონერობაში”. საუბარი იყო ოქიტაშვილის ადგილზე ღირსების ორდენის კავალერის (არანაკლებ სკანდალური პერსონის) ნინა წკრილაშვილის დანიშვნაზეც, მაგრამ ვიღაცა ჭკვიანმა ზემოთ, დროულად გათვალა, რომ ეს ხალხში დამატებით აგრესიას გამოიწვევდა ხელისუფლების კულტურის პოლიტიკისადმი და გადაწყვეტილება მარინა ბერიძის სასარგებლოდ შეცვალეს. შეგახსენებთ, რომ მარინა ბერიძე საქართველოს მუსიკალური დაჯილდოების “მეგას” მე-7 ცერემონიალზე დაჯილდოებულია ე.წ. “ყანჩელის პროექტის” წარმატებული რეალიზებისთვის. დათო ოქიტაშვილი კი, ახალ საპროდუსერო კომპანიას აყალიბებს და კვლავ აგრძელებს საქმიანობას ამ ბიზნესში, უახლოეს პერიოდში ის საქართველოში სტინგის ჩამოყვანასაც გეგმას, მანამდე კი, მის მიერვე დაპატენტებულ “ხელოვანთა ვარსკვლავების” გახსნას კვლავ გააგრძელებს.

13.11.2009. დათო ხუჯაძე მამა გახდა

ქართველი მომღერლის ცხოვრებაში შემოქმედებით სიახლესთან ერთად, ცხოვრებისეული მატებაცაა - ქვეყანას ერთი კვირის წინ ხუჯაძის შვილი, - პატარა გოგონა მოევლინა, რომელიც 3.5 კილო და 51 სმ. დაიბადა, სრულიად ჯანმრთელი, საღსამალათი და ლამაზი, რასაც შესაბამისად ვულოცავთ დათოს და მის მეუღლეს ნათია ონიანს, რომლის გამოჩენაც მასთან ქორწინების 5 წლის მანძილზე, არცერთხელ არ მოუნდომებია სახალხოდ. რაც შეეხება შემოქმედებით მატებას: - ხუჯაძე შეერთებულ შტატებში მუსიკალურ დაჯილდოების ცერემონიალზე “დიდი ვაშლი” (?) გაემგზავრა, რაც ჩვეულებრივი მოვლენაა, მაგრამ საინტერესო ისაა, რომ ის, ამერიკაში ერთდროულად რუსეთისა და საქართველოს სახელით გამოვა (რაც უპრეცედენტო შემთხვევაა), დათო ამ ფესტივალზე ორ სიმღერას “ჯანაიას” და “მახინჯი ვარ” წარადგენს, სავარაუდოდ პირველს რუსეთის სახელით, მეორეს - საქართველოს. სამწუხაროდ, ჯერ-ჯერობით ამ ფესტივალის შესახებ დაწვრილებითი ინფორმაცია ინტერნეტში ვერ მოვიძიეთ, მაგრამ როგორც ცნობილი გახდა, 22 ნომინაციაში უნდა გამოავლინონ გამარჯვებულები, რა ტიტულის მფლობელი და რაც მთავარია, რომელი ქვეყნის სახელით, გახდება საქართველოს მუსიკალური დაჯილდოების “მეგას” ცერემონიალის მრავალგზის ნომინანტი - დათო ხუჯაძე, ამას მოგვიანებით შეგატყობინებთ!

6.11.2009. აჩიკო მეფარიძემ საქართველოს კიდევ ერთხელ უთხრა – “მშვიდობით”-ო

ქართული ესტრადის ერთ-ერთი ყველაზე პოპულარული და სკანდალური ვარსკვლავი აჩიკო მეფარიძე ორი წელიწადია მოსკოვში ცდილობს თავისი შემოქმედებითი ნიჭის რეალიზებას და რამდენადაც გასაკვრი არ უნდა იყოს, თბილისში “პოპ-მუსიკის” მიმდევრად აღიარებულ მეფარიძეს, მოსკოვში “ჯაზის-კაცის” სახელი აქვს, როგორ აჯაზებს მომღერალი ჯაზს მოსკოვში ერთი შეხედვით არცისე რთული გასაგებია, რადგან რუსები ამ მაღალი მუსიკალური მიმდინარეობის ნაკლებ მიმდევრები არიან, თუმცა ლარისა დოლინასთვის ამას სულაც არ შეუშლია ხელი, რომ აჩიკო მეფარიძესთან ერთი ლამაზი დუეტი ჩაეწერა. მომღერალი ცოტახნის წინ საქართველოში სტუმრად (!) იყო ჩამოსული და ერთი კვირაა ისევ მოსკოვში დაბრუნდა, არც ხმამაღალ განცხადებებს აკეთებს და არც თავს აპიარებს, რომ რუსული ესტრადის ვარსკვლავობაზე აქვს პრეტენზია (ის უკვე მორჩენილი ამბავია, რომ რუსეთში 2008 წლის 8 აგვისტოს შემდეგ ქართველი, - ვარსკვლავი ვეღარასოდეს გახდება და ვარსკვლავებად დარჩებიან ისინი, ვინც აქამდე მოასწრო დამკვიდრება მოსკოვის მეგაპოლისში). სხვათაშორის აჩიკო მეფარიძე არ მალავს, რომ ესტრადიდან წასვლის შემდეგ თავის ძველ, სამედიცინო საქმიანობას დაუბრუნდეს და პლასტიკური ქირურგიის კლინიკის გახსნასაც კი, ფიქრობს (რაც რუსეთში საკმაოზე მეტად დიდი ფულის შოვნის პირდაპირპროპორციულია). შემოქმედებითი კუთხით, კი გაცნობებთ, რომ აჩიკომ უკვე ჩაწერა ერთი “ჯაზ-ალმობი” რომელსაც ჯერ-ჯერობით საქართველოში კონცერტების არარსებობის გამო ვერ აჯაზებს, მოსკოვში რა ხდება – რას გაიგებ?!

5.11.2009. თამთა გოგუაძე მსოფლიოს გარშემო

არა, ნუ შეშინდებით, პოპულარულ მომღერალს არც ველოსიპედით, არ იახტით და არც ლიჟებით არ გადაუწყვეტია მსოფლიოს გარშემო მოგზაურობა, მან უფრო ჰუმანური, სასიამოვნო და ერთბაშად შედეგიანი რამ - სიმღერა აირჩია. ხუმრობა იქით იყოს და თამთა გოგუაძე აგერ უკვე წელიწადზე მეტია ქორეოგრაფიულ ანსამბლ “ქართული ლეგენდა სამაიას” წევრია, რომელსაც სხვათაშორის ჩვენი ქვეყნისთვის ასე თუ ისე ცნობილი პროდუსერი პასკალ ჯორდანი ხელმძღვანელობს. გამომდინარე იქიდან, რომ ქართული შოუ-ბიზნესი ვარდივით ბოლო ოთხი-ხუთი წელია აღარ ყვავის და არც ვარდივით სასიამოვნო სურნელი ასდის, ქართველ მომღერლებს, რომ სხვა საქმის გამოჩხრეკვა მოუწია ახალი არაა, გამონაკლისებმა გზა დიდი რუსეთისკენ იპოვეს, მაგრამ თამთა გოგუაძის შემთხვევა ალბათ ყველაზე ორიგინალური გამოდგა, მან საქართველოს სახელით მოიარა ჰოლანდია, საფრანგეთი, ლიბანი, გაერთიანებული ემირატები (დუბაი), მექსიკა და დეკემბრის თვიდან კიდევ ახალი ტურნე ეწყება მსოფლიოს გარშემო, რაც თავისთავად ახალი წარმატებების გარანტია, როგორც ანსამბლის, ასევე პიროვნულად თამთა გოგუაძის, რომელიც კარგახანია ესტრადაზე აღარ გამოჩენილა.

26.10.2009. “სამ ტანცუეტ, სამ პაიოტ, სამ ბილეტი ბრადაიოტ” – ანრი ჯოხაძის მორიგი “სუპერი”

ერთ დროს სათაურში გამოტანილ ამ რუსულ ანდაზას, იმ ადამიანებზე ამბობდნენ, რომლებსაც მარტო უწევდათ ყველაფრის კეთება და ეს არცთუისე კარგ ტონად ითვლებოდა, მაგრამ დრომ ისე მოიტანა, რომ შენ საქმეში შენ თუ ყველაზე მეტად არ ჩაერიე, ვერც დაქირავებული მუშაკი, ვერც მეგობარი და ვერც ოჯახის წევრი, ისე ვერ გააკეთებს როგორც შენ გინდა, - ასე იფიქრა ანრი ჯოხაძემაც და თვითონვე ჩაუდგა სათავეში საკუთარი ახალი პროექტის განხორციელებას და ახალი სუპერ-კლიპიც გამოაცხო! გოგი ცაბაძის “თბილისო” რომ თბილისობის დღესასწაულზე უნდა გაჟღერებულიყო ეს ნოვაცია არ ყოფილა, მაგრამ წელს “განსაკუთრებული გრანდიოზულობით” იყო ყველაფერი ქალაქის ქუჩებში, რადგან ედუარდ შევარდნაძის (!) მიერ დაარსებული თბილისობის დღესასწაული 30 წლის იუბილეს ითვლიდა. ჩვენთვის ექსკლუზიურად, სანდო წყაროზე დაყრდნობით ისიც გახდა ცნობილი, რომ საუბარი იყო ამ უკვდავი სიმღერის დუეტში ანრი ჯოხაძისა და ბუბა კიკაბიძის შესრულებით (მოგეხსენებათ სწორედ ეს უკანასკნელი ასრულებდა აქამდე “თბილისოს”), მაგრამ რატომღაც პროექტი ამ სახით არ შედგა და ჩვენი სუბიექტური აზრით ასე, რომ მომხდარიყო ის, ისეთი კარგი ვერ გამოვიდოდა როგორიც მხოლოდ ანრის შესრულებით - მითუმეტეს კლიპში, რომელშიც ამ ხელისუფლების სამი დიდი მონაპოვარი საუკეთესო კუთხითაა წარმოჩენილი – საპატრულო პოლიცია, სახანძრო და სამედიცინო სამსახური, მეტი არამონოტორულობა და მოძრაობაა. ეპიზოდურ როლებში თბილისის კოლორიტებიც ჩანან - სახელმწიფო ტელევიზიის ძველი სახეეები დონარა კინწურაშვილი და დავით სოკოლოვი, მსახიობი ოთარ კობერიძე, დოდო ჭიჭინაძე, ლეილა აბაშიძე და სხვები. მოკლედ ნამუშევარი მართლა კარგი საყურებელია და მართლაც ორიგინალურადაა გადაწყვეტილი - ანუ ეს “ჯოხაძის სტილია”. უნდა აღინიშნოს, რომ პრეზენტაციას უამრავი ცნობილი სახე ესწრებოდა - ეკა კვალიაშვილი, ლევან ლაზარიშვილი, თამთა ჭელიძე, ზურა მანაგაძე მეუღლესთან და 2 წლის შვილიშვილთან ერთად, მსახიობი მაკა შალიკაშვილი, ბუბა კიკაბიძე პრეზენტაციას არ ესწრებოდა (სამაგიეროდ, იქ იყო მისი პროდუსერი სოსო აბზიანიძე), მოსვლა ვერც გოგი ცაბაძის შვილმა კახა ცაბაძემ შეძლო, რომლისგანაც ანრი ჯოხაძემ პირადად მიიღო სიმღერის შესრულების უფლება. მომღერლის მორიგი ორიგინალური ნამუშევარი, რამდენიმე დღეში გავა ეთერში.

24.10.2009. ქართული “ომი და ქორწილი”, თუ ჰოლივუდური “საქართველო”?

რუსეთ-საქართველოს ომიდან ერთი წლის თავზე, რუსულმა მხარემ როგორც ვიცით, სამი მხატვრული ფილმი გადაიღო და კინოგაქირავებაში ჩაუშვა. რა თქმა უნდა, სამივე ფილმში საქართველო სისხლიან დამპყრობლად, სასტიკ ადამიანთა ხროვად, ოსი ერის გენოციდის მომწყობად და ჯალათად არის გამოყვანილი. ჩვენმა ხელისუფლებამ იმდენი იძახა - დაუძლურებულია რუსული ეკონომიკა, რუსული ბიზნესი და ყველაფერი რუსულიო, რომ ეტყობა სადღაც კრემლში პატარა კასპელ ნაბიჭვარს ჩუმად გაეცინა და რუსულ კინოწარმოებას საქართველოს წინააღმდეგ გადაღებული სამი უმაღლესი ხარისხის მხატვრული ფილმი დაუკვეთა და საინფორმაციო ომში კიდევ ერთი გამარჯვება მოიპოვა საქართველოს წინააღმდეგ. მერე, როგორღაც აქ, ჩვენს მთავრობაშიც მიუხვდნენ კრემლში მოკალათებულ კასპელ ნაბიჭვარს განზრახვას და სასწრაფოდ დაიწყეს ფიქრი ჰოლივუდურ ბლოკბასტერზე - აუცილებელია ფილმი ჰოლივუდის ვარსკვლავების მონაწილებით გადავიღოთ! თქვეს მთავაროაბში, თქმა და ქმნა ერთი იყო და – ენდი გარსია, ველ კილმერი – ჰოლივუდის ეს ვარსკვლავები ქართული მხატვრული ფილმის “საქართველოს” (პირობითი სახელია) მსახიობები გახდნენ და გაზაფხულზე ფილმის პრემიერაც დაიგეგმა. აფერუმ ჩვენს ოპერატიულობას, მერე რა, რა ფული დაიხარჯა საქართველოს ბიუჯეტიდან ამ ფილმის გადასაღებად, მერე რა რომ საუბარია 40.000.000 დოლარზე (ნულები არ აგერიოთ), მერე რა, რომ ასე მალეც შეიძლება ხარისხიანი ფილმის გადაღება, მერე რა რომ. . . მოკლედ მერე რა, სამაგიეროდ ამ ფილმს მთელი მსოფლიო ნახავს და კიდევ ერთხელ – დარწმუნდება, ამჯერად რუსეთის აგრესიულობაში! მერე რასთან ერთად.. . გაგვახსენდა, რომ დიდი ხნით ადრე “მურტალომ” ქართულად დაინახა ეს ომი, “მურტალო” ქართულად ჩაუდგა სათავეში ამ საქმეს, დათვალა, დაახარისხა 90.000 დოლარი და ქართული მხატვრული ფილმის “ომი და ქორწილის” გადაღებას შეუდგა. მერე რა, რომ მსახიობებისთვის ჰონორარი არ გადაუხდიათ ჯერ (უფულობის გამო), მერე რა რომ ზაზა კოლელიშვილს (“მურტალოს”) ვიღაცეებმა სცენარის და სიუჟეტის მოპარვაში დასდეს ბრალი, მერე რა რომ დაპირებული პრემიერა არ შედგა ოქტომბერში, მერე რა, რომ. . . ზაზა კოლელიშვილი ენდი გარსია არაა (მე, რომ მკითხო ერთი ზაზა კოლელიშვილისგან 10 ცალი ენდი გარსია გამოიჭრებოდა) და საერთოდ. . . მერე რა, რომ გვგონია რომ ჰოლივუდური “საქართველო” უფრო მალე იხილავს დღის სინათლეს, ვიდრე ქართული “ომი და ქორწილი”. მერე რა?

22.10.2009. ნინი შერმადინის ვარსკვლავური კიბის დასაწყისი

რამდენიმე თვის წინათ რუსთავიდან სალონიკში მეუღლესთან, ვაჟიკო ციცაგთან ერთად გადასახლებული ქართველი მომღერალი ნინი შერმადინი პოპულარული რეალითი შოუს “იქს-ფაქტორის” წევრი გახდა, ეს სწორედ ის მუსიკალური პროექტია რომელში მონაწილეობამაც თავის დროზე უდიდესი წარმატება მოუტანა საბერძნეთის ქართველ ვარსკვლავს თამთა გოდუაძეს. წყვილმა წლის და ორი თვის შვილი საქართველოში დროებით, ბებოსთან გასაზრდელად დატოვა და თამამად შეუდგა დიდებსიკენ მიმავალი გზის გავლას და უეჭველი ვიცით, რომ ნინი შერმადინი ნოემბრის დასაწყისისდან არამხოლოდ ბერძნული პოპ-მუსიკის ვარკვლავობისკენ მიმავალ გზას დაადგება, არამედ მსოფლიო ესტრადაც მალე დააფასებს ამ უნიჭიერესი მომღერლის მონაცემებს. ჩვენი საიტი ექსკლუზიურად გთავაზობთ ნინის გამოსვლის ვიდეოჩანაწერებს და შევეცდებით ნინის ყოველი წარმატებული ნაბიჯის შესახებ, ყველა ვიდეომასალა უპრობლემოდ წარმოგიდგინოთ. “იქს-ფაქტორში” 15.000 მსურველიდან უმკაცრესი ჟიურის გადწყვეტილებით 14 საუკეთესო აირჩა, რომელთა შორისაც ნინი შერმადინი პირველია, რომელმაც უითნი ჰიუსტონის სიმღერის თავისი შესრულების მანერით მოხიბლა ჟიურის ყველა წევრი (იხ.ვიდეო). პროექტის შარშანდელ გამარჯვებულს ორგანიზატორებმა 150.000 ევრო და ბინა გადასცეს ათენში, მეორე ადგილზე გასულს – 100.000 და პრომო-დისკი ჩაუწრეს, ხოლო მესამე ადგილზე გასულს 50.000 ევრო ხვდა წილად, ეს თანხები თავისთავად მეტყველებს ამ მუსიკალური პროექტის მაშტაბურობაზე და ხარისხზე. “ვარსკვლავები” წარმატებას უსურვებს ნინი შერმადინს, გამარჯვება და ახალი შემოქმედებითი მწვერვალების დაპყრობა ყოფილიყოს მისი შრომის და ნიჭის შედეგი.

20.10.2009. “ქუჩის მუსიკოსების” ტრიუმფი ფილარმონაიში

თბილისის განახლებულ დიდ საკონცერტო დარბაზში, სამი დღის განმავლობაში ანსამბლ “ქუჩის მუსიკოსების” ტრიუმფალური კონცერტები მიმდონარეობდა - გია ბაღაშვილის ხელმძღვანელობით შეკრებილი ექვსი უნიჭიერესი მუსიკოსი სამი დღის განმავლობაში, ორსაათნახევრის მანძილზე, სცენაზე ბოლომდე იხარჯებოდა. გია დავითიანი (საქსაფონი), მერაბ სამყურაშვილი (ანსამბლ “რუსთავის” ერთ-ერთი წვრი, საოპერო არიების უბადლო შემსრულებელი), დიტო საკანდელიძე (“ერისიონის” ყოფილი წევრი), ხვიჩა მაღლაკელიძე (ვირტუოზი გიტარისტი და “ქუჩის მუსიკოსების” ყველაზე მხიარული და ენაწყლიანი წევრი), გუჯა მარდალეიშვილი (უბადლო მევიოლინე, კაცი რომელსაც 16 წლის ასაკიდან უკვე მოვლილი აქვს მთელი ევროპა, ლიანა ისაკაძესთან ერთად) და სულიკო ბაღაშვილი (აკარდეონი) - ეს, ის ბიჭები არიან, რომლებმაც ბოლო სამი წლის მანძილზე ვირტუოზული შესრულების მანერით, მთელი საქართველო მოხიბლეს და რომლებმაც პირველი გაბედული ნაბიჯი კარიერაში - სოლო-კონცერტი, წარმატებულად დააგვირგვინეს. კონცერტში მონაწილეობას ღებულობდა სოფო ხალვაში და რაც ყველაზე საინტერესო და ცოტა უცნაურია, მხოლოდ პროლოგთან ახლოს, სცენაზე წამყვანებად მოგვევლინენ განუმეორებელი დუეტი გივი ბერიკაშვილისა და კახი კავსაძის სახით, თმაჭაღარა მსახიობებს ძალიან უხდებოდათ თეთრი კოსტიუმები და “ქუჩის მუსიკოსების” გამომცდელთა ამპლუა. თითქოს დროში გაწელილ პროგრამას მაყურებელი არ დაუღლია, რადგან აშკარა და შესამჩნევი იყო მუსიკოსების ის დიდი მონდომება, რითაც ისინი ყველა დანარჩენისგან გამოირჩევიან - ვირტუოზობა. სხვათაშორის არ შეიძლება არ ავღნიშნოთ, ჩვენი მცირედი გაკვირვება განახლებული ფილარმონიის აგრე რიგად დარეკლამირებულ მართლაც უმაღლესი ხმის აპარატურზე, - მუშაობა რა, როცა სცენაზე დისტანციური მიკროფონები იყო ჩართული (უმეტესად წამყვანების საუბრის დროს), დინამიკებიდან საუბართან ერთად არასასიამოვნო შუილის ხმები შემაწუხებლად მოქმედებდა მაყურებელზე, რაც ჩვენის მცირე, არამუსიკალური ყურით :) დარბაზში ჩართულ მობილურების ხშირ რეკვას და დაცვის სამსახურის რაციების მოქმედებას მივაწერეთ.

19.10.2009 “მის-ვარსკვლავები 5” მისის გვენეტაძე გახდა

ჩვენი ინტერნეტ-ჟურნალის მიერ ორგანიზებულმა ფოტოგენურობის კონკურსმა უკვე მეხუთე, პატარა საიუბილეო ცერემონიალი გრანდიოზულად აღნიშნა რომა რცხილაძის ჯაზ-კლუბ “დე-ჟა-ვუ”-ში. კონკურსის 10 გამარჯვებული, მათი მხარდამჭერები, ჟურნალისტები და წარმომადგენლობითი ჟიურის წევრები 2 საათის განმავლობაში ეცნობოდნენ ტოპ-ათეულის გამარჯვებულთა სახალისო “მეგობრობის დღიურს”. აღსანიშნავია, რომ მე-5 კონკურსში რომელსაც პირობითად “მის-ვარსკვლავები” ყველაზე ფოტოგენურების კონკურსი ქვია, რამდენიმე მისის მონაწილეობდა, ანუ გათხოვილი გოგონები, რომლებიც საკუთარ მეუღლეებთან ერთად იყვნენ მოსულები კლუბში. მთავარი ტიტულიც სწორედ გათხოვილ, 22 წლის ქუთაისელ კონკურსანტს - სალომე გვენეტაძეს ხვდა წილად და ვინაიდან საიტის ადმინისტრაციას განსაკუთრებულად მკაცრი წესები და მოთხოვნები არ გააჩნია მონაწილეების მიმართ, მის იქნება თუ მისის, გათხოვილი იქნება, გასათხოვარი თუ განათხოვარი :) სულერთია, რადგან მთავარი პრიორიტეტი მონაწილის ფოტოგენურობაა. მიუხედავად იმისა, რომ ფოტოგენურობის კონკურსის იდეა ერთჯერადად უკვე მოიპარა რამდენიმე გაუგებარმა საიტმა :) ჟურნალმა და გამოცემამ :) “მის-ვარსკვლავების” საორგანიზაციო კომიტეტი კვლავ ტრადიციულად აგრძელებს ახალი, მე-6 კონკურსის მონაწილეთა შეგროვებას და საქმის სიყვარულით, ყურადღებით და პატიოსნად კეთებას, რაც მსგავსი სახის პროექტებში უმთავრესია, და თავისთავად პირველი პირობაა ღონისძიების არაერთჯერადობისა და პერიოდულობისა.

18.10.2009. ქართველი მომღერლები მალე სკანდალში გაეხვევიან?

უახლოეს მომავალში საქართველოში ალბათ უპრეცედენტო დონის სკანდალი მოხდება, რადგან როგორც ჩანს ქართული პარაფსიქოლოგიის მამად წოდებული მკურნალი ირაკლი ლომაია სერიოზულ განაცხადს გააკეთებს და შესაძლოა სასამართლოშიც უჩივლოს ერთ-ერთი გაზეთის ჟურნალისტს ცილისწამებისთვის. საქმე ეხება პრესაში ბოლო დროს მის მიმართ გამოქვეყნებულ სტატიებს და მედიაში ატეხილ სკანდალს, სადაც ლომაიას თაღლითობაში დებენ ბრალს და კიდევ სატელევიზიო სიუჟეტებს, რომელშიც ჟურნალსიტები მის მეგობრებთან კომენტარებს წერენ, სადაც ეს უკანასკნელნი არ აღიარებენ ირაკლი ლომაიასთან დიდ მეგობრობას და დიპლომატიურ კომენტარებს იძლევიან - ვისთანაც ირაკლი ლომაიას სურათები აქვს გადაღებული. ყველა ხომ მის მეგობრად არ ვითვლებითო? კითხულობენ ისინი, მაგრამ პარაფსიქოლოგს, აღნიშნულზე სერიოზული გართულება აქვს და განსაკუთრებული აღელვებით უდგება იმ საკითხს, რომ ეთერ კაკულია, გივი სიხარულიძე, ეკა კვალიაშვილი ახლა აღარ მოიხსენიებენ მას მეგობრად და როცა დრო იყო, როცა ლომაია ფინასურად ეხმარებოდა ყველა მათგანს, მასთან მეგობრობას არ მალავდნენ (ციტატა კომენტარიდან). ძალიან საინტერესო კომენატრები მკურნალს თავის პერსონალურ გვერდზე “ადნაკლასნიკებში” აქვს გამოქვეყნებული, სადაც თითოეულ მათგანს არცთუ ისე სასიამოვნო სიტყვებით მოიხსენიებს და ამკობს. ჯერ-ჯერობით ლომაიას კომენტარებზე რეაქცია არცერთ მათგანს (ეთერ კაკულია, გივი სიხარულიძე, ეკა კვალიაშვილი - ირაკლი ლომაია განსაკუთრებულად ნაწყენია ამ სამ ადამაინზე) ხმამაღლა არ დაუფიქსირებია, თუმცა ჩვენს ჟურნალსიტებს არც უცდიათ მათთან ამ საკითხზე საუბარი, გარდა მომღერალ ეკა კვალიაშვილისა, რომელმაც ბესიკ ჩუბინიძის გადაცემაში “პირისპირ” სტუმრობაზე, წინა სამშაბათს პირდაპირ ეთერამდე 10 წუთით ადრე უარი განაცხადა, ცუდად გახდომის მიზეზით, ამასობაში კი, ის კლუბ “ტრიუმფში” თავის სოლო-კონცერტს ატარებს (რომელზეც ჩვენი ჟურნალსიტები სამწუხაროდ არავის მიუწვევია). გთავაზობთ ლინკს, სადაც დაწვრილებით შეგიძლიათ წაიკითხოთ პარაფსიქოლოგის კომენტარი ამ საკითხებთან დაკავშირებით http://boqlomi.blogspot.com/2009/10/blog-post_5593.html

16.10.2009. თამრიკო მეჭიაურმა დაბადების დღე აღნიშნა

ერთ-ერთმა ყველაზე რეიტინგულმა ქალაქური სიმღერების შემსრულებელმა თამრიკო მეჭიაურმა, რამდენიმე დღის უკან, თავისი დაბადების დღე რესტორან “ბალადაში” მეგობრებთან ერთად აღნიშნა, თავისი ცნობილი სიმღერებიც შეასრულა და შოუს მსვლელობაში სხვა მომღერლებიც დაიმხმარა. თავის ამპლუაში იყო ქართული შოუ-ბიზნესის ერთ-ერთი პირველი ვარსკვლავი გია სურამელაშვილი, რომელმაც სტუმრებს ცნობილი ჰიტები შეუსრულა. განუმეორებლები იყვნენ “ქსოვრელები”. სტუმართა შორის რადიო “არ დაიდარდოს” თითქმის მთელი შემოქმედებითი კოლექტივი იყო, მოგეხსენებათ აღნიშნულ რადიოსადგურს დიდი წვლილი მიუძღვის ქალაქური სიმღერების პოპულარიზაციაში და მათ შორის თამრიკო მეჭიაურის მიერ შესრულებული სიმღერების პიარში. რათქმაუნდა განსაკუთრებული ეფექტი თამრიკოს შესრულებულმა “მოღალატემ” შეასრულა, რომელიც დღემდე ჰიტია. ჟურნალი “ვარსკვლავები” კიდევ ერთხელ ულოცავს დაბადების დღეს თამრიკოს და შემოქმედებით წინსვლას უსურვებს მომღერალს.

15.10.2009. ბესო კალანდაძის სოლო-კონცერტი “თბილისში”

რამდენიმე დღის უკან განახლებულმა რესტორანმა “თბილისმა” ქართველ ვარსკვლავს ბესო კალანდაძეს უმასპინძლა, თავის ძვველ მეგობრებთან ერთად, - ნუგზარ ერგემლიძე, ზურა მანაგაძე და ანრი ჯოხაძე საღამოს უფრო მეტ ხიბლს მატებდნენ და ბესო კალანდაძესთან ერთად სასიამოვნო აურას ქმნიდნენ. დარბაზში როგორც საღამოს ორგანზიატორმა, რესტორან “თბილისის” პიარ-მენეჯერმა მაკა შამათავამ ჩვენს ჟურნალისტთან საუბარში განაცხადა, - მსგავსი სახის საღამოები აუცილებლად გაგრძელდება და ნადვილი ქართველი ვარსკვლავების შოუ-პროგრამები, თვეში ერთხელ მაინც, რესტორან “თბილისში” აუცილებლად გაიმართება. ბესო კალანდაძის კონცერტს ბევრი ცნობადი სახე ესწრებოდა, მათ შორის კობა ხაბაზი (რომელიც ტრადიციულად მშვენიერ ქალბატონთან ერთად იმყოფებოდა), ჟურნალისტი მარინა სალუქვაძე და სხვები, ჟურნალსიტები, ბესო კალნდაძის მეგობრები და მოწვეული სტუმრები საღამოს ფინალისკენ კმაყოფილებით ტოვებდნენ დარბაზს. შესრულდა მომღერლის ყველა ძველი და ახალი სიმღერა, მათ შორის ყველაზე დიდი აპლოდისმენტები მაინც “ტირიფებმა” დაიმსახურა. სცენაზე თავისი ხიბლი შეიტანეს ზურა მანაგაძემ და ნუგზარ ერგემლიძემ, რომელიც ბოლო დროს პასიურ პარლამენტარობას აქტიურ საესტრადო მოღვაწეობას შესანიშნავად უთავსებს

ნინი შერმადინი საბერძნეთის ტელე-პროექტის მონაწილე გახდა! ქართველი ვარსკვლავი მალე ევროპის სცენებს დაიპყრობს!

12.10.2009. სოსო პავლიაშვილი ახალ ბინაში გადავიდა

ქართველების სიყვარულით გამორჩეულ ქართველ მომღერალს, თავისი ქართველობის გამო მნიშვნელოვანი პრობლემები ჯერ-ჯერობით რუსეთში არ შექმნია (ყოველშემთხვევისთვის ხმამაღლა ამაზე არავინ საუბრობს) შეიძლება იმიტომ, რომ საქართველოს ამჟამინდელი ხელისუფლების უმაღლეს პირთა სიმპათიებში სოსო პავლიაშვილი არასოდეს ჯდებოდა ”ვარდების რევოლუციის” შემდეგ, რასაც თავის დროზე მის ”საკონცერტო მხარდაჭერას” აბრალებენ შევარდნაძის მხარდასაჭერად (უხეშად, რომ შევადაროთ - 2013 წლის შემდეგ, როცა სააკაშვილი აღარ იქნება საქართველოს პრეზიდენტი, მისმა შემცვლელმა ბუბა კიკაბიძე მოიძულოს სააკაშვილის მხარდაჭერის გამო). მომღერალი რუსეთში აქტიურ მუსიკალურ კარიერაშია და პარალელურად კვლავ აქვს ღვინის და სამშენებლო ბიზნესი, ასევე ბიზნესი აქვს თავის სიმამრთან ერთად, მაგრამ სოსოს მთავარი საქმე მაინც სიმღერაა. მიუხედავად იმისა, რომ საერთო სახალხო ეკონომიური კრიზისის გამო კონცერტები დაახლოებით 40% შემცირდა დიდ რუსეთშიც კი, სოსო პავლიაშვილი დამაჯერებლად აგრძელებს გამოსვლას ყოფილ პოსტსაბჭოთა ქვეყნებშიც სოლო კონცერტებით. სამწუხაროა, რომ საქართველოს ხელისუფლებას ურჩევნია ”ვიღაც უცხოელს” გადაუხადოს დიდი ჰონორარი და ის ამღეროს თუნდაც საახალწლოდ თბილისში, თავისუფლების მოედანზე შეკრებილი ხალხისთვის, ვიდრე სოსო პავლიაშვილი, თუმცა ისიც საკითხავია - თავად სოსო თუ დათანხმდებოდა ასეთ გამსოვლას, მომავალში მოსკოვში სავარაუდო პრობლემების შექმნის გამო?

11.10.2009. თამუნა ამონაშვილი მოსკოვში შემორჩა

პოპულარული ქართველი მომღერალი, ძველი ”ივერიელი” და ”თოვლის ბებო” საქართველოდან გადახვეწილ იმ ხელოვანთა რიცხვშია, რომლებმაც თავისი ნიჭის რეალიზება და ამით ”პური ჩვენი არსობისა” მოპოვება რუსეთსში გადაწყვიტეს. უდაოდ ნიჭიერი მომღერალი, რომ კარგი დიზაინერიცაა, ეს ნაკლებად თუ ვინმემ იცოდა, თვით იუდაშკინსაც კი შეუთავაზებია რამდენიმე თვის უკან თამუნა ამონაშვილისთვის სამსახური, მაგრამ ქართველ მომღერალს ურჩევნია თავისი პირადი საქმე ქონდეს, თუნდაც თავისი პირადი პატარა სალონი (რომელიც სამწუხაროდ ჯერ არ აქვს მოსკოვში), ვიდრე მთელი დღე სხვასთან იჯდეს სამსახურში. მომღერალი აქტიურად ცდილობს სამოდელო ბიზნესის მოსკოვში წამოწყებას, თუმცა არც აქაა ჯერ-ჯერობით მნიშვნელოვანი ძვრები. შეგახსენებთ, რომ მომღერალი დაახლოებით 5 წელია დაქორწინებულია რეჟისორ რეზიკო არჩვაძეზე, რომლის მახვილ თვალსაც ეკუთვნის მომღერლის რამდენიმე წარმატებული კლიპი საქართველოში გადაღებული. წყვილი წელიწადზე მეტია ერთად ცხოვრობს მოსკოვში და საკმაოდ გადატვირთული გრაფიკითაც მუშაობს. ამასთან ერთად, მომღერალი აცხადებს, რომ სამუდამოდ რუსეთში დარჩენას ვერ შეეგუება და იმედოვნებს, რომ მშობლიურ ქვეყანასაც მალე დაუბრუნდება. თუმცა რამდენად დახვდება ქართულ შოუ-ბიზნესში სახარბიელო სიტუაცია თამუნა ამონაშვილს, გაურკვეველია, რადგან თბილისში შემორჩენილი ნიჭიერი მომღერლების გვარი და სახელიც კი დავიწყებას ეძლევა სამწუხაროდ.

05.10.2009. თეატრალური ფესტივალების ”ომი” თბილისში

ალბათ მკითხველს ახსოვს რეჟისორ ქეთი დოლიძის მიერ, წლების წინ დაარსებული თეატრალური ფესტივალი ”საჩუქარი”, რომლის ფარგლებშიც მსოფლიოს მრავალი ქვეყნიდან საქართველოში უამრავი თეატრალური დასი ჩამოდიოდა და სპექტაკლებს ქართველი მაყურებლისთვის მართავდა, ისიც არავისთვისაა დასამალი, რომ ქეთი დოლიძის მიერ ორგანიზებულ ამ ფესტივალს სახელმწიფო ყოველ წელს ფინანსურად ეხმარებოდა, კონკრეტულად კი - თბილისის მერია. საეჭვოდ დაემთხვა რეჟისორის მომძლავრებული ოპოზიციური აზრების პერიოდულობა და მერიის მიერ საკუთარი ორგანიზებით, ახალი თეატრალური ფესტივალის დაარსება, რომელიც ქალაქის მერის - გიგი უგულავას სრული პატრონაჟით და დაფინანსებით ტარდება 26 სექტემბრიდან 19 ოქტომბრამდე და რომელშიც მსოფლიოს მრავალი თეატრალური დასი ღებულობს მონაწილეობას – სომხეთიდან, აზერბაიჯანიდან, კორეიდან, გერმანიიდან, ინგლისიდან, თურქეთიდან, ლიტვიდან, ხორვატიიდან, საფრანგეთიდან. მათ სპექტაკლებს თბილისის თითქმის ყველა მოქმედი თეატრი უმასპინძლებს. აღასანიშნავია, რომ მერიის მიერ ორგანზიებული ფესტივალი მხოლოდ სპექტაკლებით არ შემოიფარგლება, ამავე ფორმატში მიმდინარეობს ”ვორქშოფები”, ტრეინინგები და გამოფენები. რაც შეეხება ქეთი დოლიძის ”საჩუქარს”, როგორც რეჟიოსრი ჟურნალისტებთან საუბარში აცხადებს – ფესტივალი რათქმაუნდა მაინც (!) გაიმართება და ის მაინც ტრადიციული იქნება (თუმცა საიდან იქნება მოძიებული დასაფინანსებელი თანხები, ჯერ უცნობია).

05.10.2009. ალექსანდრე ბასილაია 67 წლის ასაკში გარდაიცვალა

ალექსანდრე ბასილაიას საქართველოში, სავარაუდოდ, სამშაბათს გადმოასვენებენ. ქართველი კომპოზიტორი 67 წლის ასაკში, ხანგრძლივი ავადმყოფობის შემდეგ, გერმანიაში გარდაიცვალა. იქ ბასილაია მკურნალობის კურსს გადიოდა. მას ფილტვის სიმსივნე ჰქონდა. თბილიში ჩამოსვენების შემდეგ, სამოქალაქო პანაშვიდი ფილარმონიაში გაიამრთება. ცნობილ მუსიკოსს დიდუბის საზოგადო მოღვაწეთა პანთეონში დაკრძალავენ. ბასილაია საქართველოს ხელოვნების დამსახურებული მოღვაწე და ანსამბლ "ივერიის" სამხატვრო ხელმძღვანელი იყო. ის ავტორია ისეთი ცნობილი მიუზიკლებისა, როგორებიცაა "არგონავტები", "ჩხიკვთა ქორწილი" და "ფიროსმანი". ორიოდ კვირის წინ კი ხობი საერშაშორისო ფესტივალზე მისდამი მიძღვნილი საღამო გამართა ანსამბლმა "ივერიამ".

04.10.2009. ხალხური სიმღერის ფესტივალი "სულიკო"

ზესტაფონში ხალხური სიმღერის ფესტივალი სულიკო გაიმართა.ფესტივალი ყოველ წელს, სოფელ ცხრაწყროში იმართება,სადაც "სულიკოს" მუსიკის ავტორი ვარინკა წერეთელი ცხოვრობდა. სოფლის ცენტრში დღესასწაულისათვის ჯერ კიდევ გასული საუკუნის 80-იან წლებში, ღია თეატრონი გაკეთდა. ტრადიციულად ცხრაწყაროში ბევრი ცნობილი მუსიკოსი, კომპოზიტორი და მომღერალი ჩავიდა. ფესტივალში მონაწილეობა იმერეთის სხვადასხვა რაიონის ფოლკლორულმა ჯგუფებმა მიიღეს. ჟიურიმ პირველი და მეორე ადგილები ხარაგაულისა და თერჯოლის ანსამბლებს მიანიჭა. გამარჯვებულ ჯგუფებს გრანპრი და ფულადი საჩუქრები გადაეცათ.

04.10.2009. მიშო სულუხია სტრასბურგში იჩივლებს?

ზაფხულის დასაწყისში სკანდალში გახვეული მომღერალი, ტელე-პროექტ ”ვარსკვლავების აკადემიის” მონაწილე, ახლახანს საფრანგეთიდან დაბრუნდა, სადაც როგორც ჟურნალისტებთან საუბარში აცხადებს ათი წარმატებული კონცერტი გამართა ორ მეგობართან ერთად (ირაკლი ახუაშვილი და ნინი მამალაძე), რომელიც ფოლკლორული ფორმატით ტარდებოდა. წარმატებული კონცერტების შემდეგ მიშო სულუხიას ფრანგებისთვის მოლდოვეთის ფესტივალზე მომხდარ სკანდალზე მოუყოლია (სადაც მიშამ პირდაპირ სცენიდან, დაჯილოდების ცერემონიალის დროს, დასკვნით კონცერტზე განაცხადა – დაბალი დონის ფესტივალია და აღარ ვიმღერებო, რის შემდეგაც ორგანიზატორებმა, მას გადაცემული თანხა და ადგილი ჩამოართვეს). ფრანგები ძალიან გაკვირვებულან ამ ფაქტით და ქართველ მომღერალს ურჩიეს სტრასბურგის სასამართლოში უჩივლონ მოლდოვეთის ფესტივალის ორგანიზატორს (რომლის ჟიურის წევრიც ქართველი ეკა ჩიტაშვილია), სავსებით შესაძლებელია, რომ ფესტივალის ორგანიზატორები დააჯარიმონ და მისი დახურვაც მოითხოვონო. ყოველთვის სკანდალებში და კურიოზებში გახვეული მომღერალი, სავარაუდოდ არ აპირებს ფრანგების ამ რჩევის გათვალისწინებას და იმითაც მადლობელია, რომ საქართველოს კულტურის სამინისტროში მის სახელზე მადლობის წერილი გამოაგზავნეს. (აქვე შეგახსენებთ, რომ ისევ მოლდოვეთის ფესტივალიდან უკმაყოფილოდ დაბრუნებული ქართველი მომღერალი ანრი ჯოხაძე დეტალურად საუბრობს გადაცემაში ”პირისპირ” ფესტივალის შესახებ, რომლის ორგანიზატორი მოლდოვეთში მცხოვრები პროდუსერი ეკა ჩიტაშვილია – მოუსმინეთ გადაცემას ლინკზე http://www.stars.ge/livepolitika.html

03.10.2009. ნანა ცინცაძის შემოქმედებითი საღამო

საქართველოს მუსიკალური დაჯილდოების ”მეგას” ცერემონიალზე, ნომინაციის – სიმღერის საუკეთესო ტექსტების ავტორის, პოეტ ნანა ცინცაძის მორიგი შემოქმედებითი საღამო ცნობილი მხატვრების შოთა და მარგო მეტრეველების სალონში გაიმართა, რომელიც მისმა შვილიშვილებმა დაარსეს. შესასვლელი ეზო ყვავილებით იყო მორთული, ხოლო პოეტის და ტექსტების ავტორის ლექსები ორიგინალური გაფორმებით გარე კედლებზე იყო გამოკრული. ენერგიულმა ქალბატონმა თავისი ლექსები თავადვე წაიკითხა და ორი ახალი სიმღერის პრეზენტაციაც მოაწყო - ”ვერ მოგაცილებ თვლასაო” და ”ნიავო”. ”ვარსკვლავები” მომავალ წარმატებებს უსურვებს ქალბატონ ნანას და მის ტექსტებს და ლექსებს კიდევ მრავალ ”მეგას” უწინასწარმეტყველებს.

27.09.2009. GELANY USA- ის მორიგი პროექტი, ექსკურსია "ქართული რთველი 2009"

მოგეხსენაბათ კომპანია GELANY2007 წლიდან, ყოველი წლის ოქტომბრის თვეში ატარებს პროექტს სახელწოდებით “ქართული რთველი ამერიკაში” – ეს ღონისძიება ტარდება პენსილვანიის შტატში, ქალაქ ლანკასტერას ვენახებში. სრული მნიშვნელობით იმართება რთველი, იხარშება თათარა, იქვე იწურება ყურძენი. აღსანიშნავია რომ ეს ვენახი ძალიან გავს ქართულ ვენახებს და თვითონ ყურძენიც ძალიან ახლოსაა ქართულთან (კერძოდ: რქაწითელას ჯიშთან) ქარხნის სახელწოდებაა: Twin Brook Winery, სხვათაშორის მათი ღვინო ცნობილია როგორც ამერიკაში ისე საზღვრებს გარეთ. ქარხნის მენეჯერი: ბატონი, Tim Jobi მიესალმება ქართულ ტრადიციებს და აღნიშნა რომ მართლაც განსხვავებული და თავისებურია. “ დიდათ მოხარული ვარ ქართველების სტუმრობით და იმედი მაქვს მომავალში GELANY USA - ის პროექტი უფრო მეტად ვრცელი და გრანდიოზული იქნება” აქვე გვინდა ავღნიშნოდ ამ ტრადიციიის მნიშვნელობა ამერიკაში… პატარები რომლებიც დაიბადნენ აქ, ქართველები რომლებსაც ბევრჯერ სმენიათ, მაგრამ არ უნახიათ ამ ტრადიციის სიყვარული. ეს დღე მათთვის დიდად მნიშვნელოვანი იყო. 2009 წელსაც (11 ოქტომბერს) გაიმართება ეს პროექტი, ამ წელს უფრო მეტ ქართველებს ველოდებით და არა მარტო ქართველებს… სურვილი გამოთქვეს რუსულ ენოვანმა ემიგრანტებმა პროექტში მონაწილეობისთვის. მიუხედავათ იმისა რომ დღეს საქართველო ძალიან რთულ პირობებშია, ქართველი ემიგრანტები საქართველოს გვერდში უდგას როგორც მორალურად ისე ფიზიკურად და მის საზღვრებს გარეთ აცნობენ ქართულ კულტურას და მის ტრადიციებს… “არ დაგავიწყდეს ვისი გორისა ხარ”

22.09.2009. მზე, წვიმა და ქარი - ხობი

ხობის მე-4 საერთაშორისო ფესტივალი წარმატებით დასრულდა წელს უკვე მეოთხედ, სამეგრელოში, კერძოდ კი, ხობში “მეგრული სიმღერის” ფესტივალი წარმატებით დასრულდა. ორდღიანი ფესტივალი ორ წელიწადში ერთხელ ტარდება ხოლმე და მიუხედავად იმისა, რომ გასულ წლებთან შედარებით 2009 წელს, ყველაფერი მოკრძალებით აღინიშნა, მისი ორგანიზატორის პარლამენტარ გოდერძი ბუკუას საქებრად და სამადლობლოდ უნდა ითქვას, რომ საერთოდ ჩატარდა, რადგან ეკონომიკური კრიზისიდან დაწყებული, პოლიტიკური კრიზისით დამთავრებული, ყველაფერი ერთად დაგვტყდომია თავს. ფესტივალის მეორე დღეს ბუთხუზ ბასილაიას ბენეფისი გაიმართა ხობში “ივერელიების” მონაწილეობით, მაგრამ სამწუხაროდ თავად დიდი კომპოზიტორის გარეშე, რადგან ის სამკურნალოდ ევროპის ერთ-ერთ კლინიაკშია და რბილად, რომ ვთქვათ ცუდ მდგომარეობაში იმყოფება. არც იმას მოუხდენია უარყოფითი გავლენა ხალხის განწყობაზე, რომ კონცერტის დღეს გადაუღებლად წვიმდა და არც იმას, რომ იმ დღეს ხობში სოსო პავლიაშვილი ვერ ჩამოვიდა (არადა ნათქვამი იყო, რომ მეგრული სიმღერის ფესტივალს, ის ბუთხუზ ბასილაიას კონცერტზე შეუერთებოდა), ხალხს მაინც დადებითი განწყობა ჰქონდა. რეპორტაჟს კი, ხობიდან აქვე გთავაზობთ (დააწკაპუნეთ ამ წარწერაზე და გადადით რეპორტაჟების განყოფილებაში)

21.09.2009. ლიკა ყაზბეგის მორიგი ჩვენება

თბილისში მოდების ჩვენება, რომელიმე მაღაზიის ახალი კოლექციის სამსჯავროზე გამოტანა, დეფილეები, დიზაინერთა სარეკლამო გამოსვლები დეფიციტური კარგა ხანია აღარა, მაგრამ ლიკა ყაზბეგის პროექტები ყოველთვის იწვევს ინტერესს და მის ჩვენებებს ყოველთვის საზოგადოების ელიტარული ნაწილი ესწრება. ასე იყო ამასწინათ “მუზაში” გამართულ ღონისძიებაზეც, სადაც ლიკამ “საქმიანი ადამიანების” გამოსვლა მოაწყო, რომელთა შორის ძირითადად ქალები ჭარბობდნენ, თუმცა იყო “ორი კინკილა” ახალგაზრდა მამაკაციც, ლიკამ ეს იმით ახსნა, რომ მოსამზადებელი სამუშაოები ფაქტიურად არ ჩატარებულა და სულ რაღაც ერთ კვირაში გაკეთებული ჩვენება თითქმის ექსპრომტად ჩატარდა, ექსპრომტად მაგრამ - ლამაზად. თანაც თუ გავითვალისწინებთ, რომ ლალი მაროშკინას სკანდალური წიგნის პრეზენტაცია, ორი საათით ადრე ზუსტად იმავე ადგილას გაიმართა, სტუმართა რა უპრეცედენტო რაოდენობა შემორჩა საღამოს, თავად მიხვდებით. საღამოს დიზაინერთა შორის იყვნენ სოფო ხერკილაძე და თამუნა მაჩალაძეც.

20.09.2009. "ლედ ზეპელინის" საღამო

ეროვნული მუსიკალური ცენტრის სცენაზე, 3 ოქტომბერს, ათი ქართული როკ ჯგუფი “ლედ ზეპელინის” სიმღერებს შეასრულებს. 1968 წელს დაარსებული ინგლისური როკ-ჯგუფის საღამოს ჩატარება კომპანია “პრომო-ინდასტრიმ” გადაწყვიტა. პირობა ერთია – საკუთარი კომპოზიციის გარდა, აუცილებლად უნდა შესრულდეს “ლედ ზეპელინის” რეპერტუარიდან ორი სიმღერა. “ვარსკვლავების აკადემიის” წევრს, ქეთი ორჯონიკიძეს, 70-იანი წლების როკ-კონცერტები არ ახსოვს, თუმცა, ის ცნობილი ჯგუფის რეპერტუარიდან სიმღერებს ქართველ 70-იანელებთან, გია სალაღიშვილის ბენდთან ერთად შეასრულებს. მიუხედავად იმისა, რომ თბილისში სარეპეტიციო დარბაზები როკ შემსრულებლებისთვის არც ისე ბევრია, კონცერტის მონაწილე ჯგუფები საღამოს ნომრების დამუშავებას მაინც ახერხებენ. - /ქეთი გიგოლაშვილი/

19.09.2009. ლალი მაროშკინას სკანდალური წიგნი გაყიდვაში გამოვიდა

კულტურის ცენრტ "მუზაში" ჟურნალის ლალი მოროშკინას უკვე სკანდალური წიგნის "მე, პრეზიდენტი და მსოფლიო ჩემპიონი" პრეზენტაცია მოეწყო. ცენტრის ეზოში უამრავ სტუმარს მოეყარა თავი, მაგრამ დიდი ძებნა-ძიებითი სამუშაოების ჩატარების შემდეგ მათ შორის ვერცერთი ოპოზიციონერი ან "პოზიციონერი" ვერ აღმოვაჩინეთ, ეს იმიტომ, რომ ლალის ორივე მხრიდან ყავდა მოწვეული სტუმრები, მაგრამ " - მოსაწვევები ყველას დავუგზავნე, პრეზიდენტის ადმინისტრაციაშიც, მაგრამ არც პოზიციიდან მოსულა ვინმე და არც ოპოზიციიდან" - განაცხადა ჩვენთან საუბარში ლალი მაროშკინამ. მიუხედავად ამისა, უამრავ სტუმარს შორის ოპოზიციურად განწყობილი ბევრი სახის შემჩნევა ადვილი იყო, ჟურნალისტები კი რაოდენობით ყველას სჭარბობდნენ. წიგნი "მუზას" მწვანე ეზოშივე იყიდებოდა (მისი ფასი 10 ლარია) და მიუხედავად იმისა, რომ საზოგადოების ნაწილს წაკითხული აქვთ წიგნის ნაწყვეტები (ის, ერთ-ერთ გაზეთში გამოქვეყნდა) მსყიდველობითუნარიანობა მაღალი იყო. ლალი აცხადებს, რომ 5000 ცალი ქართულ ენაზე დაბეჭდილი წიგნი, მალე რუსულ ენაზეც გამოვა და ფიქრობს, რომ სკანდალური გახდება, ბესტელერადაც იქცევა და როგორც წიგნის ანოტაციაში რუსეთში მოღვაწე სკნადალური ქართველი ჟურნალისტი თინა კანდელაკი ამბობს: - წიგნი უეჭველი პოპულარიზაციისთვისაა განწირული! (რამდენადაც საზოგადოებისთვი უკვე ცნობილია წიგნის მთავარი გმირები საქართველოს პრეზიდენტი მისა სააკაშვილი, მსოფლიო ჩემპიონი გიორგი კანდელაკი, თავად ლალი მოროშკინა და კიდევ ერთი ქალბატონი არიან (რომლის სახელს ავტორი გამიზნულად არ ამჟღავნებს, რადგან მას პრეზიდენტთან ქონდა კავშირი)

18.09.2009. პლეხანოვზე “ბლინ-ბარი” გაიხსნა

კარგახანია თბილისში რაღაცა ახალის გახსნა და რაღაცა სასიამოვნოს მოსმენა დეფიციტური მოვლენა გახდა, ალბათ სწორედ ამიტომ იყო სასიამოვნო მოულოდნელობა, თბილისში პლეხანოვზე, მარჯანიშვილის 137 ნომერში ახალი ბარის გახსნა, რომელზეც ჟურნალისტები დაპატიჟეს, და რომელიც ერთ კონკრეტულ, ძალიან მსუბუქ, მაგრამ ნოყიერ საჭმელზე - ბლინებზეა გათვლილი! იყო წითელი ხალიჩა, იყო წითელი ლენტის გაჭრა, იყო პატარა ფეირვერკი და რაც მთავარია იყო ცხელ-ცხელი ბლინები, სასიამოვნოდ გაკვირვებული სტუმრები და გართობა, შეჯიბრი ბლინების ჭამაში, საჩუქრები და პრიზები, მოკლედ საზოგადოებისთვის ცნობილი სახეები ამ პატარა, ახალმა კლუბმა ერთი საათი ბლინებთან ერთად გააერთიანა. აღსანიშნავია, რომ ფასები “ბლინ-კლუბში” არც ისე მაღალია, მაგრამ გემოსა და ხარისხის შესაბამისი ნადვილადაა, თანაც არჩევანიც დიდია, დაწყებული ბეკონის ბლინებიდან დამთავრებული ხიზილალას ბლინებით (სიტყვაზე მენდეთ, ძალიან გემრიელია), რომლებიც მსუყე და ადვილი სადილია.

17.09.2009. საერთაშორისო თეატრალური ფესტივალი 26 სექტემბრიდან 19 ოქტომბრის ჩათვლით გაიმართება

თბილისი პირველ საერთაშორისო თეატრალურ ფესტივალს 26 სექტემბრიდან 19 ოქტომბრის ჩათვლით უმასპინძლებს. ფესტივალი 2009 წლის მაისში თბილისის მერიისა და კულტურის სამინისტროს მხარდაჭერით დაფუძნდა. ფესტივალის ფარგლებში დაგეგმილია საერთაშორისო პროგრამა, ქართული სპექტაკლების პროგრამა, ვორქშოფები, ტრეინინგები და გამოფენები. „თბილისი ინტერნეიშენალზე“ დასასწრებად 300 უცხოელი სტუმარი ჩამოვა. ფესტივალს გერმანელი, ინგლისელი, პოლონელი, კორეელი, ხორვატი, უნგრელი სტუმრები ეწვევიან. ქართული სპექტაკლების პროგრამაში მონაწილეობას 17 ქართული თეატრი მიიღებს. ("1-ლი არხი")

12.09.2009. “ინგლისელი” ლევან ჯიბლაძე პირველზე, ქართველი ანრი ჯოხაძე მესამეზე

დუეტების საერთაშორისო კონკურსი GOLDEN WINGS 2009 რომელიც წელს პირველად მოლდოვეთში გაიმართა 8 სექტემბერს დასრულდა. უნდა აღინიშნოს, რომ ფესტივალის გენერალური პროდუსერი და დამფუძნებელი საქართველოდან კიშინოვში წლების წინ ემიგრირებული, მრავალი საერთაშორისო კონკურსის ჟიურის წევრი ეკა ჩიტაშვილია, რომელიც ამჯერად 250.000 ევროს (სპონსორი ებრაელი ბიზნესმენი ლეონიდ ვალნიანსკი) ბიუჯეტით გამაგრებულ კონკურსს უდგას სათავეში, რომლის ჟიურის წევრებიც წელს “ევროვიზიის” გენერალური დირექტორი იური აქსიუტა, მსოფლიო ფესტივალების პრეზიდენტი - მარიან კატაროვსკი, სანრემოს ფესტივალის დამფუძნებელი - რობერტო დე ანჯელი, ჯგუფ “ოტოვანის” სოლისტები და სხვა წარმოსადეგი გვარ-სახელის ცნობილი ადამაინები იყვნენ. ეკა ჩიტაშვილის მოწვევა საქართველოდან, ანრი ჯოხაძემ და მისმა დამ მაგდამ მიიღეს (ვიზიტი კულტურის სამინისტროსთან იყო შეთანხმებული და როგორც ეკა ჩვენთან საუბარში აცხადებს სწორედ სამინისტრომ დააფინანსა კონკურსანტის გზის ხარჯები). საქართველოდან მოლდოვეთში ერთი თვის წინ გადაბარგებული ახალგაზრდა მომღერალი ლევან ჯიბლაძე კი, ამჯერად ინგლისს წარდაგენდა, რომელმაც 10 წლიანი კონტრაქტი გააფორმა ბრიტანულ ხმის ჩამწერ სტუდია “ვივა-რეკორდსთან”, მისმა და ინგლისელი გოგონას კეტას დუეტმა ფესტივალზე პირველი ადგილი დაიკავა, გრან-პრი მოლდოვეთში დარჩა, მეორე ადგილი მაკედონიამ და ისრაელმა გაინაწილა, მესამე კი - საქართველომ (ანრი და მაგდა) და იტალიამ. როგორც ჩვენთან საუბარში ეკა ჩიტაშვილმა განაცხადა ანრის რაღაც ტექნიკურ-პროგრამული პრობლემა ქონია, რომლის გამოც შეიძლება ის საერთოდ მოეხსნათ კონკურსიდან, მაგრამ აქაც ეკა ჩიტაშვილის ქართველობამ ითამაშა დიდი როლი (ამაზე ანრის კომენტარს შემოგთავაზებთ მოგვიანებით). მსოფლიოს 15 ქვეყნიდან მონაწილე 20-მა შემოქმედებითმა ჯგუფმა ქართველის ორგანიზებით მოწყობილ მაღალბიუჯეტიან მოლდოვურ საერთაშორისო კონკურსში საკუთარი ძალები ღირსეულად წარმოადგინა, საინტერესოა საქართველოში როდის ისწავლიან მსგავსი შემოქმედებითი ნიჭისა, ორგანიზატორების და საქმის მცოდნეების დაფასებას და როდის მორჩებიან “მაფიოზობანას” თამაშს ქართულ შოუ-ბიზნესში

12.09.2009. ქართული შოუ-ბიზნესის ახალი ხანა იწყება?

15 სექტემბრიდან რადიო “საქართველოს ხმა 107.9” და ჟურნალისტი ბესიკ ჩუბინიძე ყოველ სამშაბათს 17:00 საათიდან პირდაპირ ეთერში წარმოგიდგენთ საავტორო გადაცემას “პირისპირ” გადაცემა მთლიანად, საათნახევრიანი ეთერის განმავლობაში ქართული შოუ-ბიზნესის კულუარებში განვითარებულ მოვლენებზე მოგიყვებათ, სტუმართან ერთად განიხილავს არსებულ მდგომარეობას და ეცდება ყველა აქამდე დაფარული და მიჩუმათებული ფაქტებს ახადოს ფარდა გადაცემაში მოისმენთ, აგრეთვე, კლანური გარიგებებისა და საქმისადმი მიკერძოებული მიდგომების შესახებ, რამაც ფაქტიურად გაანადგურა ქართული კულტურის უახლოესი წლების წინ განვითარებული დარგი - ქართული შოუ-ბიზნესი. ეს მორიგი მცდელობაა საქართველოში ვიღაცეების მიერ მიძინებული, განადგურებული და დამახინჯებული ქართული ესტრადა გამოცოცხლდეს. პირველი გადაცემის სტუმარი მერიის კულტურის სამსახურის ღონისძიებათა მოწყობის დეპარტამენტის უფროსი დათო ოქიტაშვილია, რომელიც ქართული შოუ-ბიზნესის თანამედროვე ისტორიაში ერთ-ერთი ყველაზე ოდიოზური ფიგურაა და მასთან ბევრი კითხვა შეიძლება დაისვას. გარდა წამყვანისა გადაცემაში მონაწილეობა შეუძლია მსმენელსაც, რომლებსაც შეუძლაით პირდაპირ ეთერის დროს სტუდიაში სატელეფონო ჩართვა, და დამატებით ნებისმიერი შეკითხვის გამოგზავნა მაილზე stars7771@narod.ru იქნება თუ არა სტიმული ბესიკ ჩუბინიძის ეს გადაცემა ქართულ შოუ-ბიზნესის ახალი პოზიტიური ნაბიჯებისთვის, ჯერ რთული სათქმელია, მაგრამ ფაქტია, რომ ეს მორიგი მცდელობაა საქართველოში ვიღაცეების მიერ მიძინებული, განადგურებული და დამახინჯებული ქართული ესტრადა გამოცოცხლდეს. იმ ფონზე, რომ წელს საქართველოს მუსიკალური დაჯილდოების “მეგას” მე-10 საიუბილეო ცერემონიალი იმართება, ალბათ საინტერესოა მსგავსი ფორმატის გადაცემების სტუმართა და წამყვანის დიალოგი. მაშ ასე, 15 სექტემბრიდან ყოველ სამშაბათს 17:00 საათიდან რადიო “საქართველოს ხმაზე 107.9” უსმინეთ ბესიკ ჩუბინიძის საავტორო გადაცემას “პირისპირ”, პირველი სტუმარი - დავით ოქიტაშვილი.

10.09.2009. მედეა ჩახავას ვახუშტი კოტეტიშვილის გვერდით დაკრძალავენ

მედეა ჩახავას დიდუბის საზოგადო მოღვაწეთა პანთეონში 12 სექტემბერს, 15.00 საათზე დაკრძალავენ. მისი სამუდამო განსასვენებელი ცნობილი მოღვაწის ვახუშტი კოტეტიშვილისა და მწერლისა და პოეტის ნუგზარ შატაიძის გვერდით იქნება. დასაფლავების ხარჯებს დედაქალაქის მერია გაიღებს. თანხის ოდენობა ჯერჯერობით არ სახელდება. დაკრძალვამდე მედეა ჩახავას რუსთაველის თეატრში დაასვენებენ. ქართული კინოსა და თეატრის ვარსკვლავი მედეა ჩახავა 7 სექტემბერს, 88 წლის ასაკში გარდაიცვალა. მედეა ჩახავა 1921 წლის 15 მაისს, მარტვილის რაიონის სოფელ სერგიეთში დაიბადა. 65 წლის განმავლობაში მედეა ჩახავამ რუსთაველის თეატრის სცენაზე და ფილმებში ათობით როლი შეასრულა. 2006 წლის 4 ივნისს რუსთაველის თეატრის წინ მედეა ჩახავას ვარსკვლავი გაიხსნა.

04.09.2009 თბილისი-ბათუმი-თბილისი (რეპორტაჟი აჭარიდან)

ახალს ვერაფერს გეტყვით ალბათ, რადგან ქართველი დამსვენებელი ბოლო წლებია დასასვენებლად ქართულ კურორტებს აღარ წყალობს და მთელი წლის შრომით გადაღლილი (ნეტა რამდენი პროცენტია ასე დაღლილი მუშაობით) ძირითადად თურქულ კურორტებს სტუმრობს, მიუხედავად იმისა, რომ აჭარის ტურიზმის დეპარტამენტის ცნობით წელს 400.000-მადე ტურსიტი სტუმრობდა (თუმცა ისიც უნდა ვაღიაროთ, რომ მათი ნახევარზე მეტი ჩვენი მეზობელი სომეხი და აზერბაიჯანელი მეგობრები იყვნენ) - მარმარისი და ქემერი, ანტალია და კუშადასი ქართველებისთვის ყველაზე მისაღები ვარიანტი აღმოჩნდა, არადა მას შემდეგ, რაც ჩვენი აფხაზეთის ულამაზესი კურორტები დავკარგეთ (თუ დაგვაკარგვინეს) და გაგრა და სოხუმი “აღარავის ახსოვს” საქართველოში ქობულეთისა და ბათუმის ამარა ვართ დარჩენილები, - იმისმიუხედავად, რომ რაც სააკაშვილი მოვიდა ხელისუფლებაში, მას შემდეგ ბათუმის და ბარსელონას ვიზუალურ მსგავსებაზე ზრუნავს, არადა სანამ ქართველების მენტალიტეტი არ გამოიცვლება და არ დაემსგავსება ევროპულს, ისე გინდა ხუთ ვარსკვლავიანი სასტუმროების გამოფენა მოაწყე, აზრი არ აქვს - რადგან ტურისტს უფრო მეტად მომსახურების დონე და ფასები იზიდავს და არა ლამაზ-ლამაზი დიზაინის შენობები. (მასალის დანარჩენი ნაწილის წასაკითხად დააკლიკეთ წარწერაზე)

მზე, ზღვა და თეატრალური ზაფხულის დებიუტი ქობულეთში ანუ რა შეუძლია მეგობრობის ძალას?!

ერთი წილი შავი ზღვის წყალი და ბავშვური ტალანტი, ორი სუფრის კოვზი ქობულეთური ზაფხულის სიო და გაცოცხლებული ლამაზი ზღაპარი, ნაპირზე აკრეფილი წვრილი ნიჟარები და მეგობრობის უძლეველი ძალა თეატრალური გემოვნებით ერთმანეთში აურიეთ, მზეზე შეათბეთ და მიიღეთ რამდენიც გინდათ-პეშვით, ყლუპებით, ტალღებად - ეს პატარა ვირტუოზების პირველი თეატრალური დებიუტია საკუთარ ქალაქში, იქ, სადაც დიდი ხანია მოენატრა ყველას სცენა, ლამაზი სანახაობა, ცოცხალი მუსიკა. სულ რაღაც 3 თვის მუშაობით გაზეთ `ჩემი ქობულეთის~ რედაქციასთან არსებულმა საბავშვო სტუდია `ოქროს გასაღებმა~ უკვე შექმნა თავისი ისტორია, მოიპოვა სიყვარული და მხარდაჭერა მშობლიურ ქალაქში და არა მარტო აქ...…პირველი წარმატება დებიუტისთვის `ოქროს გასაღებმა~ სიღნაღის თეატრის სცენაზე მოიპოვა, საქართველოს ბავშვთა თეატრების ფესტივალზე მათ ოქროს მედლები და პირველი ხარისხის დიპლომები დაიმსახურეს. თუმცა, ყველაზე დიდი ღელვა მშობლიურ ქალაქში დაგეგმილ პრემიერას უძღვოდა წინ...

31.08.2009. ბათუმს გაიმორიტიანი ბიანკა ესტუმრა

რუსული ესტრადის უკრაინელი ვარსკვლავი, ალაბთ სექსუალური (!) ბიანკა ორი დღით ბათუმს სტუმრობდა და მსმენელს გრანდიოზულ შოუს პირდებოდა. ჩვენი შეხედულებით გამოუვიდა კიდეც, მიუხედავად იმისა, რომ ლამაზმანი გაგვიცივდა და გაიმორიტ-აკიდებული ბიანკა ბათუმის “აკვა-პარკის” სცენაზე ლამის წაგვექცა, მაგრამ ჰოი საოცრებავ და გმირი ქალის სტატუსი უნდა მივანიჭოთ, რადგან გაუძლო, გაუძლო ბიანკამ და თავსაც მოერია, გაიმორიტიც დასძლია და სიცხიანმაც იცეკვა სცენაზე (სად არ იყო მიშა, თორემ ხელში ხომ აიტაცებდა და ამ ნარ-ნარში კარგადაც გახდებოდა). “ვარსკვლავები” მეორე დღეს ექსკლუზიურად შეხვდა ბიანკას ქობულეთის ხუთვარსკვლავიან სასტუმრო “ჯორჯია პალასში” და ჯერ თავისი გინესის რეკორდებში შესატან პრესკონფერენციისთვის სხვა ჟურნალსიტების სახელით უსაყვედურა, რადგანაც წინა საღამოს, კონცერტის დაწყებამდე პრესკონფერენცია ზუსტად 2 წუთი და 25 წამი გაგრძელდა და ისიც მხოლოდ მიკითხვა-მოკითხვა და – მაპატიეთ ცუდად ვარო, ითქვა მხოლოდ. მოკლედ ბიანკამ გულით მიგვიღო, ბოდიშიც დაგვაბარა ჩვენს რამდენიმე კოლეგასთან და ისიც აღნიშნა, რომ გუშინდელზე უკეთესად გრძნობს თავს და ძალიან უყვარს ქართველები და საქართველო, ამიტომაც დათანხმდა სტუმრობას ბათუმში, მაყურებლითაც კმაყოფილია და ორგანიზატორებითაც, რომელსაც ამჯერად სასმელი “ბურნი” წარმოადგენდა. რაც მთავრია სტუმარი უკმაყოფილო არ წასულა და ჩვენც ისღა დაგვრჩენია კიდევ ბევრი მსგავსი ვარსკვლავის მასპინძლობისთვის მოვემზადოთ უახლოეს მომავალში.

29.08.2009. კახა კალაძემ პანჩო დააფინანსა

ლევან მგალობლიშვილი (პანჩო) ოთხმოცდაათიანი წლების ბოლოს ქართული ესტრადის ახალი წარმატებული სახე იყო, მისი “დაბოლილი ბულბული” დღესაც დიდი პოპულარობით სარგებლობს (თუმცა “ტიომნად”) და ის მაშინდელივით მხოლოდ ე.წ. “ციხის ჰიტი” აღარაა, გარდა ამისა, პანჩოს სამივე ალბომი თავის დროზე რთული საშოვნელიც კი იყო და განსაკუთრებული გულისშემძრავი ტექსტებისა და სულშიჩამწვდომი მუსიკისა, დეფიციტიც გამხდარა. წლები გავიდა და ქართული ესტრადის მიძინების პერიოდში პანჩოც დაიკარგა (სხვა ბევრი მაშინ კაშკაშა ვარსკვლავის მსგავსად), ამას მისი პირადი პრობლემებიც დაერთო (ოჯახი დაენგრა) და მოკლედ, თითქოს მომღერალს აღარც მუზა უნდა ჰქონოდა სიმღერების დასაწერად და აღარც ხალისი, მაგრამ პირიქით აღმოჩნდა, - მუსიკაც იწერებოდა, ტექსტებიც და ასე იქმნებოდა ახალი სიმღერებიც, რომ არა ქართველი ლეგიონერი კახი კალაძე, პანჩოს ახალი მე-4 ალბომი დღის სინათლეს ვერ იხილავდა. მომღერალი დარწმუნებულია, რომ ალბომი თავის თავს კომერციულად ამოიღებს და მომგებიანიც გახდება, სხვა საქმეა რამდენად გაჰიტდება მისი ახალი სიმღერები, რადგან დღეს საქართველოში “დაბოლილ ბულბულზე” სიმღერას მაინცდამაინც დიდი ენთუზიაზმით ვეღარ უსმენენ, თუმცა “ათასი წელი” პანჩოს ეს არ ადარდებს, რადგან ახალი სიმღერები რომელიც კახა კალაძის დახმარებით სექტემბრის ბოლოს გამოვა ალბომად, გაცილებით საინტერესო იქნება.

27.08.2009. ჯაბა ბოჯგუას ახალი ოპერაცია ესაჭიროება

უკვე მეშვიდე თვეა მომღერალი ჯაბა ბოჯგუა საწოლსაა მიჯაჭვული და როგორც მისი მკურნალი ექიმი არტურ ოგანეზოვი აცხადებს - ჯაბას კომის შემდგომი პერიოდი აქვს და მისი ამჟამინდელი მდგომარეობა სტაბილურად შეიძლება ჩაითვალოს, მაგრამ გასატვალისწინებელია ის ფაქტორი, რომ მომღერალს კიდევ ერთი დამატებითი ოპერაცია სჭირდება, რომელიც დაახლოებით 2.000 ლარი ღირს, რისი გადახდის საშუალებაც მომღერლის ოჯახს არ აქვს. როგორც ჯაბას დედა ქ-ნი მანანა გვასალია აცხადებს – ჯაბა დამოუკიდებლად ახერხებს სუნთქვას და რეაგირებას სხვადასხვა გამოძახილზე, მას პირის ღრუში სპეციალური ზონდი აქვს ჩადგმული, რომელიც კუჭზეა მიერთებული, რისი საშუალებითაც ორგანიზმს საკვებს აწვდიან. შეგახსენებთ, რომ 7 თვის უკან მომღერალი ციხის რესპუბლიკური საავადმყოფოდან პირდაპირ ღუდუშაურის კლინიკის რეანიმაციულ განყოფილებაში მოყვა გულის იშერიული დაავადების საფუძველზე, რომლის მწვავე ფორმაც მას ციხეში განუვითარდა (ვრცელდებოდა ჭორები, რომ ის ციხეში სცემემეს, რომ შიდსი აქვს და ა.შ. მაგრამ ცნობილია, რომ ეს დაავადება მომღერალს დიდი ხანია აწუხებს და ის გულის შეტევის ნიადაგზე რამდენჯერმე კლინიაკში პირდაპირ სცენიდან მოხვდა). სავარაუდოა, რომ ოპერაციის გაკეთების შემდეგ მომღერლის ორგანიზმი კვლავ მთელი დატვირთვით შეებრძოლება დაავადების ნარჩენებს, რაც მას გადარჩენის შანსებს ერთი-ორად მოუმატებს.

26.08.2009. ბიძინა ივანიშვილის შვილი – ბერო სექტემბრისთვის ემზადება

ქართულ ტუსოვკებზე ბერო არცისე დიდიხანია გამოჩნდა, რაც ქართულ პრესას ყურადღების მიღმა არ დარჩენია და ისიც ნელ-ნელა, ეტაპობრივად, დიდი ხმაურისა და სენსაციების გარეშე “შემოიპარა” ქართულ რეალობაში, რაც თავისთავად სწორი სტრატეგიაა და მიუხედავად იმისა, რომ ბერო მეგობრებთან ერთად ხშირად ჩნდება “ტუსოვკებზე”, თვალში მოსახვედრი მაინცაა მის გვერდით მუდმივად მოტრიალე დაცვის სამსახური (რომელიც აშკარად ცდილობს და ახერხებს კიდეც, ბეროს სამეგობროს მაინცდამაინც არ გაეჩხიროს თვალში და მხოლოდ რაიმე “ჩეპეს” შემთხვევაში გამოჩნდეს). მილიარდელის ვაჟიშვილი სერიოზულადაა გატაცებული რეპით, მაგრამ არა ქართულით და თავის თავს ფრანგულ ხელოვნებას უძღვნის, ფრანგულად რეპავეს და როგორც საქართველოს მუსიკალური დაჯილდოების “მეგას” ცერემონიალის “საუკეთესო არანჟირების ოსტატის” ნომინაციის მფლობელი ბექა ნიკოლაიშვილი აცხადებს – ბეროს ეს უმაღლეს დონეზე გამოდის! უნდა ითქვას, რომ სადაც ბეროა იქ ბექაცაა, სადაც ბექაა, იქ ბეროცაა, სტუდია სადაც ბერო მუშაობს რათქმაუნდა მისი შექმნილია და არანჟირების ოსტატიც სწორად ყავს შერჩეული. როგორც ჩვენთან საუბარში ბერომ განაცხადა, სექტემბრის ბოლოსკენ ერთ ძალიან ხმაურიან პროექტს ამზადებს, რომელიც “ბომბია” და ის, არ იქნება გათვლილი საქართველოს ბაზარზე, არამედ ევროპის! საქართველოში რეპით ფულის გაკეთება შეუძლებელია (!) აცხადებს ბერო ჩვენთან საუბარში და ბოლომდე არც თავის კარტებს ხსნის თუ რას ამზადებს სასექტემბროდ, მაგრამ ფაქტია, რომ ქართულ რეალობაში ახალი სახე, ახალი სახელით შემოდის და როგორც ჩანს არცთუცარიელ ნიადაგზე! წარმატებებს ვუსურვებთ ბეროს გეგმების განხორციელებაში.

23.08.2009. ნინი ქარსელაძე და თიკა ჯამბურიას ახალი კლიპი

ქართული შოუ-ბიზნესის ერთდროს პოპულარული ბავშვები თიკა ჯამბურია და ნინი ქარსელაძე, თინეიჯერობის ასაკშიც აქტიურად ცდილობენ მუსიკალური კარიერის გაგრძელებას და ერთობლივი დუეტი ამჯერად არა ქართულ, არამედ ფრანგულ ენაზე ჩაწერეს და უახლოეს მომავალში, როგორც ჟურნალისტებთან საუბარში აცხადებენ მასზე კლიპის გადაღებასაც მორჩებიან. აღსანიშნავია, რომ თიკა ჯამბურია 18 წლის ასაკში გათხოვდა და თავისი ბედი თანატოლ თბილისელ ბიჭს, თავის შეყვარებულს, ყოფილი პარლამენტის დეპუტატის ხათუნა ხოფერიას 19 წლის ვაჟს ბექას დაუკავშირა, გავრცელებული ჭორები იმის შესახებ, რომ მისი დაქალი – ნინი ქარსელაძეც სექტემბერში ახალგაზრდა ოპოზიციონერ ჯაბა ჯიშკარიანზე თხოვდება, ჭორი აღმოჩნდა, ყოველშემთხვევაში ამას თვითონ ნინი აცხადებს და ჯაბასთან მხოლოდ მეგობრულ ურთიერთობას აღიარებს (თუმცა ბევრი “მეგობრული ურთიერთობა” გვინახავს შემდგომში ქორწინებით დამთავრებული). ნინის და თიკას კიდევ ერთი დაქალი, ასევე მომღერალი პოპულარული მარიკა თხელიძეც გათხოვების პოტენციურ კანდიდადტთა სიაში ჩაწერეს, მაგრამ აღმოჩნდა, რომ მარიკა საერთოდ საქართველოდან მიდის დიდ ბრიტანეთში, ლონდონში და სულაც არ სცხელა ოჯახის შესაქმნელად.

21.08.2009. ეკა ჩიტაშვილის მოლდოვური ფესტივალი

ოთხი წლის წინათ საქართველოდან გადახვეწილი ქართველი პროდუსერი ეკა ჩიტაშვილი მოლდოვაში ახალ ფესტივალს აფუძნებს და მას “ოქროს ფრთებს” არქმევს (“გოლდენ ვინგს”) სადაც მსოფლიოს მასშტაბით საუკეთესო დუეტების არჩევა და გამოვლენა მოხდება, მიგნება თავისთვად კარგია, ნოვაციიაა და ვფიქრობთ, რომ წამოწყება აუცილებლად გაამართლებს. რათქმაუნდა ქართველ პროდუსერს, რომელიც გასულ წლებში საქართველოში ორ სერიოზულ თბილისურ კლუბს “16 რაუნდს” და “ბერიკონს” წარმატებულად ამუშავებდა უპირველეს ყოვლისა საკუთარი ქვეყანა არ დავიწყებია და რამდენიმე დუეტი აქედანაც მიიწვია მოლდოვეთში, მაგრამ გაგიკვირდებათ და მიწველთა შორის ვერ ნახავთ პოპულარულ დუეტს (ჯერ-ჯერობით ჩვენ ასეთი ინფორმაციაც გვაქვს), სამაგიეროდ 3 სექტემბერს საქართველოს ამ ფესტივალზე ანრი ჯოხაძე და მისი და მაგდა წარადგენენ, მათივე დედის, ქალბატონი რუსიკო ჩხაიძის კომპოზიციით იუმორესკა, რომლის გარდაც შეასრულებენ მიშელ ლეგრანის საუნთრეკს ფილმიდან “შერბურის ქოლგები”, რომელიც ერთ-ერთი რეიტინგულია იმ სიმღერებს შორის, რაც საერთოდ სიყვარულზე დაწერილა ოდესმე. უნდა აღინიშნოს, რომ და-ძმა ჯოხაძეებს აქამდე არ ჰქონიათ დუეტი, მაგრამ მაგდა ანრიზე არანაკლები ვოკალური მონაცემების მქონეა (მას საკუთარი საბავშვო სტუდიაც აქვს) და დარწმუნებულნი ვართ საქართველოს ისინი ღირსეულად წარადგენენ და ღირსეულად გამარჯვებულნიც დაბრუნდებიან თბილისში.

20.08.2009. “მის-იუნიორი საქართველო 2009” კვარიათში გამოავლინეს

უკვე ვიტყობინებოდით იმის შესახებ, რომ თბილისში კიდევ ერთი ახალი სილამაზის კონკურსი დაარსდა და მის ორგანიზატორად “მის-ბიკინი საქართველოს” საორგანიზაციო კომიტეტი – სამოდელო სააგენტო “ფავორიტი” და მისი ხელმძღვანელი მაია ზაალიშვილი მოგვევლინა. გოგონათა შესარჩევი კონკურსი თბილისში შარდენზე, ერთი თვის უკან ჩატარდა ოთხკაციანი ჟიურის თანდასწრებით, ხოლო გამარჯვებულის გამოვლენის ცერემონიალი კი აჭარაში – კვარიათში, ასევე ჟიურის, მაგრამ ამჯერად სხვა წევრების დახმარებით – ზალიკო ბერგერი, ნინო ქირია, თამარ ნადირაძე, ნუკრი ჯიოშვილი და “მის-ბიკინი 2009” სოფო რომანიშვილი. გამარჯვებულის ტიტული კვარიათში 18 წლის ნინი ცინცაძემ მოირგო, ხოლო 1-ლი და მე-2 “ვიცე მის-იუნიორები” შესაბამისად 17 წლის ნინი ცისკარიძე და 16 წლის ნინი ჯღუთაშვილი გახდნენ. გამარჯვებული 14 სექტემბერს გაემგზავრება საერთაშორისო კონკურსზე “ევროპა და მსოფლიო მის-იუნიორ 2009”, რომლის დასკვნითი შოუ, ჩეხეთში, კერძოდ კი პრაღაში გაიმართება.

19.08.2009. გივი სიხარულიძემ ოპერაცია გაიკეთა

პოპულარული მსახიობი და პოეტი ორიოდკვირის წინ კლინიკაში მოხვდა, სადაც მას ხერხემალზე მცირე სახის ოპერაცია გაუკეთეს და უცხო დანამატი ამოკვეთეს, რის შემდეგაც გივი სიხარულიძე რეაბილიტაციას აჭარაში, კერძოდ კი ქობულეთში გადის ზღვის სანაპიროზე და მართალია ჩვეულ ფორმაში ვერაა და ვერც მთლად ჯანმრთელად გამოიყურება, თავადვე იმედოვნებს, რომ სარეაბილიტაციო პერიოდი მალე გადაივლის და ქალთა გულთამპყრობელი ჩვეული ენერგიით წარსდგება საზოგადოების წინაშე. მალე გამოჯანმრთელებას ვუსურვებთ ბატონ გივეს.

18.08.2009. ქეთა და “ა-სტუდიო” ბათუმის ბულვარში

პროდუსერ ნატო დუმბაძის ორგანიზებით და კომპანია “მთვრალი ალუბალის” (არ ვღადაობთ, მართლა ასე ჰქვია ამ კომპანიას) ინიციატივით “ა-სტუდიო” და ქეთა ბათუმის ბულვარში, კლუბ “მიუზიკ ჰოლში” წარსდგა მაყურებლის წინაშე. ქართული ტრადიციების მიხედვით 23:00 სათზე დაგეგმილი კონცერტი ერთი საათის დაგვიანებით კლუბის მენეჯერმა, პროექტ “ჯეობარი-1”-ს ფინალისტმა ტატო ხარშილავამ გახსნა და სცენაზე მოიწვია მომღერლები, რომლებიც მანამდე კულისების მსგავს კვადრატში მეგობრებთან ჭორაობით ირთობდნენ თავს, განსაკუთრებით აქტიური იყო ქართველებს მონატრებული ქეთა, რომელიც იმაზეც წუხდა, რომ კლუბში შემოსასვლელი ბილეთი 100 ლარი, ანუ ძვირი (!) ღირდა, რომელიც შესაძლოა სხვა ქვეყანაში სულაც არ იყოს "ა-სტუდიოს” დონის ჯგუფისთვის ძვირი, მაგრამ საქართველოში, ბათუმში და ისიც დასასვენებლად ჩამოსული ქართველისთვის (დიახ ქართველისთვის, რადგან სომეხი დამსვენებლით სავსე ბათუმში, დარბაზში არცერთი სომეხი ეროვნების მაყურებელი არ შემოსულა) მართლაც არაა მცირე თანხა. მიუხედავად ამისა დარბაზიც “ქართულად გაივსო” და კონცერტიც ერთი საათის დაგვიანებით დაიწყო და ტრადიციულად ენერგიულად წარიმართა, დარბაზში უამრავ ნაცნობ სახეს შეამჩნევდით, რომლებიც სიმღერების დროს რიტმულად ამოძრავებდნენ კუდუსუნის ძვლებს :). კონცერტი საათნახევარში გათავდა და სტუმარ-მასპინძელიც ნასიამოვნები დაიშალა, თუმცა სახლებში არავინ წასულა :)

17.08.2009. “შოუ-ბიზნესჩიკ” ქალბატონებში დედები მატულობენ

აგვისტოს თვე ბარაქიანი გამოდგა ქართულ გასართობ ინდუსტრიაში მოღვაწე ქალბატონებისთვის, ამ შემთხვევაში დედობის მხრივ, რამდენიმე მათგანი დედა გახდა და საქართველოს ვაჟიანობა და ქალიანობაც ცოტათი წინ წაიწია, ასე მაგალითად ჯგუფ “რონდოს” წევრს - ელენე ოთარაშვილს მეორე შვილი ლიზი შეეძინა 53 სმ და 3.650 წონის, მომღერალ ელენე ფოჩხუასაც ლიზიმ ახარა 5 აგვისტოს 5 საათი და ისიც 53 სმ დაიბადა 3.800 წონით, ასევე “მაღალი შვილიკო” გააჩინა მოდელმა და მომღერალმა ნათია ნებიერიძემ 54 სმ. სიგრძის და 4.500 წონის ლადუკა, დედა გახდა ტელე-წამყვანი, ბერი ქართული კლიპის მსახიობი თამუნა მუსერიძე, რომელმაც 50 სმ-იანი 3.500 წონის სანდრო გააჩინა საკეისრო კვეთით (სამწუხაროდ თამუნა მეორე ქმარს ორსულობის პერიოდშივე დაშორდა).

დეა ადამიამ საყვარელი კატა დაკარგა

დეა ადამიას დღეს არა როგორც პროექტ "ჯეობარის" გამარჯვებულს, არამედ ქართული ოპოზიციის ერთ-ერთ დამრტყმელ ახალგაზრდულ ძალას, ისე მოიხსენიებენ, მისი ეგიდით ქართულ ოპოზიციუ პოლიტიკაში ბევრი საინტერესო აქციაც ჩატარდა.... საქმე კი, ამჯერად იმაშია, რომ სულით და ხორცით ოპოზიციონერმა დეამ საყვარელი კატა... დიახ, დიახ, კატა დაკარგა, რომელიც უკვე 2 წელიწადია მის სახლში ცხოვრობს და რომელიც დეას გულით უყვარს. უბრალო კატა არ გეგონოთ - ჯიშიანი, თეთრი, ფაფუკი კატაა და დეა მის მპოვნელს 100$-თ დასაჩუქრებას პირდება და სჯერა, რომ ადრე თუ გვიან კატას დაუბრუნებენ (თუ ის თავისი ფეხით არ დაბრუნდა სახლში, როგორც აქამდე აკთებდა). მიუხედავად იმისა, რომ დეა ძალიან ცდილობს კატის დაკარგვით გამოწვეული ოჯახური სიცარიელე მალე შევსოს, იმედი არ აქვს რომ ფისო თავის ფეხით დაუბრუნდება სახლს.

რამაზ ჩაჩანიძე “სვაბოდაზეა”

... და არც არასოდეს ყოფილა ციხეზე :) ღმერთმა დაუფაროს! არადა გავრცელებული ჭორი მისი დაპატიმრების შესახებ (და ისიც თაღლითობის მუხლით და 1.000.000 დოლარის მითვისების ბრალდებით) თავად რამაზისთვის გამოდგა ძალიან სახალისო და სასაცილო, - კაცი იმხელა ამბებში ვარ, ნოემბერში ფილმის გადასაღებად ვემზადები, დიდ სარეკლამო შეკვეთებს ვაკეთებ, ბოლო-ბოლო ჰოლივუდში, ლოს-ანჯელესის კინო-სკოლაში ჩავირიცხე და სტუდენტობა მიხარია, წასაწვლელად ვემზადები და თქვენ კიდე, დაიჭირესო! :) არადა, ჩვენც გაგვიკვირდა, მაგრამ ჭორის გადამოწმება მაინც ვარჩიეთ რამაზთან, თუმცა ისიც გავარკვიეთ, რომ პოლიციას მართლაც დაუჭერია რამაზ ჩაჩანიძე, მხოლოდ არა ეს რამაზ ჩაჩანიძე, ის სხვა შეიარაღებული დაჯგუფების წევრი რამაზ ჩაჩანიძე ყოფილა და არა მუსიკოსი, ლეგენდარული ჯგუფ “სახეს” და “ფლეშის” წევრი ოდესღაც, დღეს კი კლიპმეიკერი და რეჟისორი. კიდევ კარგი, თორემ გული საერთოდ აგვიცრუვდებოდა ამ ჩვენს შოუ-ბიზნესშიკებზე :)

ნიკა ცქიტიშვილს ცოლი მოჰყავს

პერსპექტიულ სასიძოდ მონათლული კალათბურთელი ნიკა ცქიტიშვილი გასულ წლებში ჭორის დონეზე ბევრჯერ დააოჯახეს, ბოლო ქორწინება მას ირინა ონაშვილთან ჰქონდა, როგორც აღმოჩნდა ეს ყოველივე ტყუილია, სიმართლე და მხოლოდ სიმართლე გახლავთ ის, რომ ნიკამ ინტერნეტის საშუალებით გაიცნო 16 წლის მოცეკვავე სოფო გოგებაშვილი, რომლითაც ძალიან მოიხიბლა და მისი ცოლად მოყვანა გადაწყვიტა. სოფო აბიტურიენია, გამოცდების შემდეგ აღნიშნული წყვილი ჯვარს დაიწერს და როგორც ამბობენ ხოლმე ერთად შეუდგებიან ცხოვრების ჭაპანის ზიდვას, “ვარსკვლავები” ბედნიერებას უსურვებს ნიკას და სოფოს.

გიორგი ერგემლიძე მამის კვალს არ მიჰყვება

ახალგაზრდა, პერსპექტიული ქართველი მომღერალი, ცნობილი მუსიკოსის ნუგზარ ერგემლიძის შვილი - გიორგი ერგემლიძე აქტიურად განაგრძნობს საკუთარ სტუდიაში მუშაობას და როგორც ჩვენთან საუბარში იგი აცხადებს, ახალი ალბომის გამოსაცემად ემზადება, რომლისთვისაც მხოლოდ სამი სიმღერაღა დარჩა ჩასაწერი. გიორგი აცხადებს, რომ ალბომში შესული 11 სიმღერიდან არც ერთი ქართული არ იქნება და თავისთავად ის, მხოლოდ საზღვარგარეთ გატანაზეა გათვლილი, რადგან ნებისმიერი მუსიკოსისთვის, ნებისმიერ შემთხვევაში საქართველოს საზღვრებს გარეთ საკუთარი შემოქმედების გავრცელება მნიშვნელოვანია. წწწ.მყსპაცე.ცომ/გიოერგემლიდზე ეს მომღერლის მისამართია ინტერნეტში, სადაც მისი ახალი ნამუშევრების მოსმენაც შეგეძლებათ.

ქეთი მელუამ ბათუმში კონცერტი გამართა

ბრიტანეთში მოღვაწე ქართველმა მომღერალმა ქეთი მელუამ ბათუმში, ღია ცის ქვეშ, წვიმის მიუხედავად, საათნახევრიანი კონცერტი გამართა. 2009 წლის ზაფხულის სეზონი აჭარაში გუშინ გაიხსნა. საქველმოქმედო კონცერტისთვის სპეციალურად ჩამოსულმა მომღერალმა ბათუმის ბულვარში ძველ ჰიტებთან ერთად, ახალი სიმღერებიც შეასრულა. კონცერტიდან შემოსული თანხით კიდევ ერთ მრვალშვილიან ოჯახს სახლის გასაღები მომღერლმა კონცერტის დასასრულს თავად გადასცა. მანამდე მელუამ საქველმოქმედო კონცერტი თბილისის ოპერისა და ბალეტის თეატრში 14 ივლისს გამართა.

ახალი კლიპი მეუფის ლოცვა-კურთხევით

ვახტანგ ჭაბუკიანის სახელობის სახლ-მუზეუმში, პლეხანოვზე ამასწინათ ახალი კლიპის პრეზენტაცია გაიმართა, მარი ზაქარიაძის "გიხაროდენ მარიამ" პოეტმა ნანა ცინცაძემ წარადაგინა (სიმღერის ტექსტი სწორედ მას ეკუთვნის), სიმღერის კომპოზიტორი თეა ჯინორიაა, არანჟირება დავით უგრეხელიძეს ეკუთვნის, რეჟისორი კი გია კაიშაურია, ყველაზე ორიგინალური და სასიამოვნო ისაა, რომ ეს კლიპი მეუფე თადეოზის ლოცვა-კურთხევითაა გადაღებული. საღამოს ქართული ხელოვნების ბევრი პოპულარული სახე ესწრებოდა, მათ შორის თეატრალური უნივერსიტეტის კვარტეტი (რომელმაც საკუთარი ნომერიც შეასრულა მუზეუმის პატარა სცენაზე), ვაჟა აზარაშვილი, ნათია ქოროღლიშვილი, დათო არჩვაძე და სხვები.

საქართველოში “მის-ჯიუნიუორსაც” ავირჩევთ

ვინ თქვა ზაფხული მკვდარი სეზონია შოუ-საღამოების მოწყობისთვისო? ვინ თქვა თბილისი ამ დროს მიჩუმებულია და ყველაფერი რაც ხდება ზღვისპირეთში ინაცვლებსო? მთლად ასეც არაა საქმე, რადგან თუნდაც აჭარული კურორტები ამ მხრივ, ზაფხულობით ლოგიკურადაა გამორჩეული, - თუმცა დედაქალაქი მაინც დასაწყისია ყველაფერი კარგისა. ზუსტად კიდევ ერთი კარგი დასაწყისის შესახებ უნდა გაცნობოთ, თბილისში სილამაზის კონკურსის “მის-ჯიუნიორის” შესარჩევი ტური გაიმართა, სილამაზის კონკურსის ორგანიზატორი სამოდელო სააგენტო “ფავორიტი” და ნუკრი ჯიოშვილის ფოტო-სტუდიაა, რომლებიც ასევე ხელმძღვანელობენ საქართველოში უკვე პოპულარულ “მის-ბიკინის” კონკურსს. “მის-ჯიუნიორის” გოგონათა დაჯილდოება და მათგან ერთ-ერთის არჩევა ამ ტიტულზე წარსადგენად, 9 აგვისტოს კვარიათში გაიმართება, გამარჯვებული კი შემოდგომაზე ჩეხეთ-უნგრეთში საერთაშორისო კონკურსზე გაემგზავრება. მანამდე კი, თბილისში ცოტახნის წინ მსურველი გოგონების კასტინგი გაიმართა, დაახლოებით 50 მონაწილისგან ჟიურიმ ქულათა ათბალიანი სისტემით 20-ამდე გოგონა შეარჩია.

აშშ-ს დამოუკიდებლობის დღე და სიუპრიზების საღამო

უკვე მერამდენედ, ქართველი ჟურნალსიტების ნაწილი, ამერიკის დამოუკიდებლობის დღეს და ტელეკომპანია “პირველი სტერეოს” მენეჯერის კობა ბრეგვაძის დაბადების დღეს, რესტორან “სამეფოში” ერთდროულად აღნიშნავენ, რომლის ტრადიციული წამყვანი და კონფერანსიე ტელეკომპანია “მიუზიკ ბოქსის” მუს.რედაქტორი, თბილისში ყველაზე ღვარძლიანი ჟურნალისტის ტიტულის მატარებელი :) ლიზა ვადაჭკორიაა. წლევანდელმა საღამომ წინებზე გაცილებით ლამაზად და მხიარულად ჩაიარა, გათამაშდა უამრავი პრიზი და საჩუქარი, იყო ბევრი ცეკვა და გართობა, ეს ალბათ იმის “ბრალიცაა” რომ ჟურნალისტების გარდა, საღამოს სხვა პოპულარული ადამიანებიც ესწრებოდნენ, მათ შორის ცნობილი ლათინო-მოცეკვავე მაესტრო მორისი, მომღერლები ანრი ჯოხაძე, გვანცა ზაქარეიშვილი, ბორის ბედია და სხვები. იუბილარს, რომლის დაბადების დღე აშშ-ს დამოუკიდებლობის დღეს დაემთხვა უამრავი საჩუქარი მიუძღვნეს, ყველაზე ორიგინალური მათ შორის ალბათ ჩვენი კოლეგის, ამერიაკში მოღვაწე ჟურნალისტის - ნუგზარ რუხაძის ყელიდანვე მოხსნილი, ამერიკული ფერ-ფურის ჰალსტუხი იყო, რომელიც ამ უკანასკნელმა კობა ბრეგვაძეს საკუთარი ხელით დაკიდა :) ბოლოს კი, ყველაფერი ტრადიციული ტორტის შემოტანით, სანთლების ჩაქრობით და ტორტის დაგემოვნებით ლამაზად დასრულდა. “ვარსკვლავები” კიდევ ერთხელ ულოცავს თავის კოლეგას დაბადების დღეს, მხნეობას, ჯანმრთელობას და სულ ასეთ კაი კაცობას უსურვებს :)

ქობულეთმა ფოლკლორის მე-5 საერთაშორისო ფესტივალი ჩაამთავრა

თავიდანვე უნდა ითქვას, რომ საქართველოში მსგავსი სახის ფესტივალი რაც მეტი ჩატარდება მით უკეთესი ჩვენი კულტურის პოპულარიზაციისათვის თუნდაც, შიდა ბაზარზე და თუნდაც, უახლოეს სამეზობლოში. აქვე ავღნიშნავდით მასპინძლების ორგანიზებულობას და განსაკუთრებულ მადლობას საორგანიზაციო კომიტეტის თავმჯდომარეს ბადრი ცეცხლაძეს და საზოგადოებასთან ურთიერთობის სამსახურის უფროსს ბატონ ჯემალ მეგრელიძეს გადავუხდით, ჩვენი უშუალო მასპინძლობისთვისაც. როგორც ჟურნალ ”ვარსკვლავების” მე-2 ნომერში, მე-11 გვერდზე გამოქვეყნებულ (იხილეთ ჟურნალის “პე დე ეფ” ფაილი) ბადრი ცეცხლაძის ინტერვიუში ვკითხულობდით ფესტივალი “ზღვის ჰარმონია” უამრავ სიუპრპიზს პირდებოდა საზოგადოებას, სტუმრებს, ჟურნალისტებს და ვაღიარებთ, რომ ყველაფერმა მაღალ დონეზე ჩაიარა, სცენაზე უამრავი ნიჭიერი ახალგაზრდა გამოჩნდა, საესტრადო, ფოკლორის, ცეკვის და სიმღერის კუთხით უამრავი ახალი აღმოჩენა გაკეთდა, რომელთა შეფასება საკუთარ თავზე პროფესიონალებს ქონდათ აღებული: - ლეგენდარული მოცეკვავე ფრიდონ სულაბერიძე, ანსამბლ “ერისონის” ქორეოგრაფი რევაზ ჭოხონელიძე, ნუგზარ კაპანაძე, ომარ მხეიძე და სხვები, ადამიანები რომლებიც 4 დღის განმავლობაში ყურადღებით აფასებდნენ მონაწილეებს მთელი საქართველოდან, სტუმრებს სასომხეთიდან, თურქეთიდან. . . “ზღვის ჰარმონიის” დასკვნითი კონცერტი, დაჯილდოების ცერემონიალი ბათუმის თეატრში ამაღელვებლად, საინტერესოდ და დაძაბულად წარიმართა, რადგან არავინ იცოდა ვინ რომელი ადგილის, პრიზის და საჩუქრის მფლობელი გახდებოდა, თუმცა არც ორგანიზატორებს დაუტოვიათ გულდაწყვეტილი ვინმე და ყველას თავისი წილი პატივი სცეს. “ზღვის ჰარმონია 2009” მომავალ წლამდე დაემშვიდობა ყველას და მომავალ 2010 წელს ისევ, ტრადიციულად დაგეგმა ქართული ტრადიციული ფოლკლორული მუსიკისა და ცეკვის საერთაშორისო მე-6 ფესტივალი. “ვარსკვლავები” კიდევ ერთხელ დიდ მადლობას უხდის ჩვენს კოლეგას ჯემალ მეგრელიძეს მასპინძლობისთვის.

თიკა ფაცაცია და “მერსედესი”

ცნობილია, რომ ავთანდილ ცქვიტინიძემ სულ ცოტა ხნის წინ დაასრულა მუშაობა ახალ კოლექციაზე, რომელსაც კიევისთვის ამზადებდა. აღნიშნული კიევური ვოიაჟის სახედ დიზაინერმა თიკა ფაცაცია შეარჩია. ფოტო-სესიაც ჩაატარა და სურათებიც გაუგზავნა კომპანია “მერსედესს”. როგორც გაირკვა სწორედ ამ კომპანიის სარეკლამო ფოტოებისთვის მოამზადა ავთანდილმა ჩვენებაც და ფერებიც “მერსედესის” ფერებში გადაწყვიტა. ნაცრისფერი, წითელი და შავია კოლექციის დომინანტი ფერი და ძირითადად საქმიანი ადამიანებისთვის არის განკუთვნილი. მკაცრი ხაზი და ელეგანტურობა ისევე როგორც ყოველთვის ავთანდილის კიევში წარსადგენ “მერსედესის” კოლექციაშიც შეინიშნება.

ნინო ჩხეიძე ახალ ნაბიჯს დგამს

ქალაქური სიმღერების შემსრულებელი, მომხიბვლელი მომღერალი ნინო ჩხეიძე ზაფხულში თავის თაყვანისმცემლებს ძალიან ბევრ სიურპრიზს პირდება. როგორც მომღერალმა ჩვენთან საუბრისას აღნიშნა, ზაფხულში გამოვა მისი რიგით მეხუთე ალმობი, სადაც შესული იქნება თანამედროვე საცეკვაო სიმღერები, რომლებიც ისევ და ისევ ქალაქურ სტილში იქნება გაკეთებული. ამას გარდა მომღერალი ცოცხალ ბენდთან იწყებს მუშაობას და შემოდგომაზე უკვე ნინო ჩხეიძე საკუთარი ბენდის თანხლებით ივლის კონცერტებზე. “ - მეხუთე ალბომის გამოსვლის შემდეგ ჩემი რეპერტუარი მთლიანად იქნება შეცვლილი, ამაში ისიც დამეხმარება, რომ სულ მალე ბენდთან ერთად დავიწყებ მუშაობას და ძალიან ბევრ სიახლეს შევიტან ჩემს შემოქმედებაში” - აღნიშნა მომღერალმა.

მანჩო თავის პირადულ ცხოვრებაზე კარტებს ხსნის

პოპულარული მომღერალი მანჩო ჯადუგიშვილი (მანჩო) დღეს "ვარსკვლავების" ცოცხალი ინტერვიუების სტუმარია და ის გარდა იმისა, რომ საქმიან და შემოქმედებით თემებზე საუბრობს, ასევე თავისი პირადი ცხოვრების დეტალებსაც ამჟღავნებს, შეგიძლიათ გადმოწეროთ ინტერვიუ, ან გამოგვიგზავნოთ თქვენი მაილი და ჩვენგან მიიღოთ ინტერვიუ მუსიკალურ ფორმატში. ცოცხალ ინტერვიუში მისი მეგობვრებიც ჩაერთვნენ საუბარში და საკუთარი არაორდინალური აზრები ხმამაღლა დააფიქსირეს, შედით აქ მოთავსებულ სპეც-ლინკზე და მოუსმინეთ მანჩოს ინტერვიუს!
შედით ამ ლინკზე და გადმოწერეთ მანჩოს ინტერვიუ

გიორგი დათიაშვილის ქველმოქმედება

ლატვიიდან დაბრუნებულმა ახალგაზრდა მომღერალმა გიორგი დათიაშვილმა აქტიურად დაიწყო ახალ სიმღერებზე მუშაობა და მთელი დღის განმავლობაში საკუთარ ხმის ჩამწერ სტუდიაშია შეკეტილი. როგორც “ვარსკვლავებისთვის” გახდა ცნობილი, მომღერალი მუშაობს ახალ პროექტზე, რომელიც მზრუნველობა მოკლებული ბავშვებისათვისაა განკუთვნილი. დათიშვილის ინიციატივით, ჩაიწერება ჰიმნი, რომელსაც თავად ეს ბავშვები შეასრულებენ და მასში არცერთი ცნობილი სახე არ მიიღებს მონაწილეობას. სიმღერაზე ვიდეო რგოლის გადაღებაც იგეგმება და საქველმოქმედო კონცერტიც, სადაც ქართული ესტრადის ვარსკვლავები იმღერებენ. ამის პარალელურად მომღერალი ახალ სიმღერებზეც მუშაობს, რომელსაც მსმენელი სულ მალე მოისმენს.

პოლიციამ ბესო სარჯველაძე დააკავა

სიტყვიერი შეურაცხყოფა, წინააღმდეგობის გაწევა და ხულიგნობა - ამ ბრალდებებით ოპოზიციის აქტივისტი ბესო სარჯველაძე საპატრულო პოლიციამ წუხელ გვიან ღამით დააკავა. ინიციდენტი მას შემდეგ დაიწყო, რაც მანქანის საჭესთან მჯდომი ნასვამი სარჯველაძე ქუჩაში გააჩერეს. ოპოზიციის აქტივისტმა პოლიციელებს ჯერ შეურაცხყოფა მიაყენა, შემდეგ კი პატრულის მანქანის შუშა ჩაამსხვრია. სარჯველაძე ამ წუთებში წინასწარი დაკავების იზოლატორში იმყოფება, მას ბრალად ხულიგნობის მუხლს წაუყენებენ. ბრალდების დამტკიცების შემთხვევაში, მას 1-დან 3 წლამდე პატიმრობა ემუქრება.

ახალგაზრდა მომღერლის - ნუცის ახალი წარმატებები

ომპოზიტორ ზურა ჩინჩალაძესთან ჩაწერილი წარმატებული დუეტის შემდეგ ახალგაზრდა, 18 წლის პერსპექტიული ნუცი (ნინი პატარაშვილი) სერიოზულად ამუშავდა საკუთარ რეპერტუარზე, იმიჯზე და კარიერაზე. მომღერალმა ვოკალში მომზადება მუსიკოს კაკი ბოლქვაძესთან დაიწყო, “მანჩოს სტუდიაში” ჩაწერა ორი ახალი, ლამაზი სიმღერა, რომელთაგანაც ერთ-ერთის ტესქტის და მუსიკის ავტორი მანჩოა, მეორის ტექსტის ავტორი თავად ნუცია, მუსიკის კი, ზურაბ ჩინჩალაძე. ნუციმ გარეგნული იმიჯიც შეიცვალა და მოკლე სწორი თმა, დაიგრძელა. ღამდენიმე დღის წინ ბათუმი-ქობულეტში გამართულ “შავი ზღვის” მე-5 საერთაშორისო ფესტივალზე მაყურებლის სიმპათიის წოდება, მე-3 ადგილი და მედალი, ლაურეატეს წოდებით მოიპოვა. მომღერალი ივლისის ბოლომდე თბილისში გაარძელებს მუშაობას, რის შემდეგაც ერთი თვით ალბათ საბერძნეთში გაემგზავრება, საქართველოში დაბრუნების შემდეგ კი, მომღერალი ერთ-ერთ ახალ სიმღერაზე “ვარსკვლავების” ეგიდით აგვისტოს თვეში კლიპს გადაიღებს, რის შემდეგაც აქტიურად დაიწყებს მუსიკალური კარიერის შექმნას, რაც პირველ ნაბიჯად სოლო-ალბომის გამოშვებაში აისახება.

ჯგუფი "ქორალის" პირველი სოლო-კონცერტი

საქართველოს მუსიკალური დაჯილდოების “მეგას” მე-9 ცერემონიალზე, გასული წლის შემოდგომის ბოლოს, ჯგუფმა “ქორალმა” “წლის აღმოჩენა” ჯგუფის ნომინაციაში მოიპოვა “მეგა”, გავიდა რამდენიმე თვე და ბიჭებმა პირველი სოლო-კონცერტი ივნისიში გამართეს “პროფკავშირების კულტურის სასახლეში”. გიორგი მაღლაფერიძე, დათო მესვერიძე (რომელიც ახლახანს დაემატა კვარტერტს და “ქორალი” კვინტეტად აქცია), აკაკი კიკვაძე, გურამ ლომინაძე და რამაზ ტყეშელაშვილი, სერგი ეგოიანის მენეჯერობით და გიორგი შალვაშვილის რეჟისორობით 20 სიმღერით წარსდგნენ მაყურებლის წინაშე. ჯგუფის პერსპექტიულობა პოლონელმა იმპრესარიომაც შეამჩნია კონცერტზე და ისინი 14-16 აგვისტოს პოლონეთში, ქალაქ ნისას საერთაშორისო მუსიკალურ ფესტივალზე მიიწვია, სადაც თავის მხრივ გერმანიიდან რამდენიმე იმპრესარიო ჩამოდის ბიჭების საშემსრულებლო მანერაზე დასაკვირვებლად და მათ მოსასმენად. უახლოეს მომავალში, ჯგუფის წევრები საქართველოს რაიონებში გასვლით სოლო-კონცერტებსაც გეგმავენ და პოლონური ფესტივალისთვისაც აქტიურად ემზადებიან.

ჩვენება წვიმიან ქუჩაში

შეასძლოა მაკა ნაცვლისშვილს სულაც არ ჰქონდა თავიდან განასზღვრული და ჩაფიქრებული, რომ მისი მაღაზიის ახალი კოლექციის ჩვენება მოდელებს თავსხმა წვიმაში მოუწევდათ, მაგრამ დამიჯერეთ, რომ ამ ყველაფერს ცოტა რომანტიულობის მომენტიც დაკრავდა და ვიზუალურადაც უფრო ლამაზიც იყო, სველ ქუჩაზე, ვაჟა-ფშაველას გამზირზე, მაღაზიის წინ, სპეციალურად მოწყობილ პოდიუმზე მონარნარე მოდელები და მათი სამოსი. დაახლეობით 15 გოგონა ნახევარი საათის მანძილზე, მოქუფრული ცის ქვეშ, წვიმიან ამინდში (რომელმაც სხვათაშორის მაშინ გადაიღო, როცა მოდელებმა ფეხი ხალიჩაზე დადგეს) მაკა ნაცვლიშვილის სამოსს აპიარებდა, შედეგით მაყურებელიც კმაყოფილი დარჩა, მოდელებიც და თავად მაკაც. სტუმართა შორის პოპლულარული სახეების სიხალვათე ნადვილად არ იგრძნობოდა, იქ იყო ლიკა ქავჟარაძე, ლიკა ყაზბეგი, გიორგი ჯაჯანიძე და სხვები.

იან გილანი ქართველ ფანებს პირადად შეხვდება

ლეგენდარული როკ ჯგუფის Dეეპ Pურპლე ვოკალისტი იან გილანი ქართველ ფანებს სტამბულის კონცერტამდე რამდენიმე საათით ადრე პირადად შეხვდება. ეს გადაწყვეტილება თავად გილანმა ქართველი ფანის მიერ მისთვის გაგზავნილი მეილის შემდეგ მიიღო. როგორც იცით ჯგუფი 20 ივლისს კონცერტს მართავს თურქეთში, სტამბულის თურკცელლ Kურუცესმე Aრენა-ზე. ამასთან დაკავშირებით ქართველმა მსმენელებმა გადაწყვიტეს ყველანი ერთად გაემგზავრონ 2 000 კილომეტრით მოშრებულ ქალაქში საყვარელი ჯგუფის ლაივის სანახავად. ყველაფერს სათავეში ერთ-ერთი ფანი გიორგი კიკონიშვილი ჩაუდგა. სწორედ მის მიერ გაგზავნილი მეილი გახდა გილანის ინიციატივის მიზეზი. გიორგი კიკონიშვილი: დაახლოებით 3 თვის წინ, როდესაც ყველაფრის ორგანიზება დავიწყეთ, იან გილანს მივწერე მეილი, სადაც ვუყვებოდი თუ როგორ ვემზადებოდით ათეულობით ქართველი ფანი სტამბულში მათი კონცერტის სანახავად, აგრეთვე გავახსენე მისი თბილისური ვიზიტი 1990 წელს, როდესაც იანმა 5 კონცერტი გამართა სპორტის სასახლეში და შემდეგ მის მეუღლესთან ერთად დაიწერა ჯვარი სვეტიცხოველში, ჩოხაში გამოწყობილმა. აგრეთვე მოვუყევი პირადად მე როდის და რატომ დავიწყე ამ ჯგუფის მოსმენა. საბოლოო ჯამში წერილი იმდენად ემოციური გამოვიდა, რომ 6 მაისის ღამეს Dეეპ Pურპლე-ს ტურ მენეჯერმა გვამცნო: “იან გილანს იმდენად გაუხარდა თქვენი მეილი, რომ გამოთქვა სურვილი, მოვაწყოთ მისი და თბილისიდან ჩასული ქართველი ფანების შეხვედრა კონცერტამდე რამდენიმე საათით ადრე“ მსოფლიოს ყველაზე ცნობილ როკ-ვოკალისტთან და ცოცხალ ლეგენდასთან შეხვედრის მოლოდინით გახარებულ ქართველ ფანებს სტამბულში წასასვლელად ყველა საორგანიზაციო საკითხი გადაწყვეტილი აქვთ და როგორც ამბობენ გზა, 3 დღე სტამბულში, კონცერტი და იან გილანის პირადად ნახვა არცთუ ისე ძვირი უჯდებათ. ასე რომ, მსურველებს შეუძლიათ შეუერთდენ და მათთან ერთად წავიდნენ სტამბულში.

თიკა კანდელაკი ქმარს გაშორდა

რუსეთში მოღვაწე ქართველ ვარსკვლავებს, აშკარად კრიზისული პერიოდი უდგათ, ვალერი მელაძის შემდეგ, ყვითელი პრესა ამჯერად თიკა კანდელაკმა ააფორიაქა, სკანდალურად ცნობილმა ტელე-წამყვანმა, თავისი ბიზნესმენი ქმარი ამჯერად საბოლოოდ მიატოვა. როგორ მისი მეგობრები ამბობენ კანდელაკი იმდენად დაღალა ქმრის წუწუნმა თავის ბიზნესზე, რომ მზად იყო ყველგან წასულიყო ოღონდ მისგან შორს ყოფილიყო. თუმცა დაშორების თაობაზე ანდრეი კონდრახინი და თიკა კანდელაკი კომენტარს არ აკეთებენ

ვალერი მელაძემ ოჯახი მიატოვა

რუსული ესტრადის ქართველი ვარსკვლავი, ვალერი მელაძე მარტოხელა ვარსკვლავთა რიცხვს შეუერთდა, ეს ამბავი მედიასთან რამდენიმე დღის წინ აღიარა, იმაშიც გამოტყდა რომ უკვე 9 თვეა რაც ოჯახისგან ცალკე ცხოვრობს და მთელი ამ ხნის მანძილზე ამ ამბავს პრესას გულმოდგინედ უმალავდა, მელაძის მეგობრები აღნიშნავენ, რომ ახლა ვალერის რთული პერიოდი აქვს და სიმშვიდე სჭირდება. შემოქმედებითად კი მომღერალს კვლავ პოზიტიური მიმართულებისკენ აქვს გეზი აღებული, სავარაუდოა, რომ ოჯახურ ტრაგედიასთან დაკავშირებული პრობლემები მის შემოქმედებაშიც აისახება.

საქართველოს ახალი "მის-ბიკინი" ყავს

წელს უკვე მეოთხედ საქართველოში სამოდელო სტუდია "ფავორიტის" ხელმძღვანელის მაია ზაალიშვილის ორგანიზებით კვლავ გაიმართა "მის-ბიკინის" კონკურსი, რომელიც ამჯერად კახეთში, კერძოდ კი თელავში გაიმართა, თავიდანვე გვინდა ავღნიშნოთ რომ კონკურსის მთავრი მონინაციის და "მის-ბიკინის" ტიტულის მფლობელი 2009 წელს გახდა სოფი რომანიშვილი, ხოლო პირველი და მეორე "ვიცე-მისს"-ების ნომინაცია კი მარი სარჩიმელიამ და ქეთი ცისკარიძემ გადაინაწილიეს. უნდა ითქვას, რომ "მის-ბიკინი საქართველოს" არსებობის ისტორიაში რამდენიმე საერთაშორისო კონკურსის მონაწილეები და გამარჯვებულები ყოფილან ქართველი ნომინანტები, ისეთები როგორიცაა miss earth, miss queen international, miss bikini world , miss tourism world, წლევანდელი გამარჯვებული კი MISS BIKINI OF THE WORLD-ში მიიღებს მონაწილეობას, რომელიც მოგვიანებით საერთაშორისო მასშტაბით გაიმართება. აქვე ავღნიშნავთ, რომ საქართველოში ეს კონკურსი ჯერ-ჯერობით ერთადერთია რომელიც მსგავსი აბრევიატურით ტარდება, თუმცა როგორც ჩვენთვის გახდა ცნობილი იგეგმება იგივე აბრევიატურით ე.წ. "სხვა მის-ბიკინის" კონკურსის ჩატარება, რაც სიმართლე გითხრათ არც ისე გასაკვირი იქნება, რადგანს საქართველოში ყველაფერი 2-2 კეთდება, 2-2-ად აღინიშნება და გასაკვირი არაა თუ 2 ან მეტი "მის-ბიკინი" გვეყოლება. არადა, რაც მეტი ლამაზი გოგონა იქნება სტიმულმიცემული საქართველოში ახალი წამოწყებებისა და ახალი გამარჯვებებისათვის მით უკეთესი, ეგება ასე მაინც შევძლოთ პოლიტიკური დებატების აპოლიტიკური თემებით შეცვლა... რა, უფრო კარგი საყურებელია მაყურებლისთვის - ლამაზი ქალი სცენაზე და პოდიუმზე (თუნდაც ტელე-ეკრანზე) თუ დუბინკებმომარჯვებული სპეცნაზი და ოპოზიციონერი კასტეტიანი აქტივისტები....:)

21.05.2009 ბესო კალანდაძეს სტრასბურგში უჩივლეს

საქართველოს მუსიკალური დაჯილდოების “მეგას” ცერემონიალის “ყველა დროის საყვარელი მომღერლის” ნომინაციის ორგზის მფლობელი მომღერალი ბესო კალანდაძის ოჯახური სკანდალი კვლავ გრძელდება. ქართული ყვითელი პრესა ავრცელებს ინფორმაციას იმის შესახებ, რომ მოსკოვში ნცობილი ნეიროქირურგი ციცინო შურღაია, რომელიც მომღერლის ოფიციალური მეუღლეა ბრალს სდებს ამ უკანასკნელს და სასამართლოს სტარსბურგში მიმართავს (როგორც ჩანს სარჩელი სასამართლომ წარმოებაში უკვე მიიღო), სადაც მოითხოვს ბესო კალანდაძისა და მისი ქართველი მეუღლის (თბილისში) მედეა კალანდაძის ქორწინების ოფიციალურ გაუქმებას, იმ მიზეზით, რომ მომღერალმა ცნობილი ნეიროქირურგი მოატყუა, რომ პირველ ცოლთან ოფიციალურად გაშორებული არ იყო თბილისში და ისე დაქორწინდა მოსკოვში. ამ უარყოფასთან ერთად ციცინო შურღაია მომღერლისგან 70.000 დოლარსაც ითხოვს და აცხადებს, რომ ამ ფულს ფონდ “იავნანას” მთლიანად გადაურიცხავს. ბესო კალანდაძის განცხადებით, ეს ქალბატონი პოტენციური ცილისმწამებელია, მომღერალი არ აღიარებს მას მეუღლედ და შემხვედრი სარჩელითაც მიმართავს სასამართლოს, სადაც მოსკოველ ნეიროქირუგს, ის ცილისწამებაში სდებს ბრალს და ოფიციალურად მისგან ბოდიშის მოხდას ელოდება. სადამდე გაგრძელდება ეს დავა არავინ იცის, ფაქტია, რომ ქართველებისთვის საყვარელი მომღერალი თბილისშია, ოჯახთან და აქტიურ მუსიკალურ მოღვაწეობასაც ეწევა.

20.05.2009 თამარ გვერდწითელი გათხოვებაზე კვალავ ფიქრობს

რუსული ესტრადის ქართველი ვარსკვლავი დღესაც დიდი პოპულარობით სარგებლობს და მის მიმართ ინტერესი არამხოლოდ როგორც მომღერლის, არამედ როგორც ქალის – არ ნელდება. მიუხედავად იმისა, რომ უკვე მეოთხე წელი დაიწყო რაც ის თავის რუს ქმარს (პროფესიით ქირურგს) დაშორდა, თამრიკოს სასიყვარულო რომანების შესახებ არსად არაფერი გაჟღერებულა, ქართველი მომღერალი ან კარგად მალავს ახალ სიყვარულს, ან უბრალოდ სიტყვაზე დაეჯერება, რომ – მარტოა და არ ჩქარობს არაფერს, თუმცა ახალი სიყვარულისადმი ინტერესი არ ჩამქრალა, - მეუღლეს სამი წლის წინათ იმიტომ გავშორდი, რომ უბრალოდ მივხვდი სიყვარული გაქრა, უამისოდ ცხოვრება კი, არაა კომფორტული, არც ადვილად მისაღწევი ქალი ვარ და არც იმაზე ვარ თანახმა, რომ მარტო დავრჩე, ქალი სიყვარულს სულ ელოდება, - აცდახებს ჟურნალისტებთან საუბარში პირველი თაობის “მზიურელი” თამრიკო გვერდწითელი.

19.05.2009 “გაღმა ნაპირის” შემდეგ ახალი ფილმი რუსულ-ქართულ ომზე

არავინ იცის როდის განახორციელებს რეჟისორი გიორგი ოვაშვილი თავის ახალი იდეას, რომელიც პირველ ქართულ მხატვრულ ფილმს ეხება რუსეთ-საქართველოს ომის შესახებ, მაგრამ რადგან რეჟისორმა ამის შესახებ უკვე ხმამაღლა განაცხადა, ფაქტია, რომ დროული იდეა (იქნებ დაგვაინებულიც) სულზე მოუსწრებს ქართულ განწყობას, რადგან მას მერე რაც რუსებმა უმოკლეს დროში, უმაღლესი დონის მხატვრული ბლოკბასტერი გადაიღეს აგვისტოს ომის შესახებ და მსოფლიოში ამ ფილმით საქართველო სისხლისმსმელ, ოსების გენოცის მომწყობ ხალხად წარმოაჩინეს, საჭიროა ფილმი, რომელიც რუსულ ვიდეოს კონკურენცაის გაუწევს მსოფლიოს ბაზარზე. მანმადე კი, გიორგი ოვაშვილის ფილმმა “გაღმა ნაპირი” (რომელიც აფხაზეთის ომის თემატიკას ეძღვნება) სამი კინო-ფესტივალი მოაიარა და “ოქროს შროშანის” ჯილდოს მფლობელიც გახდა, ხოლო ფილმის მთავარ გმირს პატარა, არაფროფესიონალ მსახიობს თედო ბექაურს ბერლინში როლის საუკეთესო შესრულებისთვის ჟიურის სპეციალური ჯილდოც გადაეცა.

17.05.2009 ჯაბა ბოჯგუა ცოცხალია და სახლშია

თითქმის ხუთი თვე გავიდა მას შემდეგ რაც, პოპულარული ქართველი მომღერალი ჯაბა ბოჯგუა, რომელიც გულის მოციმციმე არითმიითა დაავადებული ღუდუშაურის კლინიკაში უგონო მდგომარეობაში, საწოლს მიჯაჭვული იმყოფებოდა, ამ პერიოდის მანძილზე ბევრჯერ გავრცელად ჭორი მისი გარდაცვალების შესახებ, რაც სიმართლეს არ შეეფერება, თუმცა მომღერლის მდგომარეობა მაინც არასახარბიელოა, იგი უკვე 4 თვეა უგონოდაა და ამჟამად სახლში გადის ე.წ. რეაბილიტაციის კურსს, რადგან საავადმყოფოს ხარჯების ანაზღაურება ვერავინ შეძლო და ოჯახის ახლობლები იძულებულნი გახდნენ, ჯაბა სახლში გადაეყვანათ და მხოლოდ ღვთის იმედად დარჩენილიყვნენ და დალოდებოდნენ რა მოხდებოდა. შეგახსენებთ, რომ მომღერალი ფინანსური მაქინაციების ბრლადებით დაიჭირეს, გლდანის ციხეში ყოფნის პერიოდში მას გულის დაავადება გაურთულდა, რამაც საბოლოოდ სიკვდილ-სიცოცხლის ზღვარზე დააყენა და როგორც კულუარებში საუბრობენ, გამოჯანმრთელების შემთხვევაშიც კი – ჯაბა ბოჯგუა ვერასოდეს შეძლებს აქტიური მოღვაწეობის გაგრძელებას. სასამართლომ კი, ცოცხალ-მკვდარ მომღერალს პატიმრობა მოუხსნა და ოფიციალურად გაანთავისუფლა

15.05.2009 ამერიკამ “დიდგორი” იხილა

როგორც ჩვენს მკითხველს ახსოვს ქართველი სტუდენტი ნიკა ხომასურიძე, რომელიც ლოს-ანჯელესის კინოსკოლის სტუდენტია, საკურსო ფილმს საქართველოში “დიდგორის ომის” შესახებ იღებდა, რომლის პრეზენტაციას აგვისტოს ბოლოს უნდა შემდგარიყო საქართველოში, მაგრამ 2008 წლის აგვისტოს ომის გამო პრემიერა საქართველოში გადაიდო! თუმცა შეერთებულ შტატებში ნიკამ ფილმის პრეზენტაცია კინოსკოლის ბაზაზე მოაწყო და მაყურებლის უდიდესი სიმპათია და მოწონება დაიმსახურა. განსაკუთრებული სიმპათიები ფილმის მიმართ კინოსკოლის პედაგოგებმა გამოხატეს, რაც დამატებითი სტიმული აღმოჩნდა ქართველი რეჟისორისთვის და გარდა იმისა, რომ “დიგორის ბრძოლა” საჯარო ჩვენებისთვის მზადდება, დაგეგმილია მისი საფესტივალო ჩვენებებისთვის მომზადებაც. – სან-ფრანცისკო, ნიუ-იორკი, ვაშინგტონი, ჩიკაგო, ეს ის ამერიკული ქალაქებია სადაც ნიკა ფილმის ჩვენებას აპირებს. რის შემდეგაც, სავარაუდოდ ზაფხულში რეჟისორი ფილმს თბილისშიც ჩამოიტანს.

14.05.2009 “ვარსკვლავების აკადემია” შეიძლება გაგრძელდეს

მას შემდეგ რაც “რუსთავი-2”-სა და კომპანია “მაგთის” ერთობლივი მუსიკალური პროექტი “ვარსკვლავური აკადემია 2” სკანდალურად, ფორსმაჟორული მდგომარეობის გამო ჩაიშალა, არავინ იცის მისი გაგრძელება-არგაგრძელების შესახებ ინფორმაცია. მაგრამ “ვარსკვლავებმა” გაარკვია, რომ ტელევიზიაშიც და “მაგთიშიც” უკვე საუბრობენ პროექტის გაგრძელებაზე, დარჩენილი 8 მონაწილით, სავარაუდოდ განსხვავებულ ფორმატში. თავად აკადემიის ე.წ. სტუდენტები რომლებიც აშკარად ღვთის მადლით გადარჩნენ ცოცხლები საშინელი ნგრევის დროს, უარს აცხადებდნენ “ვარსკვლავობაზე”, მაგრამ მას შემდეგ რაც ემოციები დაცხრა, შოკმაც ცოტათი გაიარა. კულუარებში რეალური საუბრები დაიწყო “ვარსკვლავების აკადემიის” ახალ ფორმატში გაგრძელებაზე და მიუხედავად იმისა, რომ ორივე კომპანიამ უდიდესი მატერიალური ზარალი განიცადა, ვერაფერი შეცვლის პროექტში დარჩენილ-გადარჩენილი ბავშვების მორალურ ზიანს, რომელმაც ისინი როგორც თავდ ამბობენ საბოლოოდ შეაკავშირა ერთმანეთთან.

13.05.2009 ირაკლი ლომაია: - ყველამ უნდა შთააგონოს თავის თავს რომ კარგად იქნება და ეს ასეც მოხდება

ყველა ადამიანს აქვს რაღაცის ნიჭი, რომელიც მას უფალმა უბოძა და დროთა განმავლობაში ის აუცილებლად გამოვლინდება. ის დიდი გრძნობა კი, რასაც სიყვარული ჰქვია, ყველა იმ საქმის წინაპირობაა, რაშიც ეს ნიჭი უნდა გამოიყენო და წარმატებას მიაღწიო. მამა გაბრიელს უთქვამს: ,,ყველაფერი რომ გქონდეს და სიყვარული არ გაგაჩნდეს, ჩათვალე, რომ არაფელი გაგაჩნია”. საზოგადოების რა ფენასაც არ უნდა მიეკუთვნოდე და რა საქმესაც უნდა ემსახურებოდე, უსიყვარულოდ არასოდეს არაფელი გამოვა. სწორედ ეს გრძნობა ასულდგმულებს ამ ადამიანს, რომელიც თავისი დაძაბული სამუშაო რეჟიმის მიუხედავად, ყოველთვის კარგ ხასიათზეა და ახლობელ ადამიანებს სითბოს და სიყვარულს უნაწილებს. სჯერა, რომ თუ ცუდად იქნება, სხვის დახმარებას ვერასოდეს შეძლებს. ყყველაზე დიდი ბედნიერება კი მისთვის სწორედ რომ გაჭირვებულებისთვის ხელის გაწოდებაა, რადგან, როგორც თვითონ ამბობს, გაჭირვების ფასი თავადაც გამოუცდია და კარგადაც იცის. ირაკლის ხასიათის განსაკუთრებული შტრიხები ბავშვობიდან დაჰყვა. მიუხედავად ასაკისა, მან ბევრი მოასწრო და გააკეთა. აკეთებს დღესაც და წინ დიდი გეგმები აქვს. საკმარისია ერთხელ გაესაუბროთ მას, რომ მიხვდებით, რაოდენ საინტერესო და მრავალმხრივი ნიჭით დაჯილდოვებული ადამიანია, რომელსაც აინტერესებს ყველაფერი. შევეცადე, რამდენიმე კითხვა დამესვა ირაკლისთვის და დახლოებით მაინც გამეგო მისი შინაგანი სამყარო. სამყარო, რომელიც აბსოლიტურად რეალური აღმოჩნდა. თამამად შეიძლება ითქვას, რომ ირაკლი ლომაია თავისი შეხედულებებითა და ქმედებებით ევროპელია, თუმცა, ამავდროულად, ტრადიციული ქართული ოჯახის მამა და მეუღლეა

12.05.2009 “დე ჟა ვუ”-ში იუბილე აღნიშნეს

გართულებული კიარადა, გადართულებული პოლიტიკური მდგომარეობის გამო თბილისში ძალიან იშვიათად ტარდება საინტერესო (თუ უინტერესო) საღამოები, არც კონცერტები, არც შოუ-პროგამები. . . თუმცა, რაღაცა, იშვაითად თუ გამოანათებს ხოლმე, ამ იშვიათ გამონათებათა შორის იყო ინგა ჯიქიას სარეკლამო-სამოდელო სააგენტოს ერთი წლის იუბილესადმი მიძღვნილი საღამო “დე ჟა ვუ”-ში, რომელში მონაწილეობასაც მოდელების გარდა, მომღერლებიც ღებულობდნენ. ანრი ჯოხაძე, ნოდიკო ტატიშვილი, ქეთი ორჯონიკიძე, ია ჩანტლაძე და სხვები ძველი დროის გახსენებით კლავდნენ დროს, ერთმანეთის უნახავი უამრავი ადამიანი კი ახალი თბილისური ჭორების მოსმენით თუ მოგონებით ირთობდა თავს, სანამ საღამო გახსნილად არ გამოცხადდა, წამყვანად კი, მსახიობი კახა მიქიაშვილი მოგვევლინა, რომელიც მსახიობურად :) გაუძღვა ყველაფერს. ტრადიციულად იყო “ჰეფი ბერზდი” და დიდი ულამაზეს-უგემრიელესი ტორტიც

11.05.2009 პაროდისტი დათო მამაცაშვილი სცენას უბრუნდება

საქართველო, რომ ნიჭიერი ხალხის დეფიციტს არასოდეს განიცდიდა ფაქტია, მაგრამ მიზეზთა და მიზეზთა გამო, ამ ადამიანების ნიჭიერების წარმოჩენა არც ისე ადვილი იყო, თუმცა შეიძლებოდა მეტი მონდომება და მეტადაც დაფასდებოდი. პაროდისტი დათო მამაცაშვილი წლების წინ დიდი პოპულარობით სარგებლობდა, არ არსებობდა კონცერტი და ღონისძიება, სადაც მას მოწვევა არ მიეღო, ბოლო 5-6 წელია რაც გასართობი ინდუსტრიის თავისდაუნებური დაძირვა დაიწყო, პაროდისტმაც თითქოს გული აიცრუა ყველაფერზე, მაგრამ 15 მაისს ხორავას სახელობის თეატრში (სოლოლაკში) დათო მამაცაშვილის სცენაზე დაბრუნების დღეა, სწორედ აქ გაიმართება მისი შემოქმედებითი საღამო, რომლის პროდიუსინგიც, პროდუსერს და წამყვანს ბაჩუკი ბახტაძეს ეკუთვნის. წარმატებებს და ახალ შემოქმედებით გამარჯვებებს ვუსურვებთ დათო მამაცაშვილს.

10.05.2009 გამოფენა “ქოლგის” ქვეშ

“ქოლგამ” მთაწმიდის პარკში გამოფინა ფოტოები. ფოტოხელოვანების 101 საუკეთესო ნამუშევარი ორგანიზატორებმა, ძალიან ორიგინალურად, ქოლგის ქვეშ გამოფინეს და დამთვალიერებელს შესანიშნავი სანახაობით გაუმასპინძლდნენ. მთაწმიდის პარკიდან ნამუშევრები ქარვასლაში გადაინაცვლებს. 14 მაისს კი თიბისი ბანკის სპონსორობით დასკვნით საღამოზე ამოირჩევა საკეთესოთა შორის საუკეთესოები და ფოტოხელოვანები დაჯილდოვდებიან. - ქეთი გიგოლაშვილი

08.05.2009 ღურწკაიას სათვალის მოხსნას აიძულებენ

ქართველ მომღერალ დიანა ღურწკაიას რუსეთში დიდი ბრიტანეთის საელჩომ ვიზის გაცემაზე უარი უთხრა. საკონსულოს თანამშრომელები მისგან ითხოვენ ფოტოებს სადაც ის უსათვალოდ იქნება, ღურწკაია თვლის, რომ მას შეურაცხყოფა მიაყენეს და საელჩოს მხრიდან ბოდიშის მოხდას ითხოვს. დიანა ღურწკაიას ქმრის ადვოკატ კუჩერენკოს თქმით, დიანას ყველა საბუთში სურათი სათვალეებითა აქვს გადაღებული, მან აღნიშნა რომ ბრიტანეთის საელჩომ გაეროს კონვენციის (ინვალიდების უფლებებზე) 8-დან 4 მუხლი დაარღვია, ადამიანის ღირსების პატივისცემა, არადისკრიმინაცია, ინვალიდების პატივისცემა და შესაძლებლობების თანასწორობა.

პოლიციის სამმართველოს წინ 06.05.2009

ლელა გულიშვილის ფილმი - "ამათი ბოლო ერთია"

29.04.2009 - ეკაც წავიდა!

- დიახ, სამწუხაროა, მაგრამ ფაქტია, რომ ეკა კვალიაშვილიც რუსეთში წავიდა და ჩვენდა გასაკვირად კიდევ როგორ გაძლო აქ, ამდენი ხანი ისიც საინტერესოა? მომღერალი ქართული ესტრადის მეორე ვარსკვლავთან - თემურ თათარაშვილთან ერთად ცხოვრობს და მუშაობს რუსული შოუ-ბიზნესის კიბის ჯერ-ჯერობით დაბალ საფეხურებზე. გავრცელებული ჭორი ეკა კვალიაშვილის მორიგი ქორწინების შესახებ ჭორადვე დარჩა, თუმცა კვამლი უცეცხლოდ არ ჩნდებაო და ვინ იცის, უახლოეს პერიოდში ეგ ჭორიც რეალობად იქცეს. შეგახსენებთ, რომ ეკა კვალიაშვილი სამჯერ იმყოფებოდა ქორწინებაში, ყავს ერთი ქალიშვილი, რომელიც ამჟამად თბილისში, ბებოსთან ერთად ცხოვრობს დიდუბეში, ეკას სახლში. შემოქმედებითი სიახლეებისთვის ეკას მოსკოვში ფართო ასპარეზი გაეხსნა და როგორც აცხადებს, უკვე ბევრი კონცერტია დაგეგმილი მისი მონაწილეობით (რამდენია ეს “ბევრი” არ დაუკონკრეტებია) და არც რუსების მის მიმართ კეთილგანწყობას ივიწყებს და აფიქსირებს, რომ - რუსი ხალხი დადებითადაა მის მიმართ განწყობილი (ალბათ აქაც მედვედისეულ მიდგომას აქვს ადგილი რუს ერს სააკაშვილი არ ევასებათ, თორე ქართველებს რას ერჩინ...).

29.04.2009 ნუცი: - ყველანაირად ვეცდები, რომ საქმის ბოლომდე მიყვანა არასოდეს დამეზაროს.

მიუხედავად იმისა, რომ დღეს ქართულ ესტრადას კომაში ჩავარდნილ პაციენტს ადარებენ, ფაქტია, რომ შოუ-ბიზნესის განვითარება ძალიან ნელა, მაგრამ მაინც ეტაპობრივად მიმდინარეობს, ძველი ქართველი ვარსკვლავებიდან, ცის კაბადონზე შემორჩენილ მბჟუტავ პერსონათა სია ძალიან დამოკლდა, მაგრამ სასიხარულო ისაა, რომ იბადებიან და ჩნდებიან ახლები, რომლებიც მუშაობენ, წერენ ახალ სიმღერებს, იღებენ ახალ კლიპებს და ენთუზიაზმის დონეზე ცდილობენ ქართულ ესტრადას რეალური მომავალი შეუქმნან. “ვარსკვლავებს” არსებობის ათწ ლეულის მანძილზე ძალიან ბევრი მომავალი ვარსკვლავი შეუქმნია, აღმოუჩენია და გამოუყვანია ხალხის წინაშე და არასოდეს ინტუიციით არ შევმცდარვართ, თუ ვის შეიძლებოდა მათგან ჰქონოდა პერსპექტივა, წარმატება ენახა მის სიმღერებს, ვიზუალურადაც მიეღო ხალხს და ვოკალურადაც. დღეს სწორედ ასეთ ადამიანს წარმოგიდგენთ და გთავაზობთ ახალგაზრდა, მშვენიერ 18 წლის გოგონასთან - ნუცისთან ინტერვიუს, რომელსაც ყველაფერთან ერთად - საოცარი ენთუზიზმი აქვს, საკუთარი სიტყვა თქვას ქართულ ესტრადაზე…

29.04.2009 პროექტ "ვარსკვლავების აკადემიის" შენობა ჩამოინგრა

მაშველებმა უკვე დაასრულეს სანდროეულის ხუთ ნომერში მუშაობა, სადაც, ნგრევის შედეგად, ტელეკომპანია `რუსთავი 2`-ის ორი თანამშრომელი დაიღუპა. მათი ცხედრები მაშველებმა თოთხმეტსაათაინი ძებნის შემდეგ აღმოაჩინეს. ისინი უკვე გადაასვენეს პროზექტურაში შემდეგი ექსპერტიზისთვის. წინასწარ არ საუბრობენ ნგრევის მიზეზებზე, ასევე მემონტაჟეების დაღუპვის კონკრეტულ მიზეზებზე არც მაშველები და არც სამართალდამცველები. უკვე დაწყებულია წინასწარი გამოძიება. შემთხვევა სანდროეული ქუჩაზე დილის ხუთ სათზე მოხდა. ტრაგედიას "რუსთავი 2"-ის ორი თანამშრომელი შეეწირა. "რუსთავი 2"-ისა და "მაგთის" ერთობლივი პროექტის "ვარსკვლავების აკადემიის" 5-სართულიანი შენობა ჩამოინგრა. გიორგი გაბუნია და ნიკა გელაშვილი პროექტ `ვარსკვლავების აკადემიაში` მუშაობდნენ. 1982 წელს დაბადებულ გიორგი გაბუნია სხვადასხვა დროს მუშაობდა რუსთავი 2-ის პროექტებში`დასი და `ჯეობარი`. მას მეუღლე დარჩა, რომელიც გასული წლის ნოემბერს შეირთო. ნიკა გელაშვილი `რუსთავი 2`-ში 2009 წლის მარტიდან მუშაობდა. პროექტს ვასკვლავების აკადემიის მემონტაჟედ. ნიკა გელაშვილი 36 წლის იყო. მას მეუღლე და სამი წლის ვაჟი ჰყავს.

29.04.2009 ეკა ბესელია: - საქართველო ევროპული ოჯახის წევრია

საქართველოში განვითარებულ პოლიტიკურ სიტუაციასთან დაკავშირებით, ჩვენი საიტის ადმინისტრაციამ გადაწყვიტა მოვლენების შეფასებისთვის შეექმნა სპეციალური რუბრიკა, სადაც ქართული პოლიტიკის - პოზიციისა და ოპოზიციის ლიდერებთან ექსკლუზიურ ინტერვიუებს წარმოგიდგენთ ხმოვან ფორმატში. რუბრიკის პირველი სტუმარია მოქალაქეთა პოლიტიკური გაერთიანება "მოძრაობა ერთიანი საქართველოსთვის" გენერალური მდივანი ეკა ბესელია. ინტერვიუს გადმოწერა და მოსმენა შეგიძლიათ ამავე ლინკიდან, ან მოთხოვნის შემთხვევაში პირად მაილზე, საიტის "ნევს რუმის" ხელმომწერებს კი, ის ავტომატურ რეჟიმში დაეგზავნებათ.

28.04.2009 კიდევ ერთი ახალი დუეტი

"ვარსკვლავების აკადემიის" ყოფილმა სტუდენტმა ბექა ბროლაძემ და "მეგა-2007"-ზე "საუკეთესო დუეტის" ნომინანტმა თამთა ასათიანმა დუეტი ჩაწერეს, - ეს ინფორმაცია სტუდიაში სიმღერის ჩაწერისთანავე გავრცელდა და როგორც აღმოჩნდა წყვილს სიმღერაზე დუეტის გადაღებაც მოუსწრია, რომლის რეჟისორად ბოლო დროს ამ ამპლუაში ამუშავებული გიორგი ალთუნაშვილია, სცენარის ავტორი კაკი ბოლქვაძეა, მუსიკა დიმკა თეიმურაზოვს ეკუთვნის და ტექსტის ავტორიც კაკია, სიმღერა მანჩოს სტუდიაში ჩაიწერა და მის ბაზაზევე იქნა გადაღებული ეს კლიპიც. კლიპი ცოტახანში მუსიკალურ არხებზე გამოვა და ვიმედოვნებთ, რომ ისეთივე პოპულარობით ისარგებლებს თინეიჯერებში, როგორც თავად ამ დუეტის შემსრულებლები ბექა და თამთა.

25.04.2009 რეპერი ბედინა ისევ დააკავეს

ერთ-ერთი პირველი და ვეტერანი ქართველი რეპერი ისევ დააკავეს...! ამჯერად ხულიგნობის მუხლით და სასამართლომ ის 400 ლარიანი ადმინისტრაციული ჯარიმის გადახდის შემდეგ დარბაზიდანვე გაანთავისუფლა. ბედინა ჩვენს ჟურნალისტთან საუბარში ყვება, რომ ის “ბითლზ-კლუბის” სიახლოვეს დააკავეს პატრულის თანამშრომლებმა და როგორც ჩანს მიზეზი ჩხუბი იყო, ბედინა ამბობს რაღაც გაუგებრობაში მოვყევი და აი შედეგიცო... ამჯერად, რეპერისთვის ყველაფერი თუ შეიძლება ითქვას მშვიდობიანად დამთავრდა, პირველი დაკავებისგან განსხვავებით, როცა მას იარაღის ტარების და შენახვის მუხლით წაუყენეს ბრალდება და 4 წლით გამოკეტეს ციხეში და მაშინდელი იუსტიციის მინისტრის მიშა სააკაშვილის ბრძანების საფუძველზე, ამინისტიით გაანთავისუფლეს. - ამჯერად არც არავის ვუცემივარ, არც არავის შეურაწყოფა არ მოუყენებია, დამიჭირეს და ტკბილად მიმაბრძანეს “კაპეზეში”, - ყვება ბედინა, - ისიც კი, მითხრეს, 2 ადიელა გინდა თუ ერთიო კამერაში?... გათავისუფლების მესამე დღეს რეპერს მინი-ფეხბურთის ტურნირშიც მოუწია მონაწილეობის მიღება, სადაც ერთ-ერთი საუკეთესო მეკარის სტატუსიც დაიმსახურა, შემოქმედებითად კი, ბედინა ახალი კლიპის გადაღებას აპირებს თვის ბოლოს, - “თუ მშვიდობა იქნაო” ამასაც ამატებს სტაჟიანი რეპერი.

23.04.2009 თბილისური "ევროვიზია"

თბილისში “დიდი” ევორვიზიის დროს ჩატარდება სამდღიანი მუსიკალური ფესტივალი “Tbilisi ofen iar altervizioni”. აბა რა ეგონათ რუსებს ასე გავჩერდებოდით და ამ “ უდაო ნიჭს” არავის არ მოვასმენინებდით?! ვერ მივართვით, “მას შემდეგ რაც ქართველი კონკურსანტები ტექსტის გამო “დაიწუნეს” რუსებმა, სწორედ იმ დღიდან დავიწყეთ ამ ფესტივალზე ფიქრი და განვახორციელებთ 16 და 17 მაიისს იპოდრომზე” - განაცხადა კულტურისა და ძეგლთა დაცვის მინისტრმა ნიკა რურუამ. ეს ფესტივალი ღია პროტესტია რუსული ევროვიზიისთვის. 16 და 17 მაისს გაისმება თამამი სიმღერები. პროექტის ფარგლებში შეიძლება საქართველოს ეწვიოს მომღერალი ბიორკი. ხოდა ჩვენი “კეთილსმოსურნეების” გულის გასახარად მსოფლიო მოსახლეობის თვალი არა დათუჩასკენ არამედ საქართველოსკენ იქნება. აი ჩვენზეა რა ნათქვამი “ზოგი ჭირი მარგებელიაო”. აფერუმ თქვენს ვაჟკაცობას put in-ო. - /ქეთი გიგოლაშვილი/

18.04.2009 მამუკა ონაშვილს საქართველო არ დაუტოვებია

არავინ ელოდა თუ საქართველოზე ეგრე რიგად შეყვარებული, თავად სიყვარულის ბუშტად მონათლული, ქართველებისთვის ყველაზე საყვარელი მომღერალი მამუკა ონაშვილი საქართველოს სამუდამოდ დატოვებდა... არავის! და მათ შორის არც ჩვენ, მაგრამ... ჭორები მაინც ვრცელდებოდა და არავინ იცის რატომ ასე ინტენსიურად, მაგრამ სავარაუდოდ იმიტომ, რომ მომღერალი აქტიურად აღარ ჩანს... არა, ქართულ ესტრადაზე არა (სადაც კაი ხანია აღარავინ ისედაც არა ჩანს) - არამედ “ადნაკლასნიკებში”, მერე ვიღაცამ თქვა - მამუკამ საქართველო დატოვა და ტარიელ ონიანის მიწვევით ესპანეთში გადაბარგდა საცხოვრებლადო და მიუხედავად იმისა, რომ მამუკა ერთ-ერთი იმათგანია, ვინც ყველაზე პროდუქტულად დადის ქვეყნიდან ქვეყანაში და მართავს კონცერტებს, მაგრამ არასოდეს არც კი უფიქრია საქართველოს გარეშე ცხოვრება და ქვეყნის მიტოვება. ამასწინათ მისი სახლის წინ პაპარაციც კი, გავაგზავნეთ და ვთხოვეთ, შორიდან მაინც გადაეღო ეს მთასავით კაცი, რომ სახლში შედი-გამოდიოდა და ა, ბატონო - 16 აპრილის მონაცემებით მამუკას შავი ჯიპი სახლის წინ ამაყად იწონებს თავს. ასე, რომ ჭორიკნებს ამჯერად არ გაუმართლათ და საერთოდ რა - ერთი მამუკაღა აკლია, რომ შეეშვას და წავიდეს ამ ქვეყნიდან! ხელოვანების გადინება თუ არ შეჩერდება... მეყოლეთ ვარდივით მერე, მოგენატრებათ ეს ადამიანები...

17.04.2009 რომა რცხილაძე "ცოცხალისთვის" იბრძვის

ვისაც როგორ შეუძლია ისე ჩალიჩობს, - სწორედ ასე შეიძლება შეფასდეს რომა რცხილაძის რუდუნება, იმისთვის, რომ თავისი წვლილი შეიტანოს ქართული შოუ-ბიზნესის გაცოცხლებაში, თანაც - პირდაპირი და გადატანითი მნიშვნელობით. დიახ - პირდაპირი იმიტომ, რომ რომა აქტიურად ცდილობს ცოცხალი მუსიკის პოპულარიზაციას საკუთარი მუსიკალური ბენდის “სპილოს” დახმარებით და ამას არც ისე დიდი ხნის წინ გარემონტებულ კლუბ “დეჟავიუში” აკეთებს, სადაც თითქმის ყოველ შაბათ-კვირას ქართველი მომღერლების ცოცხალ ბენდთან ერთად კონცერტებს ატარებს. რომა, გასული წლის “მეგას” ცერემონიალზე “ყველა თაობის საყვარელ მომღერლად” დასახელდა და უდაოა ორგანიზატორები არჩევანში არ შემცდარან, მაგრამ მარტო კაცი ჭამაშიაც ცოდოაო, ხომ გაგიგონიათ და რომასაც გვერდით თუ არ დაუდგნენ, ქართულ შოუ-ბიზნესს კიდევ კარგა ხანს ვერ ეშველება, არადა, ხალხნო - არ მოგბეზრდათ უქართულსიმღერობა?! არ მოგბეზრდათ ერთჯერადი ვითომ მუსიკალური (სინამდვილეში სარეკლამო) პროექტები? მოდით რა - უსმინეთ ქართულ მუსიკას! ღირს - დამიჯერეთ!!!...

ბესიკ ჩუბინიძე: - სიყვარული ყველაზე დიდი სიხარულია

1994 წლის 15 აპრილს, თბილისში, რუსთაველის თეატრიის დიდ დარბაზში, დიდი თავყრილობა გაიმართა, რომელსაც საქართველოს მაშინდელ მთავრობასთან ერთად უბრალო ადამიანებიც ესწრებოდნენ და თავყრილობის მიზეზი საქართველოში სიყვარულის დღის დაფუძნება იყო, დღის - რომლის გარშემოც სიმბოლურად უნდა გაერთიანებულიყო მთელი ქართველი ერი, დღის - რომელსაც სიმბოლურად უნდა შეექმნა ლამაზი ქართული ტრადიცია, რომელიც მისაღები იქნებოდა ქართველებისთვის, ყოველგვარი სამთავრობო დადგენილებების, საპრეზიდენტო ბრძანებების და მსგავსი ბიუროკრატიის გარეშე საქართველოში 15 აპრილი წელს უკვე მეთხუთტმეტედ აღინიშნება, როგორც სიყვარულის დღე... 1994 წლის 15 აპრილს, ზუსტად 15 წლის უკან, ამ ყველაფერის იდეის ავტორი, ორგანიზატორი და სულისჩამდგმელი, ერთი ჩვეულებრივი შეყვარებული ქართველი, 18 წლის ბიჭი იყო, რომელმაც, აგერ უკვე 15 წელია აცხადებს, რომ - საქართველოში სიყვარულის დღის დაარსება იმ დროს თავის შეყვარებულ გოგონას, დღეს კი უკვე მეუღლეს, საკუთარი ოჯახის დიასახლისს და მისი შვილის დედას მიუძღვნა...

08.04.2009 დავით ოქიტაშვილს თავს დაესხნენ

წუხელ საკუთარ სახლთან სცემეს კულტურის სამინისტროს ღონისძიებათა დეპარტამენტის უფროსს დავით ოქიტაშვილს. შემთხვევა იმ დროს მოხდა, როცა იგი ავტოფარეხში მანქანას აყენებდა. მას ორი ადამიანი დაესხა თვს. მიზეზი უცნობია, ერთ-ერთი ვერსია ყაჩაღობაა. ექიმების განცხადებით, მას ბლაგვი საგნით თავის არეში რამდენიმე ჭრილობა აქვს მიყენებული. ოქიტაშვილს შესაბამისი მკურნალობა რესპუბლიკურ საავადმყოფოში წუხელვე ჩაუტარდა და ის დღეს უკვე საავადმყოფოდან გაწერეს. ("რუსთავი-2") P.S. დათო ოქიტაშვილი გავრცელებული ინფორმაციით ოპოზიციის ახალი ლიდერის - ნინო ბურჯანაძის გუნდის წევრად მოიაზრება.

07.04.2009 მანჩოს და რუსას - "დედაშვილობის დუეტი"

საქართველოში ბოლო დროს ჩაწრილ დუეტებს შორის მანჩოს და ახალგაზრდა, 10 წლის რუსა ზაზაშვილის დუეტი უდაოდ ყურში სასიამოვნოდ მოსახვედრია, ხოლო მასზე გადაღებული კლიპი, კი - თვალისთვის სასიამოვნო. თემაც სწორადაა შერჩეული - დედაშვილობა და მიუხედავად იმისა, რომ მსგავსი შინაარსის სიმღერების დეფიციტი ნადვილად არაა ქართულ რეალობაში, მანჩოს და რუსას სიმღერა მაინც დიდი სითბოთი გამოირჩევა, კლიპი კი, სართოდ - ამაღელვებლად საყურებელია. კლიპის რეჟისორი კაკი ბოლქვაძეა, რომელიც ბოლო დროს ატიურად მუშაობს მანჩოსთან და მისსავე სტუდიაში და რამდენიმე პროექტში პირდაპირი წესითაა ჩაბმული, კლიპი რომელიც მან გადაიღო თემით, წლების წინ ასევე დედაშვილობაზე გადაღებულ რუსა მორჩილაძის და ნათია გოგიტიძის კლიპს ჩამოჰგავს, და საერთოდ - თუ ეს თემა უფრო აქტიურად აისახება ქართულ ვიდეორგოლებში საერთო საქმისთვის უკეთესი.

02.04.2008 მე მიყვარს რუსი ხალხი და რატომ უნდა გავლანძღო ისინი? ქართველი ხალხის თვალში, რომ ქულები დავიწერო? არასოდეს!

ხუთი წელი გავიდა მას შემდეგ, რაც ქართული შოუ-ბიზნესის გამოკვეთილი ახალგაზრდა ვარსკვლავი, ქეთა თოფურია საქართველოდან დიდ რუსეთში გადაბარგდა და იქ გააგრძელა, მუსიკალური კარიერა… თუმცა კარიერაცაა და კარიერაც, ფაქტია, რომ ბევრ ქართველ და თუნდაც რუს და თუნდაც პოპულარულ მუსიკოს შეშურდებოდა საკუთარი კარიერის ასე სწრაფად განვითარება. ქეთას კი - გაუმართლა, რაშიც დიდი წვლილი ქართველ მის პროდუსერს ნატო დუმბაძეს მიუძღვის, რომელმაც საერთოდ პირველმა შესთავაზა ჯგუფ “ა-სტუდიოს” ქეთას თავი, ჯგუფის გათხოვილი და ჯგუფიდან წასული პალინას ნაცვლად. ქეთამ გაამართლა - “ა-სტუდიო” მისი მისვლის შემდეგ კიდევ უფრო დიდი პოპულარობით სარგებლობს, თუმცა საქართველოში დღესაც ბევრს ჭორაობენ ქეთაზე, რას აღარ ამბობენ მასზე, რას აღარ აბრალებენ და პრინციპში რუსულ შოუ-ბიზნესს შერწყმული ჩვენი ქეთა აღარც კი, აქცევს ყურადღებას პოპულარობის თანმდევ ამ ჭორებს და “ვარსკვლავებთან” ექსკლუზიურ ინტერვიუში დეტალურად გვპასუხობს ყველა კითხვაზე (დააწკაპუნეთ წარწერაზე და გადადით ინტერვიუების რუბრიკაში)

01.04.2008 "მგზავრები" - ნარკომანებს დახმარება სჭირდებათ

- იყო ვაჟკაცი ჩვენთვის ნიშნავს იმას, რომ არასოდეს შესწირო შენს ბედნიერებას სხვისი უბედურება! - ასე ფიქრობენ ჯგუფ "მგზავრების" წევრები. ალბათ დღეს ქართველი თინეიჯერების უმრავლესობა კარგად თუ არ იცნობს გაგონილი მაინც ექნება ჯგუფი “მგზავრები” კარგ სიმღერას ქმნისო, რაოდენ გადაჭარბებულადაც არ უნდა ჟღერდეს. გადავწყვიტე ჩემთვის და თქვენთვის საინტერესო რამოდენიმე კითხვაზე საპასუხოდ ჯგუფის ერთ-ერთი წევრისთვის, გიგი დედალამაზიშვილისთვის, მიმემართა. იგი ამჟამად თეატრისა და კინოს უნივერსიტეტის, სამსახიობო ფაკულტეტის, IV კურსის სტუდენტია და აქტიურად ქმნის კარგ (გემოვნებაზე არ დავობენ) მუსიკას

29.03.2009 ეგზოტიკური საღამო ჩილიმ ბარში

თბილისში კლუბური ცხოვრება თითქოს თავის ძველ რიტმს უბრუნდება და მიუხედავად საქართველოში გამეფებული ყველანაირი (!) კრიზისისა, მაინც არსებობენ ენთუზიასტები, რომლებიც ცდილობენ ლამაზი საღამოებით გაანებივრონ თბილისლები. სამოდელო სააგენტო "ლიკა ყაზბეგის" ორმა მოდელმა გოგონამ - ბელა ცირეკიძემ და სოფო ჩიკვილაძემ, თავიანთი პირველი, სადებიუტო პროექტი "ჩილიმ ბარში" გააკეთეს და მას ეგზოტიკური საღამო უწოდეს, ფაქტია, რომ გამოუვიდათ კიდეც, თუნდაც მხოლოდ იმიტომ, რომ გარდა მაყურებლისა მოდელების ჩვენებას, აზიურ ცეკვას და თუნდაც საქველმოქმედო მზინებისთვის ჩატარებულ საღამოს, თბილისის ზოოპარკის, ტერარიუმის ყველაზე ეგზოტიკური - 2 მეტრიანი პითონიც ესწრებოდა, რომელიც ორგანიზატორმა ერთ-ერთი გამოსვლის დროს თავდ მოირგო კისერზე, მსუბუქ "შარფად" :) - რათქმაუნდა მხოლოდ მას შემდეგ რაც პითონს კულისებში წინასწარ მომზადებული 6 წრუწუნა აჭამეს, დაანაყრეს, რომ არავისთვის ეკბინა შემთხვევით :) საღამოს რამდენიმე ცნობილი სახეც ესწრებოდა, მათ შორის გაპოლიტიკოსებული ჟურნალისტი ლალი მაროშკინა მეგობარ მამაკაცთან ერთად, ლიკა ყაზბეგი, მსახიობი გიორგი ყიფშიძე, ფსიქოლოგი გია ჯაჯანიძე, სხვათაშორის ამ უკანასკნელს იმ საღამოს დაბადების დღე ქონდა და როგორც ჩანს თავადაც ბევრი იხალისა, იმ დანაყრებული პითონთან ცეკვით :) როგორც ახალგაზრდა მოდელებმა განაცხადეს, კვლავ ეცდებიან მსგავსი სახის საღამოები ხშირად მოაწყონ ხოლმე და საქველმოქმედო მიზნებიც უფრო რეალურად აამუშაონ.

27.03.2009 ნეტა ქორწილში არ დაგვპატიჟებეეენ? :)

მოსკოვში გადახვეწილი ქართველი მომღერალი გიგა კვენეტაძე მალე გაგვიბედნიერდება (კია უკვე დრო) და გავრცელებულ ჭორებს იმის შესახებ, რომ გიგას ის მოიყვანა ცოლად, გიგამ ეს მოიყვანა ცოლად, გიგამ ის შეირთო, გიგამ ეს გააგდო, ამას დაშორდა იმას დაუკავშირდა უკვე შეწყდება. "ვარსკვლავები" დღეს პირველად ამჟღავნებს ქართული ესტრადის მომღერლის (მაგრამ დღეს მოსკოვში გადახვეწილის) და ქართული მენეჯერის, ტელეკომპანია "პირველი სტერეოს" მუსიკალური ხელმძვანელის ნინო წიკლაურის სიყვარულის ამბავს, რომელიც ძალიან დიდი ხანია გრძელდება და ეს სიყვარული დროში გამოცდილ ცხოვრებას გავს, რომელიც სავარაუდოდ მალევე ქორწინებით დამთავრდება. ოფიციალური კომენტარებისგან წყვილი თავს იკავებს, მაგრამ პირად საუბრებში ერთმანეთის სიყვარულით დნებიან და ქრებიან :) - თან მათი სიყვარულის ამბავი ქართულ მხარვრულ ფილმს "დღე პირველი დღე უკანასკნელი"-ს ჰგავს, სადაც ვითომ არავინ იცის, რომ სტაჟიან ფოსტალიონს ხელმძღვანელობა მაცივარს ჩუქნის, არადა ყველამ ყველაფერი იცის :) მოკლედ, სავარაუდოდ ამდენი ხნის დამალული და ერთგული სიყვარული მალევე ლამაზი ქორწილით დაგვირგვინდება და "ვარსკვლავები" მერეც ექსკლუზივს მოგაწვდით პოპულარული წყვილის შესახებ.

26.03.2009 პაატა გაფრთხილებთ "ინანებთო" :)

ქართულ შოუ-ბიზნესში გამეფებული უძრაობის პერიოდი, გაყინული და ჯერ ვერგაულღობი პერიოდი გრძელდება, მიუხედავად იმისა, რომ იშვიათად იწერება ახალი და კარგი სიმღერები, კეთდება კლიპის პრეზენტაციები, შიგადაშიგ ტარდება კონცერტებიც, ბოლოსდაბოლოს არცერთი წელი არ გაცდენილა რომ საქართველოს მუსიკალური დაჯილდოების ცერემონიალი "მეგა" არ ჩატარებულიყოს, მაგრამ ეს ქართველი მსმენელი მაინც ვერ მოტრიალდა ქართველი მომღერლებსიკენ. პაატამ თავისი მორიგი ახალი კლიპის პრეზენტაცია გამართა და კობა ბრეგვაძის რეჟისორობით გადაღებული ახალი კლიპი წარუდგინა სტუმართა დიდ თავყრილობას, - ეთერ კაკულია, გივი სიხარულიძე, ლალი მაროშკინა, კობა ხაბაზი, ანრი ჯოხაძე, თამთა გოგუაძე და უამრავი სხვა ადამიანი მოუთმენლად ელოდა პაატას ტექსტზე და მუსიკაზე შექმნილი კლიპის ეკრანზე გასვლას. პაპსა და ფოლკი კარგად იყო ერთმანეთში არეული, სიმღერაც კარგი მოსასმენი გამოდგა (ცოტა უცნაური სახელი კი დაურქმევია "ინანებ") და კლიპიც მიუხედავად დატვირთული კადრებისა სასიამოვნო საცქერი. პრეზენტაცია ქართველი მომღერლების სოლო-სიმღერებით გაგრძელდა, საღამოს არც მილოცვები დაკლებია პოპულარული ადამაინებისგან და არც საჩუქრები პაატასთვის და კიდევ - მომღერალმა თამამად გადაწყვიტა, რომ 5 აპრილს ჩვენი საიტის ორგანზიებით გამართულ მინი-ფეხბურთის ტურნირში მონაწილეობაც მიიღოს

25.03.2009 ჯაბა ბოჯგუა შიდსით ყოფილა ავად

ინფორმაცია, რომელიც ორიოდ დღეა გავრცელდა, წლებია ქართული შოუ-ბიზნესის კულუარებში აქტიურად ტრიალებდა და ის მომღერალ, შოუმენ ჯაბა ბოჯგუას შიდსით დაავადებას ეხებოდა, იმუნოდეფიციტის ვირუსი მომღერალს წლებია შეყრილი აქვს და დღეს ის, ამ და გულის მოციმციმე არითმიის დაავადებით, ორთვეზე მეტია სიკვდილ-სიცოცხლის ზღვარზე იმყოფება თბილისში, ღუდუშაურის სახელობის კლინიკაში. საავადმყოფოს მთავარი ექიმი არც უარყოფს და არც ადატსტურებს ინფორმაციას მომღერლის შიდსით დაავადების შესახებ, დაავადების რომელიც მას როგორც კულუარებში გავრცელებული ინფორმაციის თანახმად მჟღავნდება თურქეთში მოღვაწეობის ათწლიანი პერიოდის განმავლობაში შეყრია. მომღერლის დედა, მეგობრები და ახლობლები მხოლოდ სასწაულის იმედზე არიან, რადგან ორგანიზმი აქტიურად ებრძვის ყველა დაავადებას, ექიმები არანაირ დამაიმედებელ პროგნოზს არაკეთებენ, მაგრამ ფაქტია, რომ ორითვის თავზე გათიშული ჯაბა ბოჯგუა უკვე მოხსნილია ხელოვნური სუნთქვის აპარატიდან და ახლა ის დამოუკიდებელ სუნტაქვას აგრძელებს, თუმცა ასევე ცხადდება, რომ ყველანაირად სიტუაციის გამოკეთების შემთხვევაში მომღერალი აქტიური მოღვაწეობის გაგრძელებას ვერასოდეს შეძლებს.

24.03.2009 ნინი ბადურაშვილს ქალი არ მოუკლავს

თბილისი რომ ჭორების და ჭორიკნების მსოფლიო დედაქალაქია ეს კიდევ ერთხელ დადასტურდა დღეს, მას შემდეგ რაც დადასტურდა, რომ მომღერალ ნინი ბადურაშვილს საკუთარი ავტომანქანით მთვრალ მდგომარეობაში არავის დაჯახებია მეგობარ მამაკაცთან ერთად და არანაირი 60 წელს მიტანებული ქალი არ გაუტანიათ... რამდენიმე დღეა ყურადღებით ვაკვირდებით ამ ჭორის გავრცელების არეალს, მაშტაბებს, ხარისხს და კიდევ ერთხელ დავრწმუნდით, რომ საქართველოში ეს ყევლაფერი ისე დამაჯერებლად "მტკიცდება" ხოლმე, რომ მერე ყველას გვჯერა :) - რადგან რაც არ უნდა შაშინელი ამბავი იყოს პოპულარული გოგონას შარში გახვევა, თანაც საჭესთან მთვრალის, თანაც მეგობარ მამაკაცთან (სხვათაშორის თურმე პოპულარულ ცოლიანთან) და მთლად უარესი, ვინმე მოხუცის მანქანით გასრესვისა, - ადვილი ყოფილა. მომღერალმა დამღლელი ღიმილით, ეს მორიგი ჭორიც უარყო და ახლა იმის ცდაშია, რას მოუგონებენ მორიგ სკანდალად პოპულარულ ნინი ბადურაშვილს

23.03.2009 მანჩოს და გია სურამელაშვილის დუეტი შედგა

ქართულ პრესაში ამ ორ მომღერალზე აქტიურად ჭორაობენ, ამბობენ თითქოს გია სურამელაშვილს ახალგაზრდა ლამაზმანი ცოლად მოყავსო, ამბობენ მანჩომ გიასთან ჩაწერილი დუეტი სწორედ მათ სიყვარულს მიუძღვნაო, მაგრამ როგორც უმეტეს შემთხვევაში ხდება ხოლმე, პრესა ყველაფესრ აბუქებს :) - არადა თავის დროზე მანჩოც იმ გოგონათა შორის იყო, რომლებიც გია სურამელაშვილზე და მის სიმღერებზე სერიოზულად აფანატებდნენ. ამჯერად კი საქმე ახალ დუეტს და ახალ კლიპს ეძღვნება, სიმღერის ავტორი , რომელსაც მეტად რომანტიული სახელი აქვს "მე უშენოდ დღეს", - თავად მანჩოა (სხვათაშორის მან ეს სიმღერა ყოფილ მეუღლეს მიუძღვნა), კლიპის რეჟისორი გიორგი ალთუნაშვილია, სცენარის ავტორი კაკი ბოლქვაძე (რომელსაც სიმღერის ბექ-ვოკალიც ეკუთვნის), არანჟირებაზე კი გელა გარსევანიშვის და ზაზა გოჩიტაშვიილს ეკუთვნის. გია სურამელაშვილის და მანჩოს სტილი ლამაზად გაერთიანდა და გარდა იმისა, რომ ერთ სიმღერაში აისახა, ლამაზ კლიპადაც გარდაიქმნა, რომელიც უახლოეს დღეებში გავა ეთერით და ლამაზი სანახავია.

19.03.2009 ქართული PLAYBOY-ს ვარსკვლავი ჩინოვნიკი გახდა

ნინა წკრიალაშვილი ახალის ახელი არ არის ქართული შოუ-ბიზნესისთვის, ამ უკანასკნელის კომაში ჩავარდნამდე ის ამომავალი ვარსკვლავი იყო საესტრადო კუთხით, შემდეგ გავიდა დრო და მას მერე რაც ყველაფერს ვარდის სურნელი აუვიდა, ქართულმა მუსიკამაც ჩაყვინა, თუმცა ნინამ გაბედული ნაბიჯი გადადგა და პირველი ქართული ეროტიკული ჟურნალისთვის გაიხადა, თუმცა PLAYBOY-ში გამოქვეყნებული ის სურათები შიშველი ქალის ნაკლებ იმიტაციას იწვევს, მომღერალს სკანდალები მოუწყეს, აუმხედრდნენ და ამით "სუფთა ადამაინების იმიჯიც" შექიმნეს მორალურად მდგრადი ქართული საზოგადოებსი წინაშე :)) - თუმცა ნინას გამკრიტიკებლებს აღარ გახსენებიათ, რომ მერედამერეც ეკრიტიკებინათ სხვა ქართველი ვარსკვლავები PLAYBOY-ში გაშიშვლებსი გულისთვის. (არადა ქართველი მკითხველისთვის იმდენად მიუღებელი აღმოჩნდა გაშიშვლებული ქართველი "ვარსკვლავები" რომ ჟურნალმა დახურვა გამოაცხადა) დღეს კი ნინა წკრილაშვილი კულტურის სამინისტროში კულტურული ღონისძიებების სამმართველოს უფროსია (!), არ მოგჩვენებიათ - უფროსია, და როგორც მომღერალი ჟურნალისტებთან საუბარში აცხადებს პრემიერ-მინისტრის გადადგომის შემდეგ სამინისტროში არსებულ ამ ვაკანსიაზე განაცხადი შეიტანა და გაიმარჯვა კიდეც, თანაც მომღერალი ყველა სამთავრობო (!) ღონისძიების მონაწილეა, არის პრეზიდენტის მიერ ღირსების ორდენით დაჯილდოებული, კლიპში "გამარჯობა აფხაზეთო შენი" მონაწილეობისათვის. სავარაუდოდ ნინა ბევრი კარგი საქმის გაკეთებას შეეცდება ჩინოვნიკის ამპლუაში და სასურველია თუ ეს მხოლოდ სამთავრობო დაკვეთების ღირსეულად შესრულებაში არ აისახება და დამოუკიდებელი პროდუსერების მიერ დაგეგმილ საკონცერტო პროგრამებსაც შეეხება.

18.03.2009 "ზღვარის" ქართული როკ-ოპერა მზადაა

ჯერ კიდევ ჟურნალი "ვარსკვლავები" წერდა წლების წინ, რომ ერთ-ერთი საუკეთესო ქართული როკ-ჯგუფი "ზღვარი" ქართულ როკ-ოპერას ამზადებდა, უილიამ შექსპირის პოემაზე "ჰამლეტი" და დღეს, როგორც ჯგუფის სოლისტი კახა ბაციკაძე აცხადებს - როკ-ოპერის სტუდიური ჩანაწერი უკვე მზადაა, რომელიც ჯგუფის წევრებმა საკუთარ ხმის ჩამწერ სტუდიაში დაამუშავეს. ჰამლეტის პარტიას თავად ჯგუფის სოლისტი ასრულებს. როგორც ჩვენთვის ცნობილი გახდა, უახლოეს მომავალში დაგეგმილია ვიზიტი გერმანიაში, სადაც იქაურ მენეჯერებთან იწარმოებს მოლაპარაკებები ქართული როკ-ოპერის საზღვრებსგარეთ გატანასა და პოპულარიზაციაზე და ვინაიდან ზოგადად მსგავსი პროექტებით ევროპა ხშირად ინტერესდება, უნდა ვივარაუდოდთ, რომ "ქართული ჰამლეტიც" წარმატებულ ნაბიჯებს გადადგამს, მითუმეტეს თუ გავითვალისწინებთ, რომ შრომა და ჯაფა, დაახლოებით 20 კაციან კოლექტივს ამაზე წლების განმავლობაში არ დაუკლია.

ბუბა მოსკოვის ნაცვლად კიევს ესტუმრება

რუსეთ-საქართველოს აგვისტოს ომის შემდეგ, ბუბა კიკაბიძე რუსეთში მოღვაწე იმ იშვიათ ვარსკვლავთაგანია, რომელმაც პროტესტის გამო უარი განაცხადა ამ ქვეყანაში სიმღერაზე და ეს იმით ახსნა, რომ - არ შეიძლება ცალი ხელით ქვეყანას მომბავდე და მეორე ხელით კი, მის შვილებს ქვეყნის ღირსების ორდენებს კიდებდე. მომღერალმა მოსკოვში, წელს კრემლში დაგეგმილი სოლო-კონცერტიც კი მოხსნა ამის გამო, რისი მიზეზიც გახდა რუსული ესტრადის (უფრო კი, რუსული საესტრადო მაფიის) მიერ ბუბას გაკრიტიკება, რაც მომღერალმა მოკლედ, რომ ვთქვათ ერთ ყურში შეუშვა და მეორედან გაუშვა და სწორიც გააკეთა. საქართველოში, რომ ბუბა უყვართ, უსმენენ და პატივს სცემენ, ეს ახალი ხილი არაა, განსაკუთრებული მხარდაჭერით ის, სამთავრობო წრეებში და პრეზიდენტის მხრიდანაც სარგებლობდა, მითუმეტეს მომღერლის ამ ნაბიჯის შემდეგ, - იმის სამაგიეროდ, რომ ბუბა მოსკოვში, კრემლში კონცერტს აღარ გამართავს, სავარაუდოდ 24 მარტს მომღერალი მეგობარი უკრაინის დედაქალაქში გამართავს. გავრცელებული ჭორს ბუბა კიკაბიძის ავადმყოფობის შესახებ მისი პროდუსერი სოსო აბზიანიძე უარყოფს და პირიქით, ამატებს - რომ მომღერალი აქტიურად ემზადება მაისის ბოლოსთვის, როცა მისი სოლო-კონცერტების სერია კვლავ გაიმართება ოპერის თეატრის დარბაზში.

მხატვარ გია ბუღაძის პროტესტი

მხატვარ გია ბუღაძის ტილოები საგამოფენო დარბაზ ”არტში” გამოიფინა. ტილოებზე ასახულია მხატვრის პროტესტი რუსების მიმართ, აგვისტოს ომთან დაკავშირებით. დამთვალიერებელს შეეძლება ნახონ ტილო – “შეკითხვების სერია” და “თეთრი ანგელოზების ტილოც”, სხვა მრავალ ნამუშევართან ერთად. როგორც გია ბუღაძემ საუბრისას განაცხადა, ეს სწორედ ის ანგელოზები არიან, რომლებიც რუსი ჯარისკაცების თქმით, ყოველ საღამოს ჩნდებიან ნაომარ სოფლებში. მოგეხსენებათ პრესაში გაჩნდა განცხადებები, რომლის მიხედვიტაც რუსმა ჯარისკაცებმა რამდენიმე სოფლის შუაგული დატივეს და განაპირა რაიონებში გადაინაცვლეს, შეშინებულებმა პოსტების თვითნებურად მიტოვება არა შიმშილით და სიბინძურით ახსნეს, რა დღეშიც ისინი იმყოფებიან, არამედ – ყოველ ღამე, სოფლის თავზე გამოჩენილი თეთრი ანგელოზების ხილვის შიშით. - ნუცა მუჯირიშვილი

ნათია ნებიერიძე გათხოვდა

მომღერალი და მოდელი, ნათია ნებიერიძე, რამდენიმე თვის წინ გათხოვდა. მისი რჩეულია 27 წლის დათუნა რამინიშვილი, ყოფილი წყალბურთელი. მათ უკვე ორი წელია, უყართ ერთმანეთი, რამდენიმე თვის წინათ კი ოჯახის შექმნა გადაწყვიტეს. ისინი სულ ცოტა ხანში, სავარაუდოდ, დიდმარხვის დასრულების შემდეგ, დაიწერენ ჯვარს. მოგეხსენებათ ნათია შარშან ინდოეთის კინოინდუსტრიის ყველაზე დიდ ქალაქში – ბოლივუდში იყო მიწვეული გადაღებებზე, რაც აგვისტოს ომის გამო ჩაიშალა. თუმცა დღევანდელი გადასახედიდან ნათია ჟურნალისტებთან საუბრისას აცხადებს, რომ - ძალიან ბედნიერი ვარ, ამ ადამიანს რომ შევხვდი. მის გვერდით თავს კარგად ვგრძნობ. რაც მთავარია, დათუნა ყველაფერში მეხმარება. მართალია, სიმღერის თვალსაზრისით გრძელვადიანი პაუზა გამომივიდა, მაგრამ ჩემს საქმიანობას აუცილებლად გავაგრძელებ. მეუღლეც ძალიან მონდომებულია, რომ აქტიურად ვიმუშავო და ყოველთვის ზუსტ რჩევებსაც მაძლევს ხოლმე. შავარაუდოდ ძველი “სეთელის” გამოჩენას გვიან გაზაფხულზე უნდა ველოდოთ ახალი სიმღერებით

ნინი შერმადინი და COMEDY SHOW-ს ბიჭები დაძმობილდნენ

...გაუდგნენ გზასა, ბევრი იარეს თუ ცოტა... თუმცა ეს ზღაპარი სულაც არაა და მაისის ბოლოსთვის ქართული ესტრადის ერთ-ერთი ღირსეული ახალგაზრდა ვარსკვლავის ნინი შერმადინისა და სატელევიზო იუმორისტული გადაცემის COMEDY SHOW რამდენიმე მსახიობი ათენსა და სალონიკში კონცერტებს გამართავენ. მოგეხსენებათ ქართული შოუ-ბიზნესის კომის პირობებში რამდენად მნიშვნელოვანია მომღერლებისა და უბრალოდ გასართობ ინდუსტრიაში დასაქამებული ადამიანებისთვის საქართველოს საზღვრებს გარეთ გასვლა, მითუმეტეს საბერძნეთში, სადაც უამრავი ქართველი ემიგრანტი ცხოვრობს და მუშაობს, რომლებსაც როგორც უკვე ვთქვით მაისის ბოლოს რამდენიმე დღიანი გასტროლებით ნინი შერმადინი და COMEDY SHOW-ს ბიჭები ესტუმრებიან

როგორც მოსალოდნელი იყო, საქართველო "ევროვიზიაზე" აღარ გამოვა

შარშან "ევროვიზიაზე" გამარჯვებული მომღერლის დიმა ბილანის ქვეყანაში, რუსეთის დედაქალაქში, დაგეგმილ მორიგ კონკურსზე საქართველოს წარმომადგენლები აღარ გამოვლენ. - ყველაფერი იმ სცენარით განვითარდა, როგორც ამას რამდენიმე დღის წინ ჩვენი საიტი წერდა, მხოლოდ დროში მცირე განსხვავებით - "ევროვიზიის" ცენტრალურმა კომიტეტმა 16 მარტამდე მოსთხოვა ქართველებს: - ან სიმღერის ტექსტს შეცვლით, ან სიტყვა PUT IN-ს ამოიღებთო. - რათქმაუნდა ქვეშაფსია ევროპელებისაგან ამაყი ქართველები სხვას არც არაფერს მოველოდით, ამიტომ ჩვენს ჟურნალს არც ეს მოთხოვნა გაკვირვებია და არც ქართული საორგანიზაციო კომიტეტის მიერ გაკეთებული განაცხადის - არც ტექსტს შევცვლით, არც მუსიკას, არც სიტყვა PUT IN-ს ამოვიღებთ და სერთოდ აღარ წავალთ "ევროვიზიაზე" მოსკოვშიო :) - განაცხადა პრესასთან საუბარში გია ჭანტურიამ (სხვათაშორის ადრეულ წლებში ჯგუფ "ზუმბას" ერთ-ერთმა სოლისტმა). სტეფასეს, ნინი ბადურაშვილის, ქრისტინა იმედაძეს და თაკო გაჩეჩილაძეს შესრულებულ ამ აშკარად "პოლიტიკური სარკაზმით" გაჯერებულ სიმღერას უკვე ისედაც ხვდა დიდი პოპულარობა და იმღერებდნენ თუ არა ისინი მოსკოვში მას, უკვე დიდი მნიშვნელობაც არ ქონდა, თუ იმასაც გავითვალისწინებთ, რომ ლონდონში ოთხეულს საკმაოდ მომგებიანი კლიპი რამდენიმე დღის წინ გადაუღეს, ფაქტია რომ ქართული პიარი კვლავ კარგად აგრძელებს ცეცხლზე ნავთის ამჯერად, მუსიკალურად დასხმას. დღეს საქართველოს კულტურის მინისტრმაც ღრმა აღშფოთება გამოხატა "ევროვიზიის" მთავარი ორგანიზატორების მიმართ და საყვედურებით აავსო ისინი პოლიტიკური გადაწყვეტილების მიღების გამო.

13.03.2009 ნატა გულიაშვილი ამღერდა

პოპულარული პირველი რეალითი შოუს, "ამტანის" ფინალისტი, მსახიობი ნატა გულიაშვილი არასოდეს გამოირჩეოდა მოკრძალებით :) ქართული შოუ-ბიზნესის მიმართ და ამიტომაც ბევრი საინტერესო თუ უინტერესო საკონცერტო პროგრამის წამყვანადაც გვევლინებოდა, ამჯერად კი ნატამ ძალების მოსინჯვა სიმღერაშიც სცადა და ეს არცთუისე ცუდად გამოუვიდა - ნატამ, დუეტი ჩაწერა ბათუმელ მომღერალ ონისესთან, რომელიც თავის მხრივ ერთდროს ტელეკომპანია "მაესტროს" ფრთებსქვეშაც იყო და წლების წინ მისმა სიმღერამ "ვარდომ" - "მეგას" დაჯილდოების ცერემონიალზე ერთ-ერთი სკანდალური ნომინაცია "წლის ცუდი სიმღერის" ტიტულიც მოიპოვა...:) თუმცა ამჯერად, აშკარაა, რომ ნატას და ონისეს დუეტი გაცილებით დახვეწილი და ყურისთვის კარგი მოსასმენი გამოვიდა, იმასაც თუ გავითვალისწინებთ, რომ კლიპიც საკმაოდ თბილია, ფაქტია, რომ ეს დუეტი გაამართლებს. "კინოს სახლში" გამართული კლიპის პრეზენტაციის შემდეგ ნატა გულიაშვილი ერთი თვით ანტალიაში გაემგზავრა თეატრალურ დასთან ერთად, საიდან ჩამოსულსაც დუეტი ალბათ გაჰიტებული დახვდება.

12.03.2009 ქალაქური სიმღერების საღამო თამარ მეჭიაურთან ერთად

რამდენიმე დღის წინ რესტორან "ბალადაში" პოპულარული ქართველი მომღერლის თამარ მეჭიაურის საღამო გაიმართა, რომელმაც მეგობრებთან ერთად უამრავ სტუმარს მოუყარა თავი და ლამაზი საკონცერტო პროგრამაც აჩუქა დამსწრე საზოგადოებას. პოპულარული და თბილისში აღიარებული ჰიტის "მოღალატეს" შემსრულებელთან ერთად სცენაზე გია სურამელაშვილი, ანსამბლი "ქსოვრელები" და ანსამბლი "ლომისიც" იდგნენ, რამდენადაც არ უნდა გაგიკვირდეთ ამ საღამოს ერთ დროს ძალიან პოპულარული დუეტი - "ორი ჯუჯაც" გამოვიდა და მონატრებულ საზოგადოებას თავი ვახო ტატიშვილმა და ნუგზარ კვაშალმა თავიანთი მეგობრული სინქრონით შეახსენეს, თანაც სერიოზული წარმატებით. თამარ მეჭიაურის ეს სიმღერა ("მოღალატე") გასულ წელს საქართველოს მუსიკალური დაჯილდოების "მეგას" მე-9 ცერემონიალის საუკეთესო ხუთი სიმღერის ნომინაციაში მოხვდა და ეს წარმატება სიმღერამ კიდევ ერთხელ ამ საღამოს მსვლელობისას დაამტკიცა.

11.03.2009 ახალი კუბური კლუბი შუა მარჯანიშვილზე

თბილისს კიდევ ერთი ახალი კლუბი შეემეტა, ამჯერად კუბური წარმომავლობის, უფრო ზუსტად კი კუბური აურის და მუსიკის ლამაზი ადგილი, კლუბი "ლა ჰაბანა" მარჯანიშვილის ქუჩაზე, ბანკის წინ მდებარეობს და საკმაოდ მოხერხებული ადგილის გამო სავარაუდოდ სტუმრების რაოდენობასაც წესით არასოდეს დაიკლებს. კლუბის გახსნას ჩე გევარას ქუდში გამოპრანჭული ჟურნალისტი ლიზა ვადაჭკორია უძღვებოდა, კედლებიდან კი კუბის ლეგენდარული ლიდერის ფიდელ კასტროსა და ჩე გევარას სურათები რევოლუციურ განწყობას ქმნიდნენ, თუმცა გახსნას არცერთი ოპოზიციურად განწყობილი პარტიის ლიდერი არ ესწრებოდა და შესაბამისად რევოლუციონერობაც არავის მოსდომებია, თანაც სტუმართაგან ამისითვის არავის ეცალა, იმ საღამოს იმდენი კუბური სასმელი - მახიტო დაილია, რომ რევოლუცია კი არა, მგონი დასვენება აღარ ახსოვდა არავის. კლუბის სტუმრებს, პოპულარულ სახეებს შორის საჩუქრებიც გათამაშდა და პირველი პრიზი - ნამდვილი კუბური სიგარა ჟურნალისტმა, პოლიტიკოსმა, სულით ოპოზიციონერმა :) ლალი მაროშკინამ მოიგო. დარბაზში იყვნენ და ცოცხალი მუსიკით ტკბებოდნენ კახა კუხიანიძე, ქეთი გომართელი, დუბაიდან ახლადდაბრუნებული თამთა გოგუაძე, ანსამბლ "ნაბადის" ხელმძღვანელი ნინო ტურაბელიძე, "პირველი სტერეოს" მუსიკალური ხელმძღვანელი კობა ბრეგაძე, მაესტრო "მორისი" და სხვები, ამ უკანასკნელმა კი ფინალის დროს, თავის დასთან ერთად ცეცხლოვანი სამბით წერტილი დაუსვა ლამაზ საღამოს.

10.03.2009 ყველაზე პოპულარული პატარა ინტერნეტ-ვარსკვლავი

სამი თვის განმავლობაში ჩვენი ჟურნალის სპეციალურ ლინკზე დიდი აჟიოტაჟით და ენთუზიაზმით მიმდინარეობდა სკოლამდელი ასაკის ბავშვების ფოტო-სურათების გამოფენა და მათ შორის სხვადასხვა ნომინაციების გადანაწილება, დაახლოებით 20 მოზარდი სტუდია "გვირილას" აღსაზრდელები იყვნენ, სწორედ მათ დაჯილდოების ცერემონიალის ორგანიზება ითავა საპროდუსერო კომპანია "ჯადოსნურმა ხმებმა" და ჩვენმა საიტმა. ღონისძიება დუმბაძის სახელობის მოზარდ-მაყურებელთა თეატრში გაიმართა, რომელსაც ჟურნალისტი ბესო ჩუბინიძე და ფონდი "გვირილას" ერთ-ერთი ხელმძღვანელი ნინო ჩიხლაძე უძღვებოდნენ. კონცერტში მონაწილეობდნენ და პატარა მონაწილეებს ნომინაციებს და სპეციალურ პრიზებს გადასცემდნენ პოპულარული მსახიობები და მომღერლები - ვახტანგ ტატიშვილი, ეთერ კაკულია, ზურა დოიჯაშვილი, ბიძინა მახარაძე, გივი სიხარულიძე და სხვა უამრავი ცნობილი სახე. აშკარა იყო, პატარების გახარებული სახეები უდიდეს სტიმულს მატებდა მაყურებლით სავსე დარბაზს და ისინიც ცდილობდნენ "მარიგოლდის" კაბებში გამოპრანჭულები არავის ჩამორჩენოდნენ და სცენაზე ბოლომდე იხარჯებოდნენ. გამოვლენილ უამრავ ნომინაციას შორის მთავარი ნომინაცია, საიტის ყველაზე პატარა ვარსკვლავის წოდება 4 წლის ულამაზესმა პატარა ქალბატონმა ანკა კოხრეიძემ დაიმსახურა, რომელსაც საიტის ადმინისტრაციამ ულამაზესი გვირგვინი უსახსოვრა, (ადმინისტრაციამ ის უფროსების ფოტოგენურობის კონკურსზეც მიიწვია) - პატარა ანკასვე ერგო კომპანია "ჩუპა-ჩუპსის" სიმპათიის მთავარი ჯილდოც, რითაც გახარებული პატარა ვარსკვლავი სცენიდანვე ტიტინით, მაგრამ უკვე დახვეწილი ქართულით უხდიდა მადლობას ყველას. საღამომ ლამაზად ჩაიარა, პატარები კმაყოფილნი იყვნენ უფროსი ვარსკვლავების ყურადღებით და სამადლობელსაც დიდი რუდუნებით იხდიდნენ. უახლოეს მომავალში კი, გაიმართება საბავშვო კონკურსისთვის ახალი მზადება და ფოტო-სურათების მიღება ადმინისტარაცაიში, მსურველებმა მსოფლიოს ნებისმიერი ქვეყნიდან განაცხადი უნდა გამოაგზავნონ ჩვენს მაილზე stars7771@narod.ru

09.03.2009 ვემზადებით ახალი ვარსკვლავების აღმოსაჩენად

9 თვიანი “არამუსიკალური შესვენების” შემდეგ, 2009 წლის 9 მარტს თბილისის ეროვნულ მუსიკალურ ცენტრში გალა-კონცერტით დაიწყო “ვარსკვლავების აკადემია-2”. შესარჩევი ტური საკმაოდ რთული აღმოჩნდა. კონკურსში მონაწილეობის მისაღებად ერთ ენთუზიაზმით აღსავსე ადამიანს, მარტივად რომ ვთქვათ 714 მსურველთან მოუწია თავისი უპირატესობის დამტკიცება. მოხალისეთა რიცხვი საკმაოდ მაღალი იყო. 20 ათასი მსურველიდან მხოლოდ 14 ღირსეული შეირჩა. ღირსეულთაგან ღირსეულს კი, 14 დაძაბული კვირის შემდეგ ქართველი მაყურებელი გამოავლენს. სპეციალურად “ვარსკვლავების აკადემია 2”-სთვის ჩამოვიდა ამერიკელი ქორეოგრაფი - ტრისია ბრაუნი. მისი წამყვანები კვლავ “რუსთავი-2”-ის ჟურნალისტი გიორგი ქორქია და მომღერალი- სოფო ხალვაში იქნებიან. მისი დასპონსორება კი, წინა პროექტის მსგავსად “მაგთიკომმა” ითავა. - /მოამზადა ქეთი გიგოლაშვილმა/

08.03.2009 ჯაბა ბოჯგუა აპარატიდან მოხსნენ

თითქმის უკვე ერთი თვეა მომღერალი ღუდუშაურის საავადმყოფოს რეანიმაციის განყოფილებაში ხელოვნური სუნთქვის აპარატზეა მიერთებული, თუმცა როგორც ჩვენთვის დღეს გახდა ცნობილი მომღერლის ჯანრმთელობა მძიმედ სტაბილურია, მიუხედავად იმისა, რომ ის გონზე დღემდე არ მოსულა - ჯაბა ბოჯგუა ჟანგბადის ბალიშების აპარატზე გადმოიყვანეს, სხეულის ყველა ორგანო ნორმალურად ამუშავდა და როგორც ჩვენს კორესპოდენტთან საუბარში მისი ახლობლები ამბობენ, მომღერლის ჯანმრთელობა მძიმე, მაგრამ სტაბილური მასთან მამა სოგრატეს მისვლის და მისი მხრიდან პარაკლისის გადახდის შემდეგ გახდა. როგორც ცნობილია, მომღერალი ოფიციალურად გაანთავისუფლეს პატიმრობიდან და ახლა ის, გარდა იმისა, რომ ექიმთა სრული მეთვალყურეობსი ქვეშ, გონდაკარგული (უკვე ერთი თვეა) წევს საავადმყოფოში, მხოლოდ ღმერთის იმედიღა დარჩენიათ

07.03.2009 აზიური ფართი "ჩილიმ-კლუბში" და ლელა წურწუმიას წითელი ვარდების ამბავი

თბილისში აზიური კლუბების დიდი ბუმი არასოდეს ყოფილა, მაგრამ აზიური საღამოები ყოველთვის მოდაში იყო და ამის დასტურია გუშინ გამართული "ჩილიმ ფართი", რომლის ორგანიზატორი ახალგაზრდა გოგონა - მარი ქობულიაა და რომელმაც როგორც აღმოჩნდა, მეგობრების დახმარებით იმდენი მოახერხა, რომ კლუბში დაახლოებით 70 საპატიო სტუმარი შეკრიბა და ტამ-ტამების და ცოცხალი მუსიკის ფონზე, ყველანაირად ეცადა ლამაზი საღამოს მოწყობას, რომელსაც უმშვენიერესი მოდელებიც ალამაზებდნენ აზიური სამოსის ჩვენებით (რამაც თავიდანვე ცქმუტვა-ფართი უფრო გამოიწვია დამსწრე მამაკაცებს შორის). საღამოს თავად ორგანიზატორი უძღვებოდა ევროპულ-აზიურ სამოსში გამოწყობილი და სახეზე ჩადრ-ჩამოფარებული (რომლის ახსნის ბედნიერება ტელე-კომპანია "მიუზიკ ბოქსის" ოპერატორს ხვდა წილად), რომელმაც დაკისრებულ მოვალეობას მშვენივრად გაართვა თავი, თუმცა აშკარა იყო რომ ცოტა-ცოტას ნერვიულობდა კიდეც :) სტუმართა შორის იყვნენ ნინი შერმადინი, დათო ფორჩხიძე, მარინა სალუქვაძე, დეფი გოგიბედაშვილი, გია ჯაჯანიძე, მამუკა ლომაშვილი, ლიკა ყაზბეგი, ლელა წურწუმია და სხვები, სხვათაშორის ძალიან საინტერესო იყო მომენტი, როცა კლუბიდან გასვლის დროს ლელა წურწუმიას თავისივე სიმაღლის 50 წითელი ვარდი მიართვეს და თავად ლელაც დაიბნა მოულოდნელი ლამაზი საჩუქრით (რადგან აზიურ ფართიზე ეტყობა ამას ყველაზე ნაკლებად მოელოდა)... ორგანიზატორმა სახელდახელო კონკურსიც ჩაატარა და ლამაზად შეფუთული ყუთი შემოიტანა სადაც "რაღაც" იდო და ვინც გამოიცნობდა რა იყო ეს, ის იმ "რაღაცას" საჩუქრად მიიღებდა :) ლამის 10 წუთიანი "ნამიოკობანას" თამაშის დროს, ჟურნალისტმა ბესო ჩუბინიძემ მოახერხა და გამოიცნო და - ეგ "რაღაც" ქაღალდიაო, განაცხადა და გეგონება ჩააწყოო... მართალი აღმოჩნდა, ლამაზ ყუთში ქაღალდი იდო რომელზეც საჩუქარის სახელი ეწერა, ეს კი - ჩილიმი იყო, თუმცა როგორც სააკაშვილი არ გადამდგარა წუხელ, ისე ჩუბინიძეს არ ჩაბარებია იმ დღეს მოგებული :) მაგრამ ლიკა ყაზბეგმა "ივაჟკაცა" და მოგებული პატრონისთვის მოიხელთა ხელთ :)) იყო ბევრი შამპანური, იყო ბევრი ცოცხალი მუსიკა, მაგრამ იყვნენ სტუმრები რომლებიც ძალიან ითხოვდნენ ჩილიმს და ვერადავერ ეღირსნენ :) ამ სიამოვნებას და ძალიან გაბრაზდნენ :) საერთო ჯამში "აზიური ფართი" "ჩილიმ - კლუბში" ლამაზად დამთავრდა და ყველაფერმა სასიამოვნოდ ჩაიარა, თანაც ახალგაზრდა ორგანიზატორისთვის ეს პირველი ექსკლუზიური საღამო იყო, წარმატებებს ვუსურვებთ მარი ქობულიას.

3.03.2009 ბუშტებით გაფერადებული თბილისი

გაზაფხულის პირველ მზიან დღეს, ქართველი ტინეიგეჯების აბსოლიტური უმცირესობა აღნიშნავს “ballon’s day”-ს და TEEN.ge-ს თინეიჯერების მიერ ორგანიზებული “მოწყენილი სახეების” გამახალისებელი აქცია. “ბუშტების დღეს” მონაწილეები თბილისის ქუჩებში თავისივე “ჯიბის” ფულით შეძენილ “ballon” -ებს უხვად არიგებდნენ ნებისმიერ გამვლელზე, მხოლოდ “მადლობის” საფასურად (თუმცა ზოგი დაბღვერილი არასაც ეუბნებოდა მათ). “TEEN.ge”-ს ფორუმს თავის ანგარიშზე უკვე აქვს ერთი სახალისო აქცია. გასული წლის ნოემბრის თვეში მათ გამართეს ჩახუტების დღე. “free hug”-მა მოიცვა თბილისის ქუჩები. რამოდენიმე “pretty woman” და “cool gay” პეკინის, კოსტავასა და რუსთაველის ქუჩაზე გამვლელთ, აი ასე უბრალოდ, ხელებგაშლილნი ჩახუტებას სთავაზობდნენ. მისი ორგანიზატორი “ალმა - მატერის” IV კურსის სტუდენტი ნია დარასელია, ხოლო “TEEN.ge”- ს ფორუმისთვის კი - უბრალოდ ნიაა. მის მიერ ჩამოყალიბებულ ორგანიზაციას კი - არც მეტი და არც ნაკლები “მზესუმზირები” ჰქვია. “მზესუმზირები” რატომ? როგორც ჩვენთან საუბრისას მისმა დამფუძნებელმა (ცოტა ხმამაღალი ნათქვამიაო, მაგრამ მაინც) ნია დარასელიამ განაცხადა, იმიტომ რომ მათ, ისევე როგორც მზესუმზირას (მზეს უმზირა), ძალიან უყვართ მზე. თან, მისივე თქმით, ძალიან საყვარელი ყვავილია, ისევე როგორც ფორუმელები არიან საყვარლები და უბრალოდ ძალიან, ძალიან ლამაზი მცენარეაო. არც “ჩახუტების დღეს” და არც “ბუშტების დღეს” არ ჩაუვლია სახალისო ისტორიების გარეშე. “ballon’s day”- ზე ამინდი ისე რა გიჟური თინეიჯერული იყო. ქარი, მზე და აქციის მონაწილეებიც ერთმანეთს ეჯიბრებოდნენ “გაფრენილი” ბუშტების დაჭერაში. აი “free hug day”-ზე კი ჩახუტების მსურველი ორგანიზატორი ჩამხუტებელმა “ობიექტმა” (ბიჭმა) არც მეტი და არც ნაკლები ხელში აიტაცა. აი,ასე გაიხალისა ორგანიზაცია “მზესუმზირებმა” და მისმა წევრებმა ერთი დღე. - ქეთი გიგოლაშვილი.

26.02.2009 8 მარტს ქეთა თოფურია თბილისს ეწვევა

მიუხედავად იმისა, რომ თბილისში ლამის მხოლოდ კორპორატიული მუსიკალური საღამოები ტარდება, იშვიათად, მაგრამ მაინც გამოხტება ხოლმე რაღაც ისეთი, სასიამოვნო მოსასმენი და შესახედი, სწორედ ასეთად ჩაითვლება პროდიუსერ ნატო დუმბაძის მიერ 8 მარტს ორგანზიებული ჯგუფ “ა-სტუდიოს” სოლო-კონცერტი, რომელიც კლუბ “ტრიუმფში” ჩატარდება და რათქმაუნდა ალბათ ქალთა საერთაშორისო დღეს მიეძღვნება და მიუხედავად იმისა, რომ საქართველოში უკვე ამრეზით უყურებენ ყველაფერს რაც არაქართულია (და მითუმეტეს ე.წ. საერთაშორისო დღესასწაულებს), მონატრებულ ქეთა თოფურიას აუცილებლად ეყოლება თბილისში მსმენელი. ნატო დუმბაძე იმედოვნებს, რომ თბილისში დაბრუნდება დრო, როცა შოუ-ბიზნესში საქმე ხალისით კეთდებოდა და ხალხს შექმნილი და გაკეთებული უფასდებოდა, “ვარსკვლავები” როგორც ქართული შოუ-ბიზნესის პირველი მხარდამჭერი და შემქმნელი, მხარში უდგას და დაუდგება ყველას, ვინც ამაში ინტელექტუალური შესაძლებლობების გარდა ფინანსურ მხარდაჭერასაც განახორციელებს.

25.02.2009 გომარას ახალი კლიპი გადაუღიაოოო

როგორც ჩანს, ქართველ მომღერლებს ძველი, ლამაზი, ხვავ-ბარაქიანი პერიოდის ნოსტალგია აწუხებთ, ქართულ-შოუბიზნესს, რომ ედგა ერთ დროს, რისი დამადასტურებელი ფაქტიც ისაა, რომ ცნობა მოგვაწოდეს – გომარას ახალი კლიპი გადაუღიაო, საუბარია დათო გომართელზე, რომელსაც საკლუბო ბიზნესი აქვს და თავისივე სახელობის კლუბში ამასწინათ ამ კლიპის პრეზენტაციაც გაუკეთებია, სიმღერას დათო გომართელი და ირაკლი ალფაიძე ასრულებენ (ეს ბიჭი “სეფას ბიჭების” წევრია), კლიპის რეჟისურა პაატა ჭელიძეს ეკუთვნის, სიმღერა გია ყანჩელის მუსიკაზე კოტე მალანიამ შექმნა, რაც საბოლოო ჯამში ლამაზ სინთეზში აისახა კლიპზე, რომელიც თავისმხრივ სადა და სასიამოვნო საყურებელი გამოვიდა.

24.02.2009 ენრიკო ჯანელიძე შესაძლოა “ღირსების ორდენოსანი” გახდეს

ძველი თაობის, მაგრამ დღესაც კი ენერგიული და პოპულარული მომღერალი 20 თებერვალს 60 წლის შესრულდა. ტრადიციულად მოწესრიგებულმა, აკრატულმა და ჩიკორივით მოტრიალე მომღერალმა, რიგი მიზეზების გამო იუბილე მასშტაბურად ვერ გადაიხადა, მაგრამ ვიწრო წრეში მაინც მოახერხა 60 წლის იუბილე ეზეიმა. მწერალთა კავშირის თავმჯდომარედან მაყვალა გონაშვილიდან დაწყებული, თურმე რიგითი ჟურნალისტით დამთავრებული, ბატონ ენრიკოს დაბადების დღე ყველამ გულითადად მიულოცა და მანაც სამადლობელი რათქმაუნდა იმით გადაიხადა რაც ყველაზე მეტად გამოსდის – საკუთარი სიმღერით. რაც შეეხება მის “ღირსების ორდენზე” წარდგენას, ვიმედოვნებთ დიდხანს არ გაიწელება ეს ამბავი, თუმცა ბატონო ენრიკო ეგ ჯილდო იმდენ “ღირსეულს” კიდია მკერდზე, რომ იქნებ მნიშვნელობაც არ ქონდეს, თქვენც გეკიდებათ თუ არა :)

22.02.2009 გაწირული სტეფანე და შეწირული სამი გოგო

ვნებათაღელვა მოსკოვში დაგეგმილ “ევროვიზიის” სატელევიზიო კონკურსზე ქართული დესანტის შესახებ პიკს ნელ-ნელა აღწევს და რამდენიც არუნდა ამტკიცოს ვინმემ, რომ ე.წ. შესარჩევი კონკურსის დროს “არავინ” არ იცოდა, რომ მოსკოვში გასაგზავნად სწორედაც, რომ სტეფანე მღებრიშვილის და ე.წ. “სამი გოგოს” (ნინი ბადურაშვილი, ქრისტი იმედაძე და თაკო გაჩეჩილძე) შესრულებული სიმღერა იყო “განწირული”, ამას არავინ ჭამს, რადგან აშკარად პოლიტიკურ ასპექტში კარგად (!) გადაწყვეტილი სიმღერა სწორედ იმიტომ გაკეთდა, რომ ვოვა პუტინისთვის ნერვები მოეშალათ, მითუმეტეს სიმღერა იმ კომპანიის (“არტ-ფორუმი” – ხელმძღვანელები კახა ცისკარიძე და სტეფანე მღერბრიშვილი) გაკეთებულია, რომელიც პირდაპირი წესითაა ყველა სახელმწიფო და სამთავრებო ღონისძიების ჩატარების მონოპოლისტი. შესაბამისმა რეაქციამ მოსკოვიდანაც არ დააყოვნა და პუტინის სახელით მისმა პრეს-მდივანმა საშიში განცხადება გააკეთა “– ამ ხულიგნებს, ამ სიმღერას, მოსკოვის სცენაზე არავინ ამღერებსო” – მაგრამ, ცეცეხლზე ნავთი თბილისიდან მოსკოვში, უკვე გადასხმულია, დანარჩენს კი “ევროვიზიის” საერთაშორისო კონკურსის სპეც-ჟიური გადაწყვეტს 16 მარტს და სავსებით შესაძლებელია, რომ ქვეშაფსია ევროპელებმა ქართული ხასიათიდან ნამღერი საპროტესტო სიმღერა საერთოდ არ დაუშვან მოსკოვის სცენაზე, რადგან მასპინძელი ქვეყანა ძალიან გაანაწყენა ქართველების იმ მიგნებამ, რომ ინგლისური სიტყვა “ფუთ ინ” (ქართულად შედებას ნიშნავს) ძალიან გავს საქართველოს #1 მტრის – პუტინის გვარს, მაგრამ თუ მოხდა სასწაული და სიმღერამ მოსკოვის სცენაზე მაინც გაიჟღერა, მას სავარაუდოდ დასრულებაც კი არ უწერია, რადგან როგორც მინიმუმი სტეფანეს და სამ უმშვენიერეს ქართველ გოგონას მაყურებელში გაბნეული რუსი ნაციონალისტები (ე.წ. სკინხეტები) კვერცხებს, ბოთლებს და ათას სხვა ნაგავს დაუშენენ, ამიტომ – ქართული ჯგუფის მოსკოვში წასვლა დაუშვებელია! ასევე დაუშვებელია სიმღერის ან შემსრულებლის ჩანაცვლება, რასაც სავარაუდოდ 16 მარტს მშიშარა ევროპელები აუცილებლად მოსთხოვენ ქართველებს – უბრალოდ ყველაფერი უკვე გაკეთებულია, სიმღერამ თავის საქმე “ევროვიზიაზე” გატანის გარეშეც უკვე გააკეთა. შარშან “იურმალაზე” ქართველთა გამარჯვების შემდეგ, რამდენიმე კვირაში რუსებმა ომი დაგვიწყეს, წელსაც, შემთხვევით, რომ გავიმარჯვოთ ქართველებმა “ევროვიზიაზე” მერე?

19.02.2009 ლიკა ზენდერის ახალი კლიპი

თითქოს უძრავად გაყინულ ქართულ შოუ-ბიზნესში და უფრო მის შიდა სამზარეულოში, ხანდახან მოწყვეტილი კომეტასავით გაიელვებს ხოლმე ახალ-ახალი ნამუშევრები, ახალი შემსრულებლები და კიდევ რაღაც იმედები ჩაისახება ხოლმე, რომ მთლად არ დავღუპულვართ. გიგა კუხიანიძემ რამდენიმე დღის წინ, საკუთარი რეჟისორობით გადაღებული ახალი კლიპის პრეზეტაცია მოაწყო, მომღერალი ქალბატონის ლიკა ზენდერის სიმღერაზე, რომლის ავტორიც ასევე თავად გიგაა. ცოტა არ იყოს სიმღერის დამაბნეველმა სათაურმა “სექსი მინდა” თავიდან დამსწრე საზოგადოებაში კითხვანარევი მზერა გააძლიერა და ერთი სული ქონდა ყველას ეკრანზე რა შინაარსის და დატვირთვის კლიპი გავიდოდა და “ვის რა სექსი უნდოდა”, - მოკლედ – სანამ კლიპი ბოლომდე ჩათავდებოდა, დაძაბული თვალები აშკარად უნაყოფოდ ეძებდნენ ნამუშევარში რამე მიუღებელს, სკანდალურს და სენსაციურს, - სექსი ვის არ უნდა, მაგრამ ეს, ხომ იმას არ ნიშნავს, რომ არაესთეტიურად ჩანდეს სადმე რამე? კლიპი არაგამაღიზიანებელი, ლამაზად გადაწყვეტილი და კარგად დამონტაჟებულია, მომღერალიც საკმაოდ ეფექტურად თამაშობს მაცდუნებელი “მედდას” როლს, რომელსაც ძალიან უნდა, რომ მომაკვდავი პაციენტი მამაკაცი (სხვათაშორის ზანგი – რომელმაც ქართულიც კარგად იცის) თავისი სექს-თამაშებით გამოეცოცხლებინა (აკი მოახერხა კიდეც). კლიპის პრეზენტაციას ესწრებოდნენ თამთა ჭელიძე, კახა კუხიანიძე, ვერიკო ტურაშვილი და სხვები. ჩვენება ტრადიციული ალაფურშეტით დასრულდა.

18.02.2009 ხელოვნური სუნთქვის აპარატზე მიერთებული ჯაბა ბოჯგუა პატიმრობიდან ოფიციალურად გაანთავისუფლეს

მას შემდეგ რაც, ჩვენს საიტზე გამოქვეყნდა მასალა მომღერლის და შოუ-მენის ჯაბა ბოჯგუას უკიდურესად მძიმე ფიზიკური მდგომარეობის გამო და ეჭვი გამოვთქვით, რომ გლდანის ციხის ადმინისტრაციის გადამეტებული უყურადღებობის გამო (რის გამოც ჯაბა ბოჯგუა დროულად არ მაოთავსეს კლინიკაში) შესაძლოა პაციენტი უბრალოდ დაღუპულიყო და თან პატიმრის სტატუსით, ცნობილი გახდა, რომ სასჯელაღსრულების დეპარტამენტმა მომღერალი ოფიციალურად გამოაცხადა თავისუფალ ადამიანად და მას აღმკვეთი ღონისძიება მოუხსნა, ასევე მოუხსნა ბადრაგის დაცვა პალატის შესასვლელში და სავარაუდოდ ეს, არა ჰუმანური, არამედ ტექნიკური მიზეზებით გააკეთა - “მაინც ვერ გადარჩებას” პრინციპი ჩაირთო, რადგან უმძიმეს მდგომარეობაში მყოფ მომღერალს უკვე ტვინის დიდი ნაწილი აქვს გაჩერებული და მიმდინარეობს ბრძოლა იმის გულსითვის, რომ პაციენტს გული არ გაუჩერდეს. წარმოიშვა, მეორე, არანაკლებ დიდი პრობლემა, ამ დრომდე პატიმარ ჯაბა ბოჯგუას მკურნალობას კანონის თანახმად, ციხის ადმინისატრაცია აფინანსებდა, ამჟამად კი გაჩნდა საშიშროება, რომ უფინანსობის გამო, მას ხელოვნური სუნთქვის აპარატიდან გამორთავდნენ, რაც ავტომატურად ადამიანის დაღუპვას ნიშნავს. უკიდურესად გაჭირვებულმა დედამ, მისი მეგობრების დახმარებით სპეციალური ანგარიში გახსნა ბანკი"რესპუბლიკა" 600003601004876 ლარებში და 600003611004876 დოლარებში. სადაც ნებისმიერ მსურველს ნებისმიერი თანხის გადარიცხვა შეუძლია მომღერლის დასახმარებლად. თუმცა, როგორც ჩვენთვის ცნობილი გახდა, ბოლო დღეს ცნობილი გახდა, ღუდუშაურის კლინიკის და მკურნალ ექიმთა გადაწყვეტილებით პაციენტ ჯაბა ბოჯგუას მკურნალობას, ჩვეულებრივად გააგრძელებენ და არ აპირებენ მისი აპარატიდან გამორთვას, სანამ მისი სხეული წინააღმდეგობას უწევს დაავადებას.

17.02.2009 ახალგაზრდა მომღერლები ავარიაში მოყვნენ

რამდენიმე დღის წინ კახეთის რეგიონში, კერძოდ კი სოფელ კაზრეთში ე.წ. ვალენტინეს დღისადმი მიძღვნილი კონცერტი გაიმართა, სადაც ადგილობრივმა ორგანიზატორებმა ახალგაზრდა მომღერლები მიიწვიეს, მათ შორის პაატა თედიაშვილი, მანჩო, დიტო ქისიშვილი, რადიო “არ დაიდარდოს” დი ჯეი, მომღერალი თაკო მელიქიშვილი, ხმის რეჟისორი და რამდენიმე მეგობარი. საათნახევრიანი კონცერტის შემდეგ, გამართული ბანკეტიდან, მომღერლები და ტექნიკური ჯგუფი, სხვადასხვა მანქანებით გვიან, გამოუყვნენ გზას თბილისისაკენ, საიდანაც ერთ-ერთი მანქანა კახეთი-თბილისის გზაზე გადაჭარბებული სიჩქარის გამო გზას ასცდა და ხრამში გადავარდნისგან ის, ქუჩის გამყოლმა ბარდიულმა იხსნა. ავტომანქანა “აუდის” გაშლილი წინა აირბაგებისგან მნიშვნელოვანი დაზიანებები მიიღო მანჩომ (რომელიც წინ იჯდა) და მძღოლმა, ასევე ტვინის სხვადასხვა სახის დაზიანებები მიიღეს უკანა სავარძელზე მჯდომმა ტექნიკური ჯგუფის წევრებმა. ხრამში გადავარდნას გადარჩენილი მანქანიდან, მგზავრები უკან მომავალი მანქანის მძოღლმა დიტო ქისიშვილმა და მისმა თანხმლებებმა გადმოიყვანეს. ადგილზე საპატრულო პოლიციეს ეკიპაჟიც გამოცხადდა და მიმდინარეობს მოკვლევა ავარიის ზუსტი მიზეზების დასადგენად, ხოლო დაზარალებულ მომღერლებს ექიმისგან დროებითი წოლითი რეჟიმი აქვთ გამოწერილი.

15.02.2009 ქართველები ე.წ. "ვალენტინობის დღეზე" ნელ-ნელა უარს ამბობენ

საქართველოში, ქვეყანაში სადაც ყველა დღესასწაული ორ-ორჯერ აღინიშნება, გუშინ პირველი ჰომოსექსუალი წყვილის ჯვარდამწერი, განდევნილი კათოლიკე მღვდლის ვალენტინოს სახელობის დღე, ტელეკომპანია "რუსთავი 2"-ის დიდი, უფასო პიარის მიუხედავად, კანტიკუნტად აღნიშნეს, მიუხედავად იმისა, რომ მთელი დღის განმავლობაში ყვავილების გამყიდველები პირდაპირი გაგებით წუწუნებდნენ, რომ სერიოზულ ზარალში გადავრდნენ და შეყვარებულებისთვის 14 თებერვალი ერთი ჩვეიულებრივი დღე აღმოჩნდა. დედაქალაქში რამდენიმე ამ დღისადმი მიძღვნილი ღონისძიება მაინც გაიმართა, "ჯეოსელის" პიარ-აქცია და ორი ერთნაირი დასახელების საღამო - "მისტერ-ვალენტინი" და ისიც ერთიდაიგივე კლუბში, 12 საათიანი შუალედით - პირველი ქალთა საიტის ევა.გე-ს მიერ ორგანიზებული "მისტერ-ვალენტინის" არჩევნები იყო და მეორე ვინმე ლაშა გიორგაძის მიერ ორგანიზებული "მისტერ ვალენტინის" საღამო, რომელიც იმით იყო განხვავებული, რომ მასში ასეთუისე ცნობილი სახეები მონაწილეობდნენ, რომლებსაც თავი ლიკა ყაზბეგის სამოდელო სააგენტომ და პირადად ლიკა ყაზბეგმა მოუყარა, თუმცა თამამად შეიძლება ითქვას, რომ - ცნობილი და პოპულარული სამოდელო სააგენტოს თანამშრომლობა, არაფრისმთქმელ, არაფროფესიონალ და გასართობ ინდუსტრიაში გაურკვეველ ადამიანთან წარუმატებელი აღმოჩნდა, სხვადასხვა მიზეზთა გამო კონკურსში მონაწილეობაზე უარი განაცხადეს მსახიობმა გიორგი ყიფშიძემ, ლევან სუხიტაშვილმა, ბესო სარჯველაძემ, ბესიკ ჩუბინიძემ და სხვებმა, ხოლო ვინც ლიკა ყაზბეგის ხათრით და გასართობად მაინც გარისკა სცენაზე გასვლა, ცინიკური ღიმილით უყურებდა კონვერტიდან, ფურცლის ნაგლეჯზე პასტით დაწერილი ე.წ. ნომინაციის ანუ ე.წ. ჯილდოს ... კომპეტენტურმა და წარმომადგენლობითმა ჟიურიმ ინგა გრიგოლიას, მაია ასათიანის, მარინა სალუქვაძის და სხავთა სახით "მისტერ-ვალენტინად" ახალგაზრდა პიანისტი აირჩიეს, გადანაწილდა დაახლოებით 10-15 ნომინაცია, რომლის დამადასტურებელი ფურცლის ნაგლეჯები ყველა მონაწილეს გადაეცა. ყველაზე კმაყოფილი მაინც დამსწრე საზოგადოება დარჩა, რომლებმაც ბევრი იცინეს და იმხიარულეს, ხოლო ყველაზე მეტად გაკვირვებული, თუმცა ნასიამოვნები კონკურსის მონაწილე გოგონები და მამაკაცები იყვნენ, რომლებიც - კონკურსის ორგანიზატორს ვინმე ლაშა გიორგაძეს, როგორც მინიმუმი საყვედურობდნენ: - ჩვენზე ფული გააკეთა, ბილეთები გაყიდა და ერთი მოსაწვევიც არ მოგვცაო. მოკლედ, ამ სააცილო დღესასწაულმა, საქართველოში სასაცილოდ და უცნაურად ჩაიარა, "რატომღაც" ქართველებმა ჰომოსექსუალისტებზე პირველი ჯვარდამწერი მღვდელის სახელობის დღის აღნიშვნაზე, მასაობრივად მაინც უარი თქვეს და მოთმინებით ელიან ქართულ, ეროვნულ სიყვარულის დღეს 15 აპრილს და უწმინდესის და უნეტარესის მიერ დაწესებულ მართმადიდებლურ სიყვარულის დღეს 3 ივლისს - გერგეტობის დღესასწაულს.

10.02.2009 ჯაბა ბოჯგუა რეანიმაციაში მოხვდა

მომღერალი ჯაბა ბოჯგუა, რომელიც სასჯელაღსრულების დეპარტამენტის გლდანის კოლონიაში იხდიდა სასჯლეს გამოძალვის მუხლით, გუშინ საღამოს ციხის რესპუბლიკური საავადმყოფოდან პირდაპირ ღუდუშაურის სახელობის კლინიკის რეანიმაციის განყოფილებნაში მოხვდა, სადაც ის ხელოვნური სუნთქვის აპარატზეა მიერთებული. ექიმები მისი გადარჩენის დაბალზე მცირე შანსს იძლევიან და აღნიშნავენ, რომ მომღერალს თავის ტვინი აქვს დაზიანებული, აქამდე ყველასთვის ცნობილი იყო, რომ ჯაბა ბოჯგუა გულის იშემერიული დაავადებით იყო შეპყრობილი და იყო რამდენიმე შემთხვევა, როცა მისი გული გაჩერდა და ეს კონცერტების მსვლელობისასაც კი მომხდარა. - როგორ დაემართა მომღერალს ტვინის შეშუპება, ჯერ-ჯერობით დაუდგენელია, მკურნალი ექიმის განცხადებით - ტვინი მთლიანად გათიშულია და მომღერლის გადარჩენის შანსი ძალიან მცირეა. ფაქტია, რომ მომღერალზე ციხის კედლებმა მკვეთრად უარყოფითად იმოქმედა, სტერსისა და გადატანილი სიტუაციის გამო ჯაბა ბოჯგუა დღეს სიკვდილ-სიცოცხლის ზღვარზეა. ოჯახის წევრები და ახლობლები ითხოვენ, მომღერალს პატიმრის სტატუსი მოუხსნან და მისცენ მისი მოვლის უფლება, რადგან ღუდუშაურის კლინიკას და სართულს, სადაც ჯაბა ბოჯგუა წევს რეანიმაციის განყოფილებაში დეპარტამენტის ბადრაგი იცავს. ყველა სავალალო შედეგის შემთხვევაში მთელი პასუხისმგებლობა მომღერლის ჯანრმთელობაზე სავარაუდოდ გლდანის ციხის ადმინისტრაციას დაეკისრება. "ვარსკვლავები" მოვლენების განვითარებას ოპერატიულად მიყვება.

09.02.2009 "მე რომ მენატრება, მას თუ ვენატრები" - სოლო, მანჩოსგან

ახალგაზრდა, მომხიბვლელმა ქართველმა მომღერალმა, რომელიც რამდენიმე წელია აქტიურად მუშაობს ქართულ ესტრადაზე, შარშან "მეგას" დაჯილდოების მე-9 ცერემონიალზე "ყველაზე პოპულარული პოლიფონიური მელოდიების" "მეგა" მიიღო, სადაც ის ქეთი იასამნიძესა და რეპერ სალჯისთან ერთად ჩაწერილად ასრულებლა რომა რცხილაძის პოპულარულ კომპოზიციას. "მეგას" შემდეგ მომღერალმა აღნიშნული სიმღერის სოლო-ვერსია ჩაწერა საკუთარ სტუდიაში და მასზე მეტად ორიგინალური კლიპიც გადაიღო მეგობრების დახმარებით, რომელშიც სიმღერის ავტორი რომა რცხილაძეც მონაწილეობს, ფინალში - აღნიშნული პოპულარული კომპოზიციის მანჩოსეული სოლო-ვერსია კომპანია "ნიკიტამ" თავის პოლიფონიურ მელოდიათა კატალოგში შეიტანა და ის ისევ დიდი მოთხოვნით სარგებლობს, მობილური ტელეფონის მომხმარებელთა შორის.

8.02.2009 ლელა წურწუმია მუშაობას მაინც განაგრძობს

უახლოესი წარსულის დიდი თანავარსკვლავედიდან, რომელიც ქართული შოუ-ბიზნესის დიდ და ნათელ ცაზე ბრწყინავდა, ერთეულები თუ შემორჩნენ მუსიკალურ სამყაროში და ისინიც აქა-იქ თუ აკიაფდებიან ხოლმე. ამ ერთეულთა შორის უდაოდ არის საქართველოს მუსიკალური დაჯილდოების "მეგას" მრავალგზის ნომინანტი ლელა წურწუმია, რომელიც ბოლო 10 წლიშ განმავლობაში, უკვე მე-12 სოლო ალბომის ჩაწერაზე მუშაობს, რომლის 4 სიმღერა უკვე მზადაა. ახალ ალბომში რუსა მორჩილაძის, ვაჟა აზარაშვილის, ლილიკო ნემსაძის და ჭაბუკა ამირანაშვილის კომპოზიციებია გაერთიანებული, არის ერთი ახალი დუეტიც, მერაბ სეფაშვილთან, რომელიც უდაოდ მოახდენს პოზიტიურ გავლენას ალბომის კგაყიდვაზე. 12 თებერვალს ლელა წურწუმიას დაბადებიდ დღე აქვს, 14-ში მას ისრაელში, თელავივის ერთ-ერთ საკონცერტო დარბაზში კონცერტი აქვს ჩანიშნული, რის შემდეგაც კვლავ თბილისს დაუბრუნდება და ალბომზე მუშაობას გააგრძელებს. "ვარსკვლავები" დაბადების დღეს ულოცავს ლელას და შემოქმედებით წინსვლასთან ერთად ჯანმრთელობას და ოჯახურ ბედნიერებას უსურვებს მას.

05.02.2009 "ვალენტინი” განკვეთილი ბერი, რომელმაც 14 თებერვალს პირველად დაწერა ჰომოსექსუალისტებს ჯვარი

თითქმის ნახევარი მსოფლიო ბოლო წლებში, ყოველ 14 თებერვალს აღნიშნავს ე.წ. წმინდა ვალენტინის დღეს (მონათლულს შეყვარებულთა დღედ), თუმცა სამიოდ წლის წინ რომის პაპის წარმომადგენლობამ განაცხადა, რომ კათოლიკური ეკლესია საერთოდ არ ცნობს მსგავსი სახის წმინდანს სახელად ვალენტინი და ეს კონკრეტული თარიღი, ამერიკელების მიერ მოგონილი და შექმნილი არარეალური კომერციული ისტორიაა, მითი, რომელიც არანაირ რეალობას არ ექვემდებარება! კომერციის სახე კი ფულის მოყვარულმა ამერიკელებმა მას 1846 წლიდან მისცეს, როცა ”ვალენტინის” ბიზნეს-ხაზი შექმნეს და ფულის კეთება დაიწყეს. არსებობს ერთადერთი ისტორიული ცნობა, რომელსაც კათოლიკური ეკლესია ინახავს და ეს არის ვინმე ვალენტინოს, ეკლესიის მიერ განკვეთილი ბერის შესახებ ცნობა – რომელმაც პირველმა დასწერა ჯვარი ჰომოსექსუალისტებს და ამით განარისხა მთელი ქრისტიანული სამყარო და ეს ზუსტად 14 თებერვალს მოხდა! აღიარებული დღესასწაული, რომელსაც მხოლოდდამხოლოდ ერთადერთი რეალური ისტორია – განკვეთილი ბერის ვალენტინის მიერ ჰომოსექსუალისტებზე დაწერილი ჯვრისწერა უდევს, ამერიკელებმა კომერციის დღესასწაულად აქციეს. 2005 წლიდან რომის პაპის და ვატიკანის საელჩოს განცხადებით ჭეშმარიტ ქრისტიანებს აეკრძალათ 14 თებერვლის, როგორც შეყვარებულთა დღის აღნიშვნა. ასეთივე აკრძალვა გააკეთა მართმადიდებლურმმა ეკლესიამაც (მათ შორის უწმინდესმა და უნეტარესმა საქართველოს კათოლიკო-პატრიარქმა ილია მეორემ), რამეთუ ეს არის დღე როცა ჰომოსექსუალისტებს პირველად დაწერეს ჯვარი! მართმადიდებლური ეკლესია, სიყვარულის დღეს საქართველოში აღნიშნავს ივლისში გერგეტობის დღესასწაულზე, რომელიც უწმინდესმა ილია მეორემ დააწესა, ხოლო ჭეშმარიტი, საერო სიყვარულის დღე საქართველოში - 1994 წლიდან გაზაფხულის შუა თვის, შუა რიცხვში ყოველ 15 აპრილს აღინიშნება, რომლის დარსებასაც კონკრეტული ქართული წყვილის, კონკრეტული სიყვარულის ისტორია უდევს საფუძვლად!

04.02.2009 მისტერ ვალენტინს გასართობად, საქართველოშიც აირჩევენ

თბილისში, კლუბ “კუბიკში” 14 რიცხვში, ორგანიზატორთა ჯგუფი და ლიკა ყაზბეგის სამოდელო სააგენტო “რიო დე ჟანეიროს საღამოს” აწყობს, რომლის დამთავრებისას, ფინალში 20 პოპულარული და წარმატებული მამაკაცი, არაფროფესიონალი პოდიუმზე გამოსვლაში და პირველები მსგავსი სახის ღონისძიებაში, საკუთარ შესაძლებლობებს კომპეტენტურ ჟიურის გააცნობენ (რომელთა სიაში ტელე-ჟურნალიტი ინგა გრიგოლია და “მის-საქართველოს” ტიტულის ყველაზე წარმატებული მფლობელი ირინა ონაშვილიც არიან) და კიდევ ერთხელ დაუმტკიცებენ საზოგადოებას, რომ ისინი წარმატებული, გაბედული და ქართულ რეალობაში სარისკო ნაბიჯების გადასადგმელად ყოველთვის მზად არიან. - შევარჩიეთ თავიანთ საქმეში წარმატებული და საზოგადოებისთვის ცნობილი 20-ამდე სიმპათიური მამაკაცი, რომლებიც ყოველგვარი ყოყმანის გარეშე დამთანხმდენენ ამ პროექტში მონაწილეობაზე, - განაცხადა ჩვენთან საუბარში პროექტის ავტორმა ლიკა ყაზბეგმა და მონაწილეებთან გასაუბრემაბ დაადასტურა ის განწყობა, რომ არცერთი მამაკაცი ამ ნაბიჯს სერიოზულად არ აღიქვამს და უბრალოდ გასართობად ღებულობენ მონაწილეობას “მისტერ-ვალენტინის” კონკურსში, თუმცა არცერთს პრეტენზიაც კი არ აქვს ამ ტიტულზე და უფრო მამაკაცური ტიტულის იმედი აქვს ჟიურის მხრიდან ვიდრე ვალენტინობაა. ჟიური კი, როგორც ავღნიშნეთ არ შედგება ცანცარა და უაზრო იუმორის მქონე ქალბატონებისგან და რეალურად პირიქით, საკმაოდ დახვეწილი გემოვნების და კრიტიკული თვალის ლამაზი ქალბატონების ნაკრები ემზადება 20 წარმატებული მამაკაცის შესაფასებლად, მონაწილეთა შორის არიან პოპულარული მსახიობები გიორგი ყიფშიძე, მამუკა ლომაშვილი, ლევან სუხიტაშვილი, ტელე-პროექტების გამარჯვებულები ბესო სარჯველაძე და ლევან სუხიტაშვილი, მომღერლები ნოდიკო ტატიშვილი, პაატა თედიაშვილი, ჟურნალისტები და სხვები. გასართობი კონკურსის გასართობ შედეგებს ჩვენი ჟურნალი 15 თებერვლისთვის წარმოგიდგენთ

31.01.2009 ნიკოლას ქეიჯი მიხეილ სააკაშვილის როლში

მსოფლიოში გლობალური ეკონომიკური კრიზისის დაწყებამდე ჰოლივუდში უკვე არამარტო ფინანსურად უჭირდათ ახალი, კარგი მხატვრული ფილმების გადაღება, არამედ შინაარსობრივადაც მოუკოჭლებდნენ, თუ არა ამას, სხვას რას შეიძლება დავაბრალოთ ის, რომ ჰოლივუდი რუსეთ-საქართველოს ომის თემით დაინტერესდა და ნიკოლას ქეიჯის კომერციული პროდუსერობით გადაწყვიტა მხატვრული ფილმი გადაიღოს ამ თემაზე, მაგრამ მწირი ბიუჯეტით და როგორც თავად ნიკოლას ქეიჯი ამბობს: - ბატალურ სცენებს ვერ გადავიღებთ, მძაფრსიუჟეტიანი ფილმი არ იქნება, არც საომარი კადრები, უფრო ფსიქოლოგიურ ასპექტში წარმოვადგენთ ყველაფერს, თავად მე კი, ფილმში საქართველოს პრეზიდენტის მიხეილ სააკაშვილის როლს შევასრულებ. უცნობია რამდენ ხანში გამოვა გაყიდვაში ფილმი რუსეთ-საქართველოს ომთან დაკავშირებით ჰოლივუდში, მაგრამ უკვე ცნობილია, რომ ეს ფსიქოლოგიური დრამა იქნება და არა ჩვეულებრივი ჰოლივუდური "ბოევიკი". ისიც უცნობია, როდის ექნება ქართველ მაყურებელს იმის შეფასების საშუალება, თუ როგორ თამაშობს მიშას ნიკოლასი.

30.01.2009 ქართულმა ოპოზიციამ ბუბა კიკაბიძე ამოიჩემა

გასული წლის ბოლოს პოპულარულმა ქართველმა მომღერალმა ბუბა კიკაბიძემ ოპერისა და ბალეტის თეატრში, სამდღიანი გრანდიოზული სოლო-კონცერტი ჩაატარა და მონატრებულ ქართველ მსმენელს საშუალება მისცა სრული იმპროვიზაციის პირობებში, მისი შემოქმედებით დამტკბარიყო. სამწუხაროდ ინტელიგენციის და ხელოვანების ნაწილი, ქართულ პოლიტიკურ რეალობაში თავიან-ფეხებიანა ჩაება და ზოგი ერთ ბანაკში, ზოგიც მეორეში აღმოჩნდა და ვინ სამთავრობო კურსს უჭერს მხარს, ვინ კი პირიქით – ოპოზიციურს, უმეტესობა კი, – მხოლოდ ერთ რეალობას აფიქსირებს, - ხელოვან ხალხს დაფასება ჭირდება. მას მერე, რაც ბუბა კიკაბიძემ რუსეთის პრეზიდენტს `ერთა შორის მეგობრობის ორდერის~ მიღებაზე უარი განუცხადა და მოსკოვში კონცერტების ჩატარებისგანაც თავი შეიკავა, ქართულ საზოგადოებაში ერთი-ორად აიწია მისმა რეიტინგმა, თუმცა მას მერე, რაც ის ე.წ. სახელისუფლო გუნდის მხარდამჭერებს შორის მოიაზრეს, ქართულმა ოპოზიციამ მისი მწვავე კრიტიკა არ დაიშურა და მათ შორის, ყოფილი სახელმწიფო მინისტრი, ამჟამად კი აქტიური ოპოზიციონერი გოგა ხაინდრავა გამოირჩა, რომელმაც ბუბა კიკაბიძეს ურჩია `ჩიტო-გვრიტოს~ მიხედოს და შეეშვას სააკაშვილის მხარდაჭერას, რასაც მომღერლის პასუხიც მოყვა – რომ ერთ `ჩიტო-გვრიტოს~ უფრო მეტი საქმე აქვს გაკეთებული ვიდრე, ვინმე კონკრეტულ ადამიანს.

29.01.2009 საქართველო "ევროვიზიაზე" მაინც გამოვა

როგორც ცნობილია, მას შემდეგ რაც დიმა ბილანმა შარშან "ევროვიზიის" სატელევიზიო მუსიკალურ კონკურსზე 1-ლი ადგილი დაიკავა და შესაბამისად, წესდების მიხედვით მომდევნო, ანუ უკვე 2009 წლის "ევროვიზიის" კონკურსი რუსეთის დედაქალაქში, მოსკოვში გაიმართება ან 12 ან 14 ივნისს. საქართველომ, რუსეთის მხრიდან აგრესიის და ქვეყნის ტერიტორიების ნაწილის ოკუპაციის შემდეგ, პროტესტის ნიშნად უარი განაცხადა მოსკოვში ჩვენი ქვეყნის წარმომადგენლის გაგზავნაზე, მაგრამ ცოტახნის წინ საბოლოო გადაწყვეტილება შეიცვალა და ჩვენი ქვეყნის წარმომადგენელი, მაინც მიიღებს მონაწილებას მოსკოვში გამართულ ღონისძიებებში. ვინ წარადგენს კონკრეტულად საქართველოს "ევროვიზია 2009"-ზე ჯერ-ჯერობით უცნობია, ტარდება შიდაშესარჩევი ტურები და 15 თებერვლისთვის საქართველოს კანდიდატის სახელიც გახდება ცნობილი, მაგრამ კულუარებში საუბრობენ იმაზეც, რომ საქართველო წელს ამ კონკურსზე ანრი ჯოხაძემ წარადგინოს, რომელმაც შარშან დიანა ღურწკაიასთან "ბექებში" სიმღერის დროს კარგად დაზვერა ეს სცენა. და აქვს შანსი დიდი წარმატებებისა. (წარმოგიდგენიათ რა დაემართებათ რუსებს, თუ საქართველოს წარმომადგენელმა შემთხვევით, რუსეთისვე მოედანზე კონკურსი მოიგოს?)

28.01.2009 მომღერალმა "უცნობმა" პოლიტიკა არჩია და თავი "დაიპატიმრა"

მალე ერთი თვე შესრულდება, რაც ქართული შოუ-ბიზნესის ერთ-ერთმა პოპულარულმა წარმომადგენელმა, მსახიობმა გია გაჩეჩილაძემ, რომელსაც წლების წინ ყველა სიმღერა ჰიტი ჰქონდა, საბოლოოდ უარი თქვა შოუ-ბიზნესზე და ნაწილობრივი პოლიტიკის კეთებაში ოპოზციური აზროვნებით, ტელეკომპანია "მაესტროს" ეთერში ახალი რეალითი თოქ-შოუს "მე-5 საკანის" კეთება დაიწყო, სადაც ის 24 საათიან რეჟიმში პატიმრის ამპლუაშია და ცდილობს სტუდიაში, რომელიც მაქსიმალურადაა მიახლოებული ციხის საკანთან, ყველა ის პირობა შექმნას რაც ნამდვილ ციხეშია, ერთი განსხვავებით – მასთან ყოველთვის მიდიან პოლიტიკოსი სტუმრები და ისინი ღია ეთერში ხმამაღლა აფიქსირებენ ოპოზიციურ აზრს. თუმცა უცნობი სახალხოდ აცხადებს, რომ ის, არანაირი ოპოზიციონერი არაა და არანაირად არ ერევა პოლიტიკაში, უბრალოდ ის, იმ ქვეყნის შვილია, რომელიც მიხეილ სააკაშვილის რეჟიმმა პატიმრად აქცია საკუთარ ქვეყანაში და მისი, როგორც ამ ქვეყნის შვილის ვალია საზოგადოება დაარწმუნოს, რომ საააკაშვილი უნდა გადადგეს და დატოვოს პრეზიდენტის პოსტი. "უცნობი" ამ შოუში დარჩენას მანმადე აპირებს, სანამ პრეზიდენტი არ გადადგება და თვლის, რომ ეს მალე მოხდება, ხოლო მისი მუსიკალური კარიერა კი, როგორც ყველა, ბევრი სხვა დანარჩენის – შეჩერებულია. მის კუთვნილ რადიო "უცნობში" კი, სხვა ქართველი მომღერლების სიმღერები ტრიალებს.

27.01.2009 დუეტ "ჯორჯიას" პროდუსერი გათხოვდა

პოპულარული ქართული დუეტის "ჯორჯიას" პროდუსერი მაია ყიფიანი, რომლის დიდი ღვაწლის გათვალისწინებით, მაკასა და რატის ტანდემმა შარშან "იურმალაზე~ მთავარი პრიზი დაიმსახურა – გაბედნიერდა და როგორც ცნობილი გახდა იგი, ცოლად მიჰყვება ცნობილი სომეხი კომპოზიტორის არნო ბაბაჯანიანის შვილს, რომლის სიმღერა ახალი ინტერპრეტაციით დუეტმა "ჯორჯიამ" შარშან "იურმალაზე" შეასრულა. მაია ყიფიანისთვის ეს მესამე ქორწინებაა და მიუხედავად იმისა, რომ სიძე-პატარძალს სხვადასხვა ქვეყნებში უწევთ ცხოვრება, ეს მხოლოდ დროებითია და მალე მათ თბილისშიც ექნებათ ბინა, რომელსაც ცნობილი სომეხი კომპოზიტორის შვილი დედაქალაქში აპირებს შეიძინოს, მანმადე კი რუსეთსა და ამერიკაში პარალელურ რეჟიმში მცხოვრები დიდი კომპოზიტორის შვილი და ქართველი ქალბატონი სხვადასხვა ქვეყნებში ცხოვრობენ. აღსანისნავია, რომ დუეტი "ჯორჯია" სიძის დიდი მოწონებით სარგებლოს და კომერსანტი, მათ კლიპის გადაღებასაც დაპირდა და დამატებით ხელშეწყობასაც. იმედია "იურმალა 2008"-ის გამარჯვებულებს მომავალში შანსი კიდევ მიეცემათ მსოფლიოს წინაშე წარსდგნენ.

26.01.2009 ნინო ჩხეიძემ საკუთარი სტუდია გახსნა

დღესდღეისობით ერთ-ერთმა ყველაზე პროდუქტიულმა მომღერალმა, საქართველოს მუსიკალური დაჯილდოების `მეგას~ ცერემონიალის სამგზის პრიზის მფლობელმა 2008 წელს, საკუთარ თავს მშვენიერი საჩუქარი გაუკეთა და უმაღლესი დონის ხმის ჩამწერი სტუდია გახსნა, რომელიც კომპლექსურად მოიცავს ხმის ჩამწერ, ფოტო და ვიდეო-სტუდიას. მიუხედავად იმისა, რომ ზედ ახალი წლის ღამეს, 31 დეკემბერს, მომღერალი ფიზიკური გადაღლილობის დიაგნოზით საავადმყოფოში მოხვდა, ნინო მაინც აქტიურად აგრძელებს მუშაობას ახალ სიმღერებზე, მან ახლახანს დაამთავრა ლექს-სენთან მეორე დუეტზე მუშაობა და პარალელურად ახალი ალბომის შექმნაზე მუშაობს, რაშიც რაღათქმაუნდა საკუთარი სტუდია უდიდეს დახმარებას გაუწევს. სტუდიის პრეზენტაციაზე მოწვეულ ჟურნალისტებს ნინომ საკუთარი ალბომები და საფირმო აქსესუარები (ბლოკნოტები, ავტოკალმები, კალენდრები) გადასცა საჩუქარად, პატარა ლამაზი ალაფურშეტიც მოაწყო და ახალი ჰიტების ჩასაწერად სტარტი აიღო. `ვარსკვლავები~ ჯანმრთელობას და ახალ შემოქმედებით წარმატებებს უსურვესბ მას.

25.01.2009 "გვირილამ" ბავშვებს ლამაზი საღამო მოუწყო

სტაჟიანმა, პოპულარულმა საბავშვო ანსამბლმა "გვირილამ" და საპროდიუსერო კომპანიამ "ჯადოსნური ხმები" ოპერისა და ბალეტის თეატრში ფესტივალი ჩაატარა სახელად "საშობაო მელოდიები", რომელში მონაწილეობასაც ღებულობდა ბავშვთა რამდენიმე ქორეოგრაფიული ანსამბლი, სოლო-შემსრულებელთა და ქართველ ვარსკვლავთა არც თუ ისე მცირე რაოდენობა. ღონისძიებას არც სპონსორები აკლდა და შესაბამისად სანახაობრივად დატვირთულმა საღამომ ლამაზად და ბავშვებისთვის დასამახსოვრებლად ჩაიარა, განსაკუთრებით კი ეს, ლიახვის ხეობიდან და კოდორის ხეობიდან ლტოლვილი ოჯახების ბავშვებს დაამახსოვრდებათ. საბავშვო ანსამბლი "გვირილა: ახალ პროექტს 3 მარტს, დედის დღეზე, ჩვენს ჟურნალთან ერთად განახორციელებს მოზარდ მაყურებელთა თეატრში, სადაც გაიმართება "მომავლის ვარსკვალვების" ფოტო-კონკურსის დაჯილდოების ცერემონიალი.

ანსამბლი "ივერიელი"

20.01.2009 ქართული ფოლკლორის წარმოჩენის კიდევ ერთი საინტერესო მცდელობა

კიდევ ერთი მცდელობა წარმოჩენილიყო ჩვენი საგანძურის - ქართული ფოლკლორის ჯერ კიდევ უცნობი ნიმუში, მუსიკალურ კლიპში "პირველი სტერეოს" პროდუსერმა კობა ბრეგვაძემ განახორციელა. სიმღერა და ტექსტი, რომლის საფუძველზეც შეიქმნა კლიპი ფშავ-ხევსურული ფოლკლორის უცნობი ნიმუშია. სიმღერა გადაამუშავეს "ჩვენი სტუდიის"მუსიკოსებმა მაკა დავითაიამ, შეთემ და თემურ ხვიბლიანმა. "ბალადა სიყვარულზე" ასრულებენ ფოლკლორის ახალგაზრდა შემსრულებლები გიორგი ჩიტაური და გვანცა მარკოიშვილი. კოსტიუმირებული კლიპის გადაღებაში დიდი დახმარება შემოქმედებით კოლექტივს ჟინვალის ქორეოგრაფიულმა ანსამბლმა "მნათემ" და მისმა სამხატვრო ხელმძღვანელმა კახა მარკოიშვილმა გაუწია. გადაღებები მთაში, თიანეთის მიდამოებში, ანანურში და ფოლკლორის თეატრ "ნაბადში" მიმდინარეობდა. კლიპის ოპერატორი ნიკოლოზ წეველიძე, მემონტაჟე კი, ლაშა მელაძეა. კლიპის პრეზენტაცია რესტორან "თავადურში" გაიმართა. დამსწრე საზოგადოებამ, რომელთა შორის პრესის წარმომადგენლები, ასევე, ლალი მოროშკინა, მარინა სალუქვაძე, ბესო კალანდაძე და სხვა ცნობილი სახეები იყვნენ კლიპი თბილად მიიღო.

მანჩოს კლიპის გადაღებების კურიოზები - აი, თურმე რა ხდება ხოლმე შიდა სამზარეულოში

შეგიძლიათ დაგვირეკოთ და ჩვენი ჟურნალისტები მიიწვიოთ ნებისმიერი კულტ-ღონისძიების გასაშუქებლად. დარეკეთ 899-57-66-22