აკრძალულია რომელიმე ფოტოს ან ტექსტის შეუთანხმებლად სხვაგან გამოქვეყნება!!!
mtavari
2014 clis ambebi
2013 clis ambebi
2012 clis ambebi
2011 clis ambebi
2009 clis ambebi
2008 news
2007 news
2006 news
jurnali VARSKVLAVEBI
jurnali VARSKVLAVEBI
me-16 konkursi
jurnali VARSKVLAVEBI
SPEC reportajebi
forumi MESIJI
bechdviti interviuebi
DJ max carmogidgent
chvens shesaxeb
POTO PAPARACI
datove chanaceri
kontaqti

27.12.2010. აღარ გვინდა ვაი-ივი, ახლა გვინდა “ექსკლუზივი”

“სითი-კლუბში” დღეს, შუადღისას, სპეციალურად ჟურნალისტებისთვის, ახალი სარეკლამო ჟურნალის პრეზენტაცია გაიმართა, რომელიც სამწუხაროდ ქართული ტრადიციული ერთსაათიანი დაგვიანების ფონზე დაიწყო, რაშიც, როგორც წესი არასოდეს ორგანიზატორები არ არიან დამნაშავენი, - არამედ მოპატიჟებული სტუმრები, მათ შორის ჟურნალსტები ყველაზე ნაკლებად :)
ახალგაზრდა, ენთუზიასტების გუნდმა, მოინდომა და ორიგინალური, ფერადი და მაღალ-პოლიგრაფიული ჟურნალი `ექსკლუზივის~ 2011 წლის პირველი ნომერი წარადგინა, ჟურნალი დაახლოებით ორმოცი კომპანიის ექსკლუზიური ფასდაკლების ბარათითაა სავსე და უნდა ითქვას, რომ არცთუისე მცირეპროცენტიანებით :) 48 გვერდიანი ჟურნალის გასაყიდი ფასი 3 ლარია, მაგრამ თუ თქვენ მასში შემოთავაზებული ფასდაკლების ბარათების ნახევარს მაინც გამოიყენებთ, უეჭველი დიდად მოგებული დარჩებით.
სხვათაშორის ჟურნალის ფორმატიც კი, ნოვატორულია - არც ჩვეულებრივ `პრიალა ჟურნალს~ გავს და არც რომელიმე უცხოურ ბრენდს, ხელში უფრო ადვილად დასაჭერი და კომფორტული გამოცემაა, გადასაფურცლად და წასაკითხადაც, შესაბამისად ფასდაკლების ბარათების ამოსაჭრელადაც.
კლუბში სპეციალური გათამაშებაც მოეწყო, სადაც ჟურნალსიტებს 15 წუთის განმავლობაში `ექსკლუზივისთვის~ სლოგანის მოფიქრება სთხოვეს, გამოვლინდა სამი გამარჯვებული, რომელთა შორის ერთ-ერთი ჩვენი ჟურნალისტიც იყო და პრიზად შამპანური `ბაგრატიონის~ შეკვრა მიიღო, კომპანია `მლმ ტეხნოლოგიმ” კი იაპონური წვენსაწურით `კვირის პალიტრის~ ჟურნალისტი ეკა ლომიძე დააჯილდოვა სლოგანისთვის - `ექსკლუზივი ექსკლუზიურად ექსკლუზივისგან~.

ღონისძიების ბოლოს ორგანიზატორებმა ტორტის გაჭრის ცერემონიალიც გამართეს და დამსწრე ჟურნალისტებს და სტუმრებს `ექსკლუზივი~ გაასინჯეს :)
"ვარსკვლავები~ წარმატებებს უსურვებს ახალ ჟურნალს და მის ახალგაზრდულ კოლექტივს.

23.12.2010. ლიკა ყაზბეგის მე-3 `წარმატებული ქალები”

სამოდელო სააგენტოს ხელმძღვანელმა და დიზაინერმა ლიკა ყაზბეგმა `დიდუბე პლაზაში~ თავისი საავტორო პროექტის “წარმატებული ქალბატონები პოდიუმზე” მორიგი, რიგით მე-3 ჩვენება გამართა და სხვადასხვა სფეროში მოღვაწე წარმატებული ქალბატონები გამოიყვანა სახელდახელო პოდიუმზე: - ჟურნალისტი, პლასტიკური ქირურგი, ბიზნესლედი, მოდელი, მენეჯერი, ექიმი, ფსიქოლოგი და სხვა უამრავი პროფესიის წარმომადგენელი, ერთი-მეორეს მიყოლებით გამოდიოდა `დიდუბე-პლაზას~ ამფითეატრში.
ჩვენებას უამრავი სტუმარი ესწრებოდა, რომელთა შორის იყო ამ სიტუაციაში თავისი მამაკაცურობით და შარმით გამორჩეული, საქართველოს მუსიკალური დაჯილდოების `მეგას!~ მე-11 ცერემონიალზე `ერის სიამაყის~ ნომინაციაში გამარჯვებული - თემურ წიკლაური, დამსწრეთა პირველ რიგებში იყო ლონდონიდან ერთი დღის უკან დაბრუნებული ინგა გრიგოლია, რომელიც აქტიურად მოუწოდებდა საზოგადოებას აპლოდისმენტები არ დაეშურებინათ ქალბატონებისთვის, არადა ისინი იმდენად კეკლუცად ირგებდნენ სახელდახელო პოდიუმზე სიარულს, რომ ეს შეუმჩნეველი არავის დარჩებოდა.
ღონისძიების მაღალ-მხატვრულ დონეზე ორგანზიებაში მთავარი წვლილი ნავთობ-კომპანია `რომპეტროლმა~ შეიტანა, რომლის ხელმძღვანელობაც სიამოვნებით ადევნებდა თვალს მონაწილე ქალბატონებს. მათ კი, სამჯერ მოუწიათ სასცენო კოსტიუმების გამოცვლა და უნდა ითქვას, რომ ამას დიდი ხალისითაც აკეთებდნენ და ყველანაირად ცდილობდნენ დამსწრე საზოგადოებისთვის თავის მოწონებას (უმეტესობას გამოსდიოდა კიდეც).
საინტერესოა, რომ თავად ლიკა ყაზბეგი ყოველთვის მაქსიმალურად არიდებს ხოლმე თავს, თუნდაც თავისივე პროექტში მონაწილეობას, სცენაზე გამოსვლას, და ასე იყო ამჯერადაც, არადა კარგი იქნებოდა სწორედ ლიკას წაეყვანა თავისი საავტორო პროექტი, რადგან მან ყველაზე უკეთესად იცის ყველა დეტაილ და ყველა ნიუანსი, რაც ეგრე რიგად საინტერესოა ნებისმიერი სტუმრისთვის.

ღონისძიება ნახევარი საათი გაგრძელდა, რის შემდეგაც სტუმართა ნაწილმა ალაფურშეტის მაგიდებისკენ გადაინაცვლა, თუმცა სასმელზე უარის თქმა ბევრს მოუწია, ხუმრობდნენ კიდეც - `დიდუბე პლაზას~ გარეთ პატრულის მანქანები არიან ჩასაფრებულნი, ბიუჯეტის შესავსებად არიან გამზადებულნი და ემანდ არავის შეგეშალოთ, სასმელი არ გადაჰკრათო :) - თუმცა ზოგიერთმა ამ გაფრთხილებას ყური არ ათხოვა და მოუწია კიდეც სახელმწიფო ბიუჯეტის შევსება, სიმთვრალეზე გამოწერილი ჯარიმები :)
.

“მეგას” მე-11 მეგა-გამარჯვება

მინიმალური რესურსებით გაკეთებული, მაქსიმალურად ორგანიზებული მეგა-შოუ

17 დეკემბერს, თბილისში საქართველოს მუსიკალური დაჯილდოების “მეგას” რიგით მე-11 ცერემონიალი გაიმართა. პროექტი რომელიც 1999 წელს დაიბადა და წლის გაუცდენელად ცდილობს ქართული ხელოვნების არა მარტო საესტრადო დარგის პოპულარიზაციას და ხელოვანთა შეფასება-დაფასებას, 11 წელია ცდილობს საქართველოში აბსოლუტურად სხვა, საქართველოსთვის უცხო - დაჯილდოების ცერემონიალების კულტურა დაამკვიდროს.
იყო პერიოდი, როცა ქართული შოუ-ბიზნესის “ზეობის ხანაში” (1999-2004 წლები) “მეგას” საორგანიზაციო კომიტეტმა, პირველი ნოვაცია გამოიტანა, გადაკეტა ფილარმონიის მიმდებარე ქუჩები, დააგო წითელი (ხან მწვანე) ხალიჩა, მობილიზება გაუკეთა იმ დროის ქართველ ვარსკვლავებს, თეთრი ლიმუზინები, ძვირფასი მანქანები, დიზაინერებთან სპეციალურად ამ დღისთვის შეკერილი ტანისამოსი, სკანდალები, ინტრიგები და საინტერესო შოუ - ეს, ყველაფერი “მეგას” დაჯილდოების ცერემონიალის მცირერიცხოვანმა საორგანიზაციო კომიტეტმა, საქმისადმი სიყვარულის და ერთგულების, ულევი ენთუზიაზმის და სახელმწიფოსაგან მინიმალური ხელშეწყობის გარეშეც კი, აცოცხლა და რიგით მე-11 “მეგამდე” მიიყვანა.

11.12.2010. გორის თეატრმა სერიოზულად ამოქოქა

რამდენიმე დღის წინ, კახეთის ერთ-ერთ ულამაზეს სოფელში, კერძოდ კი ველისციხეში, თბილისიდან ორსართულიანი ავტობუსით ქართული ესტრადის რამდენიმე მომღერალი და ანსამბლ “ჩუქურთმის” მოცეკვავეები გაემგზავრნენ.
გორის, გიორგი ერისთავის სახელობის სახელმწიფო დრამატულ თეატრში 24- დეკემბერს გაიმართება პრემიერა სპექტაკლისა ,, ახლები“ - პიესა ალექსანდრე ოსტროვსკის ,, შემოსავლიანი ადგილის „მიხედვით შეიქმნა. ის, კარგად ასახავს ცხოვრების და აზროვნების ძველებური წესიდან ახალ პროგრესულ და ცივილურ ყაიდაზე გადასვლას.
რადგან მთავარი გმირი ვერ ახერხებს პროგრესული და პატიოსანი იდეებით ცხოვრებას, ის მიდის დასკვნამდე, რომ საჭიროა ყველაფრის შეცვლა და იმ რწმენის დანერგვა , რომ პატიოსანდ ცხოვრება შესაძლებელია. მთავარი გმირი აწყობს რევოლუციას და წარსულს ბარდება ძველი პერიოდი.
პიესის თემატური აქტუალობა სწორედ ძველი და ახალი ცხოვრების წესის კომფლიქტმა გამოიწვია. უნდა აღინიშნოს , რომ გორის თეატრი ამ ერთ თვეში უკვე მეორე პრემიერას უშვებს. წინა სპექტაკლმა სრული ანშლაგით ჩაიარა და მაყურებლის დიდი მოწონება დაიმსახურა.

09.12.2010. ცივი ზამთრის თბილი საღამო ველისციხელებისთვის

რამდენიმე დღის წინ, კახეთის ერთ-ერთ ულამაზეს სოფელში, კერძოდ კი ველისციხეში, თბილისიდან ორსართულიანი ავტობუსით ქართული ესტრადის რამდენიმე მომღერალი და ანსამბლ “ჩუქურთმის” მოცეკვავეები გაემგზავრნენ.
ეთერ კაკულია, გურამ ჯაში, ნუგზარ კვაშალი, ტატო გოდერძიშვილი და ბაჩო, ველისციხის ლამაზ, თუმცა გაყინულ დარბაზში, ანსამბლის წევრებთან ერთად 700 მაყურებლის გათბობას ადვილად ახერხებდნენ, არ იქნება ალბათ ახალი იმის დაფიქსირება, რომ განსაკუთრებული ოვაციებით ეთერ კაკულიას შეხვდნენ, რომელსაც კონცერტამდე რამდენიმე დღით ადრე დაბადების დღე ქონდა, თავისი გამოსვლის დროს კი არც ახალგაზრდა მაყურებლის სცენაზე მიწვევა დავიწყებია, არც მათთან ერთად სიმღერა და ცეკვა.
ველისციხელებს კარგად ახსოვდათ პატარა ბაჩო, რომელსაც წლების წინ სწორედ ამ დარბაზში ქონდა 4 კონცერტი, მამუკა ონაშვილთან და “ქუჩის ბიჭებთან” ერთად კახეთის ტურნეს ფარგლებში და როცა სცენაზე იმ პატარა ბიჭის მაგივრად, გაზრდილი, გამაღლებული მომღერალი იხილეს, ოვაციები არ დაინანეს და ახალი სიმღერების მოსმენის შემდეგ არც დადებითი ემოცია არ დაიშურეს.
ნუგზარ კვაშალმა წამყვანობაც შეითავსა და გაყინულ დარბაზშიც “ივერიული” ამტანობით უძღვებოდა კონცერტს, არც კახელების “ზემლიაკს” ტატო გოდერძიშვილს დაჰკლებია ტაში და არც ქართველების საყვარელ მსახიობს გურამ ჯაშს.

ანსამბლ “ჩუქურთმის” მოცეკვავეებმა კი, ცეცხლი დაანთეს სცენაზე და მაყურებლმაც სიმპათია აშკარად გამოხატა ტაშის სიძლიერით.
მიუხედავად იმისა, რომ ველისციხელები ცოტა ნაწყენები იყვნენ ამ კონცერტამდე ჩატარებული კონცერტის ორგანიზატორების და მომღერლების, რომლებმაც თურმე გაყინულ დარბაზში 1 საათი ალოდინეს, სანამ “პახმელიაზე” გამოვიდოდნენ (შეგნებულად არ ვასახელებთ მომღერლების გვარებს ამ სტატიაში), ამჯერად კი მომთმენმა კახელებმა, კონცერტის დროულად დაწყებაც მათ პატივისცემად აღიქვეს. კონცერტის შემდეგ, კახურმა მასპინძლობამაც ტრადიციულად იჩინა თავი და გაშლილ სუფრასთან არცერთი ქართული სადღეგრძელო არ გაცდენილა :)

04.12.2010. ბაჩომ ქართულ სცენაზე დაბრუნება გადაწყვიტა

“შენ გაკოცებ” - ასე ქვია სიმღერას, რომელიც ათი წელიწადია ქართული რადიო-არხების სამუშაო კატალოგებიდან არ ამოშლილა და წლების წინ პატარა ბაჩოდ მონათლული ბიჭუნა ასრულებდა, და რომელიც დღეს უკვე პატარა აღარაა და ამ სიმღერასაც ახალი ხმით და ახალი ინერპრეტაციით ასრულებს.
თუმცა, ამჯერად 15 წლის მომღერალმა გადაწყვიტა სცენას დაუბრუნდეს, მიუხედავად ქართულ შოუ-ბიზნესში დამდგარი უძრაობის ხანისა, სურს ახალი სიმღერები შესთავაზოს საკუთარ მსმენელს, რომლებსაც დღემდე ახსოვთ ენერგიული, პოპულარული პატარა ბიჭუნა.
ბაჩოს რეპერტუარი თავიდანვე რემიქსებზე იყო გათვლილი და მისი უფროსი კოლეგის, დათო გომართელისა არ იყოს ისიც იშვიათად ასრულებდა მისთვის შექმნილ კომპოზიციებს. ამჯერადაც ”მ-სტუდიოში” მომღერალმა ჯასტინ ბიბერის ერთ-ერთი სიმღერის ქართული რემიქსი ჩაწერა და ქართული ტექსტის შექმნაშიც თავად მიიღო მონაწილეობა, მანჩოსთან ერთად, სწორედ იმ ადამიანთან, რომელმაც 11 წლის წინ ბაჩოს ჰიტის - “შენ გაკოცებ” ტექსტი შექმნა.
- გადავწყვიტე ჩემი მუსიკლაური უძრაობის პერიოდიდან ნელ-ნელა გამოვიდე, ახალ სიმღერებს აუცლებლად კიდევ ჩავწერ და ყოველთვის გადავუხდი დიდ მადლობას ჩემს მსმენელს, რომელსაც ყოველთვის ახსოვდა პატარა ბაჩო, მართალია ახლა პატარა აღარ ვარ, მაგრამ სიმღერა ისევ მიყვარს და არც სწავლაში შემიშლის ხელს და არც სპორტში. ყველაზე დიდ მადლობას გადავუხდი მანჩოს, რომელიც 11 წელია ჩემს გვერდით დგას, არადა ჯერ მხოლოდ 15-ს ვარ :)) - განაცხადა ჩვენთან საუბარში მომღერალმა. ახალ სიმღერას ბაჩომ სიმბოლურად “პატარა” უწოდა და ვთვლით, რომ სასიამოვნო მოსასმენი და უდაო ჰიტია, მთავარია ქართულმა შოუ-ბიზნესმა გამოიღვიძოს და სტიმული მისცეს მომღერლებს, ახალი და ახალი სიმღერები მიაწოდონ მსმენელს.

03.12.2010. “ჯეო-სტარი” “პრიკოლების” პროექტად იქცა

პოპულარული მუსიკალური ტელე-პროექტი “ჯეო-სტარი” (რომელმაც სახელი, არა იმდენად უშალოდ კონკურსში მონაწილე 12 მომღერლით მოიპოვა, არამედ იმ ე.წ. “პრიკოლებით” და “ჯეო-სტარობის” მსურველთა დაცინვის ამსახველი სიუჟეტებით), სამწუხაროდ ნელ-ნელა რეიტინგს კარგავს.
მიმდინარე “ჯეო-სტარს” უკვე მეორე მონაწილე - ანი სირაძე სკანდალურად გამოეთიშა, ოფიციალური მიზეზი - ჯანმრთელობის გაუარესების გამო, თუმცა არავისთვის დასამალი არ არის, რომ ამის მიზეზი არა იმდენად ჯანმრთელობის გაუარესებაა, არამდედ ჟიურის თავმჯდომარესთან მარინა ბერიძესთან დაპირისპირება და მისი მხრიდან მონაწილის მიმართ გამოხატული აშკარა, დაუფარავი აგრესიის და ანტიპათიის დაფიქსირება პირდაპირ ეთერში და სახალხოდ, რაც რამდენიმე მიზეზითაა გამოწვეული, ყველაზე მთავარი კი ისაა, რომ ანი სირაძე მუდმივად “ეს ემ ეს ლიდერია” (რაც კარგად ორგანზიებული პიარის შედეგია და მთავარია მსგავსი სახის “ეს ემ ეს კონკურსებისთვის” როგორიცაა “ჯეო-სთარი”) და არა ის, რომ ლეგენდარული ეთერ ჭელიძის შვილიშვილი უფრო უკეთესად უნდა მღეროდეს, ვიდრე გაციებული ყელით მღერის.
“პრიკოლების” პროექტად მონათლული “ჯეო-სტარი” პოპულარობას და რეიტინგს კარგავს, თუმცა სავარაუდოდ არა იმ დონეზე, რომ ვინმეს აღარ მოუნდეს მასში მონაწილეობა და რადგან მიმდინარე სატელევიზიო შოუს წლის ბოლომდე როგორღაც მიიყვანენ, უნდა ვივარაუდოთ, რომ მსგავსი უპრეცედენტო ფინანსური რესურსებით მხარდაჭერილი პროექტი, მომავალი წლიდან მაინც არ იქცევა ერთი ადამიანის სიმპათია-ანტიპატიების და მხოლოდ “პრიკოლების” და ხალხზე დაცინვის პროექტად (ეს, განსაკუთრებით). სხვათაშორის, ამავე პროექტში თავის დროზე დაცინულ, დამცირებულ და ჟიურისგან გაკიცხულ ნინი
შერმადინს წლების შემდეგ, მთელი საბერძნეთი ფეხზე წამომდგარი უკრავდა ტაშს ევროპულ მუსიკალურ პროექტში - “ექს-ფაქტორი” და არც მარინა ბერიძის მიერ “ჯეო-სტარში” შესარჩევი კონკურსების დროს დაცინული მომღერალი პაატა თედიაშვილი გაჩერებულა და იმედი გვაქვს, არც პატარა ანი სირაძეს გაუგრძელდება დიდი ხნით გულისტკენა და სცენასაც მალე დაუბრუნდება

02.12.2010. პატარების რეგიონალური სილამაზის კონკურსი

თბილისში გამართული უამრავი სხვადასხვა დასახელების სილამაზის კონკურსებით ვერავის გააკვირვებ, მაგრამ როცა მსგავსი ღონისძიებები რეგიონში ტარდება და თან ტარდება მაღალ, მხატვრულად გაფორმებულ დონეზე და თან გაყინულ დარბაზში, ეს უკვე სასიამოვნოდ გასაკვირია.
ქ.ხაშურის კულტურის სახლში “მის-ხაშურის” და “მის-პატარა ფერიას” სილამაზის კონკურსი ორ ასაკობრივ ჯგუფში გაიმართა და კიდევ ვიმეორებთ, მიუხედავად გაყინული დარბაზისა, მაღალ დონეზე ჩაიარა - სავსე იყო დარბაზიც, მობილიზებული იყო ჟიურიც (მომღერლები ნინი შერმადინი და მარკო ტიტანი, პოეტი ნანა ცინცაძე და “მის-ვარსკვლავების” ორგანიზატორი ჟურნალისტი ბესო ჩუბინიძე), მონაწილეებიც და ორგანიზატორებიც, რომელთა შორის იყო მომღერალი პაატა თედიაშვილი.
კონკურსის მთავარი ორგანიზატორი იყო ხაშურის ანსამბლი, სტუდია “ოქროს ფარი” და მისი ხელმძღვანელი ნელი იაშვილი. ასაკობრივი ჯგუფები კი 5-10 და 10-13 წლებზე იყო გადანაწილებული და თითოეულმა მათგანმა გმირულად გაართვა თავი სცენაზე მუშაობას და ჟიურიმაც ორ საათში შესაბამისი გადაწყვეტილება მიიღო, არცერთი პატარა გულდაწყვეტილი არ დარჩენილა, თუმცა ერთი, მთავარი ტიტული, ჟიურიმ ერთხმად 13 წლის ხაშურელ გოგონას მარიამ ლომიძეს მიაკუთვნა.
პატარების საკონკურსო გამოსვლებს შორის, სცენაზე თავისი ცეკვით, ცეცხლი დაანთო პროექტ “ნიჭიერის” მონაწილე წყვილმა გვანცა ციხელაშვილი და აკა მოდებაძე, რომელთა ყველა გამოსვლას, დარბაზი აპლოდისმენტბით ხვდებოდა და აცილებდა. კონკურსის შემდეგ, ტრადიციული ქართული სტუმართ-მასპინძლობითაც არ შეურცხვენიათ თავი ორგანიზატორებს და ამ ქართულ სუფრასაც ტრადიციულად სიმღერის გარეშე არ ჩაუვლია.

01.12.2010. “მგზავრები”, “ფრანი” და “პაპარაცი” - ტრიოს ჩავარდნილი კონცერტი სპორტის სასახლეში

სპორტის სასახლეში გამართულმა ამ კონცერტმა, კიდევ ერთხელ დაგვარწმუნა იმაში, რომ საქართველოში პოპულარული და მუდმივად გაყიდვადი მხოლოდ “ივერიაა” :) - ხუმრობა იქით იყოს და ალბათ ცოტა თუ ელოდა იმას, რომ დღეს თბილისში პოპულარული ჯგუფები “მგზავრები”, “ფრანი” და “პაპარაცი” ერთობლივად გამართულ კონცერტზე მსმენელის არმოსვლის გამო, ფინანსურ წაგებას ნახავდნენ, მაგრამ რათქმაუნდა უმთავრესია ხალხის ეკონომიური მდგომარეობა, რომელსაც უბრალოდ ბილეთის საყიდელი ფული არ აქვს, მითუმეტეს იმ კატეგორიას, რომელიც ამ ჯგუფებს უსმენს (ახალგაზრდობას).
არ არის მთავარი ის, რომ მსმენელს “ფრანის” და “მგზავრების” შესრულებული სიმღერები დღემდე ერევა ერთმანეთში, მთავარი ის არის, რომ ეს ბიჭები უკრავენ გულით და უცბად (!) მოსულმა პოპულარობამ და მაყურებლით სავსე ფილარმონიის დარბაზმა (2450 ადამიანი) მათში ზედემეტი აჟიტირება არ გამოიწვიოს, რადგან ბევრი გვინახავს მსგავსი “დროის მოდური ჯგუფები” და პოპულარობის ტკბილი გემო, რის შემდეგაც მჟავე კიტრის ჭამა არც ისე სასიამოვნოა, სწორედ ამიტომ მუსიკოსები არ უნდა გაუნაწყენდნენ მსმენელს,

რომელმაც უბრალოდ ალბათ (!) მხოლოდ ფინანსური კრიზისის გამო უღალატა პოპულარულ ჯგუფებს, თორემ მთავრობის მიერ გამართულ ნებისმიერ უფასო (!) კონცერტში მონაწლეობის შემთხვევაში, მსმენელი არასოდეს არ დაიშურებს ტაშს, ისე როგორც არ იშურებდა “ფლეშის”, “სფინქსის”, “სახის”, “ქუჩის ბიჭების” და უამრავი იმ დროში პოპულარული მუსიკის შემქნელებისთვის. “ფრანი”, “მგზავრები” და “პაპარაცი” ერთი სტილის კარგ მუსიკას ქმნის, გულიდან წამოსულ ცოცხალ ხმას და იმედია ხალხის სიყვარული მათ ყოველთვის ექნებათ და ლეგენდარული “ივერიელის” თემურ წიკლაურის სიტყვებსაც ყოველთვის გაიხსენებენ - დარბაზში 10 მსმენელიც, რომ მჯდარიყო, ჩვენ მათთვისაც ყოველთვის გულით ვიმღერებდითო! პოპულარობა კი, მხოლოდ (!) დროებითია, ხალხის სიყვარული - მარადიული!

30.11.2010. “მეგას” დაჯილდოების მე-11 ცერემონიალზე “ვარსკვლავების გამხსნელს” ვარსკვლავს “გაუხსნიან”

17 დეკემბერს, თბილისში, მოზარდ მაყურებელთა თეატრის დიდ დარბაზში საქართველოს მუსიკალური დაჯილდოების “მეგას” რიგით მე-11 ცერემონიალი იმართება, რომელიც წინა წლებისაგან იმით იქნება განსხვავებული, რომ ასარჩევ ნომინანტთა რიცხვი საგრძნობლად შემცირებული იქნება.
“მეგა”-ზე გაცხადდება ხალხის დამოკიდებულება მაგალითად ორ კონკურენტ შოუსთან “პროფილთან” და “ნანუკას შოუსთან” მიმართებაში, რომელი მიიღებს “მეგას” და შესაბამისად ხალხის სიმპათიის პრიზს, ეს იმ საღამოზე გაირკვევა.
როგორც “მეგას” საორგანიზაციო კომიტეტში განაცხადეს ღონისძიება კვლავ (!) არავის პატრონაჟით არ იმართება, ანუ არანაირი სპონსორი და არანაირი ფინანსური გვერდში დოგმა, მხოლოდ საორგანიზაციო კომიტეტის ხარჯები, - თუმცა “მეგას” დამფუძნებელი ჩვენთან საუბარში აცხადებს, რომ ფინანსური დახმარებისთვის (3.000 ლარი) პროექტით მიმართა საქართველოს კულტურის სამინისტროსაც,
ახალგაზრდობის სამინისტროსაც, თბილისის მერიასაც და თბილისის საკრებულოს შესაბამის განყოფილებებს, საიდანაც აკურატულად, კონვერტით გამოზგავნილ, დელიკატურ (!) უარს დახმარებაზე (რომ ქართველი მომღერლების ამ პროექტისთვის, ბიუჯეტში ფინანსები არ არსებობს (!) – წერილებს, ერთ საქაღალდეში მომავლისთვის ინახავს.

დაახლოებით ცნობილია, ქართული ხელოვნების და მუსიკის მოღვაწეების გრანდების სახელები რომლებიც მე-11 “მეგაზე” დაჯილდოვდებიან, კონკრეტულადაა ცნობილი, რომ საორგანიზაციო კომიტეტი სპეციალური ვარსკვლავური “მეგათი” აჯილდოებს “ვარსკვლავების გახსნის” პროექტის ხელმძღავნელს დავით ოქიტაშვილს. ასევე ცნობილი გახდა, რომ წლევანდელი “მეგას” სტატუეტები ყველა (!) ხელით ნამუშევარი იქნება და შუშის მასალისგან დამზადებული, რომელიც ვიზუალურად “არტ-მეგას” გვაგონებს.
ვის დასწყდება გული 17 დეკემბერს, ვინ გაბრაზდება, ვინ იქნება გახარებული, რომელი ცნობილი სახე, ე.წ. სელებრითი (!) და რომელი “ელიტა” აიბზეკს ცხვირს, ხალხის ჯილდოს მიღება-ვერმიღებაზე და ვინ რა კომენტარს გააკეთებს, ამას მხოლოდ 17-ში საღამოს შევიტყობთ.

27.11.2010. “ნიკოლ შოუმ” ბათუმზე სიმღერის კონკურსში გაიმარჯვა

ცოტახნის წინ, აჭარის მთავრობის დაფინანსებით, ბათუმში გრანდიოზული კონკურსი გაიმართა, რომელსაც უნდა გამოევლინა ახალი ქართული, საუკეთესო სიმღერა ბათუმზე. მიუხედავად იმისა, რომ მონაწილეები და წარმოდგენილი სიმღერები კრიტიკის ქარცეცხლში გაატარეს, თავსზევით ძალა არ იყო და ჟიურის უნდა (!), შეერჩიე ერთი სიმღერა წარმოდგენილთაგან.
მთავარი ჯილდოს, გრან-პრის მფლობელი გახდა ჯგუფი “ნიკოლ-შოუ” და მისი ლიდერი გია ნიკოლაძე, რომელიც აქამდე თავის მხრივ სერიოზულ დეპრესიაში იყო და ეს გამარჯვება, მისთვის ყველაზე კარგი წამალი იქნებოდა, მითუმეტეს დარდს და შემოქმედებით დაუკმაყოფილებლობას მომღერალი სასმელში იკლავდა. თავის ამ
საქციელს კი, თავისივე ლექსით ამართლებდა: - რომ არ ყოფილიყო, რომ არ ყოფილიყო, რომ არ ყოფილიყო, ყალბი და შპიონი, იმიტომ სვამდა, იმიტომ სვამდა, იმიტომ სვამდა, თვით გალაქტიონი”.
რაც არ უნდა იყოს, გია ნიკოლაძე ამ წარმატებამ გამოაფხიზლა და ახალი წარმატებებისთვის და შემოქმედებითი გახსნისთვის, სტიმული მისცა.

27.11.2010. ბესო შპეტიშვილი სარესტორნო ბიზნესს შეეჭიდა

მოგეხსენებათ საქართველოშიც კი, ცნობად სახეებს (ადრე ვარსკვლავებს, რომ ეძახდნენ) პირველ, მომღერლის პროფესიასთან ერთად, სხვა ბიზნესებიც აქვთ. ერთი პერიოდი საქართველოში მოდაში იყო საკუთარი რესტორნების, ბარების და კაფეების გახსნა, რაც დამატებით ვიზად ითვლებოდა ქართული შოუ-ბიზნესის ელიტარულ (!) სამყაროში თვითდამკვიდრებისთვის. მერე, როცა ნახეს, რომ ერთი ჭიქა ყავის დასალევად შემოსული სხვა სელებრითების (!) იმედზე ვერ იქნებოდნენ, ბარებს ხურავდნენ და სხვა ბიზნესს კიდებდნენ ხელს, თუმცა თბილისში კიდევ შემორჩა რამდენიმე ასეთი ბარი და კლუბი, რომელიც დღემდე რომელიმე მომღერლის ბიზნესთან ასოცირდება.
გერმანიაში გადახვეწილმა ქართველმა მომღერალმა ბესო შპეტიშვილმა (რომელსაც სახელი და გვარი გადაკეთებული აქვს და ევროპას აქვს მორგებული - ბრენდონ სთოუნი) ბარი გახსნა, რომელსაც კვირაში სამი დღე, ვიქენდებზე ამუშავებს. გერმანელებს სუსტი წერტილიც უპოვა საკუთარი ბარის მოსაწონებლად - ქართული “ჩიტო-გვრიტო”, რომელიც როგორც აღმოჩნდა რუსების გარდა, ევროპელებსაც თბილ ჰანგებად ეხატებათ გულზე.
მომღერლის შემოქმედებაშიც სიახლეა, იგი ბერლინში ახლახანს მორჩა კლიპის გადაღებას, სადაც მონაწილეობას ბრედ პიტი და ბრუს უილისიც ღებულობენ, მაგრამ არა ნამდვილი, არამედ მათი ორეულები, რომელთა გამოწერაც სპეციალური სააგენტოდან (ლონდონშია ეს სააგენტო) შეიძლება დღეში 4.000 ევროდ.
როგორც მომღერალი აცხადებს – კლიპი გერმანიაში უკვე პოპულარულია და მასზე პრესაც დადებით რეცენზიებს წერს.

25.11.2010. რადიო "საქართველოს ხმის" პირდაპირ ეთერში, გადაცემაში "პირისპირ" სტუმარი, - სტეფანე

47. რადიო "საქართველოს ხმის" პირდაპირ ეთერში სამშაბათს, 23 ნოემბერს - 19:00 საათიდან ჟურნალისტ ბესიკ ჩუბინიძის გადაცემაში "პირისპირ" მორიგი ექსკლუზიური სტუმარი, - კომპანია "არტ-ფორუმის" დამფუძნებელი და ერთ-ერთი ხელმძღვანელი, მომღერალი, ძველი პოპულარული შემსრულებელი, დღეს კი კონკრეტული პროექტების პროდუსერი - სტეფანე მღებრიშვილი იყო. ჟურნალისტსა და რესპოდენტს შორის დაძაბული საუბარი წარიმართა, სადაც პირველი მხარე ფაქტებით და ციფრებით ამტკიცებდა, მეორე მხარის მიერ მონოპოლისტურად შესრულებული, მერიის დაკვეთით ჩატარებული პროექტების შესახებ ინფორმაციებს. პირდაპირი ეთერის ბოლოს "გაბრაზებული" სტეფანე და წამყვანის ხათრით ეთერში მოსული მომღერალი, აქტიურად საუბრობს სამომავლო გეგმებზე, "არტ-ფორუმის" ახალ პროექტებზე და "ამჟღავნებს ამბავს "სტეფანე და სამი ჯის" ექვსთვიან ტურნეს ევროპის შესაბ შეგახსენებთ, რომ ყოველ სამშაბათს რადიო"საქართველოს ხმის" ეთერში უსმინეთ გადაცემას "პირისპირ" საღამოს 19:00 საათიდან და პირდაპირ ეთერში ინტერნეტის დახმარებით მითითებულ საიტზე

24.11.2010. ჭიათურაში ელექტრონული მუსიკისა და ვიზუალური ხელოვნების ფესტივალი საზეიმოდ დაიხურა

ჭიათურაში თანამედროვე ელექტრონული მუსიკისა და ვიზუალური ხელოვნების ფესტივალი საზეიმოდ დაიხურა.
ფესტივალში მონაწილეობა საქართველოში მოქმედმა თითქმის ყველა ელექტრონულმა მუსიკალურმა ჯგუფმა და ცალკეულმა შემსრულებლებმა მიიღეს.
ფესტივალი, რომლის სახელწოდებაა "მეორე სიცოცხლე", სამოქალაქო ინსტიტუციონალიზმის განვითარების ფონდმა, სპორტისა და ახალგაზრდობის სამინისტროს მხარდაჭერით მოაწყო.
პროექტი მიზნად ისახავს, დაუბრუნონ აქტუალობა და ე.წ. მეორე სიცოცხლე ქალაქებს, რომლებმაც საბჭოთა კავშირის დაშლის შემდეგ სტაგნაცია განიცადეს. ფესტივალი ჭიათურის მოსწავლე ახალგაზრდობის სასახლეში გაიმართა და მას თბილისიდან, ქუთაისიდან და მეზობელი რაიონებიდან ჩასული ახალგაზრდები დაესწრნენ.

24.11.2010. ქრისტინა იმედაძე ავარიაში მოყვა

როგორც ჩვენი ინტერნეტ-ჟურნალის ჟურნალისტებს სანდო წყარომ, თბილისის ღუდუშაურის სახელობის კლინიკიდან აცნობა, რამდენიმე დღის წინ, კლინიკაში ქართული ესტრადის მომღერალი ქრისტინა იმედაძე კისრის მალების დაზიანების დიაგნოზით მოათავსეს, რაც თავის მხრივ მომღერლის ავტოსაგზაო-შემთხვევის შედეგი იყო.
ქრისტინა იმედაძე მარჯვენა სანაპიროზე, რადიო “არ დაიდარდოს” ოფისის სიახლოვეს ავარიაში მოყვა, როგორც აღმოჩნდა მის მანქანას უკნიდან დაეჯახა დიდი სისწრაფით მოძრავი, უცხოური მარკის ავტომობილი, რამაც ქრისტინეს ფიზიკური დაზიანებები გამოიწვია.
ამჟამად მომღერალი მკურნალობის კურსს სახლში გადის და როგორც უკვე ავღნიშნეთ, მას კისრის მალები აქვს დაზიანებული, რის გამოც ღუდუშაურში კისერზე თაბაშირი მოარგეს.
საპატრულო პოლიცია ავტოსაგზაო შემთხვევის დეტალურ გამოძიებას აწარმოებს.

22.11.2010. თაკო აბაშიძე, - გორის თეატრის მსახიობი და პრესცენტრის უფროსი

ექსცენტრიული და პოპულარული მსახიობი თაკო აბაშიძე, გორის გიორგი ერისთავის სახელობის სახელმწიფო დრამატული თეატრის პიარ-სამსახურის უფროსად დაინიშნა და ამავდროულად 25,26 და 28 ნოემბერს პრემიერაზე სპექტაკლისა “ტოპაზის სისტემა”, ერთ-ერთ მთავარ როლს თამაშობს, დადგმაში მონაწილეობას თბილისიდან მოწვეული სხვა სტუმრებიც იღებენ ადგილობრივ მსახიობებთან ერთად.
პიესა, რომელიც სამხატვრო ხელმძღვანელმა სოსო ნემსაძემ დადგა, საინტერესოდ ასახავს ადამიანის ბუნებას და მის დამოკიდებულებას, თუ დამოუკიდებლობას ფულთან მიმართებაში და დღევანდელი ეკონომიური სიტუაციიდან გამომდინარე საინტერესო სანახავი იქნება.
.
მას შემდეგ, რაც თაკო აბაშიძე პოპულარულ სერიალ “ჩიფსების თაობას” პროექტის დახურვის გამო ჩამოშორდა, აქტიურად აღარ ჩანდა, თუმცა მსახიობს ახალი საქმე გამოუჩნდა და ამ ფრონტზე აქტიურად აპირებს მუშაობის გარძელებას, რაშიც წარმატებებს ვუსურვებთ თაკოსაც და გორის თეატრის მთლიან შემადგენლობასაც.

21.11.2010. "ევროვიზიაზე" მარიამ კახელიშვილმა მე-4 ადგილი დაიკავა

ქართველმა კონკურსანტმა მარიამ კახელიშვილმა "საბავშვო ევროვიზიაზე" მეოთხე ადგილი დაიკავა. მან 109 ქულა მიიღო.
2010 წლის რიგით მერვე საბავშვო ევროფესტივალის გამარჯვებული კი, სომხეთის წარმომადგენელი ვლადიმირ არზუმანიანი გახდა, სიმღერით – "მამა", რომელმაც 120 ქულა დააგროვა.
გამარჯვებულს მხოლოდ ერთი ქულით ჩამორჩნენ და 119 ქულით მეორე ადგილი დაიკავეს რუსეთის წარმომადგენლებმა ლიზა დროზდმა და საშა ლაზინმა.
2010 წლის საბავშვო ევროვიზიის სიმღერის კონკურსში 14 ქვეყანა მონაწილეობდა. გრანდიოზული სანახაობა მინსკში ჩატარდა და ბელორუსის მაუწყებელმა უმასპინძლა.

20.11.2010. დათუნა მგელაძე სკანდალში გაეხვა

ერთ-ერთი პოპულარული “ჯეო-სტარელი” მომღერალი დათუნა მგელაძე, კარიერის მანძილზე პირველ სკანდალში გაეხვა, მასთან ერთად სკანდალის მონაწილე გახდნენ კომპოზიტორი მაიკო კაჭკაჭიშვილი (მომღერალ ლევან ლაზარიშვილის მეუღლე) და რეჟისორი ზურა მენთეშაშვილი, რომელიც 7-8 წლის წინ, ასევე მომღერალი და პოპულარული ჯგუფ “სთეისის” წევრი გახლდათ. საქმე კი, აი რაშია. . .
- ახალგაზრდა, დამწყებმა მომღერალმა ნუციმ და პოპულარულმა “ჯეო-სტარელმა” დათუნა მგელაძემ ერთმანეთი ერთ-ერთ ხმის ჩამწერ სტუდიაში მუშაობის დროს გაიცნეს, ერთობლივი სიმპათიების ჩამოყალიბების შემდეგ კი, გადაწყდა მუსიკალური დუეტის ჩაწერა. ლამაზ სიმღერაზე, კლიპის გადაღებაც არ დაგვიანებულა და საქმეც დროულად მოკვარახჭინდა, რადგან პროექტის მთლიანი დაფინანსება თავის თავზე ნუციმ აიღო და ზურა მენთეშაშვილმა კლიპიც გადაიღო, რომლის დაპიარებას და საზოგადოებამდე მიტანას ნუცის გადაცემა “პროფილი”-ს საშუალებით დაპირდნენ.
მაგრამ, მოულოდნელად, სიმღერის ჩაწერის და კლიპის გადაღების შემდეგ (!) აღმოჩნდა რომ, ნუცის ხმა მთლიანად დასახვეწია, არც სიმღერას უხდება, არც კლიპს და არც დათუნა მგელაძეს და მის მაღალ რეიტინგს, რის შემდეგაც გადაწყდა, რომ ნუცის ხმას, კომპოზიტორ მაიკო კაჭკაჭიშვილის ხმა შეცვლიდა. . . ასეც მოხდა, მთელი კლიპი კომპოზიტორის ხმით მიდის, ნუცის დაწუნებული ხმა კი, მხოლოდ მისი ვიზუალით იფარება, რასაც მომღერალი გოგონა აპროტესტებს: - თუ ასე იყო, თანხის (დაახლოებით 4000 ლარი) გადახდამდე რატომ არ მითხრეს, რომ ჩემი ხმა დასახვეწი იყო და დუეტი დათუნა მგელაძის რეიტინგზე ცუდად იმოქმედებდა?!
მეორე მხარე, ანუ კომპოზიტორი და დათუნა მგელაძე აცხადებენ, რომ სიმღერა გაფუჭდა ნუცის ხმით ნამღერი და მხოლოდ ამიტომ შეიცვალა ის, მაიკოს კაჭკაჭიშვილის ხმით, მაგრამ მის გატანას არსად არ აპირებენ - არც სატელევიზო ეთერში, არც რომელიმე გადაცემაში. ერთადერთი, სადაც ეს სიმღერა დუეტში შეიძლება შესრულდეს არის გასვლითი კონცერტები სოფლებში და რაიონებში. დათუნა მგელაძე ნუცის “სანო” სტუდიაშიც შეხვდა და მათ შორის კიდევ ერთხელ წარმოშობილმა კონფლიტმა რეალურად ვერაფერი გადაწყვიტა.

ნუცი საქართველოდან დედასთან წასვლა აპირებს ათენში, და ითხოვს, რომ მისი ხმით ნამღერი, დუეტზე გადაღებული კლიპი გაატანონ საბერძნეთში, რაზეც რეჟისორი ზურა მენთეშაშვილი აცხადებს, რომ ეს ფიზიკურად შეუძლებელია, რადგან, კლიპის ეს ვერსია სამუშაო კომპიუტერიდან უკვე წაშლილია (რადგან მისთვის არავის მოუკითხია წასაღებად დროულად), ანუ, დარჩენილია კლიპის ის ვარიანტი, სადაც ნუცის ვიზუალს, ხმოვან გაფორმებას მაიკო კაჭკაჭიშვილი უკეთებს და რომელიც დათუნა მგელაძის გადაწყვეტილებით არცერთ ტელეარხზე არ გავა, გარდა ინტერნეტ-სივრცისა.
როგორ განვითარდება ეს სკანდალი “ვარსკვლავები” ინფორმაციას კვლავ ექსკლუზიურად მოგაწვდით.

19.11.2010. ქეთა თოფურია თხოვდება

მიუხედავად იმისა, რომ ჯგუფ "ა-სტუდიოს" სოლისტს მამასთან კონტაქტი წლების მანძილზე არ ჰქონია, მამის გარდაცვალებამ ახალგაზრდა წყვილის გეგმებში ცვლილებები შეიტანა.
მომღერლის საქმრო, ბიზნესმენი მზად იყო ქორწინების ბედნიერ თარიღს ერთი წელი დალოდებოდა. ტრადიციის თანახმად, სწორედ ამდენ ხანს გრძელდება მამის გლოვა.
ახლა კი, მომღერლის გარემოცვაში აცხადებენ, რომ ქორწილი უახლოეს თვეებშია მოსალოდნელი. "ლიოვა და ქეთა დიდი ხანია ამ საკითხს განიხილავენ, მაგრამ ტრაგიკულმა მოვლენამ მათი გეგმები ჩაშალა. მათ რესტორანში ბანკეტიც კი ჰქონდათ შეკვეთილი, მაგრამ მისი გადატანა მოუხდათ", - განაცხადა მომღერლის მეგობარმა.
ქეთა თოფურიამ ქორწილი მამის გარდაცვალების გამო გადადო. კრიმინალური ავტორიტეტი სანდრო სანოძე (თოფურია) ციხეში გადაჭარბებული ნარკოტიკების დოზით გარდაიცვალა. " - მე მამა დავკარგე. ეს ადამიანი ძალიან მიყვარდა, ვფიქრობ რომ ის დაუმსახურებლად დაისაჯა. მამის სიკვდილი ჩვენი ოჯახის პირადი ტკივილია", - განაცხადა ქეთამ მამის გარდაცვალების შემდეგ - /შოუ-ბიზნიუს.რუ/

19.11.2010. რადიო "საქართველოს ხმის" პირდაპირ ეთერში, გადაცემაში "პირისპირ" სტუმარი, - მსახიობები ნინაკა გელაშვილი და ბესო ბერულაშვილი

46. რადიო "საქართველოს ხმის" პირდაპირ ეთერში სამშაბათს, 16 ნოემბერს - 19:00 საათიდან ჟურნალისტ ბესიკ ჩუბინიძის გადაცემაში "პირისპირ" მორიგი ექსკლუზიური სტუმარი, - მუსიკალური პროექტის "იუმორინას" ორი მსახიობი ბესო ბერულაშვილი და ნინაკა გელაშვილი იყვნენ, რომლებიც აქტიურად, ხალისით და იუმორით იხსენებენ პროექტის მომზადების პერიოდს, კურიოზებს, შემთხვევებს რომელიც გადახდენიათ თავს. მსახიობები მხიარულ დღეებთან ერთად, გულისტკივილით და სიყვარულით იხსენებენ მათივე კოლეგას იუმორის დედოფალს მზია კვირიკაშვილს, მასთან დაკავშირებულ მხიარულ შემთხვევებს და ეპიზოდებს. შეგახსენებთ, რომ ყოველ სამშაბათს რადიო"საქართველოს ხმის" ეთერში უსმინეთ გადაცემას "პირისპირ" საღამოს 19:00 საათიდან და პირდაპირ ეთერში ინტერნეტის დახმარებით მითითებულ საიტზე

18.11.2010. კულტურის მინისტრის პოსტი კვლავ სადაოა

საქართველოს მთავრობაში კვლავ აქტუალური გახდა მორიგი კარუსელის დატრიალება მინიტრების სავარძლების გადანაწილების საქმეში და პრესაშიც აქტიურად დაიწყეს საუბარი იმაზე, თუ ვის ერგება ამჯერად კულტურის მინისტრის პოსტი. საუბარი ამ სამინისტროს ხელმძღვანელზე ჯერ კიდევ სამი თვის უკან დაიწყო, როცა მომღერალ სოფო ნიჟარაძის გამინისტრებაზე ალაპარაკდნენ, რაც თავად მომღერალმა უარყო. შესაძლოა ყველაფერი ჭიქაში ატეხილ ქარიშხალს გავდა, მაგრამ ფაქტია, რომ ნიკა რურუას სკამი კვლავ აქტუალურია. ამჯერად საუბარია ფოლკლორის ცენტრის ხელმძღვანელზე, მუსიკოს გიორგი უშიკიშვილზე, რომლის გამინისტრების შესახებ ჭორაობა უკვე ატყდა, თავად გიორგი ამ საკითხს სულაც არ უდგება იუმორით და აცხადებს, რომ - რატომაც არაო?!
ქართულ კულტურას დღეს თითქოს აღმავლობის ხანა უდგას, მაგრამ ფაქტი ერთია, რომ პრიორიტეტები მაინც არ არსებობს, ან თუ არსებობს არასწორადაა გამოკვეთილი, უკეთეს შემთხვევაში კი ე.წ. კარის მომღერალთა ინსტიტუტი ფუნქციონირებს, რაც შესაბამისად ხარისხზეც აისახება, - ისეთ რამეზე შეიძლება გითხრან, რომ ეს კულტურული ღონისძიება საქართველოს პრესტიჟს ემსახურება და ეს ღონისძიება კი, საჭირო სულაც არ არისო, რომ - გულში გაგეცინებათ და უკეთესი კულტურის მინისტრის მოლოდინში გააგრძელებ ცხოვრებას, ქართულ კულტურულ რეალობაში.

17.11.2010. ეკა კვალიაშვილმა საბავშვო სტუდია გახსნა

დღეს საქართველოში უკვე აღარავის უკვირს, რომ ქართველი მომღერლები პარალელურ რეჟიმში სხვა საქმიანობით არიან დაკავებულნი, უფრო კომერციულით, უფრო შემოსავლიანით, ვიდრე დღეს საქართველოში სიმღერა და შოუ-ბიზნესისგან შემოტანილი თანხებია.
მათ შორის ეკა კვალიაშვილიც აღმოჩნდა, იმ განსხვავებით, რომ მომღერალმა თავის საქმიანობასთან პირდაპირ დაკავშირებული საქმე მონახა და საბავშვო-მუსიკალური სტუდია გახსნა “ეკა-სტუდიო”, ასე უწოდა მომღერალმა, თბილისში ბარნოვის 3-ში განთავსებულ სტუდიას.
- თუ ბავშვებში ნიჭი დავინახეთ, მათგან მომღერლებს ავღზრდით, - განაცხადა ჟურნალისტებთან საუბარში ეკამ, დიდი ხანია ეს ოცნება მქონდა და აი, მხოლოდ ახლა მოვახერხე ამ ოცნების რეალიზება. ორიენტირებული ვიქნებით ამ ბავშვების საერთაშორისო ფესტივალებზე გაგზავნაზე.
სასცენო ხელოვნებას და მეტყველებას თამარ მაყაშვილი შეასწავლის ბავშვებს, პლასტიკას - კახა შარტავა (მხოლოდ პოლიტიკოსი კახა შარტავა არა), ვოკალს და ვოკალის საფუძვლებს კი, თავად მომღერალი და ასევე მარინა ლეკიშვილი

16.11.2010. ანსამბლ “მზიურს” ვარსკვლავი გაუხსნეს

ორიოდ დღის უკან, ლეგენდარულ ქართულ საბავშვო ანსამბლ “მზიურს” ფილარმონიის დიდი საკონცერტო დარბაზის წინ, დათო ოქიტაშვილმა (მერიის კულტურის სამსახურის ყოფილმა უფროსმა) ვარსკვლავი გაუხსნა და ღონისძიებაზე ანსამბლის ყველა წევრი მოიწვია, ისინი ვინც დღემდე მუსიკაში არიან და ხელოვნებას ემსახურებიან (ეკა კახიანი, ლიკა ხორბალაძე, მაია ჯაბუა, თამარ გვერდწითელი, თამარ ჭოხონელიძე და სხვები) და ისინიც ვისაც ბავშობის შემდეგ შეხება აღარ ქონია მუსიკასთან, ინსტრუმენტებთან.
ღონისძიების წამყვანობა ამჯერად საქართველოს ტელევიზიის ყოფილმა დიქტორებმა - ჯულიეტა ვაშაყმაძემ და დავით სოკოლოვმა შეითავსეს, სწორედ ეს უკანასკნელი იყო პირველი, ვინც 40 წლის წინათ “მზიურზე” ნათქვამი მაშინდელი ფრაზა “აჩვენეთ ეს ბავშვები მსოფლიოს და ომი აღარ იქნება” საზოგადოებას გააცნო, სწორედ მან გაახმოვანა 2 ათეული წლის უკან სატელევიზო ეთერიდან ეს სიტყვები.
ღონისძიება და “ვარსკვლავის გახსნა” ამჯერად საქველმოქმედიო ხასიათს ატარებდა და ის პაატა ბურჭულაძის ფონდის ინიციატივით გაიმართა, შემოსული თანხა კი, მრავალშვილიან ოჯახს კახი კავსაძემ და გივი ბერიკაშვილმა გადასცეს.
ამავე საღამოს შემდეგ გადაწყდა, რომ დამოუკიდებელ და პერსონალურ ვარსკვლავს, თამრიკო გვერდწითელს გაუხსნიან მომავალ წელს, რომელსაც საქართველოს სულიერმა ლიდერმა, უწმინდესმა და უნეტარესმა, კატოლიკოს-პატრიარქმა ილია მეორემ მისივე საგალობლების შესრულება სთხოვა. ლამაზი საღამო ლამაზი ბანკეტით და ქართული სუფრით, “მეგრულ ოდაში” გამართული ქეიფით დაგვირგვინდა.

10.11.2010. რადიო "საქართველოს ხმის" პირდაპირ ეთერში, გადაცემაში "პირისპირ" სტუმარი, - თბილისის საკრებულოს დეპუტატი, მსახიობი, სცენარისტი- შონზო

45. რადიო "საქართველოს ხმის" პირდაპირ ეთერში სამშაბათს, 9 ნოემბერს - 19:00 საათიდან ჟურნალისტ ბესიკ ჩუბინიძის გადაცემაში "პირისპირ" მორიგი ექსკლუზიური სტუმარი, - თბილისის საკრებულოს დეპუტატი, მსახიობი, სცენარისტი, პოპულარული ტელე-სერიალის "საპონის" და "ჩიფსების თაობის" მსახიობი - შონზო (ზურა გაჩეჩილაძე) იყო, რომელმაც ამომწურავად უპასუხა წამყვანისა და პირდაპირ ეთერში შემოსული მსმენელების შეკითხვებს, თავადაც კმაყოფილი წავიდა ეთერიდან და წამყვანიც კმაყოფილი დატოვა :) შედით ამ ლინკზე და გადმოწერეთ გადაცემის სრული ჩანაწერი. შეგახსენებთ, რომ ყოველ სამშაბათს რადიო"საქართველოს ხმის" ეთერში უსმინეთ გადაცემას "პირისპირ" საღამოს 19:00 საათიდან და პირდაპირ ეთერში ინტერნეტის დახმარებით მითითებულ საიტზე

10.11.2010. თამრიკო მეჭიაურის ახალი სიმღერა

მომღერალმა, რომელმაც პოპულარობა მელანქოლიური და რომანტიული სიმღერებით მოიპოვა, ბედს ახლა რომანსებში ცდის და პირველ თამამ ნაბიჯს ამ მხრივ უკვე დასრულებულად აცხადებს.
რამდენიმე დღის უკან, ნუკრი რუხაძის სტუდიაში უკვე ჩაიწერა თამრიკო მეჭიაურის რომანსი, რომელიც იმითაცაა გამორჩეული, რომ ხვიჩა მაღლაკელიძის გიტარის აკომპანიმენტით სრულდება, ანუ მხოლოდ გიტარის აკომპანიმენტი და სხვა არაფერი, რაც თავისთავად ნოვაციაა.
სიმღერის ტექსტის და მუსიკის ავტორიც ამ შემთხვევაში თავად მომღერალია, კომპოზიციას სახელად “ფიფქი” ეწოდა. თამარ მეჭიაურმა საქართველოს მუსიკალური დაჯილდოების “მეგას” მე-10 ცერემონიალზე, შარშან, ჰიტისთვის “მოღალატე”, პირველი “მეგას” სტატუა დაიმსახურა. სხვათაშორის ეს სიმღერა დღესაც დიდი პოპულარობით სარგებლობს რადიო-არხებსა და საკონცერტო გამოსვლების დროს.
იქცევა თუ არა რომანსი, ახალ ჰიტად მომღერლის შემოქმედებაში, ამას მხოლოდ დრო გვიჩვენებს. შეფასებისთვის კი, შეგიძლიათ სიმღერა ქვემოთ გამოქვეყნებულ ლინკიდან გადმოწერის საშუალებით მოუსმინოთ.

დააწკაპუნეთ ამ წარწერაზე, გადმოწერეთ და მოუსმინეთ თამრიკო მეჭიაურის აღნიშნულ სიმღერას

09.11.2010. ნინო წიკლაური მოსკოვის შოუ-ბიზნესში დარჩენას არ აპირებს

ტელეკომპანია “პირველი სტრეოს” ყოფილი მუსიკალური ხელმძღვანელი, გიგა კვენეტაძის მენეჯერი და ახლა უკვე მისი მეუღლე ნინო წიკლაური, არცისე ცოტა დროა რაც მოსკოვში გადავიდა, თუმცა ჟურნალისტებთან ურთიერთობისას აცხადებს, რომ იქ დარჩენას სამუდამოდ ნადვილად არ აპირებს, უბრალოდ იქ შემოქმედებითად მეტად გახსნილი სივრცეა, ნაცნობების გახსნილი წრეც უფრო ფართოა და ხელოვნების მოყვარულ ადამიანს მეტი რად უნდა?
რამდენიმე წლის წინ ნინო წიკლაური “მეგას” დაჯილოდების ცერემონიალზე “საუკეთესო მენეჯერის” ტიტულის მფლობელი გახდა, ამ მხრივ ნინოს ახალი იდეები აქვს, რომელიც შემოთავაზებებიდან გამომდინარეობს. საქმე იმაშია, რომ რუსეთში დაბადებულ-გაზრდილმა ახალგაზრდა მომღერალმა ანა ჩაკმა მას საკუთარი პოპულარიზაციისთვის საქართველოში პროდუსერობა ნინოს შესთავაზა, რაზეც თანხმობა მიიღო.
ნინო მოსკოვში, საქართველოში მიღებულ რუსულ განათლებასაც სათავისოდ იყენებს და მომღერლებისთვის რუსულენოვან ტექსტებს წერს მუსიკისთვის, რომლის არანჟირებასაც მისი მეუღლე გიგა კვენეტაძე აკეთებს სტუდიაში, სადაც დათო ხუჯაძე მუშაობს.
ნინო წიკლაური საქართველოში საახლაწლოდ აპირებს დაბრუნებას, რის შემდეგაც გადაწყვეტს თავისი საქმიანობის საქართველსოთან დაკავშირებულ გეგმებს,

07.11.2010. ლელა წურწუმიას ახალი ბიზნესი

ლელა წურწუმია იმ სტაბილურად მოკაშკაშე ქართველ ვარსკვლავთა სიაშია, რომელსაც უპირველეს ყოვლისა საკუთარ თავზე მუშაობა არ ეზარება, და რათქმაუნდა მხოლოდ მერე - მსმენელისთვის კარგი სიმღერების შესრულება, რაშიც ალბათ მას ხელს, მისი მეუღლის კახა მამულაშვილის (მამულიჩას) მიერ შექმნილი ახალი ხმის ჩამწერი სტუდია “ლელა სტუდიო” დაეხმარება.
საერთოდ ქართულ მუსიკალურ რეალობაში ხშირია, რომ წარმატებულ მომღერლებს საკუთარი სტუდიები აქვთ (ნორმალურ ქვეყნებში მთლად ასეც არაა, რადგან იქ თანხის ამაში დაზოგვა, კარგ ტონად არ ითვლება და ურჩევნიათ, მხოლოდ სიმღერაზე იყვნენ ორიენტირებულნი) და არც “ლელა სტუდიოს” გახსნა
გაუკვირდებოდა არავის, მაგრამ წარმატებულმა მომღერალმა სამსახურში ამ შემთხვევაში არაცნობილი “არანჟიროვშიკები” აიყვანა და მათ ანდო თავისი და სხვისი სიმღერების ჩაწერა და მომზადება, რაც ჩვენი შეფასებით გამართლებული ნაბიჯია, რადგან ახალი “არანჟიროვშიკებიც” ბლომად გვყავს და ამ საქმის “ძველი პირატების” კოტე ნონიკოვის, ბექა ნიკოლაიშვილის, გიგა კუხიანიძის და სხვების და სხვების სახელი არანაირად არ დაიჩრდილება.
თბილისში საკუთარი სტუდია აქვს ნინო ჩხეიძეს, გიგა კუხიანიძეს, მანჩოს, “სეიშენს”, ნინა წკრიალაშვილს, სტეფანეს, ბედინას, მასტერას და სხვებს და ისინი საკუთარი სიმღერების ჩაწერასაც თავად უკეთებენ ორგანიზებას, თუმცა ყველა მათგანისთვის ეს ცალკე ბიზნესია, რადგან მათ სტუდიებში ყველას, ნებისმიერ მსურველს შეუძლია სიმღერის ჩაწერა.

05.11.2010. თამთა გოგუაძე კვლავ მოგზაურობაშია

მომღერალი აქტიურად აგრძელებს ტურნებს მსოფლიოს ქვეყნებში “ქართული ლეგენდა - სამაისთან” ერთად, რომლის ფარგლებშიც უკვე ათი ქვეყანა მოიარა, ამჟამად უკრაინაში იმყოფება და ცოტახანში ანსამბლთან ერთად რუსეთში ჩაატარებს კონცერტებს.
ქართული ესტრადის მომღერალმა, ახალი ამპლუა მესამე წელია აქტიურად მოირგო, თავისი სიმღერების ერთ-ერთი ავტორის, მუსიკოს ჭაბუკა ამირანაშვილის დახმარებით, რომლის შეთავაზებითაც თამთა ამ პროექტში მოხვდა.
მომღერალმა ჯგუფთან ერთად დაასრულა თითქმის ორთვიანი ტურნე ანტალიაში, საიდანაც უკრაინაში გაემგზავრა და ნოემბრის ბოლოს კი, ჯგუფთან ერთად საქართველსაც დაუბრუნდება. მომღერლის პირად ცხოვრებაში სიახლეები არაა, ყოველშემთხვევისთვის თუ არის, ის ამას პრესასთან ურთიერთობაში აქტიურად მალავს :) და კარგადაც გამოსდის. თამთა აცხადებს, რომ ამჟამად მისი პირადი
ცხოვრება მისი ერთადერთი შვილი ლუკაა, რომელიც წელს პირველად წავიდა სკოლაში. თამთა გოგუაძე აცხადებს, რომ არ აპირებს აქტიურ მუსიკალურ ცხოვრებას რაიმეს გამო შეეშვას, თავი დაანებოს და მხოლოდ სახლის დიასახლისობა შეითავსოს. პრინციპში ბავშობიდან აქტიურ სცენაზე მოღვაწე წარმატებული მომღერლისგან მსგავსი რამ, წარმოუდგენელიც იქნებოდა.

02.11.2010. რადიო "საქართველოს ხმის" პირდაპირ ეთერში, გადაცემაში "პირისპირ" სტუმარი, - ჟურნალისტი ზაალ წულუკიძე (ვინი)

44. რადიო "საქართველოს ხმის" პირდაპირ ეთერში სამშაბათს, 2 ნოემბერს - 19:00 საათიდან ჟურნალისტ ბესიკ ჩუბინიძის გადაცემაში "პირისპირ" მორიგი ექსკლუზიური სტუმარი, - ჟურნალისტი, ტელეკომპანია "იმედის" დილის ეთერის ყოფილი წამყვანი - ზაალ წულუკიძე (ვინი) იყო, რომელმაც დაწვრილებით ისაუბრა დღეს შექმნილ ქართულ რეალობაზე, რომელიც გასართობ ინდუსტრიაში არსებობს, ისაუბრა ქართულ როკ-მუსიკაში არსებულ მდგომარეობაზე, რამდენადაც გარკვეული პერიოდის მანძილზე ის როკ-ჯგუფ "პორნო-პოეზიის" მენეჯერიც იყო (სადაც მისი პატარა ძმა უკრავს). შეგახსენებთ, რომ ყოველ სამშაბათს რადიო"საქართველოს ხმის" ეთერში უსმინეთ გადაცემას "პირისპირ" საღამოს 19:00 საათიდან და პირდაპირ ეთერში ინტერნეტის დახმარებით მითითებულ საიტზე

31.10.2010. საბავშვო თეატრალურ ფესტივალს - “მაჩაბელა”, მცხეთა მასპინძლობს

29 ოქტომბრიდან 3 ნოემბრამდე კულტურისა და განვითარების ცენტრის და მცხეთის მუნიციპალიტეტის კულტურის გაერთიანების ინიციატივით მცხეთაში საბავშვო თეატრალური ფესტივალი “მაჩაბელა” ტარდება, რომელში მონაწილეობასაც ათი საბავშვო თეატრალური დასი ღებულობს, საქართველოს სხვადასხვა რეგიონიდან, მათ შორისაა ეწერისა და კოჯრის მზრუნველობა-მოკლებულ ბავშვთა სახლების შემოქმედებითი ჯგუფები, რაც მათი საზოგადოებასთან ინტეგრაციისთვის მნიშვნელოვანი ნაბიჯია.
ფესტივალს სამკაციანი ჟიური ხელმძღვანელობს, რომლის თავმჯდომარე კინოსა და თეატრის მსახიობი, ფრანგული კინოს აკადემიის უმაღლესი ჯილდოს “სეზარის” მფლობელი ნინო ხომასურიძეა. ფესტივალს რამდენიმე ნომინაცია აქვს, მათ შორის - საუკეთესო რეჟისურა, საუკეთესო მუსიკალური გაფორმება, ქორეოგრაფია, მხატვრობა, თეატრალური ეფექტები, მთვარი პრიზი საუკეთესო სპექტაკლისათვის კი, 3 ნოემბერს დასკვნით საღამოს გადაეცემა გამარჯვებულ დასს.

როგორც ფესტივალის დამაარსებელმა, მსახიობმა მამუკა ლომაშვილმა ჩვენთან საუბარში განაცხადა: - მაქსიმალურად ეცდებიან ყველაფერმა უმაღლეს დონეზე ჩაიაროს, რადგან ამის მონდომება, სურვილი და ხალისი დიდია, მითუმეტეს როცა საქმე ეხება სავაბშვო თეატრალური კოლექტივების სცენაზე თამაშს, ამაში დახმარებას მცხეთის მუნიციპალიტეტი გვიწევს, რისთვისაც მათი უაღრესად მადლობელი ვარ.
აღსანიშნავია, რომ მამუკა ლომაშვილი გარდა იმისა, რომ “იუმორინას” ჩაუქრობელი პაროდისტია, გარდა იმისა, რომ კარგი მსახიობია, კარგი რეჟისორი და კარგი ორგანიზატორიცაა, რაც რეალურად მის მიერ ჩატარებულ ამ კონკრეტულ პროექტში ერთხელ უკვე აისახა, შარშან – სიღნაღში ჩატარებულ პირველ ფესტივალზე, “მაჩაბელა” ახლა მცხეთას სტუმრობს.

მარიამ კახელიშვილი - სიმღერა რომლითაც ის "საბავშვო ევროვიზიაზე" საქართველოს წარადგენს

30.10.2010. რადიო “აფხაზეთის ხმა” პირველობისკენ ისწრაფვის

ქართულ რადიო ბაზარზე აქამდე ცოტამ თუ იცოდა რადიო “აფხაზეთის ხმის” არსებობის შესახებ, რადგან სახელიდან გამომდინარე ალაბთ მხოლოდ პოლიტიკური მიმართულების რადიოდ მიიჩნევდნენ, მაგრამ ამჯერად რადიოს ხელძღვანელმა, მომღერალმა დათო გომართელმა სტრატეგია შეცვალა და თუ აქამდე თბილისის სამარშუტო ტაქსებში “არ დაიდარდო” და “საქართველოს ხმა” სჭარბობდა, ახლა უკვე ბევრგან “აფხაზეთის ხმა” აქვთ ჩართული. ფაქტია, რომ “აფხაზეთის ხმა” ცდილობს პოპულარული ქართული რადიო-არხების ერთგვარი მიქსი გააკეთოს - “ფორტუნა +”-ის თინეიჯერული ფორმატი, “არ დაიდარდოს” ყარაჩოღლური, თბილისური ფორმატი, “საქართველოს ხმის” რუსულენოვანი ჰიტები, “ფორტუნას” ყველა დროის ჰიტები და მიქსიც გაკეთებულია.
სიხალეა რადიო-გადაცემების ფორმატშიც - მომღერალი დათო გომართელი საკუთარ საავტორო გადაცემას აკეთებს, რომელიც ორიენტირებული იქნება უცხოეთში მცხოვრებ მომღერლებზე და მათ ინტერვიუებზე, ნინო ჩხეიძე, ჟურნალისტ ნიკა ხაჩიძესთან ერთად აკეთებს გადაცემას “ავტოგრაფი” სადაც კვირის განმავლობაში პოპულარული პიროვნება ეყოლებათ სტუმრად, ასევე თიკა ჯამბურია, გადაცემას აკეთებენ რატი და მაკა (დუეტი “ჯორჯია”), თუმცა გავრცელდა ცნობა, რომ რატი მალე საქართველოდან მიდის და შესაბამისად დუეტიც შეიძლება დაიშალოს. მოკლედ “აფხაზეთის ხმა” გასართობი რადიოების რიცხვში გადადის და პრიორიტეტად ამ ფორმატს იღებს, წარმატებებს ვუსურვებთ განახლებული რადიო “აფხაზეთის ხმას” და ვუსურვებთ მალე მშვიდობიანი სოხუმიდან წაეყვანოთ პირდაპირი ეთერი მის წამყვანებს.

29.10.2010. რადიო "საქართველოს ხმის" პირდაპირ ეთერში, გადაცემაში "პირისპირ" სტუმარი, - ჟურნალ "რეიტინგის" რედაქტორის მოადგილე ნინო მურღულია

43. რადიო "საქართველოს ხმის" პირდაპირ ეთერში სამშაბათს, 26 ოქტომბერს - 19:00 საათიდან ჟურნალისტ ბესიკ ჩუბინიძის გადაცემაში "პირისპირ" მორიგი ექსკლუზიური სტუმარი, - ჟურნალ "რეიტინგის" რედაქტორის მოადგილე ჟურნალისტი ნინო მურღულია იყო, რომელმაც ამომწურავად ისაუბრა მედია-ჰოლდინგ "კვირის პალიტრის" მიერ განხორციელებულ ნოვატორულ პროექტებზე, გაიხსენა წარსული დრო, როცა ქართული შოუ-ბიზნესის აყვავების ხანა იდგა, გადაცემა "პრეს-პრესი" და სხვა ბევრი საინტერესო ფაქტი და მოვლენა. შეგახსენებთ, რომ ყოველ სამშაბათს რადიო"საქართველოს ხმის" ეთერში უსმინეთ გადაცემას "პირისპირ" საღამოს 19:00 საათიდან და პირდაპირ ეთერში ინტერნეტის დახმარებით მითითებულ საიტზე

28.10.2010. ნინი შერმადინს ოჯახური პრობლემები აქვს

ქართულმა პრესამ ბოლო დროს პირველ გვერდებზე აიტაცა ნინი შერმადინის ოჯახური პრობლემების ამბავი და მისი და მისი მეუღლის ვაჟიკო ციცაგის ურთიერთობა დასრულებულადაც კი გამოაცხადა, მაგრამ საბედნიეროდ ყველაფერი მთლად ისე არაა, როგორც ამას ქართული “ტაბლოიდები” წერენ.
რომელი ქართული ოჯახი იცით სადაც ცოლ-ქმარს შორის კონფლიქტები არ მომხდარა? მაგრამ პოპულარული სახეები მუდმივ სამიზნედ არიან ქცეულნი, მიუხედავად იმისა, რომ ნინი შერმადინი გულგატეხილი საუბრობს თავის მეუღლეზე და არც ვაჟიკო მალავს, რომ რაღაც აწყენინა ნინის, მაინც არაგვგონია, რომ ოჯახური კონფლიქტი პრესის ფურცლებზე უნდა წყდებოდეს, მაგრამ რადგან “ვარსკვლავების” მკითხველმა უკვე “შეგვაწუხა” კითხვებით, ვერ გავექეცით ამ საკითხზე საუბარს და ამ ინფორმაციის მოწოდებას: - დიახ, მეუღლეებს შორის არსებობს რაღაც პრობლემა, მაგრამ ისინი ერთმანეთს არ დაშორებულან და არც მოუგვარებელი სჭირთ რაიმე.

რადიო "საქართველოს ხმის" პირდაპირ ეთერში სამშაბათს, 19 ოქტომბერს - 19:00 საათიდან ჟურნალისტ ბესიკ ჩუბინიძის გადაცემაში "პირისპირ" მორიგი ექსკლუზიური სტუმარი, - რუსეთ-საქართველოს 1993 წლის, აფხაზეთის ომის გმირი, ქართველი მეომარი ქალი დოდო გუგეშაშვილი იყო, რომელმაც ბევრი შემთხვევა გაიხსენა, რომელმაც ქართველ ჯარისკაცებს ღირსება და ქართველობა შეუნარჩუნა. დოდო გუგეშაშვილი საუბრობს ომში გადატანილ განცდებზე, ქალობის შენარჩუნების სირთულეებზე და იმაზე თუ, რამ შეიძლება მიგვიყვანოს საბოლოო მიზნამდე - საქართველოს ერთიანობამდე! შეგახსენებთ, რომ ყოველ სამშაბათს რადიო"საქართველოს ხმის" ეთერში უსმინეთ გადაცემას "პირისპირ" საღამოს 19:00 საათიდან და პირდაპირ ეთერში ინტერნეტის დახმარებით მითითებულ საიტზე

16.10.2010. ზურა ჩინჩალაძის 50 წლისადმი მიძღვნილი კონცერტები და დუშეთი-ჟინვალის ტაშომეტრული შეჯიბრი

ერთ-ერთი ყველაზე პოპულარული ქართველი კომპოზიტორის და ავტორ-შემსრულებლის ზურა ჩინჩალაძის დაბადების 50 წლის იუბილესთან დაკავშირებით, პროდუსერ თამაზ ქაჯაიას ინიციატივით, დუშეთის და ჟინვალის კულტურის სახლში გრანდიოზული კონცერტები გაიმართა, სადაც კომპოზიტორის მიერ დაწერილ სიმღერებს ქართული ესტრადის ძველი და ახალი თაობის ვარსკვლავები ასრულებდნენ.
ბესიკ კალანდაძე, ნუგზარ ერგემლიძე, გია სურამელაშვილი, თაკო მელიქიშვილი, პაატა თედიაშვილი, თამარ მეჭიაური, ნუცი, მსახიობები გურამ ჯაში და დათო მამაცაშვილი (რომელიც გმირულად, სიცხიანი, გაციებული და გრიპიანი სცენიდან მაინც ახერხებდა ხალხის სიცილის ცრემლებამდე მიყვანას), მაკა და მიშიკო ქაჯაია, - ეს, იმ ადამიანთა არასრული სიაა, რომლებიც ერთ დღეში ჩატარებულ ორ კონცერტს ალამაზებდა.
უნდა ითქვას, რომ დუშეთშიც და ჟინვალშიც დარბაზი ბოლომდე სავსე იყო, მაგრამ “ცოდვა” გამხელილი ჯობს და ჟინვალელმა მაყურებელმა დუშელს აჯობა მეტი მხიარულობით, მეტი ხალისით, მეტი სიცოცხლით და მეტი ტაშით, მიუხედავად იმისა, რომ ჟინვალის კულტურის სახლში კონცერტი საათნახევრის დაგვიანებით დაიწყო.
ორივე საღამო ზაზა ალექსიძეს მიყავდა, რომელიც თავისი ექსცენტრიულობით სცენაზეც გამოირჩევა და სუფრაზეც, რომელიც ტრადიციულად მსგავსი სახის კონცერტებს ყოველთვის მოსდევს :) და ჟურნალსიტებისთვის შეიძლება გაცილებით საინტერესო იყოს, ვიდრე პირველი ნაწილი და რადგანაც “ვარსკვლავები” პროდუსერ თამაზ ქაჯაიას მიერ ორგანზიებული კონცერტების მუდმივი მხარდამჭერია, თავს უფლებას ვაძლევთ ასეთი ადგილებიდანაც შემოგთავაზოთ ხოლმე რეპორტაჟები :)
მანამდე კი გეტყვით, რომ როგორც აღმოჩნდა ელიტარული (!) მუსიკალური პრეოქტის “ჯეო-სტარის” ჟიურის თავმჯდომარის, მარინა ბერიძის მიერ დაწუნებული მომღერალი პაატა თედიაშვილი ხალხს ძველებურად უყვარს და სულაც არავის აინტერესებს ვის, როგორ და სად უკბენს “რუსთავი-2”-ს მუსიკალური ხელმძღვანელი, ეს კიდევ ერთხელ დამტკიცდა დუშეთშიც და ჟინვალშიც, როცა ამ მომღერლის სცენაზე გამოსვლის დროს ხალხში ტაშომეტრის ამპლიტუდამ ორჯერ მოიმატა და არც სცენაზე საცეკვაოდ ამოსული მაყურებელი შეუჩერებია დაცვას, ხალხს ბოლომდე მიეცა დადებითი ემოციების დაცლის საშუალება. როგორც გითხარით განსაკუთრებული იყო ღონისძიების “ბანკეტური ნაწილი” რესტორან “თეთრ დუქანში”, სადაც ზურა ჩინძალაძე უკვე პირადად იღებდა მომღერლებისგან მილოცვებს და ჩვეული თავმდაბლობით უსმენდა მის საქებარ სადღეგრძელოებს, რომელიც განსხვავებულებით დაალევინა თამადა ზაზა ალექსიძემ ყველა დამსწრე მამაკაცს, და განსხვავებულ ჭურჭლად ამჯერად არა კრამიტი, არა თოფის ლულა ან ქალის ფეხსაცმელი :), არამედ ღვინის გრაფინი აირჩა :)
მომღერლები, პროდუსერები და საერთოდ, ტურნეს 30 კაციანი ჯგუფი გამთენიისას დაუბრუნდა დედაქალაქს.

14.10.2010. ყოფილი “ქუჩის ბიჭი” მეორე ბიჭის მამა გახდა

საქართველოდან ამერიკაში, კერძოდ კი, ჩიკაგიოში გადასახლებული, ერთი პერიოდი საქართველოში ყველაზე პოპულარული “ბოიბენდის” წევრი გურამ ლომიძე მეორე ბიჭის მამა გახდა, როემლსაც სახელად ლაიემი დაარქვეს.
როგორც აღმოჩნდა გურამ ლომიძეს ჩიკაგოში მეგობარი გოგონა ერიკა სელშტუტი ყავს, რომელიც წელს ზაფხულზე ბათუმშიც ყავდა ჩამოყვანილი და მეგობრებსაც გააცნო თავისი რჩეული. ამერიკელმა გოგონამ საყოველთაო მოწონება დაიმსახურა გურამის მეგობრებში და თავიც ყველას უცებ შეაყვარა.
რაც შეეხება გურამ ლომიძის ყოფილ ცოლს, ხატია შამუგიას, მისი ყოფილი მეუღლის მეგობარი გოგონა, საქართველოში ფიზიკურად არყოფნის გამო არ უნახავს, რადგან ამ დროს თავად, ბათუმში დასვენებას თურქეთის ფეშენ-კურორტებზე ყოფნა არჩია.
“ვარსკვლავები” ულოცავს გურამ ლომიძეს პატარა ქართველ-ამერიკელის დაბადებას და მის ჯანმრთელობას და ბედნიერებას უსურვებს.

13.10.2010. ანი ხანჩალიანი საერთაშორისო “ვარსკვლავთ შოუზე” აღიარეს

პატარა ნიჭიერი გოგონას შემოქმედაბში დიდი წინსვლაა, ტელე-კომპანია “რუსთავი 2”-ს პროექტ “ნიჭიერის” მონაწილე, მომღერალი ანი ხანჩალიანი მაკედონიის საერთაშორისო კონკურსის - “ვარსკვლავები”, პირველი ადგილის მფლობელი გახდა. მომღერალმა ხელშეკრულება გააფორმა საერთაშორისო საკონცერტო კომპანია “მაქსიმუმთან” რომელსაც ქართველი ხელმძღვანელი, საქართველოდან რამდენიმე წლის წინათ წასული, ქართული შოუ-ბიზნესის აქტიური მხარდამჭერი და მენეჯერი ეკა ჩიტაშვილია. სწორედ ეკა ჩიტაშვილი და კომპანია “მაქსიმუმი” გახდა ნიჭიერი მომღერლის საერთაშორისო პროდუსერი, რომელიც უკვე აწარმოებს მოლაპარაკებებს ხმის ჩამწერ სტუდიებთან ანის სოლო-ალბომის გამოცემასა და საერთაშორისო მაშტაბით მის პოპულარიზაციაზე.
მაკედონიის საერთაშორისო ფესტივალი “ვარსლკვლავები” ყოველწლიურად შემოდგომაზე იმართება და შესაბამისად მომავალ 2011 წელს, საქართველოს უფლება აქვს კვლავ წარადგინოს საკუთარი კანდიდატურა, - მსურველთა განაცხადებების მიღება და შესარჩევი კონკურსის გამართვა მოხდება ინტერნეტ-ჟურნალ “ვარსკვლავების” დახმარებით, პირველადი განაცხადების მიღება მოხდება მაილზე stars7771@narod.ru

12.10.2010. ,,ევროვიზიის" ქართველი მონაწილის ვინაობა დეკემბერში გაირკვევა

"ევროვიზიის" საერთაშორისო კონკურსზე ქართველი კონკურსანტის ვინაობა დეკემბერში გაირკვევა. როგორც ,,საზოგადოებრივი მაუწყებლის" საერთაშორისო პროექტის პროდიუსერმა, ნათია უზნაძემ განცხადა, საქართველოში "ევროვიზიის" შესარჩევ ტურზე განცხადების მიღება ნოემბერში დაიწყება. ქართველი მონაწილის ვინაობა 2011 წლის დეკემბერში გაირკვევა.
ახალგაზრდა, გერმანელი მომღერალი ლენა მაიერ–ლანდრუტი შარშანდელი ,,ევროვიზიის" კონკურსის გამარჯვებულია. მისმა ენერგიულმა სიმღერამ "სატელლიტე" მსოფლიო მოწონება დაიმსახურა. ახლა კი გავრცელდა ინფორმაცია, რომ ყოველწლიური საერთაშორისო კონკურსის ფინალი 2011 წლის 14 მაისს გაიმართება. გამოცემა Bილდ-ის ინფორმაციით ფინალი გერმანიის ქალაქ დუსელდორფში ჩატარდება, თუმცა, ფინალის გამართვის სავარაუდო ქალაქებად ბერლინი, ჰამბურგი, ჰანოვერი და კიოლნი სახელდებოდა.

11.10.2010. ნინა წკრიალაშვილმა ახალი სიმღერისთვის მოიცალა

კარგახნის წინათ სახელმწიფო სამსახურში თავშეყოფილმა ლამაზმანმა, როემლმაც ამ ნაბიჯის გამო საშინელი კრიტიკის ქარცეცხლში გაიარა და არც ახლა აკლია “მაებარ-მადიდებელი”, როგორც იქნა ახალი მუსიკალური ნაბიჯის გადასადგმელად მოიცალა და შარშან საქართველოს მუსიკალური დაჯილდოების “მეგას” ცერემონიალზე ნომინაციაში “წლის აღმოჩენა” გამარჯვებულ, საბერძნეთიდან ჩამოსულ მომღერალ მარკუს მეტრეველთან ერთად დუეტის ჩაწერაზე დათანხმდა.
შემოთავაზება რათქმაუნდა მარკოსგან მოდიოდა და კლიპსაც სავარაუდოდ მაია კაჭკაჭიშვილის ამ სიმღერაზე, მალევე გადაიღებენ (საინტერესო ისაა, სად უნდა დატრიალდეს ეს კლიპი? მუსიკალური არხების არარსებობის გამო).
მარკო მეტრეველისთვის ეს ქართულ სინამდვილეში მეორე დუეტი იქნება, ნინი შერმადინთან ჩაწერილი დუეტის შემდეგ, მაგრამ ალბათ პირველი, რომელიც მას საშუალებას მისცემს უფრო ფართო ასპარეზზე გავიდეს ნინას დახმარებით, რაც როგორც მომღერლისთვის მარკოსთვის შესანიშნავი ფორა იქნება ქართულ შოუ-ბიზნესში ახალი ნაბიჯების გადასადგმელად და თავის დასამკვიდრებლად.
პრეზიდენტის, კულტურის და ხელოვნების სამსახურში ჩამდგარ ნინა წკრიალაშვილს ახალი ალბომიც კი აქვს მზად, რომლის სტუდიამდე მიტანას საშველი ვერ დააყენა და ვერადავერ წარუდგინა საზოგადოებას თავისი ახალი ნამუშევრები, მოუცლელობის გამო, არადა ერს ჭირდება ახალი ჰიტები, ახალი სიმღერები, ახალი კონცერტები, ახალი დისკები და ახალი სისხლი.

10.10.2010. ანრი ჯოხაძე მიუზიკლს იღებს

ეს ადამიანი ნამდვილი “მობილ ინ მობილია” (მოძრავი მოძრავში), კაცი რომელიც ყოველთვის ცდილობს იაროს სუფთად, აფრქვიოს ნიჭი და გონიერება და ეს ყველაფერი ისე გააკეთოს, რომ ვერც “მიშისტობა” შეტენონ, ვერც “კარის მომღერლობა” და ვერც ოპოზიციონერობა, ნადვილი ხელოვანია, უპირველეს ყოვლისა მას თავის საქმე უყვარს.
რამდენადაა მისი საქმე და როგორ გამოუვა ის, რასაც ანრი ახლა აკეთებს არავინ იცის, მაგრამ ფაქტია, რომ ეს მისგან ნოვაციაა - ანრი ჯოხაძე მიუზიკლს იღებს, რომელში მონაწილეობასაც ქართული ხელოვნების საინტერესო სახეები და ხმები მიიღებენ მონაწილეობას, როგორებიც არიან ზინაიდა კვერენჩხილაძე, ლეილა აბაშიძე, ნანი ბრეგვაძე და სხვები.
მიუზიკლი რაღაცნაირად შეიძლება ჯულია რობერთსის მონაწილეობით “ლამაზმანის” ქართულ ვერსიადაც კი მოინათლოს, სადაც ძვირადღირებული მეძავის როლს, მსახიობი მაკა შალიკაშვილი შეასრულებს და როგორც თავად პრესასთან ურთიერთობაში აცხადებს - იმედია, ეს მისი ბოლო როლი იქნება ბოზის როლში :)). (რადგან, მალე შეიძლება საქართველოში ბოზის როლის თამაშიც კი. აიკრძალოს ეკრანზე - პორნოგრაფიად მონათლავენ) :) :)
მიუზიკლის მუსიკას ანრი ჯოხაძის დედა, ქალბატონი რუსუდან ჩხაიძე წერს და გადაღებები ოქტომბრის ბოლოსკენ უნდა დამთავრდეს, რის შემდეგაც გახმოვანების ტექნიკური სამუშაოები დაიწყება და ანრის ახალ ამპლუასაც მთელი საქართველო ნახავს.

07.10.2010. ვინ და რატომ აგინებდა და წყევლიდა “მიშას მომღერლებს” ფილარმონიის დიდ საკონცერტო დარბაზში

თავიდანვე გვინდა დავაფიქსიროთ ჩვენი საიტის ადმინისტრაციის პატივისცემა ნებისმიერი ხელოვანი ადამიანის მიმართ, რომელიც თავისი შემოქმედებით ყოველთვის იდგა ხალხის გვერდით და ყოველთვის აკეთებდა იმ საქმეს რა საქმესაც პოლიტიკოსები ყოველთვის აფუჭებდნენ, ეს ადამიანური ურთიერთობებია. ნინო ბურჯანაძის (ყოფილი პარლამენტის თავმჯდომარე) პოლიტიკურმა მოძრაობამ, მხარდამჭერებთან ერთად ფილარმონიის დიდ საკონცერტო დარბაზში
(რომლის დაქირავება ყველას შეუძლია ვინც 20.000 ლარს გადაიხდის) დიდი სხდომა მოაწყო და დაახლოებით 3000 ოპოზიციურად განწყობილი ადამიანი გააერთიანა. თუმცა ჩვენთვის ამ შემთხვევაში ნულოვანი მნიშვნელობა აქვს ბურჯანაძის ამ მოძრაობას და მის პოლიტიკურ გადაწყვეტილებებს, ფაქტია რომ ვიღაცამ სწორად დაუმიზნა და მიზანშიც გაარტყა, როცა სცენაზე აჩვენეს კლიპი “გამარჯობა აფხაზეთო შენი” ქართველი ვარსკვლავების (!?) მონაწილეობით, რომლებიც აღფრთოვანებით ილტვიან სოხუმისკენ ქართველ დევნილებთან ერთად, სწორედ ამ კლიპში იყო ჩამონტაჟებული იგივე ქართველი დევნილების ხელისუფლების მხრიდან სხვადასხვა ობიექტებიდან გამოყრის კადრები.
წარმოიდგინეთ 3000-მადე ადამიანი, ფილარმონიაში ეკრანზე გასული გადამონტაჟებული კლიპი და ქართველი ვარსკვლავებისაკენ მიმართული წყევლა, კრულვა, გინება და შეურაწმყოფელი სიტყვები, იქ სადაც ბევრჯერ დაუკრავთ მერაბ სეფაშვილსითვის ტაში, იქ სადაც არ დაუნანიათ ლელა წურწუმიასთვის აპლოდისმენტები და ბუბა კიკაბიძისთვის ქება-დიდება უბრალო ადამიანებს, იგივე უბრალო ადამიანები “მიშას კარის მომღერლებს”, მოღალატეებს, მეძავეებს და ათას შეურაწმყოფელ სიტყვებს ეძახდნენ და რაც არ უნდა
მიუღებელი იყოს ნებისმიერი მომღერლის პოლიტიკური შეხედულებები (თუნდაც დროებითი), არ არის ლამაზი მას მოღალატე, მეძავი და კარის მომღერალი საჯაროდ ეძახო და არც ის არის ლამაზი, რომ სახალხოდ აჩვენო ადამიანებს კადრები, სადაც ცხინვალის ომის დროს დასახიჩრებული, დანაწევრებული ქართველი ჯარისკაცები არიან გამოსახული.
საინტერესო დამთხვევაა ის აფქტი, რომ ოპოზიცია მაქსიმალურად გააქტიურდა ქართველი მომღერლების იმ ნაწილის წინააღმდეგ, რომლებსაც ე.წ. “მიშას კარის მომღერლებს” უწოდებენ და ეს, სწორედ ის აღმაშფოთებელი ფაქტია, რომელზეც თავში მოგახსენებდით - პოლიტიკოსები აფუჭებენ ყველაფერს და ისინი იმ მიზანსაც
აღწევენ, რომ ქართველ, უბრალო ადამიანებს, სასიქადულო ხელოვანი ხალხის წინააღმდეგ განაწყობენ და რა გადარჩენაზეა ამ დროს საუბარი?

06.10.2010. ქეთა თოფურიას გრანდიოზული სიხარული და ტრაგედია ერთ თვეში ეწვია

ერთი თვის წინ რუსეთის პოპულარულმა ვარსკვლავმა თბილისიში გრანდიოზული დაბადების დღე, თავის მილიონერ მეგობარ მამაკაცთან, ოგორ გეიხმანთან ერთად სასტუმრო “რედისონში” და იქ, მხოლოდ ქართული ელიტ(!)-ბომონდური(!) მეგობრები დაპატიჟა - ლელა წურწუმია, თიკა ფაცაცია, მანანა თოდაძე, ნინო ძოწენიძე და მისი მეუღლე გიგა კუხიანიძე (მის ხმის ჩამწერ სტუდაიში გაიზარდა მუსიკალურად ქეთა თოფურია), სტეფანე და სხვები და სხვები.
ქეთას დაბადების დღეზე ვერ მოხვდა ვერცერთი მისი მეგობარი ქართველი ჟურნალისტი, რამაც ამ უკანასკნელთა შორის საშინელი რეაქცია გამოიწვია და ძველი დრო გაახსენა, როცა ქეთა იქით ეპატიჟებოდა ხოლმე ყველა ქართველ მეგობარ (!) ჟურნალისტს თავის დაბადების დღეზე ყოველ 10 სექტემბერს, რაც შესაბამისად, მეორე კვირას, ამ თემით ჟურნალ-გაზეთების აჭრელებას გამოიწვევდა. (სტრატეგიული ნაბიჯია, რა).
მოკლედ, ამ ლეგენდარული დაბადების დღის შემდეგ ერთი კვირაც ძლივს იყო გასული, რომ ქეთას საშინელი ამბავი აცნობეს - მისი მამა, ანდრო თოფურია რუსეთის ციხეში გარდაცვლილი იპოვეს, ოპიციალური
ინფორმაციით ე.წ. “პერედოზიროვკისგან”, მაგრამ კულუარაებში ყველა ხმამაღლა საუბრობს, რომ ის ქურდულ სამყაროში ბოლო დროს დატრიალებულ სისხლიან გარჩევებს შეეწირა, მას შემდეგ რაც ქურდი “დედ ხასანის” მოკვლა უშედეგოდ სცადეს, ქურდულმა სამყარომ სისხლიანი ვენდეტა დაიყო და თან, ვინ “დედ ხასანისტია”, ვინ “ონიანისტი”, ვინ კიდე “კალაშოვისტი” და “იაპონჩიკისტი” ვერ გაიგებ. სწორედ ამ გარჩევებს უკავშირებენ ქეთა თოფურიას მამის გარდაცვალებასაც, რომელიც თბილისში ჩამოასვენეს და დაკრძალეს.

02.10.2010. “მის-ვარსკვლავები 8” - ანტი-თამბაქო აქცია, სიგარეტის კვამლით გაჟღენთილ დარბაზში

“მის-ვარსკვლავების” რიგით მე-8 კონკურსის გამარჯვებული ათი გოგონას დაჯილდოების ცერემონიალი 30 სექტემბერს კლუბ “დე ჟა ვუ”-ში დათქმულზე ერთი საათის დაგვიანებით დაიწყო, რამაც ძალიან გააღიზიანა ორგანიზატორები, რომლებსაც თურმე ათივე გამარჯვებული გოგონა მკაცრად ჰყავდათ გაფრთხილებული, რომ დროულად მოსულიყვნენ კლუბში, მაგრამ როგორც წესი, სამწუხაროდ საქართველოში პასუხისმგებლობის გრძნობის სერიოზული დეფიციტია, სხვა ბევრი რამის დეფიციტთან ერთად. “მის-ვარსკვლავები” ფოტოგენურობის კონკურსი, ამიერიდან ანტი-თამბაქოს სლოგანით ჩატარდება და სიგარეტის მოწევის საწინააღმდეგო სტატუსს მიიღებს “სილამაზე თამბაქოს საწინაღმდეგოდ” - ეს, ის დევიზია რომლის ქვეშაც “მის-ვარსკვლავები 8” ათი გამარჯვებული გოგონას დაჯილდოება ჩატარდა. სიმწრის სიცილად ღირდა ის ამბავი, რომ ამ სლოგანით ჩატარებული აქციის ფარგლებში, დარბაზი სიგარეტის კვამლით იყო გაჟღენთილი და მიუხედავად იმისა, რომ miss stars 8ორგანიზატორები სცენაზე სპეციალურად მოწყობილი “სიკვდილის ხიდან” ღერა-ღერა ამტვრევინებდნენ დამაგრებულ სიგარეტებს კონკურსანტებს, დარბაზში მსხდომი მათი მხარდამჭერები აქტიურად და ლამის ავადმყოფური პერიოდულობით აბოლებდნენ სიგარეტს. ჟიურიში, რომლის მოვალეობა ათი გოგონასთვის სპეციალური ნომინაციების გადანაწილებაა, ამჯერად მსახიობი მამუკა ლომაშვილი, დიზაინერი ლიკა ყაზბეგი, რეპერი ბედინა, კომპანია “ფროშის” წარმომადგენელი და სხვები იყვნენ. სხვათშორის კომპანია “ფროშმა” ყველა გამარჯვებული საკუთარი გერმანული წარმოების საოჯახო პროდუქციით დააჯილდოვა, კომპანია “ტკილ ქვეყანას”, “ჩუპა-ჩუპსა” და “ჩიფსების კომპანიასთან” ერთად. გამოვლინდა “მის-ვარსკვლავების” მე-8 ტიტულის მფლობელიც, რომელიც რუსთაველი ნინი კვეზერელი გახდა, სწორედ ის აღმოჩნდა ყველაზე მეტი, დაგროვილი ქულის პატრონი, რამაც შესაბამისად დამასხურებული ტიტული მოუტანა მშვენიერ ქალბატონს. დანარჩენი კი, შეგიძლიათ მიმაგრებულ ვიდეო-ფაილებსა და ფოტო-რეპორტაჟებში იხილოთ “მის-ვარსკვლავები 8”-ს სპეციალურ ლინკზე. (დააწკაპუნეთ სტატიაზე და გადადით სპეც-გევრდზე)

01.10.2010. ნინო ჩხეიძეს შეიძლება 50.000 ლარის გადახდა მოუწიოს

ეს ინფორმაცია “ვარსკვლავებმა” ექსკლუზიურად ჯერ კიდევ რამდენიმე თვის წინ მოგაწოდათ, თუმცა საიტის ადმინისტრაციამ მომღერლის თხოვნით, იგი ქსელიდან ამოიღო და ანგარიში გაუწია ნინო ჩხეიძის სურვილს არ გავრცელებულიყო ეს ამბავი, მაგრამ ქართველმა ჟურნალისტებმა მოგვიანებით მაინც გაიგეს ეს ამბავი, მაშინ როცა საქმე სასამართლომდე მივიდა.
შეგახსენებთ, რომ ჩხეიძესგან ქართველი კომპოზიტორი ალინა ცხომაია (საუბარია “თუშურ სატრფიალოზე”) საავტორო უფლებების დარღვევისთვის ანაზღაურებას 50.000 ლარს მოითხოვს (სიმღერის დამახინჯებისთვის და მისი, როგორც კომპოზიტორის უფლებების უგუველყოფისთვის) და საქმე ნინოს მიერ წლების წინ გამოშვებულ ალბომში შეტანილ სიმღერას ეხება.
“ვარსკვალვებს” რამდენიმე მსგავსი პრეცედენტი ახსოვს, როცა საქმე სასამართლომდე მივიდა მომღერალის მიერ გარემიქსებული სიმღერის გაჰიტების შემდეგ, - ქეთი მერკვილაძისა და მაია კვატაშიძის ცნობილი სასამართლო, სიმღერაზე “ქალს”, ჯგუფი “საუნდის” სოლისტის თემურ ხვიბლიანის - “ვერხვის ფოთოლი” და ამ სიმღერის ავტორის დაპირისპირება, ბოლოს კი, ისევ ნინო ჩხეიძის “წაღვერი და თბილისი”.
სასამართლომ მხარეებს ამჯერადაც ერთმანეთში მორიგება შესთავაზა, რაც ადამიანურ ენაზე ერთმანეთთან ვაჭრობას უფრო გულისხმობს. ალბათ კომპოზიტორებს ვიღაცამ კატალიზატორად ჩააწვეთა, რომ ნინო ჩხეიძე მდიდარი, უზრუნველი, ბიზნესვუმენი ქალბატონია რომლისთვისაც 50.000 ლარის გადახდა პრობლემა არ იქნება და მაშინ, - როცა ის ამ კომპოზიტორების სიმღერებით ხდება პოპულარული, რატომ არ უნდა მივიღოთ ჩვენც ჩვენი წილიო? - ფიქრობენ ისინი.
როგორ დამთავრდება “თუშური სატრფიალოს” სკანდალი ჯერ უცნობია, ნინო ჩხეიძე ამ (!) თანხის გადახდაზე უარს აცხადებს, თანაც ამჟამად აქტიურადაა ჩართული ახალ ბიზნეს-პროექტებში - გადაცემას აკეთებს მეუღლის რადიო “აფხაზეთის ხმაში”, აქტიურად ხელმძღვანელობს “პიერ კარდენის” ახლადგახსნილ, რიგით მეორე მაღაზიას “ქარვასლაში” და რადიო “არ დაიდარდოსთან” ერთად კვლავ ახალი სიმღერების გაჰიტებას აპირებს, რომლის დამსახურებაცაა ის ფაქტი, რომ ნინო ჩხეიძე დღეს საქართველოს მუსიკალური
დაჯილდოების “მეგას” ცერემონიალის მრავალგზის ნომინანტი და ყველაზე შემოსავლიანი ქართველი ქალი მომღერალია, რომელმაც ლელა წურწუმიაც კი, ჩამოიტოვა რეიტინგებში. თუმცა ეს ორი მომღერალი აქტიურად თანამშრომლობს ერთმანეთთან და მიუხედავად გავრცელებული ჭორებისა, მათი ფარული დაპირისპირების შესახებ, ფაქტია, რომ ისინი ერთი თვის წინაც კი, ერთად მართავდნენ კორპორატიულ წვეულებებზე კონცერტებს ოდესაში და ხშირად ერთადაც გამოდიან სამთავრობო მუსიკალურ აქციებზე.

19.09.2010. “იმედის ხელი” - ახალი ქართული ჰიმნი

ქართულ რეალობაში ბევრი საქველმოქმედო მუსიკალური პროექტი განხორციელებულა, მათგან ბევრი დავიწყებას მალევე მისცემია, ბევრი კონკრეტული სიტუაციისთვის შექმნილა, დროს მორგებულა და ბევრიც ადვილად დამახსოვრებია მსმენელს.
უკანასკნელთა შორის იქნება დავით დურგლიშვილის საქველმოქმედო ფონდის მიერ მომღერალ მანჩოს “მ-სტუდიაში” იმედის ხელიჩაწერილი მუსიკალური ჰიმნი - “იმედის ხელი”, რომლის ავტორიც მაია მეგრელიშვილია, ტექსტის ნანა ცინცაძე, პროექტში კი, ძველი და ახალი თაობის ვარსკვლავების მიქსია - თემურ წიკლაური, ზურა დოიჯაშვილი, ეკა კვალიაშვილი, ანსამბლი “ქართული ხმები”, მანჩო, ანრი ჯოხაძე, ქეთი გომართელი, თამთა ასათიანი, გია სურამელაშვილი, პაატა თედიაშვილი, თაკო მელიქიშვილი, ანი ხანჩალიანი, კაკი ბოლქვაძე და სხვები.
საბერძნეთში მცხოვრები ქართველი ემიგრანტის ირმა ჯანელიძის დახმარებით და სპონსორობით საქველმოქმედო ფონდის ხელმძღვანელობამ ჰიმნზე კლიპის გადაღებაც მოახერხა ბესო კვარაცხელიას რეჟისორობით, რომლის გადაღებების ერთი ნაწილიც “ევროპის მოედანზე” დღეს შედგა.
ჩვენთან საუბარში ფონდის ხელმძღვანელმა განაცხადა, რომ კლიპის მიზანია საზოგადოებას კიდევ ერთხელ დაანახოს და რაც მთავარია შეახსენოს მძიმე სნეულებებით დაავადებული ახალგაზრდების არსებობის შესახებ, რისთვისაც კლიპის ერთი ნაწილი თბილისის სპეც-კლინიკებში გადაიღეს.
“ვარსკვლავები” აუცილებლად შემოგთავაზებთ კლიპის დასრულებულ ვარიანტს და სრულ აუდიო-ვერსიას. რაც შეეხება გადაღებების პროცესსს, რათქმაუნდა იყო ბევრი ცრემლი, ბევრი მოწყენილი სახეები და სხვანაირად არც შეიძლებოდა იმ ადამიანთა გადაღებისას თავი შეგეკავებინა, რომლებიც მაგალითად ლეიკემიით არიან ავად და მთელი მონდომებით ცდილობენ ებრძოლონ ამ სენს, ებრძოლონ და რაც ყველაზე მთავარია - დაამარცხონ ის.
აღნიშვნის ღირსია, რომ ქართველი მომღერლების უმეტესობას არასოდეს ეშლებოდა ნადვილი (!) საქველმოქმედო პროექტების შეფასება და შესაბამისად მასში უჰონორაროდ მონაწილეობასაც თავის მოვალეობად თვლიდა, რადგან ასე დეფიციტური ადამიანური თანადგომა, ყველაზე მეტად დაავადებულ ახალგაზრდებს სჭირდებათ.

07.09.2010. დათო ხუჯაძე – “სიმპატიჩნი გრუზინი” “ნესიმპატიჩნი” მოსკოვიდან

საქართველოდან შვიდი წლის უკან, “ვარდების” ხელისუფლების მოსვლის შემდეგ, მოსკოვში გადახვეწილი დათო ხუჯაძე შემოქმედებით წვაშია, სულ ცოტახნის უკან მორჩა ახალი კლიპის გადაღებას სტოკჰოლმში, თბილისში ერთი დღით ჩამოსვლაც მოასწრო, მშობლების მონახულებაც, მერე ერევანში გადაფრენაც და ასე “ჩიტო-გვრიტოსავით” დაუბრუნდა თავის სამუშაო სტუდიას.
დათო ხუჯაძე, ქართული პოპულარული ჯგუფ “სახეს” (მანამდე “ფლეშის”) წევრი იყო, რომლის დაშლის შემდეგ მომღერალი პოლიტიკაში აღმოჩნდა და ახალი ხელისუფლების პირველი მოძულის - ასლან აბაშიძის დიდი მონდომებით, პარლამენტის სკამზეც აღმოჩნდა (მართალია სულ რამდენიმე წუთით, მაგრამ მაინც), მისი ჯგუფის ყოფილი წევრებიდან - გოგა ხაჩიძე დღეს მინისტრია, დათო ფორჩხიძე მთავრობასთან დაახლოებული ხელოვანი (!), ძველი ჯგუფის - “ფლეშის” წევრები კი, ისინიც ხელისფლებაში, კულტურის სამინისტროს თანამშრომლები არიან. ასე, რომ ერთადერთი დათო ხუჯაძე აღმოჩნდა რომელმაც საბოლოოდ აირჩია
საკუთარი პოლიტიკა და სიმღერას ბოლომდე მიაწვა (ვაღიაროთ, ეს საქმე ყოველთვის უკეთესად გამოსდიოდა), ამიტომაც დღეს პოპულარული და მაღალანზღაურებადი მომღერალია, ყოველშემთხვევაში მისი ჰონორარის გადახდა საქართველოში ცოტას თუ შეუძლია (ბოლოს ეს, “ეკოს” ბენზინგასამართი სადგურების მფლობელმა, პარლამენტარმა გოდერძი ბუკიამ შეძლო - ხობის საერთაშორისო ფესტივალზე, შარშან), ამიტომაცაა, რომ დათო
ხუჯაძე (სოსო პავლიაშვილისა არ იყოს) აღარ მღერის ქართველებისთვის საქართველოში, სამაგიეროდ მას ყოველთვის დიდი მონდომებით უსმენენ - ერევანში, ალმა-ათაში, მოსკოვში, პეტერბურგში, ნიუ-იორკში და მოკლედ, ყველგან - მინუს თბილისი! დასანანია და როგორც ჩვენი მოძმე რუსები ამბობენ ხოლმე “ა, ჟალ, ჟალ”.

03.09.2010. ეკა კვალიაშვილი ზაფხულში შემოქმედებითადაც დაიწვა

ქართული ესტრადის გამორჩეული სახე, გამორჩეული ხმითა და შესრულების მანერით - ეკა კვალიაშვილი წლევანდელი ზაფხულით კმაყოფილია, როგორც შემოქმედებითად, ასევე პირადად, რადგან აღმოჩნდა, რომ გემრიელად დასვენებაც მოასწრო და პარალელურ რეჟიმში საქართველოს სხვადასხვა კუთხეების კონცერტებით მოვლაც.
- ხალხს მოვნატრებივარო, განაცხადა ჩვენთან საუბარში ეკამ და პაპანაქება სიცხეების დროს ჩატარებული კონცერტები ხალისით გაიხსენა, სადაც სცენაზე ისე ცხელოდა, რომ მომღერალი მაყურებლისგან შლანგით წყალს მოითხოვდა :) თუმცა მათგან აპლოდისმენტების, ყვავილების და სიყვარულის მეტი ვერაფერი მიიღო :) წყლის დეფიციტი კი, ეკამ გრიგოლეთში დასვენების დროს შეივსო, ისიც არა ზღვით, არამედ აუზით. - საერთოდ არ გამიხედავს ზღვისკენ, აუზშიც კომფორტულად ვგრძნობ თავს, თანაც მეგობრებთან ერთად ვიყავი და სრული რელაქსაცია მივიღე.
ეკა კვალაიშვილმა კახა შარტავას რეჟისორობით ახალი კლიპის გადაღებაც მოასწრო სიმღერაზე “მე უშენოდ დღე არ მინდა”, რომლის მინი-პრეზენტაციაც გრიგოლეთშივე, დასასვენებლად მყოფი ჟურნალისტებისთვის მოაწყო, თუმცა ეკა თბილისშიც აპირებს გრანდიოზულ პრეზენტაციას.
ჩვენის მხრივ არ შეგვიძლია, რომ არ ავღნიშნოთ, ქართული ესტრადის ძველი და ახალი თაობის ვარსკვლავები აქტიურად ცდილობენ ახალი სიმღერების, ალბომების ჩაწერას, კლიპების გადაღებას, მაგრამ სამწუხაროდ ერთაგდგილზე ტკეპნის მეტი ჯერ არაფერი გამოსდით, რადგან საქართველოში მათზე ორიენტირებული არცერთი მუსიკალური არხი, არცერთი გაზეთი და არცერთი ჟურნალი აღარ გამოდის, ამიტომაც მხოლოდ რადიო-ეთერით მსმენელისთვის თავის მოწონება ჭირს.

დააწკაპუნეთ ამ წარწერაზე, გადმოწერეთ და მოუსმინეთ ეკა კვალიაშვილის ხმოვან ინტერვიუს.

02.09.2010. “შინმა” შინ შეუბერა

პოპულარულმა ქართულმა, მაგრამ საზღვარგარეთ მოღვაწე ჯგუფმა “შინმა” აჭარაში აგვისტოს ბოლოს კიდევ ერთი ლამაზი კონცერტი ჩაატარა ჟურნალ “ბომონდის” მხარდაჭერით, რომელზეც რედაქციის გადაწყვეტილებით ჯგუფის დისკია მიმაგრებული.
ბათუმის “მიუზიკ ჰოლი” ორი საათის განმავლობაში ხალხით იყო გადაჭედილი და ჯგუფის ქართულ რეპერტუარზე ერთიანად გუგუნებდა, დარბაზიც და სცენიც, ერთი საერთიო იყო, რაც ასე იშვიათია ხოლმე ბოლო წლებში, თუმცა უნდა ვაღიაროთ, რომ მდგომარეობა ამ მხრივ გამოსწორებადია, საწყენი ისაა, რომ მხოლოდ სეზონურად - ზაფხულში.
მაყურებელმა “შინ”-ი ბისზეც იხმო და არც მათ დაუზარიათ, თავპატიჟიც არ გამოუდიათ და ხალისით გავიდნენ სცენაზე, პროლოგისთვის კიდევ ერთი სიმღერა აჩუქეს მსმენელს და საქართველოსაც დროებით დაემშვიდობნენ.
,

01.09.2010. ლექს-სენმა მამობას საქმეც შეუთავსა (ან პირიქით)

პოპულარული ქართველი რეპერი მალავს, მაგრამ ქართული შოუ-ბიზნესის უმოძრაობით დეპრესიაშია, ფაქტიურად საქმე რომელიც მას ყველაზე კარგად გამოსდის და რომელიც ყველაზე კარგად იცის, უშემოსავლოა (ლექსო არაა პირველი ასეთი საქართველოში), მაგრამ მაინც ცდილობს აკეთოს, შექმნას და მსმენელამდე მიიტანოს.
რეპერმა ერთ-ერთ ახალ სიმღერაზე კლიპის გადაღება დაამთავრა, რომელიც ამჟამად მონტაჟის პროცესშია და საპრეზენტაციოდ მზადდება, პარალელურად მზადდება სიდიც, სადაც მისი ყველა სიმღერა იქნება შესული და სავარაუდოდ კლიპის და დისკის პრეზენტაცია ერთად ჩატარდება სექტემბერში.
ყველაფერ ამასთან ერთად, რეპერის ცხოვრებაში ყველაზე საპასუხისმგებლო საქმე - მამობა შემოვიდა. მომღერალმა თავის უკრაინელ მეუღლესთან ერთად მოილაპარა, რომ თუ ბიჭი დაიბადებოდა ლექსო ირჩევდა სახელს, თუ გოგო - ტატიანა. ქვეყანას პატარა ვაჟკაცი მოევლინა და ილია ქავთარაძეც დაიბადა, “ვარსკვლავები” ჯანმრთელობას, სიხარულს და კარგ ქართველკაცობას უსურვებს პატარა ილიას.
საწყენია, რომ წყვილი ერთ შვილზე მეტის გაჩენას აღარ აპირებს, თუმცა გასაკვირი ამაში მაინც არაფერია, გაიხედეთ, ქვეყანას შეხედეთ რა ხდება, გადათვალეთ-გადმოთვალეთ და არავის გაგიკვირდებათ ამის შემდეგ, “გააჩინე-არჩინე”-ს ფენომენი უკვე სასაცილო, რომ აღარაა. როცა ერთი უსარგებლო ხიდის აგებაში 10 მილიონ დოლარს წყალში ყრი (!) და სამშობიაროში ჩვილისთვის საჭირო ერთი უბრალო (!) წამალი “სულფამინი” 820 ლარი ღირს.

31.08.2010. ჯაბა ქარსელაძე – რეჟისორი, მომღერალი, ბიზნესმენი და . . . მჭედელი.

თანამედროვე ქართულ საესტრადო რეალობაში ახალი სიტყვის თქმას ამჯერად “მეგას” მრავლგზის ნომინანტი ახალგაზრდა მომღერალი და ბიზნესმენი (სასურველი სასიძოც) ჯაბა ქარსელაძე ცდილობს, რომელმაც თავის თავს რეჟისორობაც შეუთავსა და საკუთარი კლიპის გადაღებას საკუთრივ შეუდგა, - პრეზენტაცია ოქტომბერში დაგეგმა და ერთი სული აქვს, როდის გავა ეს დრო, რომ საზოგადოებას თავისი ნამუშევარი წარუდგინოს.
ლილიკო ნემსაძის მუსიკაზე, ტექსტი მანანა გურგენიძემ დაწერა (მანანაც “წლის საუკეთესო ტექსტების ავტორის” “მეგას” მფლობელია), რომელიც ამ ერთ ფრაზაში შეიძლება მთლიანად შეიცნოს ადამიანმა - “მოდი ნუ ვიფიქრებთ ბევრს”, ასე ერქმევა ჯაბას ახალ სიმღერას, როემლიც კოტე ნონიკოვის სტუდიაში მონდომებულმა მომღერალმა 20 წუთში, ლამის პირველ დუბლზევე ჩაწერა.
რაც შეეხება კლიპს, მისი რეჟისორი ოფიციალურად ნინო ხატიაშვილია, თუმცა ჯაბა როგორც ვთქვით იმდენადაა გარეული შიდა სამზარელოში, რომ თანარეჟისორობაც შეიძლება მივაწეროთ :).
მჭედლის როლი სპორტული აღნაგობის მომღერალმა კარგად მოირგი, თუმცა ამას მაყურებელი თავად იხილავს მზა კლიპში, რომლის პრეზენტაციის შემდეგ მომღერალი ორი წლით მონაკოს სამეფოში მიდის.

30.08.2010. ყოფილი “ქუჩის ბიჭი” საბოლოოდ სოლოს “აწვება”

ერთდროს პოპულარული ქართული ჯგუფის “ქუჩის ბიჭების” წევრი ზურა ხაჩიძე ოქტომბრის თვისთვის საკუთარი სოლო-ალბომის გამოსაცემად ემზადება, რომელშიც 12 სიმღერა უნდა შევიდეს.
მას შემდეგ, რაც ზურა ხაჩიძე საქართველოს მუსიკალური დაჯილდოების “მეგა-2003”-ის ცერემონიალზე მარტო, ჯგუფის წევრების გარეშე გამოჩნდა წითელ ხალიჩაზე, - ჭორაობენ, რომ ზურას სოლო-კარიერის გაკეთება ურჩევნია, ვიდრე ბიჭებთან ერთად სიმღერის გაგარძელებაო.
ცოტახნის წინ, ამბავი გავრცელდა - საბოლოოდ გადაწყდა “ქუჩის ბიჭების” აღდგენაო, დაპიარდა კიდეც ეს ყველაფერი ტელევიზიით, პრესით, რადიოთი, სახელდებოდა სავარაუდო პერიოდიც – სექტემბერი. ამ მომენტშივე ასპარეზზე გამოვიდა ჯგუფის ყოფილი წევრი პიკასო, ირაკლი ნოზაძე, რომელთან ერთადაც უნდა აღდგენილიყო ჯგუფი, მაგრამ სამწუხაროდ, ჯერ-ჯერობით პირი არ უჩანს ამ იდეას, პიკასო თავის ძმასთან დათო ნოზაძესთან ერთად უძღვება საოჯახო ბიზნესს ბორჯომში (სადაც ძმებს, პატარა კაფე აქვთ გახსნილი),
გურამ ლომიძე კვლავ ჩიკაგოში რჩება, პაატა ხაჩიძე საკუთარ პატარა ბიზნესს ავითარებს, ხოლო თავის დროზე ჯგუფში პიკასოს შემცვლელი პაატა ცეცხლაძე კი, აბსოლუტურად სხვა მიმდინარეოაბშია – გალობს ტაძარში. დარჩა ზურა ხაჩიძე, რომელიც, როგორც უკვე გითხარით სოლო-ალბომის გამოსაშვებად ემზადება ოქტომბერში, პარალელურ რეჟიმში კი, ბათუმში კლიპის გადაღებასაც ფიქრობს.

დააწკაპუნეთ ამ წარწერაზე, გადმოწერეთ და მოუსმინეთ ზურა ხაჩიძის ხმოვან ინტერვიუს.

29.08.2010. ქართველი რეპერი – ღამურა, ასპარეზზე დაბრუნებას აპირებს

ქართული ესტრადის რეპ-მიმდინარეობის ერთ-ერთი ძველი წარმომადგენელი, რეპერი ღამურა, აქტიურ შემოქმედებით ცხოვრებას უბრუნდება და აჭარის კურორტ გონიოში დასვენების პარალელურად, ახალი კლიპის გადაღებისთვისაც ემზადება, რომელზეც აცხადებს, რომ მაქსიმალურად განსხვავებული იქნება და არ დაემსაგვსება უკვე შაბლონურს – შიშველი მოდელი გოგონები, ჩაჩაჩული შარვლები, მანქანები, სექსი. . . ახალი ნამუშევარი დუეტი იქნება ბათუმელ რეპერ “ანარქიასთან” ერთად ჩაწერილი და სიმღერის შინაარსი არც მეტი, არც ნაკლები ქართულ სუფრაზე, ქეიფზე და საერთოდ ამ ფენომენზეა, რაც თავისთავად ახალი ხილია ქართულ რეპ-სამყაროში.
ღამურას საკუთარი ვიდეო-სტუდიაც აქვს და ამიტომ მაქსიმალურად თავისუფალია ამ მხრივ, არ არის დროში შეზღუდული და ცდილობს ევროპული დონის რეპ-კლიპის გადაღებას და დამზადებას, ღამურა აცხადებს, რომ ქართული რეპი საქართველოში უკვე ძალიან დაბალ დონეზეა დაწეული და საჭიროა მისი რეანიმაცია, რაშიც “ვარსკვლავები” მაქსიმალურად მხარს უჭერს ღამურას, რადგან უკვე მოდის დონეზე დაყვანილი “ქართული ფოლკის პოპულარიზაცია” მარაზმში გადავიდა, თითქოს არ არსებობდეს ქართული რეპი, ქართული სოული, ქართული საესტრადო სიმღერა ან სხვა.

28.08.2010. თემურ თათარაშვილი ბაბუა გახდა

საქართველოდან სკანდალურად, დროებით (იმედია) გადახვეწილი ქართველი ვარსკვლავი თემურ თათარაშვილი, რამდენიმე დღის უკან ბაბუა გახდა. მომღერლის ქალიშვილმა მარიამმა, ჩაჩავას სახელობის კლინიკაში იმშობიარა და 3.200 წონის და 49 სმ. სანტიმეტრის პატარა ეკატერინე გააჩინა ექიმ ზურა დარახველიძის ზედამხედველობის ქვეშ. დედა და პატარა თავს კარგად გრძნობენ.
თემურ თათარაშვილს პატარა ეკატერინეს (კატოს) სურათები ოჯახის წევრებმა მოსკოვში ინტერნეტის დახმარებით გადაუგზავნეს, მომღერალი გახარებულია ამ ფაქტით და აცხადებს, რომ ყველანაირად ეცდება შვილიშვილის სანახავად მალე დაბრუნდეს საქართველოში, თუმცა არც მომღერალმა და არც მისი ოჯახის წევრებმა არ იციან, როდის შეძლებს ამას თემური, რადგან დაპატიმრების და შემდეგ განთავისუფლების შემდეგ, იგი თბილისს მოსკოვში გაერიდა, რის გამოც რამდენჯერმე ისიც მოღალატე ქართველთა სიაში შეიყვანეს.

27.08.2010. ჯემალ სეფიაშვილი თავს ჯანმრთელად გრძნობს

ლეგენდარული ქართველი კომპოზიტორი და დიდი მუსიკოსი, ჯემალ სეფიაშვილი ერთი კვირის წინ გამოწერეს კარდიოლოგიური კლინიკიდან, სადაც, ის გულზე ქირურგიული ოპერაციის - შუნტირების გამო მოხვდა. 10 დღის უკან გულის მწვავე შეტევის გამო კომპოზიტორი სასწრაფო დახმარების მანქანით გადაიყვანეს გულიკო ჩაფიძის კლინიკაში, სადაც ამ უკანსკნელის უშუალო ზედამხედველობის ქვეშ ჩაუტარდა გამოკვლევები, რის შემდეგაც მოათავსეს კარდიოლოგიურ კლინიკა “ღია გულში”, სადაც საბოლოო გამოჯანმრთელებამდე დარჩება.
ბ-ნი ჯემალი ამჯერად თავს კარგად გრძნობს და სახლში გაწერისთვის ემზადება, თუმცა მანამდე პალატაში ჯემალ სეფიაშვილს საქართველოს კათოლიკოს-პატრიარქი, უწმინდესი და უნეტარესი, ილია მეორე ესტუმრა, რომელმაც მოინახულა ავადმყოფი და დალოცა იგი.
წინა კვირას “ასავალ დასავალში” გამოწვეყნებულ ინტერვიუში ჟურნალისტმა გიორგი მამაცაშვილმა საუბრის ბოლოს, ლეგენდარული ქართველი კომპოზიტორისთვის სიცოცხლეშივე ვარსკვლავის გახსნაზე ისაუბრა
(რათქმაუნდა ფილარმონიის დიდი საკონცერტო დარბაზის წინ), რაშიც, ჩვენი ჟურნალის რედაქცია მთლიანად ეთანხმება, ისე როგორც მაქსიმალურად მოუწოდებს დათო ოქიტაშვილის სამსახურს (რომელსაც ვარსკვლავის გახნის პროცედურები აბარია) სიკვდილის მერე მაინც გაუხსნას ვარსკვლავი სიცილის დედოფალს - ახლახანს გარდაცვლილ მზია კვირიაკშვილს. მერე რა, რომ ისინი ოპოზიციურად განწყობილი ხელოვანები არიან და არა, ამჟამინდელი ხელისუფლების მაქებარნი? ისინი ხალხს უყვართ – ეს, კი მთავარია!

დააწკაპუნეთ ამ წარწერაზე, გადმოწერეთ და მოუსმინეთ ჯემალ სეფიაშვილის ჯერ-ჯერობით ბოლო, ხმოვან ინტერვიუს.

26.08.2010. მოსკოველი ქართველის სოლო, - ბათუმში

ბათუმის სასტუმრო “შერატონში” მოსკოვიდან საქართველოში დროებით დაბრუნებული მომღერალი - უმშვენიერესი ქალბატონი, დიანა ლაბაძე სოლო-კონცერტით წარსდგა ელიტარული მაყურებლის წინაშე, სადაც ჯაზის და რუსული სიმღერების გარდა ორი ახალი სიმღერის პრეზენტაციაც მოაწყო - ერთი, მერაბ სეფაშვილთან (რუსა მორჩილაძის სიმღერაზე შექმნილი) და მეორე ზურა ხაჩიძესთან ჩაწერილი დუეტი. ავთო ცქვიტინიძის კაბაში გამოწყობილი ლამაზი ქალბატონი მონდომებით უმღეროდა დამსწრე საზოგადოებას და თავს არ იშურებდა თავისი პროფესიონალიზმის გამოსავლენად, რაც გამოუვიდა კიდეც, ამაზე დამსწრეთა აპლოდისმენტები და დიანასადმი კეთილგანწყობა საუბრობდა.
თამაზ ნიკოლაიშვილი ამ საღამოს ორგანიზატორი იყო, თუმცა ჟურნალისტებთან საუბარში მან განაცხადა, რომ მდიდრული სოლო-კონცერტი დიანას მშობლებმა დააფინანსეს. ბათუმელი პედაგოგის გადაწყვეტილებით და მშობლების დახმარებით მომღერალმა ლამაზი კონცერტი აჩუქა ქართველ მსმენელს. დიანა სექტემბრის თვეში მოსკოვს უბრუნდება, თუმცა მესიჯად ტოვებს ამბავს იმის შესახებ, რომ კვლავ დაბრუნდება და მსმენელთა უფრო ფართო წრისთვის კვლავ ჩაატარებს კონცერტს.

25.08.2010. კრის დე ბურგი, სოფო ნიჟარაძე - ყელში ამოსული “ლედი წითლებში”

ბოლო დროს საჭიროზე მეტად დაპიარებული ბათუმური სილამაზე (რომლის კმაყოფილი ჯერ ვერავინ ვნახეთ, რადგან ერთჯერადობის პრინციპზე აგებული, საშინელი მომსახურეობის უძვირესი კურორტია), მუსიკალური კუთხითაც გახდა საინტერესო და დღე არ გავა, რომ სეზონზე გადატენილ (!) კურორტზე რაიმე სახის კონცერტი არ ჩატარდეს, რომელთა შორის გამორჩეული იყო ლეგენდარული კრის დე ბურგის ბათუმური ვოიაჟი (თუმცა მასზე გაცილებით ლეგენდარულები გვინახავს ქართველებს), რომელმაც “ევროვიზიის” კონკურსანტ ულამაზეს ქართველ სოფო ნიჟარაძესთან ერთად, ულამაზესი დუეტი შეასრულა ბათუმის სტუმრებისთვის, წითელ კაბაში გამოწყობილი სექსუალური ქალბატონი კიდევ უფრო მომხიბვლელი ჩანდა “ბებერი ლეგენდის” გვერდით, - ქართულმა ტელე-კომპანიებმაც კლიპად აქციეს ეს სიმღერა და დღეში – ბევრჯერ (!) ტრიალით უკვე თვალში მაზოლები ამოუყვანეს საინტერესო სატელევიზიო ეთერს მონატრებულ ქართველებს.
გამაღიზიანებელი გახდა ყოველ საღამოს ძილისპირულივით ყველა (!) ეთერიდან “ლედი წითლებში” მოსმენა, უკიდურეს შემთხვევაში კი, გამარჯვებული საქართველოს სპეც-ჰიმნების – სურგულაძე, ნიჟარაძე (!), უშიკიშვილის მონატრებული აფხაზეთი, სამშობლოს სადარაჯოზე დგომის მოწოდება, - ეს რიტორიკა ყელში გვაქვს უკვე ამოსული კაი ხანია, ორი წლის უკანაც ამ რიტორიკით დავიწყეთ და 08.08.08-ით დავამთავრეთ, წინ კი, 7 სექტემბერია – “ტელე-იმედის” პირდაპირ და არა-მოდელირებულ ეთერში, ექსტრასენს თემურ ხიბლიანის დაანონსებული ახალი ომის, ახალი საშიშროების დაწყების თარიღი.

24.08.2010. სოსო პავლიაშვილი მალე მამათილი გახდება

საქართველოდან კარგახნის წინ გადახვეწილი, მაგრამ ყოველთვის საქართველოზე უზომოდ შეყვარებული (თუმცა აქ, მავანთაგან ერის მოღალატედ შერაცხული) სოსო პავლიაშვილი, მალე მამათილის წოდებას მოირგებს, როგორც ჩანს მას უკვე აღარ შესწევს ძალა თავისი პირველი შვილის (ქართული ქორწინებიდან) ლევანის გატაცებებს ხელი შეუშალოს, რადგან ჩანს ამჯერად საქმე სერიოზულადაა.
ლევანი მამასავით მექალთანე “გრუზინი” აღმოჩნდა და ამით შეწუხებულ სოსოს უკვე სერიოზულად მოუსმენია მისი გადაწყვეტილებისთვის, რომ ის და პოპულარული ჯგუფ “სლივკის” ყოფილი სოლისტი კარინა უნდა დაქორწინდნენ.
23 წლის ლევან პავლიაშვილი მოსკოვის სუვოროვის სამხედრო სასწავლებლის კურსდამთვარებულია და სრული სამხედრო განათლება აქვს მიღებული (რომელსაც იმედია თავისი მამის შვილი, ადრე თუ გვიან მაინც საქართველოს მოახმარს), თუმცა კარგად გვახსოვს 2000 წელს “მეგას” დაჯილდოების ცერემონიალზე, როცა მან მამამისის კუთვნილი “მეგას” სტატუეტკა მიიღო (სოსოს აზერბაიჯანში გასტროლების გამო) სცენაზე მაშინ პატარა ლევანიმ განაცხადა, რომ თავადაც ძალიან უყვარდა სიმღერა და უნდოდა მომღერალი გამოსულიყო. ჩანს მალე ქართველების საყვარელი ჯგუფის “სლივკის” ყოფილი წევრი ქართველების რძალი გახდება.
,

22.08.2010. ნინო ქათამაძის მორიგი ანშლაგი ბათუმში

პოპულარული ქართველი ვარსკვლავი, რომელიც კარგახანია თავისი მუსიკის წყალობით მინიმუმ რუსეთის ვარსკვლავიცაა და მისი სოლო-კონცერტების ჰონორარი ნორმალურ ქვეყნებში (!) 50.000 ევროსაც კი აღწევს, საზღვაო სეზონზე მოძმე (!) კავკასიელებით სავსე აჭარას ესტუმრა.
საქართველოს მუსიკალური დაჯილდოების “მეგას” მრავალგზის ნომინანტმა ამჯერად სოლო-კონცერტი კლუბ “ბამბა-რუმსში” ჩაატარა და როგორც ყოველთვის, ამჯერადაც დაუგეგმავად, მაგრამ ძალიან ლამაზად, საკუთარი შესრულების მანერით და რაც მთვარია გულით შეასრულა ყველა ძველი და ახალი სიმღერა..
მუსიკოსი კმაყოფილი იყო მონატრებული მსმენელით და ორგანიზატორებითაც, რომელიც ამჯერად კლუბ “ბამბა-რუმსის” ხელმძღვანელობამ შეითავსა, ამ კლუბის მენეჯმენტს საერთოდ არ დასტყობია, რომ მათი დამფუძნებელი გენო მალაზონია, სახელმწიფოსათვის განსაკუთრებულად დიდი ოდენობის თანხის მოპარვისთვის დააპატიმრეს 2 თვის უკან, რომელსაც მხოლოდ თავისი, სიამოვნებისთვის გაუხსნია თბილისში “ბამბა-რუმსი” (სეზონზე კი, ისინი აჭარაში გადაბარგდნენ).
ნინო ქათამაძე პარალელურად უკვე მეოთხე ალბომზე მუშაობს, რომლის სახელია “წითელი”, მანამდე მას უკვე გამოშვებული აქვს “შავი”, “თეთრი” და “ცისფერი”, ამჯერად კი ალბათ “ემ ენდ ემსის” ფერებია ასათვისებელი და მუსიკოსმაც “წითელით” დაიწყო :). მომღერალი 21 აგვისტოდან უკვე ბერლინშია და სტუდიაში მუშაობას განაგრძობს.

14.08.2010. ქეთი ორჯონიკიძეს სიმღერა მიუძღვნეს

პოპულარულ, ახალგაზრდა, ექსტრავაგანტულ ქართველ მომღერალს ქეთი ორჯონიკიძეს ყოფილმა შეყვარებულმა, ასევე მომღერალმა ბექა ბროლაძემ სიმღერა მიუძღვნა, - “მომეცი შანსი” ასე ქვია ბექას სასიყვარულო აუდიო-წერილს, რომელიც მას ქეთისთან დაკავაშირებულ გრძნობებს ახსენებს.
შეგახსენებთ, რომ ახალგაზრდა მომღერლები პროექტ “ვარსკვლავების აკადემიის” მონაწილეები, ქეთი კი ფინალისტიც იყო, ორივეს თავისი განსაკუთრებული საშემსრულებლო სტილი აქვს, ქეთი როკის მიმდევარი და აქტიური შემსრულებელია, ბექა კი სასეტრადო, პოპ მიმდინარეობის, თუმცა თავისი საქმე ორივეს ასაკთან შედარებით კარგად გამოსდის.
ბექამ სიმღერა “პი არტ სტუდიაში” ჩაწერა და კლიპი ბესო კვარაცხელიას რეჟისურით გადაიღო, რომელიც კლუბ “პრემიერ პალასში” დაუპრეზენტაციებიათ.
საინტერესოა, რა გავლენას მოახდეს ქეთის გულზე ბექას ეს რომანტიული ნაბიჯი და მისცემს თუ არა კიდევ ერთ შანსს ახალგაზრდა მომღერალი, ძველ შეყვარებულს, - სამწუხაროდ ჯერ თქვენ არც სიმღერა მოგისმენიათ და არც კლიპი გინახავთ, ამიტომ ვერ გავიგებთ რამდენად გულისამაყუჩებელი ნამუშევარია, ჩვენს საიტზე ნახავთ და თქვენც გაგვიზიარეთ აზრი თანამედროვე რომეოზე :)

07.08.2010. ყოფილი “ენსელი” ნათია ნებიერიძე ქართულ შოუ-ბიზნესში დაბრუნებას აპირებს

იყო პერიოდი ქართული შოუ-ბიზნესი გოგონათა ჯგუფების სერიოზულ დეფიციტს განიცდიდა და არც ახლაა ამ მხრივ გალაღებული სიტუაცია. ერთი ხელის თითებზე ჩამოსათვლელი გოგონათა ჯგუფებიდან “ენსი” იყო თანამედროვე საესტრადო მიმდნარეობის, პოპულარული ტრიო, მაგრამ მერე როგორც ყველაფერი, ეს ჯგუფიც დაიშალა, გოგონები გათხოვდნენ, ყველამ თავის გზა მონახა და თანამედროვე ესტრადას ჩამოშორდა.
ნათია ნებიერიძე წარმატებული მოდელიც იყო და მომღერალიც, 2 წლის უკან ბედი სამსახიობო კარიერაში უნდა ეცადა და თან ინდოეთში, სადაც ის იქაურ პოპულარულ მსახიობს კატარინა კაიფის მიამსგავსეს, მაგრამ რუსეთ-საქართველოს ომის გამო ეს პროექტიც ჩაიშალა, რითაც ყველაზე გახარებული მაინც ნათიას წყალბურთელი მეუღლე დათო რამინიშვილი დარჩა, - ახლა ხომ გამორიცხულია ნათიას იქ წასვლა, მაგრამ მე მაშინაც არ მინდოდა. მათი ჯგუფის სიმღერები არასოდეს მომწონდა, ახლა უკვე მე ჩავერევი ნათიას მუსიკალურ კარიერაში და ვინაიდან მელომანი ვარ და მესმის ეს დარგი, ვფიქრობ რომ სექტემბრიდან ნათიამ წარმატებული ნაბიჯები უნდა გადადგას ამ მხრივ. არც პოდიუმზე გამოსვლას დავუშლი თუ სერიოზული ჩვენება იქნება, - აცხადებს იგი.
ნათია ნებიერიძე უკვე მეცადინეობს ვოკალის პედაგოგ რუსიკო ბახტაძესთან, რამდენიმე სიმღერაც შერჩეული აქვს ჩასაწერად და სავარაუდოდ მიძინებულ ქართულ ესტრადას - ძველი ვარსკვლავი კვლავ დაუბრუნდება.
.

04.08.2010. დათო გომართელმა “ქართული ეთნო კოდი” გააჯაზა

პოპულარულმა მომღერალმა და ქართულ შოუ-ბიზნესში ყველაზე “რემიქსოლოგმა” დათო გომართელმა თბილისში ჩარჩენილ მელომანებს ფილარმონიის დიდი საკონცერტო დარბაზის ფოიეში (რომელსაც “ივენთ ჰოლი” უწოდეს) კონცერტი ჩაატარა და უცნაური სახელი “ქართული ეთნო კოდი” უწოდა, ცოცხალი ბენდიც ამოიყენა უკან მერაბ სანოძის, ნოდარ ექვთიმიშვილის, პაატა ანდრიაძის, ლევან კემულარიას, დათო მალაზონიას და გია სალაღიშვილის სახით და მაგრადაც გააჯაზა, მაგრამ არა მთლად ჯაზით :) უბრალოდ, თავისებურად, დათოგომართულად.
- ეთნო-ჯაზი ამოუწურავი თემა და მიმდინარეობაა, თანაც ისეთი ქვეყნისთვის როგორიც საქართველოა ფოლკლორი მითუმეტეს ამოუწურავია. - ამბობს გომართელი
დათო გომართელმა ექვსი ახალი და ექვსი ძველი სიმღერა შეასრულა და მაყურებელიც ასიამოვნა, თვითონაც ისიამოვნა და უახლოესი მომავალი აჭარაში გაკრეფილ მუსიკოსებს დაუთმო ასპარეზად.
,

03.08.2010. სოფო ნიჟარაძე საქართველოს კულტურის მინისტრი?

ინფორმაცია მას შემდეგ გახდა აქტუალური, რაც საქართველოს პრეზიდენტმა, ახალგაზრდა, მშვენიერ ქალბატონს ხათუნა კალმახელიძეს სასჯელაღსრულების სისტემა ჩააბარა, ხოლო ეკონომიკის სამინისტრო კი ასევე მშვენიერ, სექსუალურ 28 წლის გოგონას - ვერა ქობალიას, მის ასევე მშვენიერ დას ნანას კი, აჭარის ტურიზმის დეპარტამენტი. სწორედ ამის შემდეგ აჭორავდნენ სოფო ნიჟარაძის შესაძლო კულტურის მინისტრობაზეც, თუმცა მომღერალი ჟურნალისტებთან საუბარში კატეგორიულად უარყოფს ყველაფერს და აცხადებს, - რომც შემომთავაზონ არ დავთანხმდები, მაგის არც გამოცდილება მაქვს, არც ასაკი და არც პროფესიონალიზმიო. აფერუმ სოფიო, ძლივს ერთი წესიერად ვიღაცამ ინამუსა.
“ვარსკვლავების” ჟურნალისტებმა სოფო ნიჟარაძის ამჟამინდელი სამსახურის შესახებაც შეიტყვეს (რაც საჯარო ინფორმაციაა ისედაც), მომღერალი თურმე (!) საქართველოს საგარეო სამინისტროს კულტურის განყოფილებაში ყოფილა, მაგრამ ამ გოგონასნაირი განათლებით ცოტა თუ დაიკვეხნის გინდაც აღმასრულებელ, გინდაც საკანონმდებლო ორგანოში.
არცისე შორეულ წარსულში პრეზიდენტმა ერთ-ერთ სამთავრობო სხდომაზე განაცხადა - ქალები, მეტი ქალები გვინდა მთავრობაშიო! გვინდა? გვინდა კიარა - გვჭირდება?
,

31.07.2010. აღფრთოვანებული მარიკა კვალიაშვილი და “ქობულეთი 2010”-ის დიდი წარმატება

“ვარსკვლავები” დროებითი შესვენების შემდეგ კვლავ წარმოგიდგენთ ექსკლუზიურ ახალ ამბებს, ქართულ კულტურაში მიმდინარე მოვლენებს, ფაქტებს, ანალიზს, მასალებს რომელმაც ჩვენი ყურადღება სხვადასხვა გარემოებათა გამო მიიპყრო.
ამჯერად “ქობულეთობა 2010”-ის შესახებ უნდა გიამბოთ, საერთაშორისო სტატუსის ფესტივალი რომლის წარმომადგენლობითი ჟიურიც წელს განსაკუთრებულად აღფრთოვანებული დარჩა, მონაწილე ქორეოგრაფიული და ვოკალური ჯგუფების პროფესიონალიზმით და მომზადების დონით.
მარიკა კვალიაშვილი: - რამდენიმე წელიწადია ბატონი რატის მოწვევით (ფესტივალის ორგანიზატორი რატი მეგრელიძე) ჟიურის წევრი ვარ და აღფრთოვანებულმა მინდა გითხრათ, რომ ყოველ წელიწადს მეტად მოტივირებული, მეტად მომზადებული, მეტად პროფესიონალი ბავშვები მხვდებიან, რამდენიმე გამოსვლას ფეხზე ამდგარი, ტაშითაც მივესალმე და დაუფარავად გამოვხატე ჩემი სიმპათიები. მიხარია, რომ ქართული სული არ ჩამკვდარა და რეალურად არც ქართულ ფოლკლორს, სიმღერას და ცეკვას გადაშენება არასოდეს არ უწერია, რადგან ასეთი თაობა მოდის!
ფესტივალში თითქმის მთელი საქართველოდან მონაწილეობდნენ კოლექტივები, მეზობელი სასომხეთიდანაც იყვნენ სტუმრები, რომლებმაც ძალები არ დაიშურეს და მაყურებელი სრულფასოვნებით მოხიბლეს.
რატი მეგრელიძე: - მე კმაყოფილი ვარ იმით, რომ კოლექტივები არიან კმაყოფილები, ერთ რამეში ვრწმუნდები ყოველ წელიწადს, რომ აუცილებელია მსგავსი სახის ფესტივალები, რომელსაც გარდა იმისა, რომ აკისრია წვლილი ხელოვნების განვითარებისა, სხვა მხრივაც დიდი მისია აქვს, ფესტივალი ერთმანეთთან აახლოებს მოზარდებს, რომლებსაც რეალურად ამ ქვეყანაში მომავალი ეკუთვნით!
ფესტივალის 10 დღიანი მსვლელობის მანძილზე არცერთი დღე ჩავარდნილი არ ყოფილა, არ იგრძნობოდა დაღლა, არავის ეტყობოდა რომ სადმე ეჩქარებოდა და სცენაზე გამოსვლა აღარ უნდოდა, არც წამყვანებს დაუკლიათ ცდა და ირაკლი შაქარაშვილი და რუსო გიორგაძე დაუღალავად ემსახურებოდნენ საინტერესო საკონცერტო საღამოებს.
“ვარსკვლავები” მაქსიმალურად მხარს უჭერს ქართული ხელოვნების, ფოკლორის განვითარების ყველა მცდელობას, ყველა ფესტივალს და კიდევ ერთხელ აფიქისირებს თავის სიმპათიებს ამ მიმდინარეობისადმი. ბატონ რატი მეგრელიძეს და კომპანია “შავი ზღვის სამყაროს” კი მადლობას ვუხდით მასპინძლობისთვის და ვპირდებით, რომ მომავალ წელსაც აქტიურად ამოვუდგებით მხარში, მსოფლიომ უნდა იცოდეს, რომ საქართველოში ქართული სული არასოდეს მოკვდება.
,

27.07.2010. საქართველოს სიცილის დედოფალს, საქართველო ტირილით აცილებს

მიუხედავად იმისა, რომ საზაფხულო არდადეგები გვაქვს გამოცხადებული, არ შემეძლო გამოსამშვიდობებელი წერილი არ დამეწერა, ვალი არ მომეხადა, მაგრამ ვის წინაშე? რისი ვალი, რა ვალი? ეს ადამიანი მე ამ წუთსაც ცოცხალი მგონია, მგონია, რომ ისევ ავკრეფ მისი მობილურის ნომერს და ვეტყვი – მზია აი, დღეს ისევ ვერ მოვედი რა შენთან, ვეღარ მოგინახულე , დღესაც ხომ მაპატიებ? - აწი აღარ დამჭირდება აღარც დარეკვა, აღარც მობოდიშება და აღარც პატიების თხოვნა, რადგან მე ჯანმრთელი, ენერგიული და სიცოცხლით სავსე ვნახე ბოლოს. . . ბოლოს? ვეღარ ვნახავ?
დღეს ახლობელმა დამირეკა და შემომაპარა - როგორ დამენანა, რა კარგი ქალი იყოო, - გამიკვირდა, ვისზე ამბობ-თქო, - მზია კვირიკაშვილი გარდაიცვალა ბესოო და. . .
ბევრი წლის წინ გავიცანი, ჩევნ-ჩვენმა პროფესიამ შეგვახვედრა ერთმანეთს, ძალიან იშვიათად ვუმეგობრდები რესპოდენტებს – მზიას კი, - მეგონა ამ ქალს წლებია ვიცნობ-თქო, რამდენადაც ღიმილიანი იყო ხალხისთვის, იმდენად სევდიანი იყო ახლობლებისთვის, ბევრი სადარდებელი ქონდა, მისი გულისთქმაც ვიცოდი, მისი საიდუმლოებებიც, - ხომ გეუბნებით ასე მეგონა სულ ვიცნობდი-თქო.
საქართველოს მუსიკალური დაჯილდოების “მეგას” ცერემონიალზე რამდენიმე წლის წინ “ხალხის საყვარელი მსახიობის” “მეგას” ტიტული მივანიჭეთ, იცით რა გახარებული იყო? იცით რა ბავშვივით იქცეოდა? ძალიან კარგად იცოდა, რომ ყველაზე დიდი სიხარული ხალხის ტაში იყო, მაგრამ. . . სიცოცხლეში მეტი დაფასება და მეტი ტიტული გგონიათ ვინმეს ვნებს?
მერე, ამერიკაში წავიდა, წასვლისას ვნახე - არ მინდა ბესო წასვლა, მაგრამ რა ვქნა, მიწევსო, - მერე ისევ მოუწია საქართველოში დაბრუნება, აწი უკვე სამუდამოდ. . . გარდაიცვალა! კი, გარდაიცვალა - არ მომკვდარა!
იცით, რაღაც მინდოდა მეთქვა - მზია კვირიკაშვილის ვარსკვლავი უნდა გავხსნათ (!) ფილარმონიის წინ, იქ სადაც მას ხალხის (!) ტაში უხანგრძლივებდა სიცოცხლეს, იმ სიცოცხლეს, რომელშიც ჩვენ ყველა ერთად ვცხოვრობდით!
მაპატიე მზია (ქალბატონო არ დამიძახო თორემ მეწყინებაო, ხომ გამაფრთხილე? – არც გეძახი) ჰო, მაპატიე, რომ - ბოლოს ვეღარ გნახე საწოლზე მიჯაჭვული, მე ის, სიცოცხლით სავსე, ენერგიული და მუდამ მომღიმარი მზია დამამახსოვრდები.
(ამ წერილისთვის სურათს ვეძებდი – იცით მზიას რამდენი ფოტოები მაქვს? უამრავზე უამრავი, მერე ინტერნეტის ქსელს გადავხედე და თითქმის ყველა ინფორმაციაში მზიას გარდაცვალებას, რომ იტყობინება, აი ეს ფოტო დევს რაც აქ, ახლა - მე გადავუღე წლების წინ ბათუმში, ვსადილობდით ღია ცის ქვეშ, ზღვასთან ახლოს, ძალიან მოსწონდა ეს სურათი მზიას და რადგან ყველა საიტმა ჩემი გადაღებული ეს ფოტო დაურთო მასალას, მოდი მეც ამ სურათს დავურთავ - შავი არშიით, ცრემლებით გავაცილოთ ახალ სიცოცხლეში სიცილის დედოფალი). - - - - - ბესო ჩუბინიძე (ჟურნალისტი)

რატი მეგრელიძე

27.06.2010. რატი მეგრელიძე: - ჩვენ ქართულ საქმეს ვემსახურებით (ქობულეთობა-2010 - ფოლკლორის საერთაშორისო ფესტივალი)

ქობულეთი უკვე მეოთხედ, 2010 წლის 28 ივნისიდან 7 ივლისამდე უმასპინძლებს სიმღერისა და ცეკვის, ფოლკლორის საერთაშორისო ფესტივალი "ქობულეთობა-2010"-ს, რომლის ორგანიზატორი ტურისტული კომპანია `შავი ზღვის სამყარო~ და მისი პრეზიდენტი რატი მეგრელიძე არიან. `ვარსკვლავები~ დაუკავშირდა ბ-ონ რატის და მასთან ექსკლუზიურ ინტერვიუში ბევრი საინტერესო დეტალი გაარკვია, როგორც რესპოდენტმა განაცხადა ფესტივალი გარდა იმისა, რომ ქართული ფოკლორის პოპულარიზაციას უწყობს ხელს, უდაოდ დიდ როლს თამაშობს სხვადასხვა ეროვნების ბავშვთა დამეგობრებასა და ახლოს გაცნობაში, როგორც უკვე ცნობილია `ქობულეთობა 2010~-ზე აზერბაიჯანის, სასომხეთის და თურქეთის წარმომადგენლები უკვე მიიღებენ მონაწილეობას და მნიშვნელოვანია, რომ ეს ხელს შეუწყობს რეგიონში ახალი თაობის დამეგობრებას და ერთმანეთთან ინტეგრაციას. გთავაზობთ ბ-ონ რატი მეგრელიძესთან რადიო-ინტერვიუს სტენოგრამას, რომელიც მან ჩვენს გადაცემას და ჩვენს ჟურნალისტს მისცა. (დააწკაპუნეთ წარწერაზე და გადადით ინტერვიუების განყოფილებაში)

26.06.2010. ზურა ხაჩიძემ მარტოობა არჩია

ცოტახნის წინ, პრესაში ადრე პოპულარული ჯგუფის - “ქუჩის ბიჭების” აღდგენაზე საუბარი აქტიურად დაიწყო, ისინი პერიოდულად, ერთმანეთის მიყოლებით გამოჩნდნენ რამდენიმე სატელევიზო შოუში, აქტიურად დაიწყეს ფიქრიც და სპონსორის ძებნაც რათა დაშლილი “ქუჩის ბიჭების’ აღდგენა სექტემბრისთვის რეალობა ყოფილიყო, მაგრამ ჯერ-ჯერობით ყველაფერი მაინც ადგილზე მიწის ტკეპნას გავს.
თუმცა, ზურა ხაჩიძე დროს ტყუილად არ კარგავს და აქტიურად მუშაობს სოლო-ალბომის გამოშვებაზე, როგორც ჩანს მომღერალმა საბოლოოდ გადაწყვიტა, რომ პოლიტიკა მისი საქმე არაა და სჯობს ისევ იმას მიხედოს რაც ყველაზე კარგად გამოსდის - მუსიკას და სიმღერას.
ზურა ხაჩიძე თავად წერს ალბომის მუსიკასაც და ტექსტსაც, რაც ნოვაცია იქნება მისი მხრიდან. ალბომის გამოცემა სექტემბრის თვეშია დაგეგმილი და მისი პრეზენტაციის ადგილიც გადაწყვეტილია, თბილისის ერთ-ერთი პოპულარული ბარი - “სპორტ-კაფე”.
2010 წლის დეკემბერში კი, საქართველოში ჯგუფის ერთ-ერთი აქტიური წევრი, გურამ ლომიძე ბრუნდება, რის შემდეგაც განახლდება ფიქრი და მუშაობა “ქუჩის ბიჭების” საბოლოო აღდგენაზე.

24.06.2010. მაია ბარათაშვილი 1-ლი არხის თანამშრომელი გახდა

პოპულარული ქართველი მუსიკოსი, ჯაზმენი მაია ბარათაშვილი ცოტა ხნის წინ საქართველოს საზოგადოებრივი არხის (1-ლი არხის) საერთაშორისო სამსახურის უფროსი გახდა, თუმცა უცნობია რა კრიტერიუმებით შეარჩია ნიჭიერი მომღერალი საზოგადოებრივმა არხმა ამ თანამდებობაზე, ითამაშა თუ არა პოზიტიური როლი ქვეყნის პრეზიდენტის ერთგულებამ, ქვეყნის ხალხის არხზე (!) მნიშვნელოვანი თანამდებობის მიღებაში ჩვენთვის უცნობია, მაგრამ ვვარაუდობთ, რომ - კი! რადგან როგორც წესი, მაღალ თანამდებობებზე სამსახურის პოვნაში ეს მნიშვნელოვანი ფაქტორია - ერთგულება ქვეყნისა და პრეზიდენტისადმი.
ოსლოში საქართველოს პირველი (!) დამოუკიდებლობის დღეს 26 მაისს (საქართველოს რეალური დამოუკიდებლობის გამოცხადების დღე - 9 აპრილია) მაია ბარათაშვილმა სოფო ნიჟარაძესთან და “ერისიონთან” ერთად ოპერის თეატრში ლამაზი კონცერტი ჩაატარა, პუბლიკაც კმაყოფილი დარჩა და თავად მომღერალიც.

22.06.2010. ლიკა ყაზბეგის “პატარძალი 2010”, ერთი გასროლით დაჭერილი ორი კურდღელი

30 ივნიის კუს-ტბის ტერიტორიაზე ლიკა ყაზბეგი თავის ახალ ჩვენებას მოაწყობს, მხოლოდ იმ განსხვავებით, რომ ამჯერად სცენაზე და პოდიუმზე არა პროფესიონალი მოდელები, არამედ უბრალოდ - ლამაზი და თავის საქმეში წარმატებული ქალბატონები გამოვლენ, კიდევ ერთი განსხვავებით - ყველანი საპატარძლო კაბებში იქნებიან გამოწყობილნი, მიუხედავად იმისა, რომ 30 მონაწილიდან ზოგიერთი გათხოვილი და ოჯახის დიასახლისიცაა, ზოგიერთი უკვე გათხოვილ-გამოთხოვილიცაა, ზოგიერთი გასათხოვარიც, მოკლედ ამ მხრივ ცენზურა არ არსებობს - მთავარია საპატარძლო კაბა ლამაზად წარადგინო საზოგადოების წინაშე დახურული ტიპის საღამოზე. საპატარძლო კაბებში ფოტო-სესიები “მარიონელას “მაღაზიაში უკვე შედგა.
არის ერთი ლამაზი ნიუანსიც, ჩვენების შემდეგ პირდაპირ პოდიუმზე მოაწერენ ხელს ახლადშეუღლებული მსახიობები მიშა მესხი და ია სუხიტაშვილი, ქორწილიც იქვე გაიმართება.
ლიკა ყაზბეგი: - წელს იას და მიშას ქორწილით დამთავრდება “მარიონელას” საპატარძლო კაბების ჩვენება, მომავალ წელს სხვა წყვილს მოვიწვევთ და ასე ტრადიციულად ყოველ წელიწადს.
ამჯერად ჩვენებაში სხვებთან ერთად მონაწილეობას ღებულობენ თამთა ჭელიძე, ვერიკო ტურაშვილი, ნინო ძოწენიძე, თაკო ცქვიტინიძე, ნუკი კოლელიშვილი. ლიკა ყაზბეგი: - ჩვენების შემდეგ იქნება საქორწინო ტორტი, ალაფურშეტი, ფეირვერკი და ვფიქრობ, რომ ერთი ლამაზი თბილისური საღამო ყველას დადებითად დაამახსოვრდება.

მანჩო

რადიო "საქართველოს ხმის" პირდაპირ ეთერში, 15 ივნისს - 17:00 საათიდან ჟურნალისტ ბესიკ ჩუბინიძის საავტორო გადაცემაში "პირისპირ" მორიგი ექსკლუზიური სტუმარი, - ქართული ესტრადის ახალგაზრდა მომღერალი, პოპულარული ავტორ-შემსრულებელი ("ჯეოზუმერების" მრავალი წლის ლიდერი) მომღერალი მანჩო იყო. ნაბიჯ-ნაბიჯ მოპოვებული წარმატება, ფრთხილი და გამოზომილი ნაბიჯები ქართული ესტრადის ვარსკვლაბობისკენ, პოპულარობის მიღწევის რეცეპტები და მანჩოს პოპულარობის გარანტი. შედით და მოისმინეთ საუბარი-ინტერვიუ და გაიგოთ ყველაფერი მის შესახებ, რას ფიქრობს, რას აპირებს პოპულარობის შენარჩუნებისთვის და რას ფიქრობს თანამედროვე კლანურ შოუ-ბიზნესზე

ბორის ბედია

რადიო "საქართველოს ხმის" პირდაპირ ეთერში სამშაბათს, 8 მაისს - 17:00 საათიდან ჟურნალისტ ბესიკ ჩუბინიძის გადაცემაში "პირისპირ" მორიგი ექსკლუზიური სტუმარი, - პოპულარული ახალგაზრდა ქართველი მომღერალი, მრავალი საერთაშორისო ფესტივალის მონაწილე და ბევრჯერ გამარჯვებული, ქართული მუსიკალური სატელევიზო შოუ "ჯეოსტარის" მონაწილე ბორის ბედია იყო, შეგიძლიათ დააკლიკოთ ამ წარწერაზე და გადმოიწეროთ ბორის ბედიასთან საუბარი-ინტერვიუ და გაიგოთ მისი აზრი საქართველოში მიმდინარე კულტურის პოლიტიკის შესახებ, შეხედულებები შოუ-ბიზნესზე, ქართულ თეატრზე, კინოზე და რათქმაუნდა მუსიკაზე, ასევე "ოირმალას" სკანდალები და ჯერ გაუხმაურებელი ფაქტები

02.06.2010. ზურა მანჯავიძე ფულის გამო გაყიდულ სინდისს აპროტესტებს

პოპულარული ქართველი მომღერალი, ჯგუფ “ფორტეს” სოლისტი ზურა მანჯავიძე გაკვირვებულია (რბილად, რომ ვთქვათ) თავისი კოლეგების მსგავსი სახის სახეცვლილებით, - გულისხმობს საქართველოში ჩატარებული ადგილობრივი არჩევნებში “ნაციონალური მოძრაობის” შემდეგ მომხდარ მოვლენებს, რომელიც პირდაპირ ეთერში გადაიცა, არჩევნების დამთავრებიდან ერთ საათის შემდეგ, პრეზიდენტი მიხეილ სააკაშვილი და თბილისის ახალი არჩეული მერი, გიგი უგულავა, მხარდამჭერებს და აქტივისტებს (!) შეხვედა, რის შემდეგაც ავლაბრის ერთ-ერთ პრესტიჟულ ღამის კლუბში “საერთო ნაციონალური ფართი” გაიმართა, მოზეიმეთა შორის იყვნენ ე.წ. პრეზიდენტის მომღერლები და სახალხო იუმორისტული, თუ სოციალური სატელევიზო თოქ-შოუების წამყვანები და მსახიობები.
ზურა მანჯავიძის გაღიზიანების მიზეზიც ეს გახდა, პლუს ამას იმ ადამაინების ამ გუნდში დანახვა, რომლებიც ცოტახნის წინ ხალხის გვერდით და ხალხთან ერთად იდგნენ და უცებ “მიშას მომღერლების” რიგებში აღმოჩნდნენ, თუმცა მანჯავიძე კონკრეტულ გვარ-სახელებს არ ასახელებს.
ჩვენმა ჟურნალისტებმა დაკვირვებით, განმეორებით უყურეს ამ სატელევიზო ჩანაწერს და თითქოს იქ ისეთი, გასაკვირი, რომ ყოფილიყო მისი დანახვა იმ გარემოში - ვერავინ აღმოაჩინეს, მათ შორის არც სააკაშვილის დაუძინებელი მტრის ასლან აბაშიძის, მარჯვენა ხელის საესტრადო ორგანიზების დარგში – კახუჩელას (იგივე კახაბერი, იგივე კახა ცისკარიძე) დანახვა გაგკვირვებია და არც, ღირსების ორდენოსანი, პირველი ქართველი “პლეიბოის” ნინა წკრიალაშვილისა, რომელმაც ერთ დროს ჟურნალისტები სულ “იდი ნახუის” ძახილით გაისტუმრა თურმე :)
.

01.06.2010. ერთი მილიონი ევრო და მე-9 ადგილი, სოფო ნიჟარაძის “ევროვიზიული” წარ-მატება

“ევროვიზიის” 55-ე საერთაშორისო სატელევიზო ფესტივალზე ჩვენი საიტის მრავალათასიან მკითხევლთა პროგნოზი გამართლდა – ულამაზესი, სექსუალური და ნიჭიერი ქართველი მომღერალი (ასე მოიხსენიებს მას ევოპული პრესა) ათეულში მოხვდა და მე-9 ადგილი დაიკავა.
იმის მიუხედავად, რომ ამ “პოლიტიკურ-მუსიკალური” კონკურსის შარშანდელი ვერსია საქართველოსთვის მიუღწეველი იყო (სააკაშვილის პროექტის, - “სტეფანე და სამი გოგოს” - პუტინის მაგინებელი სიმღერის გამო), წელს სახელმწიფომ კვლავ გამოყო (თუ გადაყარა?) მილიონო ევრო, იმიჯის გასამყარებლად და “ევროვიზიაზე” როგორც თავში ვახსენეთ ლამაზი, ნიჭიერი და სექსუალური სოფო ნიჟარაძე გაუშვა. არავინ იცის, მივაღწევდით თუ არა იგივე შედეგს სოფო ნიჟარაძის მაგივრად მაგალითად გულნაზი გოლეთიანი, რომ გაგვეშვა ამ კონკურსზე (თანაც გაცილებით იაფი დაუჯდებოდა პრეზიდენტს მისი გაშვება), მაგრამ ეს რომ მაინს სხვა (!) სახელმწიფოების კეთილ ნებაზე და მათ მიერ დაწერილ ქულებზეა დამოკიდებული ცნობილი ფაქტია და ილუზიებიც არ უნდა გვქონოდა, რომ ადვილად “გაგვავარსკვლავებდნენ”.
სხვათაშორის, გამარჯვებული ქვეყნის, გერმანიის თინეიჯერი მოქალაქე, 19 წლის ლენა მაიერ-ლანდრაუტი უკვე იმდენად პოპულარული გახდა, რომ საკუთარ ქვეყანაში ახალგაზრდობაში (!) გადაღებული ეროტიკული ვიდეოკადრებიც კი, გამოუქექეს, როცა გერმანელი ლამაზმანი თავისი შიშველი სხეულის დემონსტრირებას მოწიფული მამაკაცის კომპანაიში აკეთებს, მაგრამ ჩვენ ჩვენი სოფო ნიჟარაძე ვიდარდოთ, რადგან არც მისი ცნობილ რუსთან (!) პაველ ბურესთან სასიყვარულო ურთიერთობები აინტერესებს საქართველოში ვინმეს და არც მისი და მიშა სააკაშვილის ნათესაური დამოკიდებულება, ქართველები მაინც “რაღაცაში” გადაყრილ მილიონ ევროს მისტირიან, ამბობენ ქვეყნის საგარეო (!) ვალმა 8.000.000.000 დოლარს უკვე მიაღწიაო, რა შუაშია? არა, ეს ისე, უბრალოდ . . .
.

31.05.2010. ბორის ბედიამ “ბროლის წეროს” “გრან-პრი” მიიღო

20-23 მაისს, მოლდავაში ქალაქ ბელცში ჩატარდა მე-5 საერთაშორისო მუსიკალური ფესტივალი-კონკურსი ‘’ბროლის წერო”. რომელშიც მონაწილეობას იღებდნენ 17 ქვეყნის წარმომადგენლები. საქართველოდან კონკურსზე წარდგენილი იყო “ჯეოსტარის” ვარსკვლავი, ნიჭიერი მომღერალი ბორის ბედია (რომელიც 7 ივნისს ბესიკ ჩუბინიძის საავტორო გადაცემა “პირისპირში” რადიო “საქართველოს ხმაზე” დეტალურად ისაუბრებს ყველაფრის შესახებ) რომელმაც კონკურსზე ერთი ქართული და ერთი უცხოური ჰიტი (ფრედი მერკურის Somebody) შეასრულა.
ჟიურის ერთსულოვანი გადაწყვეტილებით ბორის ბედიას პირველი ადგილი მიენიჭა. მეორე, მესამე და მეოთხე ადგილები შესაბამისად სომხეთმა, რუსეთმა და მაკედონიამ გაინაწილა.
11 კაციან საერთაშორისო ჟიურიში იყო ქართველი პროდუსერი - კობა ბრეგვაძეც. ბორის ბედიამ დამოუკიდებლობის დღის აღსანიშნავად კიევში 26 მაისს საქართველოს საელჩოს მიერ მოწყობილ გრანდიოზულ კონცერტშიც მიიღო მონაწილეობა გივი გაჩეჩილაძის ბიგ-ბენდთან ერთად, რომელზეც მთელი უკრაინის სამთავრობო ელიტა და დიპლომატიური კორპუსი იყო დაპატიჟებული.
.

30.05.2010. მზია კვირიკაშვილის მდგომარეობა საგანგაშოა

პოპულარული მსახიობის, ქართული იუმორის დედოფლის მზია კვირიკაშვილის ჯანმრთელობის მდგომარეობა საგანგაშოა, ღვიძლის ავთვისებიანი კიბოთი დაავადებული მსახიობი ცოტახნის წინათ ამერიკის შეერთებულ შტატებში წავიდა სამუშაოდ, სამწუხაროდ მისი მდგომარეობა იმდენად გართულდა, რომ ქ-ნი მზია საავადმყოფოში მოხვდა.
საქართველოში დარჩენილი ახლობლები და მეგობრები მაქსიმალურად ცდილობენ თანხების მობილიზებას, რომ მზია კვირიკაშვილი როგორმე ამერიკიდან თურქეთის კლინიკაში გადმოიყვანონ, თუმცა ამის კატეგორიული წინააღმდეგნი არიან ამერიკელი ექიმები და არ იძლევიან გარანტიას, რომ პაციენტი თვითმფრინავით გადაადგილებას გადაიტანს.
შეიქმნა სპეციალური ფონდი, სადაც ყველას შეუძლია მზია კვირიკაშვილის დასახმარებლად თანხების მობილიზებისთვის თავისი წვლილი შეიტანოს, რათა მაქსიმალური გარანტებით მოხერხდეს სიცილის დედოფლის ჯანმრთელობის ნორმალიზება.
გთავაზობთ ანგარიშის სპეციალურ ნომერს
Intermediary Bank, JP Morgan Chase Bank, New York, USA, SWIFT: CHASUS33
Account With Institution, Bank of Georgia, SWIFT: BAGAGE22 3, Pushkin Street, 0105 Tbilisi, Georgia Beneficiary: Kvirikashvili Mzia, Account: 160415201 USD

29.05.2010. პაატას ახალი კლიპი - “ბაშიაჩუკი” ეკრანზე დაბრუნდა

ეს მომღერალი ყოველთვის ნოვატორული იდეებით გამოირჩევა, ერთმანეთს ფოლკორს და თანამედროვე საესტრადო რიტმებს კარგად უთავსებს, არც ქართული შოუ-ბიზნესის კომაში ყოფნას ეპუება და დაჟინებით ცდილობს თავისი წვლილი შეიტანოს მისი ამ მდგოარეობიდან გამოსაყვანად. რამდენიმე დღის წინ მომღერალმა საზოგადოებას ახალი ნამუშევარი წარუდგინა, ახალი კლიპი, ახალი სიმღერა, რომელიც პოპულარული “ბაშიაჩუკის” მოტივებზეა გადაღებული, თუმცა კინო “რუსთაველში” შეკრებილი საზოგადოება ტყუილად ელოდებოდაცხენზე ამხედრებულ პაატას, საქართველოს კუთხეების ლამაზ-ლამაზ ხედებს და მსგავსი სახის ბანალურ კადრებს, - კლიპი ძირითადად კომპიუტერული ეფექტებითაა დატვირთული და კარგად ერწყმის “ბაშიაჩუკის” პოპულარულ სიმღერას – “ცა ფირუზ ხმელეთ ზურმუხტო, ჩემო სამშობლო მხარეო” გამოყენებულია ქორეოგრაფიული ელემენტები – “სამაის” ცეკვა, ხანჯლური, ანუ ფორმატი რომელიც პაატას, როგორც მომღერალს და ქორეოგრაფს მთლიანად გამოარჩევს თავისი კოლეგებისგან. “ვარსკვლავები” წარმატებებს უსურვებს პაატას და მადლობას უხდის ქართული შოუ-ბიზნესის განთვითარებაში და სიცოცხლისუნარიანობაში შეტანილი თავისი წვლილისათვის.

28.05.2010. გოგა ნიქაბაძის და მაიკო ჯანყარაშვილის ჩვენება

რამდენიმე დღის უკან კლუბ “ვერე-გარდენში” ბათუმელმა, წარმატებულმა ახალგაზრდა დიზაინერმა გოგა ნიქაბაძემ 80-ანი წლების “დისკო” სტილის კაბების ჩვენება მოაწყო, მაია ჯანყარაშვილის სამოდელო სააგენტოსთან ერთად. “ფეშენ ვიკზე” წარმატებული დებიუტის შემდეგ, ეს დიზაინერის მეორე ჩვენებაა დედაქალაქში, გოგა ნიქაბაძის და მაიკო ჯანყარაშვილის ტანდემმა დამსწრე საზოგადოებაში მოწონება დაიმასხურა. ჩვენების ბოლოს, რომელსაც ჟურნალისტი გიორგი საკარული უძღვებოდა, ტრადიციული ტორტიც გაიჭრა და ტრადიციული დისკოთეკაც შუაღამემდე გაგრძელდა.

27.05.2010. “ქუჩის ბიჭები” ჯგუფის აღდგენაზე ალაპარაკდნენ

გასული პერიოდის პოპულარული ქართული ჯგუფი “ქუჩის ბიჭები” შესაძლოა კვლავ აღდგეს და მსმენელის წინაშე ახალი სიმღერებით და განახლებული იმიჯით წარსდგეს და შეეცდება დაამტკიცოს, რომ - “ქუჩის ბიჭები” არ ყოფილა მხოლოდ გარკვეული პერიოდის პოპულარული პროექტი. მისი დაშლა უცებ არ მომხდარა, ნელ-ნელა, თუმცა პირველი სერიოზული დარტყმა “ქუჩის ბიჭებისთვის” “მუსიკალური ხერხემლის” ირაკლი ნოზაძის გაშვება იყო, რომელიც იმ პერიოდში ნარკოტიკებთან აქტიური დამოკიდებულების გამო საქმისადმი უყურადღებო გახდა, ახალი წევრის პაატა ცეცხლაძის მიღებამ, არც დადებითად და არც უარყოფითად ჯგუფზე არ იმოქმედა, ერთ ადგილზე ტკეპნა ჯგუფის მეორე წევრსაც - გურამ ლომიძესაც მობეზრდა და თავის სარჩენად ამერიკას მიაშურა, ამას მოყვა ჯგუფის ლიდერის ზურა ხაჩიძის სკანდალური ქორწინება და მისი ოპოზიციური განწყობა, ყველაზე უემოციო ამ გაუგებრობაში პაატა ხაჩიძე დარჩა. მაგრამ ბოლო დროს, ბიჭები აქტიურად ალაპარაკდნენ ჯგუფის კვლავ აღდგენაზე ძველი შემადგენლობით, ირაკლი ნოზაძესთან ერთად, რომელიც ამჯერად ოჯახს მოკიდებულია, ყავს მეუღლე და შვილი და ბორჯომში აქვს პატარა ბიზნესი, მთლიანად განიკურნა ნარკოტიკებზე დამოკიდებულებისგან და სრულად რეაბიტირებულია. როგორც გაირკვა მიმდინარეობს მოლაპარაკებები კონკრეტულ სპონსორებთანაც, რომელთა კეთილ ნებაზეცაა დამოკიდებული ჯგუფის ყველა წევრის ერთად შეკრება (სექტემბრისთვის დეტალები უკვე უნდა გაირკვეს) და ახალი მუსიკის კეთება, ახალი თაობის ქართველი მსმენელისათვის და რათქმაუნდა ახლიდან ყველაფრის დაწყება ამჯერად ბევრი მიზეზის გამო გაცილებით რთული იქნება, ვიდრე ეს წლების წინ იყო, როცა “ქუჩის ბიჭების” პოპულარობის ხანა იდგა.

26.05.2010. მამუკა ლომაშვილი - სტუმრად გადაცემაში "პირისპირ"

მამუკა ლომაშვილი

35. რადიო "საქართველოს ხმის" პირდაპირ ეთერში 25 მაისს - 17:00 საათიდან ჟურნალისტ ბესიკ ჩუბინიძის გადაცემაში "პირისპირ" მორიგი ექსკლუზიური სტუმარი, - მსახიობი, პაროდისტი, "იუმორინას" პოპულარული სახე მამუკა ლომაშვილი იყო, შეგიძლიათ დააკლიკოთ ამ წარწერაზე და გადმოიწეროთ მამუკა ლომაშვილთან საუბარი-ინტერვიუ და გაიგოთ მისი აზრი საქართველოში მიმდინარე საზოგადოებრივ-პოლიტიკურ მოვლენებზე, შეხედულებები შოუ-ბიზნესზე, ქართულ თეატრზე, პოლიტიკაზე.

26.05.2010 ნინო ძოწენიძე და ჯგუფი “ნეო” - ახალი განაცხადი ქართულ რეალობაში

გასული წლების თითქმის ყველაზე პოპულარული “სიმღერის” - “შინამანაკენას” შემსრულებელი ნინო ძოწენიძე ამიერიდან მსმენელთა წინაშე განსხვავებული ამპლუით წარსდგება და წარმატებული ბიზნესმენებისგან დაკომპლექტებულ (!) ცოცხალ ბენდ “ნეოსთან” ერთად გამოჩნდება საზოგადოების წინაშე. ამჟამად მიმდინარეობს ყოველდღიური რეპეტიციები, მზადდება რეპერტუარი, იწერება ახალი სიმღერები, კეთდება ინოვაციები და უახლოეს მომავალში ნინო ძოწენიძე “ნეოსთან” ერთად უკრაინაში კონცერტსაც გეგმავს. საუკეთესო აპარატურითა და პროფესიონალებით ზურგშემაგრებული “ნეო” და ნინო არც ქართული ესტრადის მიტოვებას აპირებენ და აქაც ინოვაციებზე, ახალზე ფიქრობენ, ძიების პროცესში უკვე გააკეთეს ერთ-ერთი ძველი ქართული სიმღერის ახლებური ვარიანტი, მასთან ერთად ამზადებენ ინგლისურ ენაზე როკ-სტილის სიმღერასაც. რაც შეეხება ნინო ძოწენიძის სოლო-კარიერას, საბოლოოდ ამ სტატუსზე ის უარს არ ამბობს, ჩვენის მხრივ ვისურვებდით, რომ მისი მომავალი სასიმღერო, მუსიკალური კარიერა მალევე გაშორებოდეს “შინამანაკენას” პოპულარობით მოპოვებულ საზღვრებს, რადგან ეს მომღერალი აშკარად ნიჭიერია.

25.05.2010. ირაკლი ფირცხალავა მალე მამა გახდება

პოპულარული ქართველი მომღერალი რუსეთში, კვლავ ყურადღების ცენტრშია და მიუხედავად თავისი ქართული წარმომავლობისა, მაინცდამაინც ზეწოლას არ განიცდის რუსებისგან, პირიქით - ის, ისევ უყვართ, როგორც 2008 წლის 8 აგვისტომდე უყვარდათ. მომღერლის პირად ცხოვრებაში სასიამოვნო სიახლეებია, ირაკლი მალე მამა გახდება და პრესასთან უკვე გამოაჩინა აქამდე კარგად გადამალული თავისი შეყვარებული - სოფია გრებენშიკოვა, 20 წლის ლამაზი რუსი მსახიობი, რომელთან ერთადაც, ამჟამად მოსკოვის სააგარაკო გარეუბანში ცხოვრობს, რადგან პატარას დედას სუფთა ჰაერი ახლა ყველაზე მეტად სჭირდება. ირაკლი და სოფია ცოლ-ქმარნი არ არიან და ბავშვის გაჩენის შემდეგ აპირებენ ოფიციალური ქორწინების და ჯვრისწერის გაკეთებას, ცალკე მოსკოვში და ცალკე თბილისში, რის შემდეგაც თავიანთ ურთიერთობებს კანონიერ სახეს მისცემენ.

23.05.2010. საქართველოს კულტურის მინისტრმა ქეთა თოფურია გააკრიტიკა

ნიკა რურუამ ქეთა თოფურიას ნაბიჯი დელიკატურად გააკრიტიკა - მომღერალს მოღალატეს ნადვილად ვერ ვუწოდებ, მაგრამ მისგან ასეთი ნაბიჯი, როგორც მინიმუმი არაკორექტული იყოო! - საქმე კი, იმაშია, რომ ქართველმა ქეთა თოფურიამ რუსი მედესანტის (!) ფორმაში გამოწყობილმა 9 მაისს რუსის ჯარისკაცებს სამხედრო სიმღერა მგზნებარედ შეუსრულა და ჟურნალსიტებთან ინტერვიუშიც დააფიქსირა, რომ საერთოდ არ აინტერესებს ვინ რას ფიქრობს მასზე ამ მხრივ.
გართულება და ხმაური იმასაც მოყვა, რომ ქეთას მამა რუსეთში ცნობილი კანონიერი ქურდია (ახლახანს დააკავეს) და ფრანიქართული ხელისუფლების დამოკიდებულება ასეთი ხალხისადმი კი, მსოფლიო მაშტაბითაა ცნობილი და გასაკვირი არ უნდა იყოს, რომ ხელისუფლების “მსუბუქი კრიტიკა” ქურდის შვილსაც მისწვდებოდა, რომელიც ბედის ირონიით სწორედ იმ ქვეყნის უპოპულარესი მომღერალია, რომელმაც მისი სამშობლო გაანადგურა.
ჩვენის მხრივ კი, გვინდა სოლიდარობა გამოვუცხადოთ ქეთას თავის საქმეში, რომელსაც კარგად აკეთებს და მხოლოდ ერთი, პატარა რჩევა გვინდა მივცეთ - ყველგან და ყოველთვის თამამად და გაბედულად დააფიქსიროს თავის წარმომავლობა, ქართველობა - რითაც საქართველოში ყვველაზე მეტად ამაყობენ და აფასებენ.
.

22.05.2010. ჯგუფმა “მგზავრებმა” ჯგუფ “ფრანს” აჯობეს

ქართული შოუ-ბიზნესის ჰორიზონტზე სიცოცხლის ნიშანწყალი ნელ-ნელა, მაგრამ მაინც ჩნდება და იმის პარალელურად, რომ ხალხი ნელ-ნელა ივიწყებს საესტრადო, პოპ-მუსიკას და ქართული ფოკლორის უბადლო შემსრულებლებსაც კი, - “33-ა”, “ზუმბა” და სხვებიც პოპულარობის ზენიტში აღარ არიან. ამჯერად ქართულ რეალობაში ორი, თითქმის იდენტური მიმდინარეობის ჯგუფი ლიდერობს, თითქმის ერთნაირი მუსიკის ახლებური შესრულებით, თითქმის ერთნაირი ახალი სასცენო მანერით, მაგრამ განსხვავებული და სხვადასხვა ტიპაჟის სოლისტებით, - “მგზავრები” და “ფრანი”, პირველის სოლისტი გიგი დედალამაზიშვილი, მშვიდი, უამბიციო, გაწონასწორებული, ემოციური, მუსიკაზე შეყვარებული და მეორე - “ფრანის” სოლისტი - გაგა ჩიხლაძე, მოდიდან კაი ხნის წინ გადასული ქუჩურ-ძველბიჭური, უხეში იერით, ერთი შეხედვით მოურიდებელი და ამბიციური, საკუთარ თავში ზედმეტად დარწმუნებული, მაგრამ მუსიკის მოყვარული და დამფასებელი.
ერთმაც და მეორემაც ერთი თვის შუალედში გამართეს კონცერტები თბილისის საკონცერტო დარბაზში, “ფრანმა” 15 აპრილს (მეორე დღესაც იგივე გაიმეორა) მიულოცა სიყვარულის დღე თბილისელებს ფილარმონიის ფოიეში მოწყობილ სცენაზე (“ივენთ-ჰოლს ეძახიან ამ ადგილს) და “მგზავრებმა” კი, თითქმის ერთი თვის შემდეგ მთავრ დარბაზში.
პირველადი გამოკითხვებით, რომელიც ჩვენმა ჟურნალისტებმა ამ პერიოდის მანძილზე ჩაატარეს, ორივე ჯგუფის კონცერტებზე, - აშკარად “მზგავრები” ლიდერობენ რეიტინგულად.
ჭორი კი იმის შესახებ, რომ სოლისტებმა ერთმანეთში იჩხუბეს და ერთმანეთის ჯგუფებს ვერ იტანენ, როგორც მინიმუმ გადაჭარბებული აღმოჩნდა და ორივემ ერთად უარყო ეს ყველაფერი პრესასთან ურთიერთობისას, მაგრამ ქართულ შოუ-ბიზნესში ჭორი ნადვილად არ ჩნდება უკვამლოდ და კარგი იქნებოდა მათაც დაეძლიათ შესაძლო (!) ამბიციებისთვის და მათი უფროსი კოლეგების “33-ა”-ს და “ზუმბას” სამაგალითო თანამშრომლობის ფორმატი გადაეღოთ.

18.05.2010. ბედინა - სტუმრად გადაცემაში "პირისპირ"

ბედინა

რადიო "საქართველოს ხმის" პირდაპირ ეთერში, 18 მაისს - 17:00 საათიდან ჟურნალისტ ბესიკ ჩუბინიძის საავტორო გადაცემაში "პირისპირ" მორიგი ექსკლუზიური სტუმარი, - ქართული რეპსამყაროს პირველი რეპერი, ერთადერთი ქართველი რეპერი, რომელიც სასჯელს იხდიდა ციხეში იარაღიას უკანონო შენახვა-ტარებისათვის, რეპერი რომელიც ჯერ არასდროს ყოფილა დაოჯახებული - ბედინა! (მიშა ბედინაშვილი) - შეგიძლიათ დააკლიკოთ ამ წარწერაზე და გადმოიწეროთ ბედინასთან საუბარი-ინტერვიუ და გაიგოთ რით არის დაკავებული ამჟამად, რას საქმიანობს, რა კონცერტებში ღებულობს მონაწილეობას, რა წარმატებები აქვს ახალ საქმეში, რას ფიქრობს სხვა ქართველ რეპერებზე და და რას აპირებს სამომავლოდ, ტა გზებს ხედავს ქართული ჩამკვდარი შოუ-ბიზნესის აღდგენისათვის, ვინ მოსწონს, ვინ არ მოსწონს და რა საიდუმლოს მალავს ძველ კონფლიქტებზე

17.05.2010. საბავშვო სილმაზის კონკურსი - ბარბი 2010

15 მაისს დუმბაძის სახელობის თეატრში კომპანია NEW STAR-მა საქართველოს მაშტაბით სილამაზის კონკურსი ჩაატარა. კონკურსზე ორი ასაკობრივი ჯგუფი მონაწილეობდა, 6-დან 12 წლამდე გოგონები ,,ბარბი 2010’’-ის ტიტულისათვის იბრძოდნენ, ამავე ასაკის ვაჟები ,,საქართველოს პატარა მისტერ NEW STAR 2010-ისთვის, ხოლო რაც შეეხება 12-დან 18 წლამდე გოგონებში ,,საქართველოს მის NEW STAR 2010’’ გამოვლინდა. ღონისძიება გაფორმებული იყო თეატრალიზებული დადგმებით, რაც მას მნიშვნელოვნად განასხვავებდა სხვა კონკურსებისაგან. ამ ყველაფრის სულის ჩამდგმელი და რეჟისორი თავად კომპანიის პრეზიდენტი გიორგი ბარამაშვილი გახლდათ. რაც შეეხება ჟიურის, მათ ვიზუალურობის გარდა კონკურსანტების არტისტულობასა და ჩაცმულობასაც დიდი ყურადღება მიაქციეს. კონკუსი სამ ტურად იყო დაყოფილი: პირველ ტურში ყველა მონაწილე სპორტულ-ელასტიური ფორმით გამოდიოდა, მეორე ტურში პატარა ბარბები დიასახლისების ფორმებით სუფრას უშლიდნენ ვაჟებს. რაზეც ისინი ქართულ ნაციონალურ ჩოხებში სუფრასთან სხდებოდნენ და სადღეგრძელოებს ამბობდნენ, დიდ გოგონებს კი გათანამედროვებული ასევე ქართული ნაციონალური ბარბი სამოსი ეცვათ, ხოლო მესამე ტურში ყველა მონაწილე კლასიკური ჩაცმულობით წარდგა მაყურებლის წინაშე. კონკურსანტების ასაკიდან გამომდინარე, არც ერთი მონაწილე საჩუქრისა და დიპლომის გარეშე არ დარჩენილა. დასრულების შემდეგ ჩვენ მოვახერხეთ გავსაუბრებოდით უმცროსი ასაკის - ბარბი 2010-ის გრან-პრის მფლობელს 7 წლის ლიზი დგებუაძეს, რომელიც სხვათა შორის ძალიან კარგი რესპოდენტი აღმოჩნდა. მან გვითხრა, რომ უამრავ ტელე-გადაცემაში აქვს მონაწილეობა მიღებული, ასეთი სახის კონკურსზე კი პირველად მოხვდა და ძალიან გახარებულია ბარბის ტიტულით . ჩვენ ისიც გავიგეთ, რომ ლიზი ძალიან კარგად მღერის და დიდი, რომ გაიზრდება ბარბივით ლამაზი მომღერალი უნდა გახდეს. კომპანია NEW STAR-ის დევიზია ,,დავუბრუნოთ ბავშვებს ბავშვობა’’. გიორგი ბარამაშვილი თვლის, რომ ნამდვილად შეძლო მან ბავშვების გახალისება და მათთვის ბედნიერი წუთების ჩუქება.

17.05.2010. ქართული დოლი ამერიკულ “ჰაუს-მუსიკაში”

როგორც იცით მომღერალი ნიკა გელაშვილი ამერიკის შეერთებულ შტატებში დიჯეის სფეროში მოღვაწეობს სახელით: DJ NIKA, რამოდენიმე დღის უკან ჩვენ მას გავესაუბრეთ, ნიკამ გვიამბო სამომავლო პროექტების შესახებ... ნიკა გელაშვილი: - ჩემი მუსიკალური კარიერა დღეს ცოტათი შეიცვალა, HOUSE-DANCE მუსიკის სტილი ჩემთვის ძალიან საინტერესო აღმოჩნდა - ამ ეტაპზე ვუკრავ ნიუ-იორკის ყველაზე ისტორიულ და პრესტიჟულ კლუბში WEBSTER HALL - 29 მაისს ამერიკელ მსმენელებს სიურპრიზს ვთავაზობ: პირველად ამერიკის კლუბების ისტორიაში შემომაქვს ქართული დოლი, ცოცხალი შესრულებით, ვფიქრობ ეს პროექტი გაამართლებს... ქართული ძველი ინსტრუმენტი მართლაც, რომ საოცრად ლამაზად ჟღერს HOUSE მუსიკასთან. ამ დღეს დავუკრავ ორ ქართველ დიჯეისთან ერთად DJ TENGO & MIKE CHACH რომლებიც უკვე დიდი ხანია ამერიკაში მოღვაწეობენ და საკმაოდ პოპულარულად. გახსნილია ჩემი ოფიციალური საიტი, სადაც პერიოდულად ახლდება ინფორმაცია. WWW.DJNIKA.COM - აქვე მინდა ავღნიშნო რომ აგვისტოს ბოლოს ვაპირებ საქართველოში ჩამოსვლას, ამ ეტაპზე მიმდინარეობს მოლაპარაკებები… ყოველ დღე ვღებულობ მესიჯებს ქართველებისგან FACEBOOK-ში, რომლებსაც ძალიან დიდი მადლობა მინდა გადაუხადო მხარდაჭერისთვის“ ნიკას შეგიძლიათ დაუკავშირდეთ FACEBOOK NIKA GELASHVILI

17.05.2010. რატომ “გამოფეშენდა “ “ელიტარული საქართველო”?

2010 წელი გარდა იმისა, რომ თვითმართველობის არჩევნების წელია და იქ, ისეთ ხალხსაც ნახავთ საარჩევნო სიებში, რომლებიც წესით პოლიტიკაში კი არა, ხელოვნებაში და სპორტში უნდა ტუსოვკობდნენ, იმითაცაა გამორჩეული, რომ “თბილისურმა ელიტამ” ძალიან “წაუფეშენა’ :) ანუ უფრო გასაგებ, არაელიტართა ენაზე, რომ ვთქვათ - მოდების ისეთი მასიური ჩვენებები ეწყობა, რომ ხალხი ლამისაა გაგიჟდეს, ამდენი ჭრელა-ჭრულა “ტუსოვკების” ცქერით. “ვარსკვლავები” თავის ყურადღებას სათანადოდ (!) ნადვილად ვერ უთმობს ხოლმე მსგავსი სახის “საერთაშორისო ჩვენებებს” და “ფეშენ ვიკებს” (ქართულად მოდის კვირეული ქვია ამ ყველაფერს), მაგრამ ბოლო დროს ისეთი თვალშისაცემი გახდა ქართული შოუ-ბიზნესის ეს მიმდინარეობა, რომ არ შეგვეძლო არ გამოვხმაურებოდით, თანაც, აქაც კვლავ კლანური გადანაწილებები, მაგალითად საქართველოს მოდის კვირეულის ერთ-ერთი ორგანიზატორი მაკა მეტრეველი ცინიზმით აფიქსირებს, რომ თაკო ჩხეიძის feshen“ფეშენ ვიკზე” მოსაწვევი მისგან კი არა, თამუნა ინგოროყვასგან მიიღო, აჭარელი ახალგაზრდა დიზაინერი გოგა ნიქაბაძე, გულნატკენია იმაზე, რომ ვიღაცამ მისი ჩვენების მუსიკალური გაფორმების დისკი მოიპარა, ლეგენდარული და განუმეორებელი (!) ავთო ცქვიტინიძე კი, საერთოდ გაუგებარ ჩვენებას აკეთებს ბასეინზე და ხალხს 90 წუთი ალოდინებს იმისთვის, რომ 8 წუთიანი ჩვენება და მერე კიდევ, თავისი პოდიუმზე 4 წამიანი გამოვარდნა-შევარდნა ანახოს “დაგრუზული სახით”, თითქოს ძალით გააკეთინებინა ვინმემ ეს ჩვენებაო. აგერ, რობერტო კავალი ჩამოვიდა “ფეშენ ვიკზეო”, გადააპიარეს საქართველოს ტელევიზიებში და კაცი (!) არცერთ ჩვენებას არ დასწრებია და ეგრევე ჩვენს პრეზიდენტთან გავარდა შესახვედრად, მეტიც - ჭრელი საბანიც აჩუქა მიხეილ სააკაშვილს და ჩაცმულობის სტილიც მოუწონა (!). მოკლედ, ქართული შოუ-ბიზნესის ამ მიმდინარეობამ თავი წამოყო და აქაოდა მუსიკალური თვალსაზრისით არაფერი ხდებაო, ნახირ-ნახირ გაუყვა გზას, - არადა კარგია, გაერთობა ხალხი ცოტა და თან, ამასობაში საქართველოშიც აღმოაჩენენ, რომ უკვე “ბრენდების” “ავთანდილის” და “მაკა ასათიანის” გარდა, მათსავით ნიჭიერი, დამწყები დიზაინერებიც არსებობენ, საკუთარი მომავლით . . .

16.05.2010. ჯაბა ბოჯგუას სიცოცხლის გადასარჩენად პოზიცია და ოპოზიცია ერთიანი ძალისხმებით იბრძვიან

2009 წლის 8 თებერვლის შემდეგ, მომღერალი ჯაბა ბოჯგუა გათიშულია და მის სიცოცხლეს განსაკუთრებული საფრთხე გარდა პირველივე დღეებისა, სამი თვის წინაც დაემუქრა, როცა ცხვირში ჩადგმულმა ზონდმა შეხორცება დაიწყო და სასწრაფოდ ზომები იყო მისაღები, 29 აპრილს მომღერალს მორიგი ოპერაცია ჩაუტარდა და ამჯერად, ზონდი კუჭზე გადაიტანეს, თუმცა, ოპერაციას გართულებაც მოყვა და უგონო მდგომარეობაში მყოფი მომღერალი ფილტვების ანთებით დაავადდა. ძვირაღირებული ოპერაცია გიგი უგულავამ დააფინანსა, რომელსაც თავის დროზე დახმარება ჯაბას ბებიამ სთხოვა, მნიშვნელოვანი დახმარება მომღერალს მისმა მეგობარმა ოპოზიციონერმა ეკა ბესელიამაც გაუწია. ექიმები მის მდგომარეობას კვლავ მძიმედ აფასებენ, თუ გავითვალისწინებთ იმას, რომ საქმე ტვინთან გვაქვს, ორგანზიმში ეს ყველაზე არაპროგნოზირებადი ნაწილია, მომღერალი კონტაქტზე არ გამოდის, თუმცა შეგრძნებები, რომ აქვს ამას ოჯახში მაშინ ხვდებიან, როცა საკუთარ სიმღერებს ასმენინებენ ყურსასმენებით. ჯაბას ოჯახში გულნაკტენები არიან იმაზეც, რომ ბევრი მისი მეგობარი მომღერალი და პოპულარული სახე უბრალოდ დაიკარგა, მის შემდეგ რაც ჯაბა უგონოდაა და ძველმა მეგობრებმა ის, უბრალოდ კარგა ხანია დაივიწყეს (ეს, ქართული “მეგობრობის” სამაგალითო ნიმუშია - როცა გჭირდება ადამიანი, მხოლოდ მაშინ ხარ მისი მეგობარი), თუმცა როგორც აღმოჩნდა ფანები და მსმენელი მომღერალს დღემდე გულშემატკივრობენ და მის გამოჯანმრთელებას და სასწაულს ელოდებიან.

დააწკაპუნეთ ამ წარწერაზე, გადმოწერეთ და მოუსმინეთ ჯაბა ბოჯგუას ჯერ-ჯერობით ბოლო, ხმოვან ინტერვიუს.

15.05.2010. ნინი შერმადინმა საბერძნეთში ახალი სიმღერა ჩაწერა

ქართველ მომღერალს, ნინი შერმადინს, მშობლიური ქვეყნის მასშტაბები როცა არ ეყო, უკვე მთელი საბერძნეთის გულთამპყრობელიც დამსახურებულად გახდა. ასეთი წარმატება დაKკარიერული წინსვლა მას ძალიან პოპულარული რეალიტი შოუს - “იქს-ფაქტორის” ფინალისტობამ მოუტანა. მისთვის სრულიად უცხო ქვეყანაში, ნინის არა მარტო ქართველი ემიგრანტები დაუდგნენ გვერდით და გულშემატკივრობდნენ, არამედ მთელმა საბერძნეთმა აღიარა მისი ნიჭი და განსაკუთრებულობა. ამჯერად, ახალგაზრდა მომღერალი ახალ ალბომზე მუშაობს, რომლის ჩასაწერადაც ერთი კვირით იყო ჩასული საბერძნეთში. ალბათ, ყველას გვახსოვს ნინის მიერ ფინალში ქართული ემოციით, მაგრამ ბერძნულად შესრულებული სიმღერა, რომელსაც ჟიურის ჩათვლით, არავინ დაუტოვია გულგრილი.…სწორედ ამ საფინალო სიმღერისგან ცრემლმომდგარი ხალხის მოთხოვნით ჩაწერა სტუდიურად ნინი შერმადინმა ეს სიმღერა, რომელიც უკვე ჰიტად იქცა ათენში და ერთ-ერთი ყველაზე მოთხოვნადიცაა იქაურ რადიოებში. ასე, რომ ნინი შერმადინი კიდევ ერთი ქართველი მომღერალია, რომელმაც უცხო ქვეყანაში გვასახელა და მალე თავის პირველ სოლო ალბომსაც გვაჩუქებს, რომელიც საბერძნეთში გამოვა.

11.05.2010. ზურა მანჯავიძე ("ფორტე") - სტუმრად გადაცემაში "პირისპირ"

33. 11 მაისი - 17:00 საათიდან რადიო "საქართველოს ხმის" პირდაპირ ეთერში, ჟურნალისტ ბესიკ ჩუბინიძის გადაცემაში "პირისპირ" მორიგი ექსკლუზიური სტუმარი, - ჯგუფ "ფორტეს" სოლისტი, მრავალშვილიანი მამა :), ქართული ესტრადის და ოპოზიციური პოლიტიკური ფლანგის გამოკვეთილი სახე - ზურა მანჯავიძე იყო. თუ გსურთ გაიგოთ რას ფიქრობს ქართულ ესტრადაზე ზოგადად, ქართველ მსმენელზე, რა საიდუმლოებებს ამჟღავნებს და საერთოდ - რა მოსაზრებები აქვს ქვეყანაში მიმდინარე მოვლენებზე, მისი პოლიტიკური, მკვეთრი შეხედულებები და ბრძოლის სტრატეგია, შეგიძლიათ დააკლიკოთ ამ წარწერაზე და გადმოიწეროთ ზურა მანჯავიძესთან საუბარი-ინტერვიუ

07.05.2010. “მისს-ვარსკვლავები 7” დაჯილდოების ცერემონიალმა გრანდიოზულად ჩაიარა

კლუბ “დე ჟა ვუ”-ში პოპულარული ინტერნეტ-კონკურსის “მის-ფოტოგენურობა” მე-7 დაჯილდოების ცერემონიალი ჩატარდა, რომელში გამარჯვებული 10 გოგონაც, პარტნიორმა და სპონსორმა კომპანიებმა გულუხვად დააჯილდოვეს, განაწილდა 10 ნომინაცია და მთავარი ტიტული “მის-ვარსკვლავები 7” რუსთაველმა ლიკი ტურიაშვილს ხვდა წილად, რომელიც შეყვარებულთან ერთად იყო მოსული. ჟიურის წევრებმა დაკვირვებით შეარჩიეს ყველა მონაწილის სურათი და შესაბამისად არც გასჭირვებიათ გადაწყვეტილების მიღება.
ეს კონკურსი ყველა წინა კონკურსისგან იმით გამოირჩეოდა, რომ 10-დან 6 მონაწილე საქართველოს სხვადასხვა ქალაქებიდან იყო წარმოდგენილი და მათ შორის ერთ-ერთი საინგილოდან - აისელა მამედოვა, რომელმაც ცერემონიალის დროს, ისეთი ცეცხლი დაანთო სცენაზე, რომ დამსწრე საზოგადოების ყველაზე ხანგრძლივი ტაში დაიმსახურა და ყველაზე გრაციოზულის ტიტულიც მიიღო. რუსთავი, გორი, ფოთი, ქუთაისი, თბილისი, ეს, ის ქალაქებია საიდანაც მონაწილეები იყვნენ წარმოდგენილნი და კონკურსმაც რესპუბლიკური მაშტაბის სტატუსი შეიძინა.

ბესო ჩუბინიძე (ორგანიზატორი): - ძალიან კმაყოფილი ვარ დღევანდელი ცერემონიალით, ღირსეულად გადანაწილდა ნომინაციები და მე მგონი უკმაყოფილოც არვინ დარჩენილა, ამაყი ვარ იმით, რომ მოულოდნელი სიხარულის ეფექტი ამ უბრალო ხალხისთვის მრავლისმეტყველია, ჩანს, დადგმული არაა და ამ ადამაინების გახარებული თვალები ნადვილია. მე ამ ყველაფერს ვაკეთებ ხალხისთვის, სხვები ერთმანეთისთვის აკეთებენ და თბილისში იმდენი ივენთი და ღონისძიება ტარდება, მეცინება ხოლმე ერთიდაიგივე სახეებს, რომ ვხედავ ხოლმე და ვთვლი, რომ ხალხი უფრო მნიშვნელოვანია.
ლიკი ტურიაშვილი (მის ვარსკვლავები 7): - სასიამოვნოდ გაოგნებული ვარ, არ მოველოდი, ყველაფერი ასე ორგანზიებულად თუ ჩაივლიდა, არ მეჯერა, მაგრამ მართლა შოკში ვარ, სასიამოვნო განცდა მაქვს, არც კი ვიცი რა ვთქვა იმდენად მოულოდნელი სიხარული იყო ჩემთვის.

ამასობაში კი, “მის-ვარსკვლავები 8” ფოტოგენურობის კონკურსი აქტიურ ფაზაში შევიდა და ახალი მონაწილეებიც ემატება და ემატება მე-8 საკონკურსო გვერდს, რომლის დაჯილდოების ცერემონიალიც ივლისის დასაწყისში გაიმართება.
....

06.05.2010. თამუნა ამონაშვილი - სტუმრად გადაცემაში "პირისპირ"

თამუნა ამონაშვილი

4 მაისი - 17:00 საათიდან რადიო "საქართველოს ხმის" პირდაპირ ეთერში, ჟურნალისტ ბესიკ ჩუბინიძის გადაცემაში "პირისპირ" მორიგი ექსკლუზიური სტუმარი, - მოსკოვიდან ახლახანს დაბრუნებული, ქართული ესტრადის პოპულარული მომღერალი თამუნა ამონაშვილი იყო, შეგიძლიათ დააკლიკოთ ამ წარწერაზე და გადმოიწეროთ თამუნა ამონაშვილთან საუბარი-ინტერვიუ და გაიგოთ რით არის დაკავებული რუსეთში მეუღლესთან გადაბარგებული მომღერალი, რას საქმიანობს, რა კონცერტებში ღებულობს მონაწილეობას, რა წარმატებები აქვს მოდის ბიზნესში და რას აპირებს სამომავლოდ.

06.05.2010. ნუგზარ ერგემლიძის “ნოსტალგია” ფილარმონიაში

რამდენიმე დღის უკან, სოსო აბზიანიძის პროდუსერობით, თბილისის საკონცერტო დარბაზში ნუგზარ ერგემლიძის სოლო-კონცერტი გაიმართა. მომღერალი, კომპოზიტორი, მხატვარი, მწერალი და ბოლო დროს გაპოლიტიკოსებული ნუგზარ ერგემლიძე ცხოვრებაში პირველად წარსდგა საზოგადოების წინაშე ისე, რომ გამოსვლის წინ ერთი ჭიქაც არ გადაუკრავს :) - ესეც თავად განაცხადა და ალბათ იმის დასაფარად, რომ აშკარად ეტყობოდა სცენაზე პროლოგის დროს ნერვიულობა, რამდენჯერმე სიმღერის ტექსტიც დაავიწყდა თითქოს, რამდენჯერმე მიკროფონის დროულად მომარჯვებაც, მაგრამ ეს ყველაფერი ალამაზებდა ერგემლიძის საღამოს, რომელიც დეკორაციიდან - “იმიტირებული ტელევიზორი” ირმა სოხაძეს მიყავდა. სცენაზე საკუთარი სოლო-კონცერტი მომღერალმა საკუთარ დაბადების დღეს დაამთხვია და შესაბამისად, მისი მეგობრებიც მილოცვით იწყებდნენ, - ბესო კალანდაძე, ზურა დოიჯაშვილი, მერაბ სეფაშვილი, ზურა მანაგაძე, ზურა კობეშავიძე და სხვები ნუგზარ ერგემლიძის სიმღერებით აცოცხლებდნენ სცენას. იყო ბევრი ტაში, ბევრი მოფერება, ლამაზი წარსულის ლამაზად გახსენება, თანაც კონცერტსაც შესაბამისად ერქვა - “ნოსტალგია”, ჰოდა ყველაფერმა ლამაზ, ნოსტალგიურ ტალღაზე ჩაიარა და 80-ანი წლების ქართული ესტრადის დამფასებლებიც, ნასიმოვნები წავიდნენ დარბაზიდან. დაბადების დღე კი, ნუგზარ ერგემლიძემ გვიან, კონცერტის შემდეგ, მეგობრებთან ერთად ქართულ სუფრაზე აღნიშნა.

05.05.2010. "ევროვიზიაზე" აზარბაიჯანელ ლამაზმანს უწინასწარმეტყველებენ გამარჯვებას

’’ევროვიზიაზე’’ გამარჯვებას აზერბაიჯანელ საფურა ალიზადეს უწინასწარმეტყველებენ. ის 17 წლის არის და პროდუსერობას უწევს ისეთი ცნობილი კომპოზიტორი და პროდუსერი, როგორიცაა ანდრიას ბაგე, რომელიც ადრე სელინ დიონთან და ენრიკე იგლესიასთან მუშაობდა. უკვე რამდენიმე კვირაა,ახალბედა მომღერლის სიმღერა ‘’დრიპ დროპ’’ (რაც სიტყვა სიტყვით ნიშნავს - "წვეთავს") ევროპულ რეიტინგებში პირველ- მეორე ადგილს ინაწილებს. ასევე, ცნობილი რეჟისორები მუშაობდნენ მისი სიმღერის კლიპზე. კლიპი გადაიღო რუპერტ უეინრაიტმა, რომელსაც გადაღებული აქვს ისეთი ცნობილი ფილმები, როგორიც არის: ’’სტიგმატები’’ და ’’ნისლი’’. ის ასევე, მუშაობდა სკანდალურ მოკლემეტრაჟიან ფილმზე ’’ისტორია’, რომელშიც მაიკლ ჯექსონის ცხოვრება იყო მოთხრობილი. კლიპის ქორეოგრაფია ჯაკუელ ნაიტის ეკუთვნის. ყველას კარგად ახსოვს მისი ქორეოგრაფია ბიონსეს კლიპში ’’სინგლ ლადეს’’, რომელმაც "მტვ-ს დაჯილდოებაზე" პრიზი მიიღო. მან დადგა ასევე, ბრიტნი სპირსის ტურნეს ’’სირიუსის’’ ქორეოგრაფია. ასე რომ შეგვიძლია წარმოვიდგინოთ, თუ როგორი კონკურენტი ეყოლება ნორვეგიაში სოფო ნიჟარაძეს.

04.05.2010. “ვარდისფერი კაცი” და “წმინდა ანდრიას ჯვრის” პრიზი

“მოდელირებული ქრონიკის” შემდეგ, ტელეკომპანია “იმედმა” და მისმა საინფორმაციო გადაცემებმა ყველანაირი რეიტინგი დაკარგა და შესაბამისად მასში მომუშავე ჟურნალსიტების ნდობაც საზოგადოებას ძალიან უჭირს. სწორედ ამ ტელეკომპანისს გადაცემა “ჟურნალსიტის დღიურების” წამყვანმა ბექა ელბაქიძემ მოიპოვა მართმადიდებლური ფილმების ფესტივალზე “წმინდა ანდრიას ჯვარი”, ფილმი რომელიც გოდერძი ჩოხელზე იყო მომზადებული და ალბათ აქაც ქართული ტრადიციული, სნობიზმის დონემდე დასული ფაქტი, რომ “მოკვდა თუ არა ყველამ აცხონა, ცოცხალი არვინ არ შეიყვარა”, - ეს ლეგენდარული ქართველი სიცოცხლეში ჯერ “ლეიბორისტულმა პარტიამ” სცადა, რომ სათავისოდ “გამოეყენებინა” და ხალხის მისდამი სიყვარული, საკუთარი პიარისთვის გამოეყენებინა (როცა საარჩევნო სიაში მისი სახელი და გვარი პირველ ხუთეულში შეიყვანა), გარდაიცვალა კაცი და ახლა ისევ მისი სიკვდილის შემდეგ მანიპულირება ხდება, ისე როგორც ეს ბექა ელბაქიძეს ნაბიჯი, რომელიც თითქოს გარდაცვლილი გოდერძი ჩოხელის უკვდასაყოფადაა ერთი შეხედვით შექმნილი. თუმცა რათქმაუნდა კარგია, რომ ადამიანს სიკვდილის შემდეგ, მაინც აღიარებენ ხოლმე, თუნდაც პიარისა და რეკლამის ხარჯზე.

01.05.2010. მოსკოვიდან ხუჯაძე, ქართულ ესტრადას თბილისში ვერ ხედავს

ერთ დროს პოლიტიკურ შარში გახვეული და ასლან აბაშიძის პარტიის აქტიური მომღერალი დათო ხუჯაძე, “ვარდების რევოლუციის” შემდეგ იქ გადაიხვეწა, სადაც მისი პარტიის პოლიტიკური ლიდერი - რუსეთის დედაქალაქ მოსკოვში, თუმცა ამის გამო ხუჯაძეზე ერის მოღალატის სტატუსის მიკერება, მინიმუმ სასაცილოა. მომღერალმა რუსეთში აქტიურად აიწყო ცხოვრება, შექმნა ქართული ოჯახი, შეეძინა გოგონა, აქვს სამსახური, საკუთარი სტუდია, სადაც ხმის რეჟისორად საქართველოდან გადახვეწილი გიგა კვენეტაძე მუშაობს და ასე თუ ისე მიღებულია ე.წ. რუსულ ელიტაშიც, რომელიც ჩვენს, ქართულ ელიტას (!), ნეკა თითის მოსაჭრელ ფრჩხილზეც არ დაისმევს იმხელაა :) პერიოდულად, ხუჯაძეს უწევს ხოლმე საქართველოში სტუმრობა და ალბათ სწორედ მაშინ ამჩნევს იმას, რასაც ჟურნალისტებთან საუბარში აცხადებს თამამად, რომ დღეს ქართული ესტრადა აღარ არსებობს, თუმცა ნაწილობრივ ვერ დავეთანხმებით, რადგან არსებობს მაგალითად “სტეფანე და 4 გოგო”, “ალტერვიზია”, “არტ-გენი”, “ჯეოსტარი”, “ვარსკვლავების აკადემია” და რაოდენ გასაკვირიც არ უნდა იყოს ამ სამთავრობო (!) პროექტებთან ერთად, საქართველოში (!) კვლავ არსებობს საქართველოს მუსიკალური დაჯილდოების “მეგას” ცერემონიალი, რომელზეც ხუჯაძეს სხვადასხვა დროს, უამრავი ნომინაცია აქვს მოგებული და ერთ-ერთ ფავორიტადაც ითვლება ლელა წურწუმიასა და ნინო ჩხეიძესთან ერთად. სხავთაშორის, ხუჯაძე ნიუ-იორკის მუსიკალური დაჯილდოების ორი ნომინაციის მფლობელიც გახდა წელს და “საუკეთესო კლიპის” და “აღმოსავლეთ ევროპის საუკეთესო მომღერალის” ნომინაციაც მოიპოვა.

30.04.2010. ჯემალ ბაღაშვილი მამუკა ონაშვილს გაუნაწყენდა?

უკვე მეორე სეზონია მამუკა ონაშვილი პოპულარულ გასართობ შოუში “იუმორინა” აღარ მონაწილეობს, თბილისელი ჭორიკნები აქტიურად ჩურჩულებენ იმის შესახებ, რომ სამხატვრო ხელმძღვანელი ჯემალ ბაღაშვილი მამუკას რაღაცის გამო გაუნაწყენდა, ეს ორი, თავის საქმის პროფესიონალი ერთმანეთში ვერ შეთანხმდა და მამუკამ გადაწყვეტილება მიიღო, რომ “იუმორინა” დაეტოვებინაო. თავად მომღერალი კი, ამ ყველაფერს უარყოფს და აცხადებს, რომ ამ წლის ბოლოს, საიუბილეო კონცერტებზე ისიც მიიღებს მოანწილეობას, უბრალოდ ამჟამად ძალიანაა დაკავებული, ამთავრებს მე-3 ალბომზე მუშაობას (გასაკვირი ენთუზიაზმია, რადგან მიმკვდარ ქართულ შოუ-ბიზნესს ნამდვილად ჭირდება ასეთი სენით შეპყრობილი ხალხი), აქვს ბევრი გასვლითი კონცერტი, აქტიურად მუშაობს ერთ-ერთი ტელევიზიის ვიქენდების დილის ეთერში და ამზადებს საბავშვო გადაცემას “მხიარული ოჯახი”, რომელსაც სხვათაშორის პრესაში არაერთგვაროვანი გამოხმაურება მოჰყვა, - ზოგი თვლის, რომ გადაცემის ფორმატი მიუღებელია ქართული ტრადიციული მშობელი-შვილის ურთიერთობის არსებული სტერეოტიპებისთვის, ზოგი კი, - პირიქით. მომღერალი აქტიურად აქცევს ყურადღებას საკუთარ ჯანმრთელობას, სულ ახლახანს სტომატოლოგთან ვიზიტებსაც მორჩა და კბილებიც ჩაიწიკწიკა და ჰოლივუდის ღიმილიც დაიყენა :) ასეა თუ ისეა, საქართველოს მუსიკალური დაჯილდოების “მეგას” ცერემონიალის ყველაზე მთავარი ნომინაციის მფლობელი - “ყველა თაობის საყვარელი მომღერალი” თავის სტატუსს კვლავ ამართლებს, გინდა “იუმორინაში” იყოს, გინდა “მხიარულ ოჯახში” და გინდა ისრაელში.

28.04.2010. “ახალი ტალღა - 2010” - იურმალაზე ქართველები ისევ სკანდალებში არიან

კარგახანია ქართველებს თან სდევთ სკანდალები ყველა საერთაშორისო კონკურსზე და გამონაკლისი არც იურმალას ფესტივალი “ახალი ტალღაა” სადაც ჯერ კიდევ სოსო პავლიაშვილის გამარჯვების დროიდან მოგვდევს ხმაურიანი გამოსვლები და სკანდალები, მაგრამ ის რაც წელს მოხდა, ალბათ კურიოზულია - საქართველოს არცერთმა ტელეკომპანიამ ჯერ-ჯერობით არ შეიძინა ამ კონკურსის ტრანსლიაციის უფლება, რაც თავის მხრივ პირობად დააყენეს კონკურსის ორგანიზატორებმა. წელს საქართველოდან ერთმანეთის დამოუკიდებლად თიკა ჯამბურიამ და ბორის ბედიამ გაიარეს კასტინგი და ორივემ მაღალი შეფასება დაიმსახურა, მაგრამ როგორც აღმოჩნდა, მიუხედავად ყველაფრისა ჯერ-ჯერობით კონკურსზე ვერცერთი ქართველი მონაწილეობას ვერ მიიღებს საქართველოს სახელით, თუ ქვეყნის რომელიმე არხი სატევეზიო ჩვენების უფლებას არ შეიძენს იურმალა(მარტივია - “ახალი ტალღის” ორგანიზატორები ეკონომიკური კრიზისის ფონზე ფულის შოვნის ახალ გზებს ეძებენ). მაგრამ ეს ყველაფერი არაფერია იმასთან მიმართებაში რაზეც უნიჭიერესი მომღერალი ბორის ბედიაა განაწყენებული, რომელსაც საკუთარ ქვეყანაშიც კი ბლოკავენ ზედა ეშელონებიდან და არცერთ ე.წ. სამთავრობო კონცერტზე არ ეძახიან (რადგან ისე, სერიოზული კონცერტები იშვიათად, ხუთ თვეში ერთხელ თუ იმართება სადმე), ნაწყენია იმაზეც, რომ სულ ერთიდაიგივე სახეები ტრიალებს და ახალ სისხლს გასაქანს არ აძლევენ, - არადა ჩვენო ბორის, შენ გგონია ახალს ამბობ რამეს? ბოლო წლებია ეს ახალი ამბავი არაა და თუ სამთავრობო კლანის მომღერალი არა ხარ, ვერც “ემტივურ” კლიპს გადაიღებ, ვერც სნობიზმის დონემდე დასულ ფოლკლორის პოპულარიზაციის აქციებში მოხვდები და ვერც “დღევანდელ ქართულ ელიტაში” შედგავ ფეხს, არც გისურვებთ ამას ბორის. . . ნიჭი არ დაგეკარგება!

27.04.2010. ალეკო მალხაზიშვილი - სტუმრად გადაცემაში "პირისპირ"

27 აპრილს რადიო "საქართველოს ხმის" პირდაპირ ეთერში, ჟურნალისტ ბესიკ ჩუბინიძის გადაცემაში "პირისპირ" მორიგი ექსკლუზიური სტუმარი, - იუმორისტული შოუს "კომედი შოუს" და პირველი ქართული "ფარული კამერის" შემქნელი, შოუმენი ალეკო მალხაზიშვილი იყო, თუ გსურთ გაიგოთ რას ფიქრობს ქართულ იუმორზე ზოგადად, ქართველ მსმენელზე, ვინ მიაჩნია კონკურენტად, ვისზე ხუმრობს და რატომ დახურეს ერთ-ერთი რეიტინგული გადაცემა "კლაბ შოუ", რა საიდუმლოებებს ამჟღავნებს და საერთოდ - რა მოსაზრებები აქვს ქვეყანაში მიმდინარე მოვლენებზე, შეგიძლიათ დააკლიკოთ ამ წარწერაზე და გადმოიწეროთ ალეკო მალხაზიშვილთან საუბარი-ინტერვიუ

20.04.2010. ზურა დოიჯაშვილის ბენეფისი “ბერმუხაში”

იმ ფონზე, როცა “მტვ”-ზე ქართული კლიპები იგზავნება, “ევროვიზიაზე” წასასვლელად მილიონები იყრება სახელმწიფოს მხრიდან, აქ თბილისში, ძველი გვარდიის, ნადვილი (!) ვარსკვლავები, საკუთარი ძალებით, ერთმანეთის და მეგობრების დახმარებით ვიწრო წრეში საკუთარი მსმენელისთვის მართავენ კონცერტებს. სწორედ ასეთი, ძველი გვარდიის ვარსკვლავის ზურა დოიჯაშვილის ბენეფისი მოეწყო რესტორან “ბერმუხაში”, სადაც მასთან ერთად სცენაზე მღეროდნენ - მამუკა ონაშვილი, გურამ ჯაში, ზურა მანაგაძე, ნუგზარ ერგემლიძე, თემო რცხილაძე, ნუგზარ კვაშალი, ჯგუფები “ფორტე” და “ქუჩის ბიჭები”, დათო არჩვაძე და სხვები. ვანო ყულჯანიშვილის ორგანიზებულ საღამოზე, უამრავი სტუმარი დაესწრო, ჟურნალისტები, საზოგადო მოღვაწეები, - ქართული, ტრადიციული სუფრა კი, თავის განსაკუთრებულ ელფერს მატებმა ზურას ბენეფისს, რომელმაც 20 სიმღერა შეასრულა და არც აპლოდისმენტების ნაკლებობა უგრძვნია და არც დამსწრეთა სიყვარულის დეფიციტი. აბა ქართული სუფრა პოლიტიკური დებატების გარეშე როგორ ჩაივლიდა? :) მითუმეტეს, იქ სადაც “ფორტეს” სოლისტი ზურა მანჯავიძეა. . . და არც არავის დაზარებია და შერცხვენია საკუთარი აზრის ხმამაღლა დაფიქსირება და ქართული კულტურის პოლიტიკის კრიტიკა., რასაც ხელი ნადვილად არ შეუშლია საღამოს ლამაზად დამთავრებაში.

20.04.2010. თამთა გოგუაძე - სტუმრად გადაცემაში "პირისპირ"

რადიო "საქართველოს ხმის" 107.9 პირდაპირ ეთერში 20 აპრილს ჟურნალისტ ბესიკ ჩუბინიძის გადაცემაში "პირისპირ" სტუმარი - ქართული ესტრადის, ერთ-ერთი პოპულარული თანამედროვე მომღერალი, სცენაზე 10 წლის წინ ფეხადგმული მომღერალი, დღეს კი ანსამბლ "სამაიას" წევრი, მსოფლიოს უამრავი ქვეყნის სტუმარი - თამთა გოგუაძე იყო, - შეგიძლიათ შეხვიდეთ ამ ლინკზე (დააჭირეთ წარწერას) და ხმოვან ინტერვიუში მოსმინოთ მთლიანი გადაცემის ჩანაწერი

18.04.2010. “ევროვიზია 2010”-სთვის გადაყრილი 2.000.000 ლარი, საქართველოს მორიგი პაკაზუხობა თუ შოუ-ბიზნესის განვითარება

მას შემდეგ რაც საზოგადოებისთვის ცნობილი გახდა, რომ წელს, ოსლოში, “ევროვიზიის” კონკურსში მონაწილეობისთვის საქართველო 802.100 ევროს ხარჯავს (ოფიციალურად), რომელიც დაახლოებით 2 მილიონ ლარს უდრის, აგრესიის ტალღა არა მარტო საქართველოს ხელისუფლების, კულტურის სამსახურების და “პირველი არხის” მიმართ გაიზარდა, არამედ თავად მომღერლის სოფო ნიჟარაძის მიმართაც, რომელიც ყველაზე ნაკლებადაა იმაში დამნაშავე, რომ ის პრეზიდენტის რჩეულია წლევანდელი “ევროვიზიისთვის”. საზოგადოებრივი მაუწყებლის (იგივე ტელეკომპანია “პირველი არხის”) საერთაშორისო პროექტების პროდუსერმა ნათია უზნაძემ განაცხადა, რომ წელს კონკურსის მონაწილეთა შეფასების კრიტერიუმები შეიცვალა და შეფასებებში უკვე ჟიურის წევრებიც მიიღებენ მონაწილეობას, რაც მეტად ზრდის შანსს ჩვენი სოფოს წარმატებისა. . . თუ პირველ წელს ჩვენმა მონაწილემ მე-12 ადგილი დაიკავა, მეორედ მე-11 ადგილი და მესამედ საერთოდ არ დაუშვეს კონკურსზე პუტინის გინების და პოლიტიკური სიმღერის გამო, იმედია მეოთხედ - ათეულში მაინც მოვხვდებით. საკითხავია, რამდენად უღირს მსგავსი სახის მილიონიანი კულტურული ინვესტიციები (!) საქართველოს, როცა შიგნით ქვეყანაში მინიმალური წინსვლაც კი არ შეინიშნება ქართული შოუ-ბიზნესის განვითარებისთვის (თუ არ ჩავთვლით ე.წ. სამთავრობო კარის მომღერლების პროექტებს). გამომდინარე ამ ყველაფრიდან ეს უფრო ტრადიციულ (!) ქართულ პაკაზუხობას გავს, როცა გარეთ მტერს უბრმავებ თვალს და შიგნით კიდევ მოყვარეს.

17.04.2010. ნიკო. . . “მოკვდა თუ არა ყველამ აცხონა”

ნიკო გომელაური დიდუბის პანთეონის წმინდა მიწას მიაბარეს, 39 წლის უნიჭიერესი მსახიობის და პოეტის სიცოცხლე განუკურნებელმა დაავადებამ შეიწირა, - იცოდა, რომ კიბო ჰქონდა, იცოდა, რომ დიდი დრო აღარ დარჩენოდა, არ შეუტყვია, არ გამოუმჟღავნებია, პირიქით – აქტიურად ცხოვრებას აგრძელებდა, წერდა, ინტერვიუებს იძლეოდა, სცენაზე თამაშობდა, საღამოები მიყავდა, თუმცა მის გაფერმკთალებულ სახეს უკვე ეტყობოდა, რომ გული ნელ-ნელა ეცლებოდა და გარდაცვალებისთვის ემზადებოდა. გარდაიცვალა, 13 აპრილს დილით მისი სული სამუდამო სასუფეველში გადავიდა საცხოვრებლად, აქ კი დატოვა ლექსები, ფილმები, სპექტაკლები, წიგნები და სიყვარული. შეიძლება ბევრმა არც იცოდა, ბევრს არც ქონდა ნანახი მისი სპექტაკლები, წიგნები, თუმცა ნანახი ქონდა ფილმები და ახსოვდა გამორჩეული სახე, კავკასიური იერი, თუმცა ქერა ქართველი მამაკაცის სევდიანი თვალები, გამორჩეული ხმა. გარდაიცვალა, - დიდუბის პანთეონის ძვალთსანახმა სამუდამოდ მიიბარა მისი სხეული, სული კი, სული - ზეცაში, იქ სადაც პოეტების ადგილია, ზეცაში ავიდა! ღმერთმა გაანათლოს!

16.04.2010. სიყვარულის დღის თბილისური ქრონიკა

უკვე მე-16 წელიწადია მთელი საქართველო გაზაფხულის შუა თვის შუა რიცხვში 15 აპრილს სიყვარულის დღეს აღნიშნავს, ყველა ქალაქში და რაიონში ამ დღისადმი მიძღვნილი მასობრივი ღონისძიებები ყოველთვის შესაშური ორგანიზებულობით გამოირჩევა და ე.წ. ვალენტინობის დღეს შელეული და ზურგშექცეული საქართველო ზე-აქტიურად აღნიშნავს ყოველი წლის 15 აპრილს, როგორც სიყვარულის დღეს. მაშტაბური ღონისძიებები გაიმართა სიყვარულის ქალაქად მონათლულ სიღნაღში, ქუთაისში, ბათუმში, სამტრედიაში, ზესტაფონში, ხაშურში, გურჯაანში, გორში, ქარელში და რათქმაუნდა დამაგვირგვინებელი დედაქალაქის ღონისძიებები იყო, სადაც რამდენიმე დიდი კონცერტი ჩატარდა - სპორტის სასახლეში ლეგენდარული ჯგუფ “ოტოვანის” სოლო-კონცერტი, ფილარმონიაში ქართული ჯგუფ “ფრანის” სოლო-კონცერტი, ხოლო მთავარი მუსიკალური აქცია მუშტაიდის პარკში ყველა თაობის ქართველ ვარსკვლავთან ერთად. ულამაზესი ღონისძიებები გაიმართა თბილისის პრესტიჟულ ღამის კლუბებში, რომელიც 14 აპრილიდან სიყვარულის დღე დაიწყო სლოგანით “შევხვდეთ სიყვარულის დღეს სიყვარულის ღამით” – შარდენის ყველა ბარი, პეროვსკაიას ყველა კაფე და სხვა ელიტარული საზოგადოებრივი თავშეყრის ადგილები თითქოს ერთმანეთს ეჯიბრებოდნენ ვინ უკეთეს დღესასწაულს მოუწყობდა საკუთარ სტუმრებს. განსაკუთრებული სარეკლამო კამპანია ბრენდ-მაღაზიებმა შესთავაზეს საკუთარ კლიენტებს სათხუთმეტაპრილოდ დაწყებული “პიერ კარდენიდან” დამთავრებული “საფილოთი”. სიყვარულის დღეს ყველაზე მასიური მაინც მუშტაიდში ჩატარებული ღონისძიება იყო, სადაც ათასობით ახალგაზრდა გრილ ამინდში საღამოს 10 საათამდე ერთობოდა, ქართველ მომღერლებთან ერთად, რის შემდეგაც დისკოთეკით დაასრულეს ის დღე. რამდენიმე წყვილმა კი, განსაკუთრებულად გაიხარა, რადგან სცენაზე სიყვარულის ახსნის კონკურსში გამარჯვებისთვის საჩუქრებით დახუნძლულები დაბრუნდნენ სახლში :)

14.04.2010. მერაბ სეფაშვილი: - არავისკენ არ ვარ, მე ჩემი ხალხისკენ ვარ ვისაც მუდმივად ატყუებენ

გადაცემაში “პირისპირ” მერაბ სეფაშვილის სტუმრობის შემდეგ დიდი დრო არ გასულა, მაგრამ მომღერალმა ჟურნალისტებთან საუბარში კიდევ ერთხელ, წინასაარჩევნო პერიოდისთვის გაიმეორა, რომ ის არც არასოდეს არავისტი არ ყოფილა და ყოველთვის მხოლოდ საკუთარი ხალხისთვის მღეროდა, არც რომელიმე მთავრობისგან ყოფილა განსაკუთრებულად დაფასებული და პრივილეგილებული. მომღერალი კიდევ ერთხელ განმარტავს, იმ სკანდალის დეტალებს როცა მერაბ სეფაშვილს უცერემონიოდ მიშისტის იარლიყი მიაკერეს იმის გულისთვის, როცა ის “ჩემი გმირი გიწოდეს” მღეროდა და სცენაზე საქართველოს პრეზიდენტი ავიდა (რა უნდა ექნა ნეტა სეფაშვილს, სიმღერა შეეწყვიტა და წიხლით გაეგდო პრეზიდენტი სცენიდან, თუ ემსახიობა და თვალებზე ხელები აეფარებინა, მიკროფონი მოეცილებინა და ფონოგრამა თავის ნებაზე მიეშვა?). მომღერალი აცხადებს, რომ დღესაც და ყოველთვის, წინააღმდეგი იყო საზოგადოების ორ ნაწილად გაყოფის და განსაკუთრებით საესტრადო ნაწილის, ამის მომხრე, იმის მომხრე - ეს გადანაწილება მერაბ სეფაშვილისთვის მიუღებელია. http://www.bin.ge/file/126868/21--fm---merab-sefashvili.wav.html

13.04.2010. ლექს-სენი - სტუმრად გადაცემაში "პირისპირ"

რადიო "საქართველოს ხმის" პირდაპირ ეთერში, ჟურნალისტ ბესიკ ჩუბინიძის გადაცემაში "პირისპირ" მორიგი ექსკლუზიური სტუმარი, - რეპერი, პირველი ქართველი წარმატებული პროექტის ავტორი, რომელმაც თავის დროზე "სპორტის სასახლეში" ცატარებულ სოლო-კონცერტზე 10.000 ბილეთი გაყიდა, , საქართველოს მუსიკალური დაჯილდოების "მეგას" რამდენიმეგზის ნომინატი და "საუკეთესო რეპერის" ტიტულის მფლობელი - ლექს-სენი იყო. თუ გსურთ გაიგოთ რას ფიქრობს ქართულ ესტრადაზე ზოგადად, ქართველ მსმენელზე, რა საიდუმლოებებს ამჟღავნებს და საერთოდ - რა მოსაზრებები აქვს ქვეყანაში მიმდინარე მოვლენებზე, როგორ ცდილობს კულტურის პოლიტიკის შეცვლას და რა აკავშირებდა ნაციონალურ მოძრაობასთაბ, შეგიძლიათ დააკლიკოთ ამ წარწერაზე და გადმოიწეროთ ლექს-სენთან საუბარი-ინტერვიუ

11.04.2010. თემურ ყვითელაშვილი - “დამზადებულია საქართველოში”

სწორედ ასე ქვია უნიჭიერესი ქართველი მუსიკოსის, გიტარისტის თემურ ყვითელაშვილის, ახალ, რიგით მე-6 ალბომს, რომელიც სახელს პირდაპირი გაგებით ამართლებს, რადგან მასში შესულია საქართველოში შექმნილი კომპოზიციები და ალბომიც საქართველოში “სანო სტუდიაშია” ჩაწერილი 3.000-ანი ტირაჟით, თუმცა მუსიკოსი ახლო მომავალში 10.000 ტირაჟით მის გამოცემას გეგმავს, რომელიც არა მარტო საქართველოს, არამედ მთელი მსოფლიოს მასშტაბით გაიყიდება. როგორც ცნობილია თბილისის საკონცერტო დარბაზში 20 იანვარს “მაგთიკომის” დაფინანსებით და მხარდაჭერით, თემურ ყვითელაშვილმა სოლო-კონცერტი გამართა და ის 2 წლის წინ გარდაცვლილ დედის ხსოვნას მიუძღვნა. უნიჭიერესი მუსიკოსი უკმაყოფილოა საქართველოს შოუ-ბიზნესში შექმნილი სიტუაციით და მაქსიმალურად ცდილობს (და გამოსდის) ამ სიბინძურის შემთხვევითი წევრი არ გახდეს, სადაც დღეს გაცილებით დიდი გასაქანი, ვიღაცას ვიღაცის საყვარლობით აქვს და ვიღაცას კი დიდი ფულის გამო, თანაც თემურ ყვითელაშვილის თქმისა არ იყოს - საქართველოშოს შოუ-ბიზნესში არ გამოდის ერთდროულად გქონდეს დიდი ფულიც და იყო დიდი პიროვნებაც. ფაქტია ერთია, რომ ჩვეულებრივი მოკვდავივით მცხოვრები უნიჭიერესი მუსიკოსი მომავლის იმედს არ კარგავს, აქტიურად მუშაობს და არც საზღვარგარეთ გადაცხოვრებას აპირებს, - ყველაფერი ქართულისადმი ერთგულება მის ექვსივე ალბომში ჩანს (თუნდაც დასახელებებში), რომელიც გაცილებით დიდი ტირაჟებით იყიდება საზღვარგარეთ ვიდრე თავად მუსიკოსის სამშობლოში.

09.04.2010. პაატა იაშვილი - სტუმრად გადაცემაში "პირისპირ"

რადიო "საქართველოს ხმის" 107.9 პირდაპირ ეთერში 6 აპრილს ჟურნალისტ ბესიკ ჩუბინიძის გადაცემაში "პირისპირ" სტუმარი - ქართული ესტრადის, ერთ-ერთი პოპულარული თანამედროვე ვარსკვლავი, ავტორ-შემსრულებელი, მუსიკოსი, ექიმი, ქართული ცეკვის და სიმღერის შერწყმის ახალგაზრდა ოსტატი - პაატა იაშვილი იყო, - შეგიძლიათ შეხვიდეთ ამ ლინკზე (დააჭირეთ წარწერას) და ხმოვან ინტერვიუში მოსმინოთ მთლიანი გადაცემის ჩანაწერი. მოისმენთ მომღერლის შეხედულებებს თანამედროვე ქართული ფოკლორის შესახებ, კულტურის პოლიტიკაზე, მოვლენებზე რომელიც მის გარშემო ვიტარდება... გაიგებთ რას გეგმავს უახლოეს ხანებში და რას ფიქრობს მათ შესახებ ვინც სიმღერის სტილის შეცვლას ურჩევს...

08.04.2010. აჩი ფურცელაძემ მოსკოვში სამსახური დროებით დაკარგა

საქართველოდან გადახვეწილი და ქვეყანაზე კიდევ ერთი გულდაწყვეტილი მომღერალი, შოუმენი და მუსიკოსი აჩი ფურცელაძე მოსკოვში დროებით სამსახურის გარეშე დარჩა, მას შემდეგ რაც კლუბი “ოპერა” რომელშიც ის მუშაობდა, გაურკვეველ ვითარებაში (!) მთლიანად დაიწვა. აჩი ფურცელაძე საქართველოში დატოვებული დედის მოსკოვში გადაყვანას აპირებს, თუმცა მისგან განსხვავებით ქ-ნი ხატულა, უფრო მოსკოვი-თბილისის გზაზე იქნება, რადგან რუსეთიში დარჩენას ის არ აპირებს ბოლომდე, შვილისგან განსხვავებით, სადაც მას უკვე ყავს საყვარელი ადამიანი გვერდით 37 წლის ელენე, რომელიც კიდევ ერთი და მნიშვნელოვანი ფაქტორია აჩის საქართველოში არდაბრუნებისა, ყოველშემთხვევისთვის ამ ეტაპზე, რადგან თბილისში ამასწინათ სტუმრად ჩამოსული მუსიკოსი ძალიან გულდაწყვეტილი გაბრუნდა უკან, ნაწყენიც, გულნატკენიც და იმედგაცრუებულიც. სამწუხაროდ აჩი ფურცელაძე არც პირველია და არც უკანასკნელი, ვისაც ასეთ გრძობით უწევს საქართველოდან წასვლა და საქართველოში – დარჩენა. შედით ამ ლინკზე და გადმოწერეთ აჩი ფურცელაძის ინტერვიუ http://www.bin.ge/file/123223/19--fm---achi-furceladze.wav.html

06.04.2010. 50 წლის თემო რცხილაძე “995”-ს აყალიბებს

პოპულარული ქართველი მომღერალი, რომელიც აგერ უკვე 4 წელიწადია საქართველოს ფარგლებს გარეთ გერმანიაში, ჰოლანდიაში და ესპანეთში მუშაობს, მარტში 50 წლის შესრულდა და დაბადების დღეც ვიწრო წრეში “ვერე გარდენში” გადაიხადა, სადაც მისი ძმა რომა (სპილო) რცხილაძე, ზურა დოიჯაშვილი და სხვები მღეროდნენ. ასაკთან შედარებით მუდმივად ახალგაზრდულ ფორმაში მყოფი მომღერალი უახლოეს ხანში ახალი იდეის განხორციელებას აპირებს და აყალიბებს ჯგუფს, რომელსაც ერთი შეხედვით უცნაური სახელი - 995 უწოდა (ეს ციფრები საქართველოს საერთაშორისო სატელეფონო კოდის ციფრებია) და რომელშიც 5 წევრის შეგროვებას აპირებს, ჯერ-ჯერობით კი, თავად და მისი მეგობარი ლევან ქემულარია არიან. თემო რცხილაძის ჰიტები დღემდე ტრიალებს ქართულ რადიო-არხებზე და დიდი მოთხოვნითაც სარგებლობს. 50 წელი ჩემთვის მხოლოდ ციფრებია და მეტი არაფერი, ბევრი მინახავს სკოლის ასაკში, რომ უკვე კაცია, ასაკს არანაირი მნიშვნელობა არ აქვს მთავარია კაცი ბოღმა არ იყო! - აცხადებს თემო რცხილაძე “თბილისელებთან” საუბარში. სხვათაშორის ნუგზარ ერგემლიძის მსგავსად, თემო რცხილაძეც მშვენივრად ხატავს და აქედან კომერციულ სარგებელსაც ნახულობს, ზის, ხატავს და მეგობრების დახმარებით ჰოლანდიაში სარფიანად ყიდის ნამუშევრებს.

04.04.2010. ბესიკ ჩუბინიძე: - განსაცდელის გარეშე არ არსებობს ბრძოლა, ბრძოლის გარეშე არ არსებობს გამარჯვება

საყოველთაოდ ცნობილია, რომ 1994 წლიდან საქართველოში ყოველი წლის 15 აპრილი აღინიშნება როგორც სიყვარულის დღე, მაგრამ ყველამ არ იცის ამ დღის ტრადიციად გადაქცევის ისტორია და მისი დამაარსებლის შესახებ, რომელიც რეალური ადამიანი, ჩვენი თანამემამულე, ქართველი ჟურნალისტი ბესიკ ჩუბინიძეა, რომელმაც 1993 წელს პირველ ქართულ დამოუკიდებელ ახალგაზრდულ გაზეთ “კოქტეილში” გააკეთა განცხადება და დააფიქსირა საკუთარი იდეა, საქართველოში ერთი რომელიმე კონკრეტული დღე სიყვარულის დღედ აღნიშნულიყო, იდეა საზოგადოებას ამცნო და მთელი საქართველოდან შემოსული წინადადებების განხილვა საორგანიზაციო კომიტეტმა მაშინვე დაიწყო. როგორც ჩვენთან საუბარში ბ-ნი ბესო აცხადებს, რედაქციაში დღეში 100 სატელეფონო ზარი მაინც შემოდიოდა, უამრავი წერილი, ადამიანები პირდაპირ მოდიოდნენ ოპერას გვერდით ლაღიძის ქუჩაზე, სადაც ახალგაზრდული გაზეთის 20 კაციან კოლექტივს მაშინ რედაქცია ქონდა. ბესოს იდეა ხალხმა მაშინვე აიტაცა და კონკრეტული რიცხვის დასაფიქსირებლად, ადამიანები ყველანაირ ახსნას უძებნიდნენ შემოთავაზებულ დღეებს - 1 მარტი (როგორც გაზაფხულის პირველი დღე), 8 მარტი (ქალების დღე, რადგან ქალი ყველაზე მეტადაა სიყვარულის ობიექტი), 30 მაისი (როგორც გაზაფხულის უკანასკნელი დღე) და სხვა უამრავი, - რათქმაუნდა შემოთავაზებებს შორის ყველაზე მეტად გაზაფხულის დღეები იყო. სწორედ ამ დროს გამოჩენილა იდეის ავტორთან პუბლიცისტი, საზოგადო მოღვაწე, ჟურნალისტი და მაშინდელი “1-ლი არხის” თანამშრომელი, ხანშიშესული მამაკაცი - გიგა მახვილაძე, რომელმაც სიყვარულის დღის დაარსების იდეის ავტორს 15 აპრილის არჩევა შესთავაზა, როგორც გაზაფხულის შუა თვის შუა რიცხვის, მაშინ როცა ყველაზე ძლიერია გაზაფხული, როცა ის პიკზეა. . . და ბ-ნმა გიგა მახვილაძემ არც კი იცოდა, რამდენად საინტერესო დამთხვევა იყო ეს ყველაფერი, რადგან მან საერთოდ არ იცოდა, რომ ბესო სწორედ 15 აპრილს იყო დაბადებული. . . მას შემდეგ 16 წელი გავიდა და საქართველოს თითოეულმა მოქალაქემ იცის, რომ 15 აპრილს – გაზაფხულსი შუა თვის შუა რიცხვში სიყვარულის ლამაზ დღეს ავღნიშნავთ. (დააკლიკეთ წარწერაზე და წაიკითხეთ ვრცელი ინტერვიუ)

03.04.2010. გოგა მესხი ევროპული “ემ თი ვის” რჩეული გახდა

დათარსული მუსიკალური პროექტის “ვარსკვლავური აკადემიის” სიკვდილს გადარჩენილი წევრი გოგა მესხი, კიშინოვში ჩატარებული კონკურსის “ოქროს ხმის” ერთ-ერთი სასურველი ნომინაციის “ემ თი ვის სიმპათიის” პრიზის მფლობელი გახდა. თბილისური ჯგუფ “ვივოს” წევრი, უახლოეს მომავალში მაღალი ხარისხის კლიპის გადაღებას პოლონეთში (!) ან რუმინეთში (!) გეგმავს, რომელიც უფასოდ დატრიალდება ევროპული “ემ თი ვის” არხზე. გოგა მესხს საკმაოდ დატვირთული სამუშაო გრაფიკი აქვს, ის უკვე ერთი თვით გაემგზავრა ბაქოში და იქ ექნება კონცერტები, რის შემდეგაც ეგვიპტეში ერთ-ერთ კონკურსზე გამოდის, შემდეგ ბოსნიაში და ლატვიაში, მოკლედ სრული დატვირთვით იწყებს საკუთარი სოლო-კარიერის აწყობას და რაოდენ სამწუხაროა, რომ ის მორიგი ნიჭიერი მუსიკოსი იქნება საქართველოდან გადახვეწილი და საკუთარ ქვეყანაში დაუფასებელი.

02.04.2010. სალომე კორკოტაშვილი “გრემს” უმიზნებს

პოპულარული ჯგუფ “პაპარაცის” სოლისტი და ოპოზიციონერ-მსახიობი მამის შვილი სალომე კორკოტაშვილი (კორკოტა), 6 თვიანი პაუზის შემდეგ, სცენაზე დაბრუნებას აპირებს. ეს პაუზა კი მისი მხრიდან გამართლებულია, რადგან მომღერალი დედა გახდა და პატარა ზუკას მოვლით იყო დაკავებული. როგორც მომღერალი აცხადებს, უკვე ჩაწერა ახალი სიმღერა “სუპერ ვარსკვლავები”, რომელიც მისი აზრით გაჰიტებისთვისაა განწირული, მაგრამ არა საქართველოში, არამედ უცხოეთში, თუ იმასაც გავითვალისწინებთ, რომ მომღერალი მეუღლესთან ერთად სექტემბრიდან ბოსტონში გადადის საცხოვრებლად და სამუშაოდ. იგი ხამამაღლა აცხადებს პრეტენზიას “გრემის” მოპოვებაზე და მისი კლიპის “მტვ”-ზე დატრიალებაზე, პარალელურად კი დიდ სოლო კონცერტზე ლონდონის სტადიონზე. ჯანსაღი ამბიციები სალომეს ადრეც ქონდა და გამართლებია კიდეც. მიუხედავად იმისა, რომ კორკოტას დროებით, თავისი საყვარელი პატარა ზუკას დატოვება თბილისში მოუწევს, ვიმედოვნებთ, ამჟამადაც მიაღწევს მიზანს და ჩვენ კი ბოლოსდაბოლოს გვეყოლება საქართველოდან წასული, პირველი თანამედროვე მომღერალი, რომლის სიმღერებიც “გრემსაც” მიიღებს და კლიპად “მტვ”-ზეც დატრიალდება.

31.03.2010. მამუკა ონაშვილი - ცეზარი, რომელიც ყველაფერს ასწრებს

ქართველების საყვარელი მომღერალი, განსაკუთრებით პატარების ძმაკაცი, ტელე-წამყვანი, მსახიობი მამუკა ონაშვილი აქტიურად აგრძელებს შემოქმედებით კარიერას და გარდა ტელე-კომპანია “იმედზე” საბავშვო გადაცემის “მხიარული ოჯახის” წამყვანობისა, სტუდიაში მუშაობითაცაა დაკავებული და სულ მალე გვპირდება, რომ ახალი 15 სიმღერით გაძეძგილ ალბომს გამოუშვებს მუსიკალურ ბაზარზე. მალადეც მამუკას! - იმიტომ, რომ ის იმ იშვიათ მომღერალთა შორისაა, რომელიც ყოველგვარი ხმამაღალი დაპირებების, განცხადების, პოლიტიაკში შეძრომის და ხმაურის გარეშე აკეთებს თავის საქმეს, ჩუმად, ხარისხიანად, წყნარად, სიყვარულით და მერე - ერთ მშვენიერ დღესაც საზოგადოების წინაშე გამოაქვს და საზოგადოებასაც მოსწონს მისი ნამუშევარი. მომღერალი იმედს გამოთქვამს, რომ მისი ახალი ალბომი, მიუხედავად ქართული შოუ-ბიზნესის კომაში ყოფნისა, თავის სათქმელს მაინც იტყვის.

30.03.2010. ჯემალ სეფიაშვილი - სტუმრად გადაცემაში "პირისპირ"

30 მარტს რადიო "საქართველოს ხმის" პირდაპირ ეთერში, ჟურნალისტ ბესიკ ჩუბინიძის გადაცემაში "პირისპირ" მორიგი ექსკლუზიური სტუმარი, - კომპოზიტორი, უამრავი ქართული თანამედროვე ჰიტის ავტორი, ღირსების ორდენის კავალერი, ყველა დროის ერთ-ერთი უნიჭიერესი ადამიანი ჯემალ სეფიაშვილი იყო. თუ გსურთ გაიგოთ რას ფიქრობს ქართულ ესტრადაზე ზოგადად, ქართველ მსმენელზე, რა საიდუმლოებებს ამჟღავნებს ჯემალ სეფიაშვილი და საერთოდ - რა მოსაზრებები აქვს ქვეყანაში მიმდინარე მოვლენებზე, შეგიძლიათ დააკლიკოთ ამ წარწერაზე და გადმოიწეროთ ბატონ ჯემალთან საუბარი, ინტერვიუ

29.03.2010. რატომ ჩავარდა “ომი და ქორწილი”?

ქართულ კინო-თეატრებში რამდენიმე კვირის უკან, წარუმატებლად გაიმართა ზაზა კოლელიშვილის მხატვრული ფილმის “ომი და ქორწილის” ჩვენება. წარუმატებლობას რეჟისორი ფილმის სიცუდეს არ აბრალებს და თვლის, რომ რადგან კინო-თეატრებში ხალხი ფილმის სანახავად არ მივიდა, ეს არაა იმის ბრალი, რომ ის არ ვარგა, თუმცა შესაძლოა ასეც იყოს. რეჟისორის აზრით, გავლენა იქონია ომის ფაქტორმაც, სინდრომმა, რომლიდანაც ქართველობა ჯერ კიდევ არ გამოსულა და რაც მთავარია, ფილმის ჟანრი, - ქართველები რეალურად კომედიურ ფილმებზე უფრო დადიან ვიდრე მსგავსი ჟანრის სურათების სანახავად. ჩვენი აზრით, რეჟისორი მართალია, როცა ფილმის წარუმატებლობად ჟანრს განიხილავს, რადგან საზოგადოებას თითქოს მობეზრდა დასაფიქრებელი, ტრაგიკული ფილმების ცქერა და ახლა მას მხოლოდ გართობა, მოლხენა და სიცილი უნდა. ალბათ ამის შედეგი უნდა იყოს, რომ იუმორისტულ ფილმებს ყოველთვის ჰყავს მაყურებელი - მასა! და რაოდენ სამწუხაროც არ უნდა იყოს, ბ-ნი ზაზაც თანახმაა შემდეგი ფილმი ჟანრობრივად კომედია იყოს და არა ეკრანზე გადატანილი, ჩვენი ქვეყნის ისტორიის რომელიმე ტრაგიკული ფურცელი. სწორედ ჩვენი ისტორიის ჟანრობრივი სიმძიმის გამოა, რომ ქართველი მაყურებლი ცდილობს კინო-თეატრებში შესვლისას მაინც მოუხუროს კარი განცდილ რეალობას და აღარ დაფიქრდეს იმ წარსულზე, რომელზეც ამ შემთხვევაში ზაზა კოლელიშვილის ფილმი საუბრობს, ამიტომ ყოველგვარი უარყოფითი ემოციების გარეშე, უბრალოდ დიდი ეკრანის წინ, პოპკორნით ხელში მოკალათება და ხარხარი ურჩევნია.

27.03.2010. უცნობი ამჯერად თავს კარგად გრძნობს

პოპულარული შოუმენი, მსახიობი, მომღერალი და ბოლო წლებში პოლიტიკაში ბოლომდე გათქვეფილი გია გაჩეჩილაძე (უცნობი), რამდენიმე დღის უკან საავადმყოფოში, გულიკო ჩაფიძის გულის კლინიკაში მოხვდა, სადაც ოპერაცია გაიკეთა და ორი სტენტი ჩაიდგა. გია გაჩეჩილაძე ჯანმრთელობას დიდი ხანია უჩივის, რაშიც უარყოფითი თვალსაზრისით, დამატებითი კატალიზატორის როლი ტელეკომპანია “მაესტროს” პროექტმა “საკანი #5”, შეასრულა. შემდეგ იყო ცნობილი მოვლენა, შინაგან საქმეთა სამმართველოს დახურული ზონის ღობეზე გადახტომა და პოლიციელების მხრიდან მისი უმოწყალო ცემა, რის შემდეგაც შოუმენს ჯანმრთელობა კიდევ უფრო გაურთულდა. როგორც ავღნიშნეთ, მისი მდგომარეობა ამჟამად დამაკმაყოფილებელია. კვლავ ჩაერთვება, თუ არა მომღერალი ხელისუფლების წინააღმდეგ აქტიურ ბრძოლაში, ეს ჯერ-ჯერობით უცნობია.

26.03.2010. ლეგენდარული ვარსკვლავური დუეტი "ოტოვანი" თბილისელებს სიყვარულის დღეს მიულოცავს

საერთაშორისო საკონცერტო კომპანია ELATCONCERTS პირველად საქართველოში, მსოფლიოში ცნობილ ვარსკვლავებს, ლეგენდარულ ჯგუფს ОTTAWANწარმოგიდგენთ. სოლო-კონცერტი გაიმართება 14 აპრილს CLUB “G.U.R.U-ში - შევხვდეთ სიყვარულის დღეს 15 აპრილს "ოტოვანთან" ერთად. ОTTAWAN- ფრანგული დუეტია, რომელმაც 80-ანი წლების დასაწყისში მთელი ევროპა და საბჭოთა კავშირი დაიპყრო. მათი კომპოზიციები D.I.S.C.O, Crazy Music, Hands up, You’re OK, Help, Get Me Some Help! და სხვა მრავალი იმ დროინდელი ახალგაზრდობის ჰიტი იყო. პირველმა სინგლმა D.I.S.C.O ევროპის ქვეყნებში მალევე მოიპოვა „ოქროს სინგლის“ სტატუსი და მეორე ადგილი დაიკავა დიდი ბრიტანეთის ჰიტ-პარადში. შემდეგმა დისკმა Hands up, რომელიც 1981 წელს ჩაწერეს, არანაკლები პოპულარობა მოუტანა დუეტს. ამ ორი დისკის შემდეგ ჯგუფის პოპულარობა ისე გაიზარდა, რომ მათი სიმღერები ყველამ ზეპირად იცოდა. მოგვიანებით ჯგუფში ცვლილება მოხდა, ვოკალისტ ანეტის მაგივრად ჯგუფს Esther Langen შეუერთდა. ანეტის წასვლიდან რამდენიმე თვეში ჯგუფი ოფიციალურად Jean Patrickმაც მიატოვა. დღეს ჯგუფი ОTTAWANოფიციალურად შედგება Esther Langen და Robert Wolker დუეტისგან. დისკოს სტილის აღორძინებასთან ერთად დუეტი კვლავ მოხვდა ევროპის ჩარტებში (გერმანიის, ავსტრიის, შვეიცარიის, ჰოლანდიის) საერთაშორისო საკონცერტო კომპანია ELATCONCERTS ამ ლეგენდარულ ჯგუფს თბილისში ჩამოიყვანს. 14 აპრილს მათ კონცერტი CLUB “G.U.R.U-ში გაიმართება და დამსწრე საზოგადოება სიყვარულის დღეს "ოტოვანთან" ერთად შეხვდება

25.03.2010. ბუთხუზ ბასილაიას კიდევ ერთი ხსოვნის საღამო

რამდენიმე დღის უკან, ფილარმონიის დიდ საკონცერტო დარბაზში, ნუგზარ კვაშალის ინიციატივით და ორგანიზებით ანსამბლ “ივერიის” ლეგენდარული ხელმძღვანელის ალექსანდრე (ბუთხუზ) ბასილაიას ხსოვნისადმი მიძღვნილი საღამო გაიმართა, სადაც ყოფილი “ივერიელების” გარკვეული ნაწილი ღებულობდა მონაწილეობას. სპეციალურად ამ დღისთვის მოსკოვიდან სტუმრად იყვნენ ჩამოსულნი ანსამბლი “სკერცო”, მანანა თოდაძე. სამწუხაროდ, მონაწილეებს ვერ შეუერთდნენ ძველი “ივერიელები” - სოსო პავლიაშვილი, თამუნა ამონაშვილი, გოჩა ლორია და სხვები. საღამოს თავად ნუგზარ კვაშალი უძღვებოდა, რომელიც აშკარად ღელავდა და არც მალავდა ამ ფაქტს. სავსე დარბაზის მქუხარე და ხანგრძლივი ბიძინა ივანიშვილი აპლოდისმენტები გამოიწვია თემურ წიკლაურის მიერ დარბაზიდან სცენაზე მოწვეულმა ბ-ნი ალექსანდრეს მეუღლემ, რომელმაც ულამაზესი დუეტი ეკრანზე გასულ მეუღლის გამოსახულების თანხლებით შეასრულა. აღსანიშნავია ის ფაქტიც, რომ დარბაზში, ჩვეულებრივი მაყურებლის გვერდით იჯდა ქართველი მილიარდელი, მეცენატი და ქველმოქმედი ბიძინა ივანიშვილი (რომელიც ცნობილია ხელოვნებისადმი თავისი პოზიტიური დამოკიდებულებით) მეუღლესთან ერთად ესწრებოდა კონცერტს. სცენაზე კი, ძველ “ივერიელბთან” ერთად, ბუთხუზი ბასილაიას სიმღერებს სხვადასხვა თაობის “ჯეოსტარელებიც” ასრულებდნენ , რამაც საღამოს უფრო მეტი დადებითი მუხტი შემატა და მაყურებელიც და მონაწილენიც კმაყოფილი დატოვა. ფაქტი ერთია, რომ ბუთხუზი ბასილაიას შემოქმედება, მომავალ თაობებს სამუდამოდ დარჩება.

24.03.2010. სოსო პავლიაშვილი მიშა სააკაშვილმა განარისხა

ყველასათვის ცნობილია, რომ საქართველოდან კარგა ხნის წინათ გადახვეწილი ქართველი ვარსკვლავი სოსო პავლიაშვილი ქვეყნის დღევანდელ მთავრობას გულზე არ ეხატება და პირველი თუ არა, ერთ-ერთი პირველი “მოღალატეცაა” ქართველი ერისა, იმ მოღალატეთა რიგებში, რომლებსაც ხელისუფლებამ ეს იარლიყი რუსეთში მოღვაწეობის გამო მიაკერა. გაზეთ “ასავალ დასავალთან” საუბრისას, სოსო პავლიაშვილმა განრისხებული ინტერვიუ მისცა ჟურნალისტს. აქამდე, მოზომილად მოსაუბრე ქართველი მომღერალი ყველა სიტყვას წონიდა, ამჯერად ის ღიად სდებს ბრალს მიშა სააკაშვილს და მის ხელისუფლებას ქართველთა დისკრედიტაციაში, ტერიტორიების დაკარგვაში და ქართველ ხელოვანთა სახელის გატეხვასა და ჩირქის მოცხებაში. შეგახსენებთ, რომ სოსო პავლიაშვილი 2003 წელს რევოლუციის გზით მოსულმა ხელისუფლებამ შევარდნაძის მხარდაჭერის გამო, თავიდანვე მოიძულა და თანაც, მისი კონცერტზე ოფიციალურად მოწვევა, საქართველოში 2003 წლიდან არასოდეს მომხდარა, როცა ქართველების საამაყო მომღერალი რუსეთში თითქმის ყოველდღიურად მართავს კონცერტებს და მას ამ ქვეყანაში როგორც მინიმუმი, ძალიან აფასებენ.. ჩვენი ჟურნალი კიდევ ერთხელ აფიქსირებს თავის სიმპათიებს სოსო პავლიაშვილისადმი და მისი, როგორც საქართველოს მოღალატედ მონათვლას, ცინიკური ღიმილით უყურებს.

23.03.2010. „შინის“ ქართული გასტროლები

ქართულ ჯგუფს „შინს“, რომელიც 1998 წელს გერმანიაში ჩამოყალიბდა და საზღვარგარეთ ქართული მუსიკისა და ფოლკლორის პოპულარიზაციის საქმეში დიდი წვლილი მიუძღვის, მშობლიურ ქვეყანას არ ივიწყებს და დრო და დრო ქართველ ფანებსაც ახარებს. ბათუმისა და ქუთაისის შემდეგ „შინმა“ თბილისის დიდ საკონცერტო დარბაზს მიაშურა და კონცერტი გამართა. 20 მარტის საკონცერტო პროგრამა მათი ახალი ექსპერიმენტული პროექტი, „შავი ზღვის ცეცხლი“ იყო. მასში მონაწილეობა სხვა და სხვა ქვეყნის წარმომადგენლებმა მიიღეს. „შინთან“ ერთად ფილარმონიაში უკრავდნენ ბულგარელი თეოდოს სპასოვი, უკრაინელი ნარიმან უმეროვი და მოლდოველი ანატოლია სტეფანეტი. ("მიუზიქ ბოქსი")

22.03.2010. ფოტო-გამოფენა "1991-2008 წ.წ. - ის რაც აღარასოდეს არ უნდა განმეორდეს"

ბესო ჩუბინიძე

19 და 22 მარტს მხატვართა კავშირის საგამოფენო დარბაზში კომპანია “არტ-ფეისის” და “ფუჯიფილმის” ეგიდით ჟურნალისტ ბესიკ ჩუბინიძის მიერ 1991-2008 წლებში გადაღებული ფოტო-კადრების გამოფენა მოეწყო, რომელიც ავტორმა საზოგადოებას საინტერესო სლოგანით წარუდგინა - “ის, რაც არასოდეს არ უნდა განმეორდეს”. გამოფენაზე წარმოდგენილი იყო ჟურნალისტის მიერ გადაღებული 60 ფოტო და დამატებით ათი საინტერესო კადრი, რომელიც სხვადასხვა დროს, უცნობი თუ ნაცნობი ფოტოგრაფების მიერაა გადაღებული (და რომელიც ე.წ. “დაშიფრული ფოტოს” სტატუსით გამოიფინა). ორი დღის მანძილზე გამოფენილმა ფოტოებმა საზოგადოების დიდი დაინტერესება გამოიწვია, მისი მონახულება არ გადაუდიათ ძველ მებრძოლებს, საზოგადოების პოპულარულ სახეებს და ცნობილ ადამიანებს. ნუგზარ ერგემლიძე, ეკა ბესელია, დოდო გუგეშაშვილი, გოგა მესხი, ლალი ტოტიკაშვილი, გია ჯაჯანიძე და სხვა უამრავი ინტერესით ათვალიერებდნენ საქართველოს უახლოესი ისტორიის შეჩერებულ წამებს.

16.03.2010. ირმა სოხაძე - სტუმრად გადაცემაში "პირისპირ"

რადიო "საქართველოს ხმის" 107.9 პირდაპირ ეთერში 16 მარტს ჟურნალისტ ბესიკ ჩუბინიძის გადაცემაში "პირისპირ" სტუმარი - ქართული ესტრადის, ერთ-ერთი ყველაზე პოპულარული ვარსკვლავი, ავტორ-შემსრულებელი, მუსიკოსი და თბილისში პრაღიდან რამდენიმე კვირით ახლახანს დაბრუნებული - ირმა სოხაძე. შეგიძლიათ შეხვიდეთ ამ ლინკზე (დააჭირეთ წარწერას) და ხმოვან ინტერვიუში მოსმინოთ მთლიანი გადაცემის ჩანაწერი გაიგებთ რაზე წყდება ირმა სოხაძეს გული, რას აპირებს მუსიკალური კარიერის მხრივ უახლოეს მომავალში, რა განწყობა აქვს ქართული თანამედროვე ესტრადის შემხედვარეს, რატომ დატოვა "საზოგადოებრივი მაუწყებლის" სამეურნეო საბჭო და დაიწყებს თუ არა კვლავ მუშაობას 1-ელ არხზე?

12.03.2010. გიგა კვენეტაძე - დათო ხუჯაძე, ნინო წიკლაური - ნინი წიკლაური

საქართველოდან გადახვეწილი ქართველი მომღერლის “ცრემლების პრინცად” მონათლული გიგა კვენეტაძისა და მისი პროდუსერის - ნინო წიკლაურის ფარულ სიყვარულზე ადრეც ბევრს წერდნენ და მსჯელობდნენ და ახლაც, მიუხედავად იმისა, რომ წყვილმა კარგახნის წინათ ოფიციალურად აღიარა ჟურნალ “ვარსკვლავებთან” ექსკლუზიურ ინტერვიუში ერთად ყოფნა და ოჯახის შექმნის ფაქტი. მიუხედავად იმისა, რომ გიგა მოსკოვში ცხოვრობს და ნინო ჯერ ისევ თბილისში (წარმოშობით ბათუმელია) წყვილს არ გასჭირვებია ქორწილის დაგეგმვა და მეჯვარეების შერჩევა, სიძეს მეჯვარე, საქართველოდან გადახვეწილი კიდევ ერთი მომღერალი დათო ხუჯაძე იქნება (რომლის სტუდიაშიც მუშაობს გიგა კვენეტაძე), ხოლო პატარძლის მეჯვარე კი, მისივე გვარ-მოსახელე, მოსკოვში მცხოვრები ნინი წიკლაური. წყვილს ჯვრისწერა საქართველოში, კერძოდ კი ქუთაისში, ბაგრატის ტაძარში აქვს გადაწყვეტილი და დაახლოებით 100 კაციანი ქორწილის გადახდის სურვილი კი - თბილისში. მკითხველისთვის ისიც ცნობილია, რომ ნინო საქართველოში ერთ-ერთი ყველაზე სასურველი საპატარძლო იყო, მაგრამ როგორც ჩანს გიგა კვენეტაძემ მისი გული საბოლოოდ დაიპყრო. ნინოს პირველი ქორწინებიდან ყავს ერთი გოგონა, და ულამაზესი პატარა შვილიშვილი.

10.03.2010. მაია კაჭკაჭიშვილის დეფიციტურად სასიამოვნო საღამო

პროდუსერ თაკო დოლაბერიძის ეგიდით კლუბ “ტრიუმფში” კომპოზიტორ მაია კაჭკაჭიშვილის შემოქმედებითი საღამო გაიმართა, რომელსაც ქართული ესტრადის ვარსკვლავები ესწრებოდნენ და სადაც მაიას დაწერილ სიმღერებს რიგ-რიგობით ასრულებდნენ შეკრებილი საზოგადოების წინაშე. საქართველოს მუსიკალური დაჯილდოების “მეგას” ცერემონიალის “წლის საუკეთესო კომპოზიტორის” ნომინაციაში გამარჯვებული, უნიჭიერესი ადამიანი სასიამოვნოდ აღელვებული ჩანდა და მადლობებს არ იშურებდა ქართველი მომღერლებისთვის, რომლებიც მის პირველ შემოქმედებით საღამოს ესწრებოდნენ: - მერაბ სეფაშვილი, “ქუჩის ბიჭები”, “სეიშენი” ნინი ბადურაშვილი, თაკო გაჩეჩილაძე, ლელა წურწუმია, ეკა კახიანი, ლევან ლაზარიშვილი, ქრისტინა იმედაძე, თიკა ჯამბურია, ტატო, მარიკა თხელიძე, ნინი ქარსელაძე, სხვები და სხვები, რომლებსაც ერთი სიმღერა მაინც აქვთ მაია კაჭკაჭიშვილის მიერ დაწერილი, საკუთარ რეპერტუარში. ხალხით სავსე დარბაზი კმაყოფილი უსმენდა ყველა მომღერალს და ნოსტალგიურად იხსენებდა არცისე შორეულ წარსულს, როცა იგივე მომღერლები სპორტის სასახლის დარბაზს ავსებდნენ 10.000 მსმენელთან მაია კაჭკაჭიშვილიერთად, - უსმენდა, ცეკვავდა და ერთობოდა. ცალკე აღსანიშნავი იყო კულისები, სადაც მომღერლებისთვის ავტონომიური ქართული სუფრა იყო გაშლილი და სადაც, კვლავ ნათლად ჩანდა ჯერ კიდევ წლების წინ ორად გაყოფილი, ქართული შოუ-ბიზნესის ფარული პერიპეტიები, ერთი დიდი, გრძელი სუფრის თავში ე.წ. “სამთავრობო მომღერლები” ისხდნენ, მეორეში კი - ე.წ. “ნეიტრალები” და “არამიშისტები” და მიუხედავად მხიარული (!), სადღესასწაულო განწყობისა ყველა მაინც თავის წრეში (!) ჭორაობდა თუ ქეიფობდა. ერთი კი, ფაქტად რჩება, რომ ქართველ მომღერლებსაც მონატრებიათ მსმენელი და მსმენელსაც მონატრებია ქართველი მომღერლები, აი - მომღერლების ერთ ნაწილს, მეორე ნაწილი კი, ჩვეულებრივად (!) ისევ ისე არ ეხატება გულზე, როგორც ადრე, “კაკ ვდობრიო, სტარიე ვრემენა”.

09.02.2010. ნინი შერმადინი - სტუმრად გადაცემაში "პირისპირ"

9 მარტს 17:00 საათიდან რადიო "საქართველოს ხმის" პირდაპირ ეთერში, ჟურნალისტ ბესიკ ჩუბინიძის გადაცემაში "პირისპირ" მორიგი ექსკლუზიური სტუმარი, საბერძნეთიდან დროებით დაბრუნებული ქართველი მომღერალი (ახლა უკვე ბერძნუული ესტრადის ვარსკვლავიც) - ნინი შერმადინი იყო. თუ გსურთ გაიგოთ რას ფიქრობს ქართულ ესტრადაზე ზოგადად, ქართველ მსმენელზე, რა საიდუმლოებებს ამჟღავნებს ნინი და საერთოდ - რატომ აღ სურს თავის ქვეყანაში ცხოვრება, შეგიძლიათ დააკლიკოთ ამ წარწერაზე და გადმოიწეროთ ნინი შერმადინთან საუბარი, ინტერვიუ

06.03.2010. რუსთაველების შეხვედრა კომპოზიტორ ზურა ჩინჩალაძესთან

5 მარტს ქალაქ რუსთავში, ასოციაცია “ჯადოსნური ხმების” ეგიდით საქართველოს მუსიკალური დაჯილდოების “მეგას” ცერემონიალის “წლის საუკეთესო კომპოზიტორის” ნომინაციაში გამარჯვებულ კომპოზიტორ ზურა ჩინჩალაძესთან შეხვედრა მოეწყო. შემოქმედებითი საღამო რუსთავის დრამატული თეატრის დარბაზში გაიმართა პროდუსერ თამაზ ქაჯაიას ორგანიზებით, რომელსაც ქართული ესტრადის ნამდვილი ვარსკვლავები სტუმრობდნენ - ბესო კალანდაძე, ეთერ კაკულია, ნუგზარ კვაშალი, პაატა თედიაშვილი და მაკა ქაჯაია. მომღერლები რომლებსაც საკუთარ რეპერტუარში ზურა ჩინჩალაძის თითო სიმღერა მაინც აქვთ. საღამოს წამყვანი ზაზა ალექსიძე გახდა, რომელსაც იმ დღეს დაბადების დღე ჰქონდა და ორმაგი ენერგიით უძღვებოდა ღონისძიებას. კომპოზიტორის შემოქმედებით საღამოზე მონაწილეობას ღებულობდნენ ქორეოგრაფიული და ბავშვთა ანსამბლები, სოლო შემსრულებლები და ახალგაზრდა ჯგუფები, რომელთა შორის გამოირჩეოდნენ გადაცემა “ნიჭიერის” მეორე ტურში გადასული მართლაც ნიჭიერი “ჯექსომანები” და 12 წლის პატარა მომღერალი “მეგა-2008”-ის ლაურიატი რუსუდან ზაზაშვილი. სავსე დარბაზი 3 საათის განმავლობაში აპლოდისმენტებს არ იშურებდა არცერთი შემსრულებლისთვის, მაგრამ ეთერ კაკულიას ნამღერმა რუსთავის ჰიმნმა მაინც განსაკუთრებული ეფექტი მოახდინა. კმაყოფილი ჩანდა თავად კომპოზიტორი ზურა ჩინჩალაძეც, რომელიც კიდევ ერთხელ ვაფიქსირებთ, უდაოდ ერთ-ერთი გამორჩეული ქართველი ავტორ-შემსრულებელიცაა. ლამაზი საღამო რუსთავის ერთ-ერთ ულამაზეს რესტორან “თამადაში” ვანო ზაზაშვილის მასპინძლობით ლამაზად დაგვირგვინდა.

04.03.2010. ღვინის კომპანია “შუმის” გრანდიოზული საღამო და სიუპრიზების ფეირვერკი

რამდენიმე დღის უკან რეალითი-შოუ “ჯეო-ბარის” გამარჯვებულმა დეა ადამიამ კლუბ “ოთახში” ორგანიზება გაუკეთა დიზაინერ 30 წლის სოფო სირაბიძის ჩვენებას, რომელმაც მეტად ორიგინალური, ლამაზი და პრაქტიკული საღამოს კაბები წარმოადგინა 7 მოდელი გოგონას დახმარებით. პრეზიდენტ ზვიად გამსახურდიას მიერ 1991 წელს დაარსებულმა დედის დღემ, საქართველოში მყარად მოიკიდა ფეხი და აგერ უკვე წლებია საქართველო ყოველ 3 მარტს ღირსეულად აღნიშნავს ამ თარიღს. იმ უამრავ აქციას, კონცერტსა და გამოსვალს შორის. რომელიც ამ დღეს თბილისში ჩატარდა, ერთ-ერთი ყველაზე გამორჩეული ღვინის კომპანია “შუმის” მიერ ორგანიზებული საკონცერტო საღამო იყო, რომელიც რესტორან “მონოპოლში” გაიმართა, ქართული ესტრადის გამორჩეულ ვარსკვლავებთან ერთად - მერაბ სეფაშვილი, მამუკა ონაშვილი, ზურა დოიჯაშვილი, ნატო გელაშვილი, დათო არჩვაზე, ზურა მანაგაძე, ზურა ჩინჩალაძე, პაატა თედიაშვილი და სხვა უამრავი ცნობილი სახე. მაღალორგანიზებულ საღამოს ღვინის კომპანია “შუმის” პიარ-მენეჯერი თინათინ წილოსანი (რომელსაც კომპანია “მარიგოლდის” ულამაზესი კაბა უფრო მეტად ამშვენებდა) და მისი მეწყვილე ვანიკო ყულიჯანიშვილი უძღვებოდნენ, სპეციალურად ამ დღის აღსანიშნავად საღამოს მერაბ სეფაშვილიესწრებოდა 9 შვილის დედა, ქალბატონი რომელსაც წამყვანებს, რომ არ ეთქვათ საერთოდ არ ეტყობოდა, რომ 9 შვილის პატრონი იყო (უფროსი 33 წლის) და რომელმაც საჩუქრად სარეცხი მანქანა მიიღო. საღამოს ესწრებოდა მიხეილ სააკაშვილის დედა ქ-ნი გიული ალასანია და პრეზიდენტის მეუღლე სანდრა (ელისაბედ) რულოვსი, რომელმაც სცენიდან მიულოცა ყველა ქართველ დედას 3 მარტის დღესასწაული. ჩატარდა ბევრი სახალისო კონკურსი, რომელთა შორისაც გამორჩეული “შუმის” ღვინოთი საუკეთესო სადღეგრძელოს მთქმელი გამოავლინეს და ეს საპატიო ტიტული დამსახურებულად დაიმსახურა კომპოზიტორმა ზურა ჩიჩალაძემ. ზურა დოიჯაშვილმა და მერაბ სეფაშვილმა 20 წლის დაძველების, “შუმის” კონიაკის საკოლექციო სტატუები მიიღეს, რითაც განსაკუთრებულად კმაყოფილი დოიჯაშვილი დარჩა რადგან, როგორც აღმოჩნდა სასმელების კარგი კოლექციის პატრონი ყოფილა. საღამოს მსვლელობისას გაიჭრა უზარმაზარი ტორტი, იყო ფეირვერკი და რაც მთვარია ქართული ჰანგები სცენიდან, ნაღდი ვარსკვლავების შესრულებით. “შუმს” აღნიშნული საღამო - ათიანზე გამოუვიდა.

03.02.2010. ნუგზარ ერგემლიძე - სტუმრად გადაცემაში "პირისპირ"

რადიო "საქართველოს ხმის" 107.9 პირდაპირ ეთერში 2 მარტს ჟურნალისტ ბესიკ ჩუბინიძის გადაცემაში "პირისპირ" სტუმარი - ქართული ესტრადის, ერთ-ერთი ყველაზე პოპულარული სოლისტი, ავტორ-შემსრულებელი, მხატვარი და ბოლო ერთი წელიწადია პოლიტიკოსი - ნუგზარ ერგემლიძე იყო. რას ფიქრობს ტანამედროვე პოლიტიკაზე და პოლიტიკოსებზე, რა მიაჩნია ქართული კულტურის გადარჩენის გზად და რა გეგმები აქვს ნუგზარ ერგემლიძეს სამომავლოდ, შეგიძლიათ შეხვიდეთ ამ ლინკზე (დააჭირეთ წარწერას) და ხმოვან ინტერვიუში მოუმინოთ მთლიანი გადაცემის ჩანაწერს

01.03.2010. ტრანსექსუალი წამყვანი და აღგზნებული მაყურებელი

რამდენიმე დღის უკან რეალითი-შოუ “ჯეო-ბარის” გამარჯვებულმა დეა ადამიამ კლუბ “ოთახში” ორგანიზება გაუკეთა დიზაინერ 30 წლის სოფო სირაბიძის ჩვენებას, რომელმაც მეტად ორიგინალური, ლამაზი და პრაქტიკული საღამოს კაბები წარმოადგინა 7 მოდელი გოგონას დახმარებით. საღამოს წამყვანობა მეტად (შეიძლება ითქვას - ზედმეტად) ორიგინალურ ადამიანს - ტრანსექსუალს, კესო-ბესოს მიანდეს, რომელიც ისე გამომწვევი ჩაცმულობით გამოირჩეოდა, რომ თუ არ დაუკვირდებოდი, შესაძლოა ვინმეს ერთ-ერთი ჩვეულებრივი მოდელი ჰგონებოდა. მას შემდეგ რაც გადაცემაში “სიმართლის დრო” კესო-ბესომ ხმამაღლა და ოფიციალურად აღიარა თავისი ტრანსექსუალობა, ალბათ აწი საკუთარი თავის პიარითაც დაკავდება და ხან წამყვანად მოგვევლინება და ხან მოდელად, ფაქტი კი ერთია, აღგზნებული დამსწრე საზოგადოება აქტიურად უკრავდა ტაშს მას და მოდელებს, რომლებმაც კიდევ ერთხელ ვიმეორებთ მართლაც ლამაზი კოლექცია წარმოადგინეს.

26.02.2010. ანრი ჯოხაძე ახალი სკანდალური ნაბიჯი

მას შემდეგ რაც თბილისის ყველაზე სკანდალურმა მომღერალმა კლიპი “თბილისური უბნები” გადაიღო, რამდენიმე თვე გავიდა და პატრულის, სახანძროსა და სასწრაფოს ლამაზი რეკლამირების შემდეგ ანრი ჯოხაძეს ახალი არაფერი გაუკეთებია. შემოქმედებითი პუზა, რომ მომღერალს დიდხანს არ გაუგრძელდებოდა ფაქტია, ის აქტიურად მუშაობს სტუდიაში და ამჟამად აზარბაიჯანელ მომღერალ საბინასთან ერთად, ქართულენოვან დუეტს წერს, რომელიც ქართულ რადიო-არხებზე მარტის თვიდან დატრიალდება. ტელეკომპანია “იმედის” გადაცემა “სიმართლის დროში” სკანდალური გამოსვლის შემდეგ მომღერალმა ვიზუალური იმიჯიც შეიცავალა და თმა უცნაურად შეიჭრა - ბაკები აიპარსა და პანკური ხაზებით “გაილამაზა” ვარცხნილობა. მომღერალი, რომ პერიოდულ სიურპრიზებს უწყობს საკუთარ თავსაც და საზოგადოებასაც ეს ახალი ხილი არაა, მაგრამ რას აპირებს ამჯერად “წლის საუკეთესო ვოკალისტი” კონკრეტულად ჯერ-ჯერობით არ ამხელს და მხოლოდ იმას აღიარებს, რომ - ელოდება დროს, რომელიც მისცემს სტიმულს ბაზარზე ახალი სიმღერები გამოუშვას, რომელიც უკვე, არცისე ცოტა დაუგროვდა სტუდიაში. მაგრამ ჩვენთვის ცნობილი გახდა, რომ ანრი ახალ კლიპსაც ამზადებს და საკმაოდ სკანდალურ, მორიგ ეროტიკულ სიუჟეტსაც - სკანდალურ ქართველ ტრნსექსუალ კესო-ბესოსთან ერთად და რამდენადაც გავარკვიეთ - ეს კლიპი 18 წლამდე ასაკის მოზარდებისთვის დახურული იქნება სიუჟეტიდან გამომდინარე.

23.02.2010. აჩიკო მეფარიძე - სტუმრად გადაცემაში "პირისპირ"

რადიო "საქართველოს ხმის" 107.9 პირდაპირ ეთერში 23 თებერვალს , ჟურნალისტ ბესიკ ჩუბინიძის გადაცემაში "პირისპირ" მორიგი ექსკლუზიური სტუმარი, 2 წლის წინ საქართველოდან მოსკოვში გადასახლებული - ქართული ესტრადის ერთ-ერთი ყველაზე გამორჩეული იმიჯის მქონე მამაკაცი, მომღერალი, ექიმი, კომერსანტი - აჩიკო მეფარიძე იყო. ამ ინტერვიუში მოისმენთ მომღერლის სამხედრო ექსტერის დონეზე აყვანილ შეფასებებს :), გაიგებთ რატომ მოუწია 13-ჯერ მომღერალს პარაშუტიდან გადმოხტომამ, გაიგებთ რას საქმიანობს ამჟამდ მოსკოვში და როდის შეირთო უკრაინელი მეუღლე ბევრისგან ფარულად, მოისმენთ შეხედულებებს მისსავე პოპულარობაზე, ქართულ შოუ-ბიზნესსზე - შედით, გადმოწერეთ და მოუსმინეთ მასთან ინტერვიუს

21.02.2010. ანსამბლი “75” წელს 35 წლის ხდება

ლეგენდარული ანსამბლი “75” წელს 35 წლის იუბილეს იზეიმებს და ქართული ესტრადის ძველი თაობის ვარკვლავებს კიდევ ერთხელ შეახვედრებს საზოგადოებას. “ვარსკვლავებისთვის” ექსკლუზიურად გახდა ცნობილი, რომ მიმდინარეობს მოსამზადებელი სამუშაოები ანსამბლის ვარსკვლავის გახსნის თაობაზე დიდი საკონცერტო დარბაზის წინ. საკითხის წინ წამოწევაში აქტიურობას პარლამენტარი (კომპოზიტორიც, მომღერალიც, მხატვარიც და მწერალიც) ნუგზარ ერგემლიძე იჩენს, რომელსაც თავის მხრივ პროდუსერი სოსო აბზიანიძე უკეთებს ორგანიზებას და სავარაუდოდ, ანსამბლ “75”-ს ვარსკვლავი წელს აუცილებლად გაიხსნება ფილარმონიის წინ, სხვა ლეგენდარული ადამიანების ვარსკვლავების გვერდით.. “ვარსკვლავები” დაუკავშირდა ნუგზარ ერგემლიძეს, რომელიც ამჟამად ბუდაბეშტში იმყოფება საპარლამენტო დელეგაციასთან ერთად: - ანსამბლ “75-“-ს ვარსკვლავი აუცილებლად უნდა გაიხსნას, ვფიქრობ, რომ “75”-ს იმდენი დამსახურება აქვს, რომ იმასხურებს იმ შენობის წინ ვარსკვლავის გახსნას სადაც მან მთელი ეპოქა შექმნა. - აღნიშნა ბ-ნმა ნუგზარმა ჩვენთან საუბარში. კომენტარი ვთხოვეთ სოსო აბზიანიძესაც: - წელს “75”-ს საიუბილეო წელია, გეგმაში გვაქვს აქტიური სამუშაოები ჩავატაროთ ანსამბლის ვარსკვლავის გახსნისთვის და ვფიქრობ, რომ აღნიშნული არ იქნება დიდ პრობლემებთან დაკავშირებული. დაგვეთანხმეთ რობერტ ბარძიმაშვილის დროიდან “75” ის ანსამბლია, რომელმაც დროს გაუძლო და თავისი სიმღერების წყალობით დღემდე ერთ-ერთ ყველაზე პოპულარულ ქართულ ანსამბლად ითვლება.

20.02.2010. როკ-კლუბში არტ-საღამოები გრძელდება

როკ-კლუბში არტ-საღამოები გრძელდება. "შენი ტუჩებით ვარტყამ ერთ-ორ ნაპასს"– ასეთი ორიგინალური სახელწოდება ჰქონდა როკ-კლუბში გუშინ გამართულ პოეზიის საღამოს. სტუმრებს დავით ჩიხლაძის პერფორმანსი და კატო კიკაბიძის პოეზია წარმოუდგინეს. არტ-საღამოების იდეა ლიბ.ჯის და როკ-კლუბის ერთობლივი პროექტია. არტ-საღამოები, რომლებიც პოეზიასთან ერთად უჩვეულო პერფორმანსებს გვთავაზობს, ყოველ ხუთშაბათს როკ-კლუბში გაიმართება.

20.02.2010. ნინი შერმადინის ფენომენი საბერძნეთში დაფასდა

“ვარსკვლავები” პერიოდულად გთავაზობდათ პოპულარული ქართველი მომღელის ნინი შერმადინის გამოსვლების ვიდეოჩანაწერებს, რომლებსაც დიდი დაკვირვება არ უნდა, რომ ყოველგვარი კომენტარის გარეშე წარმოგიდგენდით, რადგან მტკიცება იმისა, რომ უკვე (!) მერამდენე ნიჭიერი მომღერალი დაკარგა (!) საქართველომ - უაზრობად მიგვაჩნდა. ასე კარგად აგიხდეთ ყველაფერი, - ერთდროს ქართულ მუსიკალურ პროექტ “ჯეოსტარში” ვიღაცეების (!) მიერ დაწუნებული მომღერალი, დღეს უკვე ძალიან პოპულარული ბერძნული პროექტის “იქს ფაქტორის” ვერცხლის მედალოსანია, ნინი შერმადინს მთელი საბერძნეთი იცნობს, ეთაყვანება, პატივს სცემს და მისი გზა ევროპისკენ თავისუფალია. ნინის უკვე ყავს ბერძენი მენეჯერი და სავარაუდოდ ის სერიოზულ კარიერას უახლოეს მომავალში გაუკეთებს მომღერალს, თუმცა ესეც, რომ არ იყოს მას უკვე ბევრი მიწვევა აქვს და დღეს ერთ-ერთ კომერციულ მომღერლადაც ითვლება საბერძნეთში, ჩვენი ინფორმაციით რამდენიმე კორპორატიულ საღამოზეც უკვე მიიღო მონაწილეობა. ნინი შერმადინმა კიდევ ერთხელ დაამტკიცა, რომ ის საქართველოშიც საუკეთესო იყო და ბევრ ვაი-მომღერალსაც ფარული შურით დასწყვიტა გული თავისი გამარჯვებით, სხვათაშორის, როგორც აღმოჩნდა ნინისთვის საბერძნეთში მიღწეული დიდი წარმატება არ მიულოცავს საბერძნეთშივე თავის დროზე საქართველოდან (!) გადახვეწილ ქართველ (!) თამთა გოდუაძეს, რომელიც ანალოგიური გზით გახდა ბერძნული ესტრადის ვარსკვლავი. “ვარსკვლავები” კიდევ ერთხელ ულოცავს უნიჭიერეს ქართველ მომღერალს ამ დიდ წარმატებას და მსოფლიო ვარსკვლავობისკენ გზას დაულოცავს მას.

19.02.2010. თინა კანდელაკი მეცხვარეობას არ აპირებს

რუსული ბომონდის და ელიტის პასპორტიანი წევრი (!) თინა კანდელაკი, კვლავ აგრძელებს მამაკაცების გულების (!) დაპყრობას და მიუხედავად იმისა, თუ რა ხერხებს იყენებს ამისთვის, შედეგი ყველა ვარიანტში მაინც ერთია - საჩუქრებით განებივრებული ტელე-წამყვანი კვლავ მარტო (!) აგრძელებს ნებივრობას და სიცოცხლით ტკბობას. აღმოჩნდა, რომ საქართველოს პრეზიდენტის მოძულე თინა კანდელაკი (შეგახსენებთ, რომ ამ ქალბატონმა ერთხელ საქართველოს პერზიდენტობაზეც გამოთქვა პრეტენზია) არა მხოლოდ რუსეთის პრეზიდენტის დიმიტრი მედვედევის პირადი სიმპათიებით სარგებლობს, არამედ ყარაჩაი-ჩერქეზიის უმაღლეს პირთანაც ახლობლობს, რომელმაც თინას ბინა და ცხენი აჩუქა, მაგრამ ყველაზე ორიგინალური საჩუქარი თინას, მაინც ყალმუხურის პრეზიდენტმა კირსან ილუმჟინოვმა გაუკეთა – აჩუქა რა მას, სამი ცხვარი და კავკასიური წეს-ჩვეულებების კარგად (!) მცოდნე, ეროვნებით ქართველმა ჟურნალისტმა იცის, რომ უარის თქმა არ შეიძლება საჩუქარზე კავკასიაში, თანაც ცხვრებზე, ამიტომ ცხვრები საბალახოდ თინა კანდელაკმა თავის აგარაკზე გადაიყვანა. მას შემდეგ რაც პატარა თინა კანდელაკმა, 90-ანი წლების შემდეგ, არანაკლებ სკანდალურ შალვა რამიშვილთან სამსახურებრივი რომანები შეწყვიტა და დიდ რუსეთში გადაიხვეწა, სწორედ მსგავსი არაორდინალური საქციელებით გაითქვა სახელი - სააკაშვილის ხმამაღლა ლანძღვა, ყველასგან (!) ძვირფასი საჩუქრების მიღება, საყვარლების ხშირი ცვლა და მათთან ერთად მწარე ავარიებში მოხვედრა წითელი “ფერარით”, სცენაზე კოლეგა ქალბატონებთან კოცნაობა (ქსენია სობჩაკი - სხვათაშორის სწორედ მასთან გაიყო რამდენიმე დღის უკან, თინამ რუსეთის მთვარი “გლამურის” წლის ქალბატონის ტიტული) და ა.შ. 2013 წელს სააკაშვილს პრეზიდენტობის ვადა უმთავრდება, ვინ იქნება შემდეგი პრეზიდენტი: - ხუბუტია, ებრალიძე, უგულავა, ალასანია, ბურჯანაძე თუ – ლეგენდარული ქართველი თინა კანდელაკი? :)

17.02.2010. ბესო კალანდაძე კონცერტისთვის ემზადება და თან სკანდალებშია

ქართული ესტრადის ერთ-ერთი ყველაზე გამოკვეთილი ვარსკვლავი ბესო კალანდაძე აქტიურ შემოქმედებით ცხოვრებაშია ჩაბმული და ახალი სოლო-კონცერტისთვის მზადებას განაგრძნობს (რომელიც ჯერ კიდევ გასული წლის დეკემბერში უნდა ჩატარებულიყო ფილარმონიაში). მომღერალი რომა რცხილაძის ბენდ “სპილოსთან” ერთად მუშაობს, ფაქტიურად აღადგინეს ანსამბლ “75”-ს ყველა ძველი ჰიტი და სწორედ ამ ახალი ჟღერადობის ძველი ჰიტებით, ისინი გაზაფხულიდან საქართველოს გარშემო ტურნეებს გეგმავენ. კვლავ დაძაბულია მომღერლის პირადი ცხოვრებაც, მოსკოველ ცოლთან ციცინო შურღაიასთან სკანდალებით განშორების შემდეგ ბესო კალანდაძე, ოჯახს დაუბრუნდა და ცდილობს საბოლოოდ მოიშოროს მეხსიერებიდან თავისი ცხოვრების შეცდომის წლები, რომელიც მოსკოვის ერთ-ერთ პროფესიონალ ექიმს უკავშირდება და რომლის გამოც მომღერალი რამდენიმე თვე ციხეშიც იჯდა. ახლახანს ერთ-ერთ ქართულ არხზე მომღერლის ყოფილ მეუღლეს, ციცინო შურღაიას კვლავ ქონდა გამოსვლა, რომელიც საზოგადოების უმეტესმა ნაწილმა უარყოფითად აღიქვა, რადგან ცოტა არ იყოს სასაცილოა ქალის მდგომარეობა, რომელიც კაცმა საბოლოოდ უარყო და ის კი, მაინც სახალხოდ ეკიდება და ძველ ცხოვრებას უხსენებს, ეს უფრო სამაგიეროს გადახდის მცდელობას გავს მაყურებლის თვალით. ბესო კალანდაძე ცდილობს ყურადღება აღარ მიაქციოს ყოფილი მეუღლის მსგავს გამოხტომებს და მთლიანად ძველ ოჯახში და შემოქმედებაში ჩაძირვას აპირებს. ქართველი მსმენელი კი, მოუთმენლად ელოდება საყვარელი მომღერლის ახალ სიმღერებს და უკვე ნაკლებად ადარდებს იმ ადამიანის ძველი პირადი ცხოვრება, რომელმაც გულწრფელად მოინანია ის ყველაფერი.

16.02.2010. დათო ფორჩხიძე - გადაცემაში "პირისპირ" - პირდაპირ ეთერში

რადიო "საქართველოს ხმის" 107.9 პირდაპირ ეთერში 9 თებერვალს , ჟურნალისტ ბესიკ ჩუბინიძის გადაცემაში "პირისპირ" სტუმარი - ქართული ესტრადის ერთ-ერთი ყველაზე გამორჩეული ვარსკვლავი, საქართველოს მუსიკალური დაჯილდოების "მეგას" მრავლაგზის ნომინანტი, ბოლო დროის სკანდალური მომღერალი მერაბ სეფაშვილი იყო. თუ გსურთ გაიგოთ რას ფიქრობს თანამედროვე პოლიტიკური მოვლენებიდ შესახებ მომღერალი, რა აზრისაა რუსეთ-საქართველოს ურთიერთობებზე, რას ფიქრობს ქართული შოუ-ბიზნესის აღმავლობასა და პრობლემებზე - შედით, გადმოწერეთ და მოუსმინეთ მასთან ინტერვიუს

14.02.2010. ირაკლი ფირცხალავა კვლავ გაქურდეს

რუსეთში პოპულარული ქართველი მომღერალი ირაკლი ფირცხალავა, გავრცელებული ინფორმაციით რაღაც კონკრეტული პერიოდის მანძილზე აქტიურად იბლოკებოდა რუსულ შოუ-ბიზნესში, თუმცა “შავი დღეები” დაცხრა და მომღერალმაც აქტიური მუშაობა განაახლა. 32 წლის ირაკლი სიმღერის გარდა აქტიური სპორტითაცაა დაკავებული, ხშირად სტუმრობს მოსკოვურ ფიტნეს-კლუბებს და ცდილობს ფიზიკურად კარგ ფორმაშიც იყოს. თუმცა ამასწინათ ფიტნეს-კლუბში სტუმრობა ფირცხალავას დაახლოებით 25.000 რუსული რუბლი დაუჯდა, - სწორედ ეს თანხა მოიპარეს მომღერლის ახალთახალი თეთრი “აუდი ა5”-დან მძარცველებმა, რომლებმაც მანქანის უკანა მინა ჩაამტვრიეს და ამ ფულთან ერთად მისი საბუთებიც წაიღეს. ფაქტის დაფიქსირებისთანავე ირაკლი ფირცხალავამ მილიცია გამოიძახა, რომელმაც მანქანა სპეციალურ სადგომზე გადაიყვანა, ქურდების ავან-ჩავანს კი ჯერ-ჯერობით ვერ მიაგნო (საეჭვოა, რომ საერთოდ მიაგნოს).

13.02.2010. მაია ჯაბუა კონცერტისთვის მზადებას იწყებს

ანსამბლ “მზიურის” წლებიდან მოყოლებული, მაია ჯაბუას სახელი არ ჩამოსულა ქართული ესტრადის ვარსკვლავთა კონცერტების აფიშებიდან, თუმცა წელს რატომღაც ორგანიზატორებმა მომღერალი არც ე.წ. მთვარ საახალწლო ღონისძიებაზე მიიწვიეს და მანამდე არც თბილისობისადმი მიძღვნილ გრანდიოზულ (!) გალა-საღამოზე, რასაც თვითონ მომღერალი პრიმიტივიზმად აღიქვამს და აცხადებს, რომ - ვიღაც მას, თავის საქმის კეთებაში ხელს უშლის (სამწუხაროა, რომ ბოლო დროს მომრავლდნენ ვიღაც (!) ადამიანები რომლებიც ხელს უშლიან კონკრეტულ მომღერლებს თბილისში (!) თავის საქმის კეთებაში). მაია ჯაბუამ უკვე რამდენიმე კომპოზიტორს სთხოვა მისთვის სიმღერების დაწერა და პარალელურად ემზადება ახალი სიმღერების ჩასაწერადაც, რომელიც სავარაუდოდ მის სოლო-კონცერტზე გაჟღერდება, ამისთვის მზადება მომღერალმა უკვე ახალი წლიდან დაიწყო. საინტერესოა იქნება თუ არა ან კულტურის სამინისტრო (აქ მისი კოლეგა ნინა წკრიალაშვილი მუშაობს მაღალ თანამდებობაზე), ან მერიის კულტურის სამსახური (აქ კი ნეკა სებისკვერაძე განაგებს ბევრ რამეს), მაია ჯაბუას სოლო-კონცერტის ორგანიზატორი, თუ თბილისის მერია მხოლოდ “კენზოს” კონცერტებს აფინასებს სპორტის-სასახლეში, მაშინ “გამო-კენზო-ვებული” ახალგაზრდობა ღირსიც არაა მაია ჯაბუას სიმღერების მოსმენისა, ისე როგორც არც თემურ თათარაშვილის, არც სოსო პავლიაშვილის და არც რუსეთის ყოფილი პრეზიდენტის (!), ბორის ელცინის საყვარელი მომღერლის - ნანი ბრეგვაძის და არც სხვა მრავალის.

12.02.2010. "ვალენტინი” განკვეთილი ბერი, რომელმაც 14 თებერვალს პირველად დაწერა ჰომოსექსუალისტებს ჯვარი

თითქმის ნახევარი მსოფლიო ბოლო წლებში, ყოველ 14 თებერვალს აღნიშნავს ე.წ. წმინდა ვალენტინის დღეს (მონათლულს შეყვარებულთა დღედ), თუმცა ოთხიოდ წლის წინ, რომის პაპის წარმომადგენლობამ განაცხადა, რომ კათოლიკური ეკლესია საერთოდ არ ცნობს მსგავსი სახის წმინდანს სახელად ვალენტინი და ეს კონკრეტული თარიღი, ამერიკელების მიერ მოგონილი და შექმნილი არარეალური კომერციული ისტორიაა, მითი, რომელიც არანაირ რეალობას არ ექვემდებარება! კომერციის სახე კი, ფულის მოყვარულმა ამერიკელებმა მას 1846 წლიდან მისცეს, როცა ”ვალენტინის” ბიზნეს-ხაზი შექმნეს და ფულის კეთება დაიწყეს. არსებობს ერთადერთი ისტორიული ცნობა, რომელსაც კათოლიკური ეკლესია ინახავს და ეს არის ვინმე ვალენტინოს, ეკლესიის მიერ განკვეთილი ბერის შესახებ ცნობა - რომელმაც პირველმა დასწერა ჯვარი ჰომოსექსუალისტებს და ამით განარისხა მთელი ქრისტიანული სამყარო და ეს ზუსტად 14 თებერვალს მოხდა! აღიარებული დღესასწაული, რომელსაც მხოლოდდამხოლოდ ერთადერთი რეალური ისტორია – განკვეთილი ბერის ვალენტინის მიერ ჰომოსექსუალისტებზე დაწერილი ჯვრისწერა უდევს, ამერიკელებმა კომერციის დღესასწაულად აქციეს. 2005 წლიდან რომის პაპის და ვატიკანის საელჩოს განცხადებით ჭეშმარიტ ქრისტიანებს აეკრძალათ 14 თებერვლის, როგორც შეყვარებულთა დღის აღნიშვნა. ასეთივე აკრძალვა გააკეთა მართმადიდებლურმმა ეკლესიამაც (მათ შორის უწმინდესმა და უნეტარესმა საქართველოს კათოლიკო-პატრიარქმა ილია მეორემ), რამეთუ ეს არის დღე როცა ჰომოსექსუალისტებს პირველად დაწერეს ჯვარი! მართმადიდებლური ეკლესია, სიყვარულის დღეს საქართველოში აღნიშნავს 16 ივლისს - გერგეტობის დღესასწაულზე, რომელიც უწმინდესმა ილია მეორემ დააწესა, ხოლო ჭეშმარიტი, სიყვარულის დღე საქართველოში - 1994 წლიდან გაზაფხულის შუა თვის, შუა რიცხვში ყოველ 15 აპრილს აღინიშნება, რომლის დარსებასაც კონკრეტული ქართული წყვილის, კონკრეტული სიყვარულის ისტორია უდევს საფუძვლად!

მერაბ სეფაშვილი - გადაცემაში "პირისპირ" - პირდაპირ ეთერში

რადიო "საქართველოს ხმის" 107.9 პირდაპირ ეთერში 9 თებერვალს , ჟურნალისტ ბესიკ ჩუბინიძის გადაცემაში "პირისპირ" სტუმარი - ქართული ესტრადის ერთ-ერთი ყველაზე გამორჩეული ვარსკვლავი, საქართველოს მუსიკალური დაჯილდოების "მეგას" მრავლაგზის ნომინანტი, ბოლო დროის სკანდალური მომღერალი მერაბ სეფაშვილი იყო. თუ გსურთ გაიგოთ რას ფიქრობს თანამედროვე პოლიტიკური მოვლენებიდ შესახებ მომღერალი, რა აზრისაა რუსეთ-საქართველოს ურთიერთობებზე, რას ფიქრობს ქართული შოუ-ბიზნესის აღმავლობასა და პრობლემებზე - შედით, გადმოწერეთ და მოუსმინეთ მასთან ინტერვიუს

10.02.2010. გია სურამელაშვილს ცოლი არ მოუყვანია

ბოლო დროს საზოგადოებაში გავრცელებული ჭორები მომღერლის მეორე ქორწინების შესახებ, რომელიც რადიო “არ დაიდარდოს” წამყვანსა და მომღერალს თაკო მელიქიშვილისა და გია სურამელაშვილის ოჯახის შექმნას ეხებოდა, - ტყუილი აღმოჩნდა. მსგავსი ჭორებით ის ქართული ესტრადის სხვა მომღერლებზეც ხშირად დაუქორწინებიათ, მათ შორის იყო მანჩოც, რომელთან ერთადც გიას ულამაზესი დუეტი აქვს ჩაწერილი. თაკო მელიქიშვილთან მიმართებაშიც სწორედ ასეა – სურამელაშვილს თაკოსთანაც ულამაზესი დუეტი აქვს ჩაწერილი. საერთოდ, ამ მომღერლის გარშემო ყოველთვის ტრიალებს ჭორები - დაწყებული მისი ჰომოსექსუალობიდან, ნარცისიზმიდან და მექალთანეობიდან, დამთავრებული უკიდურეს სიღარიბემდე დ უკიდურეს სიმდიდრემდეც კი :) გია სურამელაშვილი აქტიურად მუშაობს კერძო, კორპორატიულ მიწვევებზე საქართველოში, სადაც მას დაახლოებით 1500-2000 ლარს უხდიან მუსიკალურ პროგრამაში, თუმცა როგორც მომღერალი აცხადებს - მიიღო შემოთავაზება საბერძნეთიდან სადაც მარტო ჰონორარის სახით 10.000 ევროს შეჰირდნენ. მომღერალს იანვრის ბოლოს დაბადების დღე ქონდა, რომელიც ვიწრო სამეგობრო წრეში მოკრძალებულად აღნიშნა.

07.02.2010. მანჩოს და ნინის ახალი დუეტი

ერთ-ერთმა ყველაზე პროდუქტიულმა მომღერალმა თბილისში, მანჩომ რომელიც საკუთარი “მ-სტუდიოს” მფლობელიცაა, მორიგი დუეტი ჩაწერა პატარა მომღერალთან ერთად - 7 წლის ნინი დუმბაძე საქართველოს მუსიკალური დაჯილდოების “მეგას” მე-10 ცერემონიალზე “მომავლის იმედის” ნომინაციაში დაჯილდოვდა და შესანიშნავი ვოკალური მონაცემების მომღერალია. მანჩოს და ნინის დუეტი კი, იმ იშვიათ სიმღერათაგანია, როცა სიმღერა ერთნაირად უხდება ორივეს უფროსაც და უმცროსსაც :) “ეს ზღაპარი ასრულდება” - მუსიკის და ტექსტის ავტორი კაკი ბოლქვაძეა, რომელზეც კლიპის გადაღებაცაა დაგეგმილი. შეგახსენებთ, რომ ეს მანჩოს მეორე დუეტია პატარა მომღერლებთან (პირველი მას რუსა ზაზაშვილთან ერთად აქვს ჩაწერილი). პატარა ნინი დუმბაძე 1 თებერვალს “მის-ვარკვლავები 6”-ს, ფოტოგენურობის კონკურსის საუკეთესო ათეულის წევრიც გახდა და წარმატებით აგრძელებს მუსიკალურ კარიერას.

5.02.2010. “სტეფანე და სამი გოგოს” - მაღალბიუჯეტიანი კლიპი “მტვ”-სთვის?

რამდენიმე დღის უკან ერთ-ერთმა ქართულმა არამუსიკალურმა (!) არხმა ახალი კლიპის პრეზენტაცია გააკეთა ერთ-ერთ რეიტინგულ გადაცემაში, კლიპის რომელიც “სტეფანე და სამი გოგოს” ახალ ინგლისურენოვან (!) სიმღერაზეა გადაღებული და რომელსაც ხარისხზე ეტყობა, რომ აშკარად დიდი ფულია გადახდილი. კლიპის პროდუსერობა ტელეკომპანია “რუსთავი-2”-ს ყოფილ დირექტორს კობა დავარაშვილს ეკუთვნის და ფაქტია, რომ ევროპული ბაზარისთვისაა გათვლილი და როგორც აღნიშნეს - ის შესაძლოა (!) მუსიკალურ ტელეკომპანია “მტვ”-ზეც დატრიალდეს. სიმართლე გითხრათ კლიპის ხარისხი და რეჟისურა გაცილებით მაღალი დონისაა ვიდრე თვითონ სიმღერა, რომელსაც არანაირი დატვირთვა არ აქვს, იმ მხრივ რომ არც “დენსია” და არც “დისკო”, ანუ ჟანრი რომელიც “მტვ”-სთვისაა მისაღები, ძალიან-ძალიან უხეში შედარება, რომ გავაკეთოთ მუსიკალურ ასპექტში - ამ სიმღერას ისე არ გაუშვებენ “მტვ”-ზე, როგორც ჯემალ სეფიაშვილის “ვაჩუქოთ ერთმანეთს ტიტები”-ს, ერთადერთი რამაც შეიძლება “იმუშაოს” ეს მხოლოდ ისაა, რომ ვიღაცეებს შეახსენონ (!), რომ ეს სწორედ ის “სტეფანე და სამი გოგოა” რომლებმაც სახელწიფოს არაპირდაპირი დაკვეთით (!) 2009 წლის “ევროვიზიაზე” მოხვედრამდე (რომელიც რუსეთში ჩატარდა), პუტინი (რომელიც რუსეთის პრემიერ-მინისტრია) გააშარჟეს.

ნუგზარ კვაშალი - გადაცემაში "პირისპირ" - პირდაპირ ეთერში

რადიო "საქართველოს ხმის" 107.9 პირდაპირ ეთერში 2 თებერვალს, ჟურნალისტ ბესიკ ჩუბინიძის გადაცემაში "პირისპირ" სტუმარი - საქართველოს ერთ-ერთი საუკეთესო ანსამბლის - "ივერიის" წევრი, პოპულარული ქართველი მომღერალი ნუგზარ კვაშალი იყო. თუ გაინტერესებთ რა მისიით იმყოფებოდა ის რამდენიმე დღის უკან მოსკოვში, რას ფიქრობს იმ ქართველებზე რომლებიც ძველი "ივერიელები" არიან და რუსეთში ცხოვრობენ და მუშაობენ, როგორ იხსენებს "ივერიის" საინტერესო ცხოვრებას, რაზე წყდება გული, რა ახარებს და რისი იმედი აქვს - შედით, გადმოწერეთ და მოუსმინეთ მასთან ინტერვიუს

19.01.2010. აჩი ფურცელაძე - გადაცემაში "პირისპირ" - პირდაპირ ეთერში

19. რადიო "საქართველოს ხმის" 107.9 პირდაპირ ეთერში 26 იანვარს, ჟურნალისტ ბესიკ ჩუბინიძის გადაცემაში "პირისპირ" სტუმარი - თბილისიდან მოსკოვში გადახვეწილი ქართველი მომღერალი, რადიო-წამყვანი, "წლის საუკეთესო საკონცერტო წამყვანის" "მეგას" მრავალგზის მფლობელი აჩი ფურცელაძე იყო - შედით, გადმოწერეთ და მოუსმინეთ მასთან ინტერვიუს და გაიგეთ ვისზეა გადნაწყენებული პოპულარული ქართველი, რატომ ჰგონია, რომ საქართველოში ის უკვე უცხოა, რას თვლის ის ძველი მეგობრების შეცდომად და საერთოდ, რატომ გონია, რომ - საქართველო მისთვის უკვე უცხო ქვეყანაა.

25.01.2010. თემურ თათარაშვილი გაოგნებულია

მას შემდეგ რაც მომღერალმა რუსთში გადაბარგების შემდეგ, იქაური მოქალაქეობის დამადასტურებელი პასპორტი აიღო და ფაქტიურად ფორმალურადაც რუსეთის მოქალაქე გახდა, საქართველოში კვლავ ჩაირთო მის წინააღმდეგ ანტიკამპანიის ჟურნალისტური მანქანა, და გამოინახა ქართული ესტრადის “ვარსკვლავებიც” კი რომლებმაც თათარაშვილს საქართველოს მოღალატეობაში დასდეს ბრალი, - მაგალითად ნინა წკრიალაშვილი (კულტურის სამინისტროს მაღალჩინოსანი) და გიო ხუციშვილი (ღვინის კომპანია “თელიანი ველის” მეწილე). აღშფოთებულნი არიან თათარაშვილის ამ “მოღალატეობრივი” ნაბიჯით. სხავთაშორის “ახლა გაახსენდათ” მომღერლის წამლის ბარიგობის ამბავიც, რაზეც თემური გაზეთ “ასავალ-დასავალთან” საუბარში პასუხობს, რომ - მათაც კარგად იციან, რომ მე “ბარიგა” (გამსაღებელი) არ ვყოფილვარ! მომღერალს იმედი აქვს, რომ საქართველოს მოქალაქეობას აღიდგენს (რომელიც ავტომატურად გაუუქმდა რუსეთის მოქალაქეობის მიღებით) პრეზიდენტ მიხეილ სააკაშვილის დახმარებით, თუმცა ბოლო დროს მის იმედებს ბზარიც შეეპარა. გაუგებარია, კონკრეტულად ამ მომღერლის მიმართ, საქართველოში აგორებული სკანდალები შოუ-ბიზნესის შიდა დინებების რომელი მხრიდან მოდის , რადგან ყველამ კარგად იცის, რომ სწორედ რუსეთის მოქალაქეები არიან სოსო პავლიაშვილი, თამრიკო გვერდწითელი და სხვა დიდი ქართველი ხელოვანები! რომელიმე მათგანს შეიძლება დავაბრალოთ საქართველოს მოღალატეობა იმის გამო, რომ მათ შემოქმედებას რუსეთის ტერიტორიაზე მისცეს გასაქანი?! თემურ თათარაშვილი საქართველოში უახლოეს მომავალში დაბრუნებას არ აპირებს.

24.01.2010. ლექს-სენმა უკრაინელი გოგონა ცოლად შეირთო

თითქმის ყველა ჟურნალისტი ქართველ 28 წლის რეპერს ინტერვიუების დროს ყოველთვის ეკითხებოდა - ლექსო, რატომ არ ქორწინდები, ლექსო ცოლი როდის უნდა მოიყვანო, (გეგონება 28 წლის ასაკი იმდენად დიდია, რომ დააგვიანა ამ ნაბიჯის გადადგმა) - და ისიც მონდომებით პასუხობდა – ჯერ არავინ შემყვარებია და რანაირად მოვიყვანო ვინმეო? თუმცა აღმოჩნდა, რომ პარალელურ რეჟიმში ლექსო უკრაინაში ხშირ ვიზიტებს არა მხოლოდ საქმიანად აწარმოებდა არამედ, პირადულის აწყობაზეც ფიქრობდა, სწორედ წლების წინ გაიცნო მან კიევში თავისი მომავალი მეუღლე, დღეს უკვე 23 წლის ტატიანა, დანილო გალიცკოვის სახელობის უნივერსიტეტის კურსდამთავრებული. რეპერი მაინცდამაინც არ ცდილობს, რომ თავისი გაბედნიერების ამბავი პრესისთვის ადვილად ხელმისაწვდომი გახადოს და ხმამაღლა არ საუბრობს ამ თემაზე, უბრალოდ ადასტურებს, რომ - ცნობა მისი დაოჯახების შესახებ სინამდვილეს შეეფერება! “ვარსკვლავები” ულოცავს ლექსოს ოჯახის შექმნას და ბედნიერებას უსურვებს წყვილს.

22.01.2010. სოფო ნიჟარაძე “ევროვიზია 2010-ზე” უკონკურენტოა?

რამდენიმე დღის წინ საზოგადოებრივი მაუწყებლის (ტელეკომპანია “პირველი არხი) შემოქმედებითმა სამჭომ ხალხს “ევროვიზიის” მუსიკალურ კონკურსზე წარსადგენად მომხიბვლელი ქართველი მომღერალი, ცოტა ხნის წინათ რუსეთიდან (!) საქართველოში დაბრუნებული - სოფო ნიჟარაძე წარუდგინა. ამ გოგონას გარშემო ძალიან ბევრი ჭორი ტრიალებდა, მას პრემიერ-მინისტრის ნიკა გილაურის საცოლედაც მოიაზრებდნენ, რაზეც თავად პრემიერი ბევრჯერ უხერხულ მდგომარეობაში ჩავარდნილა. მას შემდეგ რაც გილაურმა 30 დეკემბერს მართლაც მოიყვანა ცოლი (მხოლოდ არა სოფო ნიჟარაძე) ამ თემაზე საუბარი შეწყდა, თავად მომღერალმა კი პრესაში მიულოცა კიდეც გილაურს გაბედნიერება - ნიკა არაჩვეულებრივი ადამიანია და იმედია ჩვენზე უკვე აღარ იჭორავებენო! თუმცა ჭორიკნების ენას ძვალი არ აქვს და პრეზიდენტის მხარდაჭერით აღჭურვასაც აბრალებენ ამ ლამაზ ქალბატონს და სწორედ ამის მიზეზია მომღერალი, რომ საქართველოში შესარჩევი კონკურსის გარეშე გაუშვეს “ევროვიზიაზე”. შეგახსენებთ, რომ სოფო ხალვაში, დიანა ღურწკაია და “სტეფანე და სამი გოგოც” პრეზიდენტის მხარდაჭერით სარგებლობდნენ თავის დროზე. აქვე იმასაც გაცნობებთ, რომ ოფიციალურად გამოცხადებულია კონკურსი სოფო ნიჟარაძისთვის საკონკურსო სიმღერის შესარჩევად, რომელიც არ უნდა იყოს აქამდე გაჟღერებული, უნდა იყოს ქართულ ან ინგლისურ ენაზე და უნდა იყოს “ევროვიზიის” ფორმატის მუსიკა. იმედია წელს “ევროვიზიაზე” ქართველი სოფო ნიჟარაძე თავისი სილამაზითაც და მუსიკალური ნიჭითაც მოხიბლავს ევროპის ქვეყნის მსმენელს, რომლებმაც აქტიურად უნად დაუმესიჯონ საქართველოს წარგზავნილს.

19.01.2010. "რონდო" - გადაცემაში "პირისპირ" - პირდაპირ ეთერში

რადიო "საქართველოს ხმის" 107.9 პირდაპირ ეთერში 19 იანვარს, ჟურნალისტ ბესიკ ჩუბინიძის გადაცემაში "პირისპირ" სტუმარი - საქართველოს ერთ-ერთი საუკეთესო ჯგუფის, "მეგას" მრავალგზის ნომინანტის ჯგუფ "რონდოს" სახელით, მისი წევრი ნათია ჟორჟოლიანი იყო - შედით, გადმოწერეთ და მოუსმინეთ მასთან ინტერვიუს, საიდანაც შეიტყობთ რას საქმიანობს ამჯმად ჯგუფი, მართლა ემზადება თუ არა საზღვარგარეთ წასვლას, უშლის თუ არა ხელს ჯგუფის არსებობას გოგონათა დაოჯახება და სხვა მრავალი ახალი ამბავი ჯგუფ "რონდოს" შესახებ.

15.01.2010. კიდევ ერთი კარაოკე-ფართი “ბითზლ-კლუბში”

ამ დღეებში კიდევ ერთი კარაოკე-ფართი მოეწყო თბილისის ერთ-ერთ პოპულარულ “ბითზლ-კლუბში”, სადაც კვლავაც ჟურნალისტების ერთმანეთთან გაჯიბრება სცადეს და ამჯერადაც უამრავი პრიზის, საჩუქრის და ჯილდოს მოპოვებაც შეიძლებოდა. პარალელურად კლუბში მუსიკალური შოუს “ვარსკვლავების აკადემიის” მონაწილე მეგი გოგოტიძის საღამოც გაიმართა, ეს უკანასკნელი “ბითზლ-კლუბის” ბენდთან ერთად ცოცხლად მღეროდა. საღამოს ჟურნალისტებთან ერთად ბევრი პოპულარული სახე ესწრებოდა - მომღერლები, პოეტები და სპონსორი კომპანიების ხელმძღვანელები. საღამო რადიო “არ დაიდარდოს” დი ჯეი ბეგის მიყავდა, იყო ჟიურიც, რომლის სამკაციან შემადგენლობას - ვინი (ზაალ წულუკიძე, ტელეკომპანია “იმედი”), გვანცა კილასონია (რადიო “ფორტუნას” მუსიკალური ხელმძღვანელი) და ლიზა ვადაჭკორია (“მიუზიკ ბოქსის” მუსიკალური რედაქტორი) არ გასჭირვებია “მომღერალი ჟურნალისტების” შეფასება, თავის მხრივ არც ამ უკანასკნელთ შეურცხვენიათ თავი და შეძლებისდაგვარად “მღეროდნენ”, თუმცა რათქმაუნდა პროფესიონალი მომღერლის - მეგი გოგიტიძის ფონზე, მაინც სასიამოვნოდ სასაცილოები იყვნენ :) კარაოკე-ფართი გვიანობამდე გაგრძელდა და მომავალში შეხვედრის იმედით ორგანიზატორები მასპინძლებს დაემშვიდობნენ.

13.01.2010. კარაოკე კაფე-ბარ "8 1/2"-ში

თბილისი, რომ განებივრებული არაა კულტურული ღონისძიებებით ამას ჩვეულებრივი მოკვადევების გარდა, ის ჟურნალისტებიც განიცდიან რომლებიც ამ თემაზე წერენ და ამზადებენ სიუჟეტებს. ამიტომ, ორიოდ დღის უკან ერეკელეს ქუჩაზე, პატარა კაფე-ბარ “8 1/2”-ში მოწყობილ კარაოკეზე სტუმრების ნაკლებობა არ იგრძნობოდა, თანაც ერთმანეთს სცენაზე ახალგაზრდა მომღერლები და ჟურნალსიტები წყვილებად ეჯიბრებოდნენ. საღამოს ორგანიზატორი და წამყვანი ტელეკომპანია “პირველი სტერეოს” ყოფილი წამყვანი თამუნა მუსერიძე იყო, მუშაობდა ჟიურიც, რომლის თავმჯდომარეობაც, დღეს საქართველოში ერთ-ერთმა ყველაზე პროდუქტიულმა მომღერალმა ნინო ჩხეიძემ შეითავსა. ჟურნალისტებთან ერთად სცენაზე კარაოკეს კონკურსში ახალგაზრდა მომღერლები ბექა ბროლაძე, თამთა ასათიანი, ქეთი ორჯონიკიძე და სხვები მონაწილეობდნენ, გათამაშდა წამახალისებელი პრიზებიც, დარიგდა საჩუქრებიც და უნდა ითქვას, რომ ჟურნალისტებს არც თუ ძალიან გასჭირვებიათ მინუს ფონოგრამაზე ხმის ხარისხიანად აყოლება :) ორგანიზატორები გვიპრდებიან, რომ მსგავსი სახის ღონისძიებები პერიოდულ ხასაითს მიიღებს.

12.01.2010. ზურა დოიჯაშვილი - გადაცემაში "პირისპირ" - პირდაპირ ეთერში

რადიო "საქართველოს ხმის" 107.9 პირდაპირ ეთერში 12 იანვარს, ჟურნალისტ ბესიკ ჩუბინიძის გადაცემაში "პირისპირ" სტუმარი - საქართველოს ყველა დროის და თაობის საყვარელი მომღერალი, ქართველი ვარსკვლავი ზურა დოიჯაშვილი იყო. პრობლემები რომელზეც მომღერალს აქამდე არ უსაუბრია, მოსწონთ თუ არა რუსებს მისი ნამღერი პუტინის წინააღმდეგ, რომელიც 2008 წლის 11 აგვისტოს, ომის პერიოდში ჩაიწერა, რას აკეთებს ახლა, რა გეგმები აქვს და რატომ აღარ ეძახიან მასობრივ კონცერტებზე საქართველოს ესტრადის ვარსკვლავს ზურა დოიჯაშვილს. დააკლილეთ ამ ნაწერზე, შედით, გადმოწერეთ და მოუსმინეთ ინტერვიუს ზურა დოიჯაშვილთან

10.01.2010. თემურ თათარაშვილი რუსეთის მოქალაქეობას მიიღებს

პრესაში უკვე ხმამაღლა საუბრობენ იმაზე, რომ მომღერალი თემურ თათარაშვილი, რომელიც ამჟამად მოსკოვში ცხოვრობს და ერთ-ერთ რესტორანში მღერის, - საქართველოს ხელისუფლების მხრიდან დევნილია. მოგეხსენებათ, ხელისუფლებამ ის 2 წლის უკან ნარკოტიკების შენახვა-გასაღების ბრალდებით დააპატიმრა და ციხეში 12 წლიანი სასჯელით ჩასვა. თუმცა, წელიწადის გასვლის მერე, მომღერალი ყველასთვის მოულოდნელად გაანთავისუფლეს. ძალიან მალევე, ის, ქართველი ნაცნობების მეშვეობით, რუსეთში გადავიდა საცხოვრებლად და როგორც ავღნიშნეთ, ამჟამად რესტორანში მღერის. იგი რუსეთის მოქალაქეობასაც ელოდება და პასპორტის აღების შემდეგ, ორმაგი მოქალაქეობის მიღების სურვილით საქართველოს პრეზიდენტსაც უნდა მიმართოს. თემურ თათარაშვილი აცხადებს, რომ ვიღაცეები (!) მას საქართველოში დაბრუნებას არ ურჩევენ, რადგან აეროპორტშივე დააპატიმრებენ. მომღერალს უკვირს და პირდაპირი გაგებით ეშინია კიდეც სამშობლოში დაბრუნება, რადგან ვერ გაუგია რატომ ემუქრებიან და რას ერჩიან, - იმისთვის რაც ჩავიდინე დავისაჯე კიდეც, ახლა ამ სენისგან სრულიად თავისუფალი ვარ და მუშაობა და ჩემი საქმის კეთება მინდა.

09.01.2010. ქართული ხელოვნების დახმარების კიდევ ერთი მცდელობა

რამდენიმე დღის უკან რუსთაველის თეატრის ფოიეში ახალი საპროდიუსერო კომპანიის “არტ ფეისის” პრეზენტაცია შედგა, რომელიც გარდა იმისა რომ ქართული კულტურის ხელშეწყობას, აღმავლობას და დახმარებას შეეცდება, აამუშავებს სარეკლამო სააგენტოს, ტურისტულ ბიუროს, ლიტერატურულ თეატრს, სამოდელო სტუდიას, ფოტო-სტუდიას და ჟურნალ “არტ ფეისს”,, რომლის პირველი ნომერიც დამსწრე საზოგადოებას იქვე დაურიგდა უფასოდ (რედაქტორი – გია ჯაჯანიძე), მეტიც - საღამოს ერთ-ერთი წამყვანის სამოდელო სააგენტო “არტ-ფეისის” მოდელის მირანდა ნადიბაიძის სურვილით, ჟურნალის პირველი ნომრის, პირველი ეგზემპლარი, მისთვის მოსაწონ მამაკაცს (!) საქართველოს პრეზიდენტს - მიხეილ სააკაშვილს გადაეცა, უფრო სწორად გადაეცემა, რადგან პრეზენტაციაზე ბ-ნი მიხეილი არ ეწრებოდა, თუმცა მოდელმა სტუმრები დააიმედა, რომ რეზიდენციაში პირადად გადასცემდა ჟურნალს ბატონ პრეზიდენტს. კომპანია 37 წლის წარმატებული ბიზნესმენის და სპორტსმენის - ზვიად აბესაძის დაარსებულია და როგორც უკვე ავღნიშნეთ დიდი გეგმებითაც შემოვიდა ხელოვნების განვითარების თვალსაზრისით და ალბათ სწორედ ეს ადამიანი იქნება იმის ფინანსური გარანტი, რომ “არტ ფეისი” სხვა უცებ შექმნილ და უცებვე დახურულ მსგავს კომპანიებს არ დაემსგავსება, რადგან - ფული ერთადერთია რის დეფიციტსაც განიცდის ქართული ხელოვნება (თუ არ ჩავთვლით პროფესიონალურ კადრებს, ვინც ეს საქმე უნდა აკეთოს). საღამოს წამყვანობა თავის თავზე აიღო რუსთაველის თეატრის მმართველმა ზაალ ჩიქობავამ (გამოუვიდა კიდეც), მოეწყო დეფილე, ტრადიციულად გაიჭრა დიდი ტორტი და რაც ყველაზე საინტერესოა სტუმრებს “არტ ფეისი” “არტ ვახშამით” – ჩინური კერძებით გაუმასპინძლდა :) “ვარსკვლავები” წარმატებას უსურვებს ახლად-დაარსებულ კომპანიას და უსურვებს რეალური ნაბიჯების გადადგმას ქართული ხელოვნების განვითარებაში დახმარებისთვის.

08.01.2010. შორენა ბეგაშვილის იმედიანი “სექს-გაკვეთილები” ტელე-კომპანია “იმედზე”

ვინც ჯერ კიდევ არ იცნობთ ამ სახელის და გვარის ქალბატონს, შეგახსენებთ რომ ეს სწორედ ის ახალგაზრდა ლამაზმანია, რომელმაც “თეატრალური სარდაფის” მსახიობობით გაითქვა სახელი, მერე იყო მისი პირველი სახალხო გაშიშვლება ქართული “პლეიბოის” ფურცლებზე და ამის შემდეგ დაიქოქა და დაიქოქა . . . ჩამოყალიბდა უკომპლექსო, სექსუალური, რევოლუციონერი ქალის იმიჯი რომელიც თავისუფლად იხდის, რათქმაუნდა – პროფესიული ინტერესების გამო, შესაბამისად მას უკვე რამდენიმე როლი აქვს ფილმებშიც. რუსთაველმა ბეგაშვილმა პირველი ქართული “ეროტიკ-შოუ” ტელეკომპანია “იმედის” ეთერში განახორციელა და გადაცემა “ღამე შორენასთან ერთად” პოპულარული და რეიტინგული უკვე გახადა, რათქმაუნდა ამაში პროდუსერების დიდი დამსახურებაცაა, რომლებმაც შორენას ეკრანზე გახადეს და ისე აალაპარაკეს სექსზე! მაყურებელი ლამაზი ქალისგან შესაბამისად უტვინო საუბარს ელოდა და თანაც სექსზე, მაგრამ აღმოჩნდა რომ კარგად დაზეპირებული ტექსტები, ეროტიული მიხვრა-მოხვრა შორენა ბეგაშვილიდა მრავალი დუბლი, საკმარისია გადაცემის პოულარობისთვის. შორენაზე დღეს ძალიან ბევრს ჭორაობენ, ათას რამეს უგონებენ, გულს ტკენენ, თუმცა მთელმა საქართველომ იცის, რომ ეს სწორედ ის შორენაა, რომელმაც ქართველი მეფის იმ დონემდე დაჩლუნგება შეძლო, რომ მას პატრიარქის კურთხევით შექმნილი ოჯახიც კი დაანგრევინა, თუმცა როგორც ბეგაშვილის (და არა კოლონკელიძის) ქალმა აღიარა – მეფე მას ცემდა კიდეც, ერთად ყოფნის და საყვარლობის პერიოდში. “იმედზე” კი, მომხიბვლელი შორენა ბეგაშვილი კვლავ ლამაზად აგრძელებს სექსის გაკვეთილებს, რათქმაუნდა ე.წ. მართმადიდებელ მშობელთა კავშირს და მღვდელ ბასილ მკალავლიშვილს ალბათ ჯერ არ უნახავთ მისი გადაცემა, თორემ უეჭველი მიუვარდებოდნენ ჩაწერაზე ან დაარბევდნენ სტუდიას და შორენასაც ზედ მიაყოლებდნენ :), მაგრამ ალბათ მათაც მოსწონთ შორენა. . . ის, ხომ სექსის პირველი ოფიციალური მასწავლებელია საქართველოში :)

06.01.2010. გია სურამელაშვილი “ცისფერობას” უარყოფს

პოპულარული ქართველი მომღერალი შეიძლება ითქვას, რომ დღეს კვლავ დიდების ზენიტშია, ისე როგორც 15-16 წლის წინ. სწორედ ის იყო პირველი ქართველი ვარსკვლავი ქართულ შოუ-ბზინესში და ალბათ სწორედ ის არის ერთ-ერთი პირველი საიდანაც იწყება ათვლა ე.წ. ქართული შოუ-ბიზნესისა. - ის თვეში ოთხჯერ ავსებდა ფილარმონიის დარბაზს, მას ემსახურებოდა პირადი მძღოლი, პირველი პირადი მცველი, პირველი პირადი კონფერანსია, ის ყიდდა ყველა ბილეთს თავის კონცერტებზე და ფულს პარკებში ისე ტენიდა, რომ არც კი ითვლიდა სალაროდან გამოტანის შემდეგ, ის იყო პირველი რომელზეც ალაპარაკდნენ რომ - ისეთია, რაღაცნაირი, ნაზი, ლამაზი ბიჭი, გოგოები რომ სახეს იხოკავდნენ მისი გულისთვის, მაშინ სიტყვა “გეი” და ჰომოსექსუალი არავინ იცოდა, თუმცა ჭორები არც ახლა შეწყვეტილა გია სურამელაშვილზე, რასაც უკვე მომღერალი მობეზრებული უსმენს და ღიმილით ამბობს: - ერთ კაცს თუ მაინც მომიყვანენ, რომელთანაც ვიწექი გავჩუმდებიო! ალბათ ასეთ ჭორებს კაცები მიყრიან, აბა ქალს რა ინტერესი აქვსო?! (ლოგიკასთან ახლოა – ავტ.) მოკლედ, სანამ ჭორიკნები ენას იქავებენ გია სურამელაშვილი ახალ სიმღერებს წერს, მუშაობას აგრძელებს და მალე ბაბუობისთვისაც ემზადება, მისი შვილი უახლოეს დღეებში ცოლის შერთვას აპირებს, სარძლო მომღერალს ძალიან მოსწონს, თუმცა იმასაც აფიქსირებს, რომ – ჯერ ნაადრევად მიაჩნდა შვილის დაოჯახება.

05.01.2010. პანჩო - გადაცემაში "პირისპირ" - პირდაპირ ეთერში

5 იანვარს რადიო "საქართველოს ხმის" 107.9 პირდაპირ ეთერში, ჟურნალისტ ბესიკ ჩუბინიძის გადაცემაში "პირისპირ" სტუმარი - გასული პერიოდის ერთ-ერთი ყველაზე პროდუქტიული მომღერლი, ქალაქური სიმღერების ერთ-ერთი საუკეთესო შემსრულებელი - პანჩო (ლევან მგალობლიშვილი) იყო, რომელიც იხსენებს და ადარებს გასული დროის პოპულარობას და თანამედროვე ესტრადის ავკარგიანობაზეც თამამად საუბრობს, ამ და სხვა საინტერესო საკითხებზე საუბრის ჩანაწერი შეგიძლიათ გადმოწეროთ აქედან... (დააწკაპუნეთ ტესტზე და მიყევით ინსტრუქციას)

04.01.2010. დუეტი “ემი” ქართულ შოუ-ბიზნესს უბრუნდება

ფაქტია, რომ ბოლო დროს ქართული შოუ-ბიზნესის ძველი-ახალი პოპულარული სახეები გააქტიურდნენ. ისინი სიმღერებსაც წერენ, კლიპებსაც იღებენ და მათ “რასკრუტკასაც” ცდილობენ. სწორედ მათ რიგში, ამ დღეებში ჯგუფი “ემიც” ჩაეწერა. დებმა, ია და ეკა მანიჟაშვილებმა, ზაზა ხუციშვილის და მისი ჯგუფის “ვაკის პარკის” მიერ ადრე ნამღერი “გნებდები” თავისებურად “გადმოამღერეს” და მასზე კლიპის შექმნა ლევან ტორონჯაძეს მიანდეს. გიგა კუხიანიძის სტუდიაში კლიპის კომპიუტერული ვერსიის მონტაჟი უკვე დასრულდა და თუ ტელე-არხები ქართული კლიპების პიარს ხელს შეუწყობენ, ერთ დროს პოპულარული სიმღერა, სავარაუდოდ კვლავ დაიბრუნებს ძველ დიდებას. თუმცა, ეს ჩანასახშივე ჩამკვდარი სურვილია, რადგან ქართულ სივრცეში არსებული “პირველი სტერეო” და “მიუზიკ ბოქსი”, ჯერ-ჯერობით ვერ უზრუნველყოფენ ხალხის ინტერესის პოლიტიკიდან მუსიკისკენ შემობრუნებას.

03.01.2010. სოსო პავლიაშვილმა ახალი ალბომი გამოუშვა

გასული წლის დეკემბრის დასაწყისში სოსო პავლიაშვილმა ხარკოვში თავისი ახალი პრეზენტაცია მოაწყო და იქაურებს გრანდიოზული სოლო-კონცერტიც აჩუქა. რუსი (!) ჟურნალისეტბი აღფრთოვანებულები იყვნენ სოსოს პიროვნებით, მისი სიმღერებით და მისი ქართველობით (!), რაც შესაბამისად მათ სტატიებშიც აისახა. მიუხედავად იმისა, რომ საქართველოში ე.წ. თავისუფლების ინსტიტუტის ერთ-ერთმა იდეოლოგმა ლევან რამიშვილმა - ნანი ბრეგვაძე, სოსო პავლიაშვილი, თამრიკო გვერდწითელი და სხვები მოღალატეებად შერაცხა, პავლიაშვილი დიდად არ ნაღვლობს და თავის საქმის კეთებას აგრძელებს: - სადაც არ უნდა ჩავიდე, ყოველი ჩემი გამოსვლის შემდეგ საქართველოზე ყოველთვის სიყვარულით ლაპარაკობენ და ესაა ჩემი მხრიდან საქართველოს ღალატი?! - კითხულობს მომღერალი და სანამ პასუხს ვინმესგან მიიღებს, საქართველოს ერთ-ერთ ზამთრის კურორტზე ოჯახთან ერთად დასვენებას აპირებს, ხოლო 7 იანვარს რესტორან “მეტეხის ჩრდილში” მინი სოლო-კონცერტის ჩატარებას გეგმავს.

02.01.2010. დიანა ღურწკაია მოსკოვში საახალწლოდ დაბლოკეს

პოპულარული ქართველი მომღერალი დიანა ღურწკაია აშკარა პოლიტიკური ნიშნით 2010 წლის რუსულ საახალწლო, სატელევიზო კონცერტებზე აშკარად დაიბლოკა, თუმცა, ამას თავად მომღერალი ერთი შეხედვთ დიდად არ განიცდის და იმითაც კმაყოფილია, რომ სატელევიზიო კონცერტების გარდა (რაც თავისთავად უდაოდ დიდი უფასო რეკლამაა) მას გასვლითი პროგრამებიც ჰქონდა პეტერბურგში, კემეროვაში და თურქმენეთში. გასაკვირია, მაგრამ წელს დიანა ღურწკაია არავის გახსენებია საქართველოში ჩატარებულ უამრავ ტექნიკურად (!) ხარისხიან კონცერტზე, მომღერალი ამბობს, რომ ბედნიერია იმითაც, რომ ძლივს წესიერად დასვენება, გადარბენების გარეშე ახალი წლის ოჯახთან ერთად შეხვედრა შესძლო. მას შემდეგ რაც დიანა ღურწკაიამ ოფიციალურად და ყველას დასანახად მხარი დაუჭირა პრეზიდენტ სააკაშვილს, ის რუსული შოუ-ბიზნესის “მამებისთვის” ერთგვარად მიუღებელი პიროვნება გახდა, თუმცა არა ხალხისთვის, რაც ყველა ვარიანტში მთავარია, რადგან “მამები” მიდიან და მოდიან, ხალხი და მათი სიყვარული, კი ყოველთვის რჩება.

01.01.2010. “ჯესოტარში” “ჯეოსტარამდე” უკვე “სთარმა” გაიმარჯვა

მობილური ოპერატორის კომპანია “ჯეოსელის” მიერ ორგანიზებულმა მორიგმა მუსიკალურმა კონკურსმა “ჯეოსტარმა”, 31 დეკემბერს მორიგი “სტარი” გამოავლინა და რამდენადაც საოცარი არ უნდა იყოს, ამ პროექტამდე უკვე “სტარი” - ნოდარ ტატიშვილი დაასახელა. უდაოდ ნიჭიერი მომღერალი, სხვათაშორის ერთი პერიოდი ჟურნალისტობდა კიდეც და ბევრი წლის წინათ დახურულ საზოგადოებრივ გაზეთ “ტრიბუნა”-ში ენაკვიმატი სტატიებითაც გამოირჩეოდა. ფინალში, მისი და აქამდე უცნობი ვაჟა მანიას “მეგობრული დუელი” მართლაც სასიამოვნო საყურებელი გამოდგა. “ჯეოსელის” მომხმარებელთა უფრო დიდი რაოდენობის მესიჯები ნოდიკოს ხვდა წილად და შესაბამისად ის გახდა “ჯეოსტარი 2009”. მომღერალს არც მანამდე აკლდა პოპულარობა, კონკურსები, გამარჯვებები და პრიზები, მაგრამ 3 თვე სატელევიზიო ეთერით უფასო დამატებით “რასკრუტკა”-ში მართლაც მნიშვნელოვანია გარკვეული პერიოდის მანძილზე. თუმცა, ალბათ ნოდიკოსაც “ჯეოსტარიდან” მხოლოდ “სტარის” სახელი და ნაჩუქარი პრიზები შერჩება, მაგრამ კულტურის სამინისტროში ახალი მისული “ჯეოსტარის” ჟიურის თავმჯდომარე – მარინა ბერიძე ამბობს, რომ – ამ მხრივ ყველაფერს გამაოსწორებს. თავისთავად პროეტი პოზიტიურია, თუმცა რათქმაუნდა – კომერციული და იმაზეა გათვლილი კომპანიამ მეტი “ლაი-ლაის” ბარათები გაყიდოს და მეტი მესიჯები აგზავნინოს ხალხს, რაც უდაოდ დიდი შემოსავალია “ჯეოსელისთვის”, მონაწილეებისთვის კი დრეობითი უფასო რეკლამა.

შეგიძლიათ დაგვირეკოთ და ჩვენი ჟურნალისტები მიიწვიოთ ნებისმიერი კულტ-ღონისძიების გასაშუქებლად. დარეკეთ 899-57-66-22